Job 1–3; 12–14; 19; 21–24; 38–40; 42

• Jebta ko ruo an Job, im ej kōmeļeļe kajjitōk ko kōn Satan ilo tōmak eo an Job, emaron̄ jipan̄ ro uwaan kūlaaj eo etale wūn ko aer make kōn aer tōmak ilo Jemed Ilan̄ im Jisōs Kraist. Ro uwaan kūlaaj eo remaron̄ jino ilo aer kōllaajrake jet iaan wūn ko juon armej emaron̄ kāālet n̄an pokake kakien ko an Anij. Innām remaron̄ jino lale Job 1:6–12; 2:1–6 n̄an bukot ta eo Satan ej ba kōn tōmak eo an Job. Etke ejam naj kauwatata n̄an bokake Irooj kōn wūn eo Satan ekar kāālete? Ta uwaak eo an Job ilo Job 1:20–22; 2:9–10 Kwaļo̧k kōn Job? Ro uwaan kūlaaj eo remaron̄ kōnono kōn etke rej kāālet n̄an pād wōt ilo aer tōmak ilo Anij.

  

  Job, jān Gary L. Kapp

• Ekar wōr an Job iien ko reppen ilo pere im ebber, ak lukkuun lōke eo an ilo Irooj ekar jipan̄ e ilo iien ro reppen. N̄an ekkatak jān waan jon̄ak eo an Job, ro uwaan kūlaaj eo remaron̄ pukot jet iaan eoon ko im rej kwaļo̧k jet iaan uwaak ko rem̧m̧an an Job ilo an en̄taan: Job 1:21; 2:10; 12:9–10, 16; 13:15–16; 19:23–27. Ta eo jemaron̄ ekkatak jān uwaak ko im remaron̄ jipan̄ kōj bwe jen kajoor ilo kwojarjar eļan̄n̄e jej jelm̧ae en̄taan? Etke ekauwōtata n̄an keidi ke en̄taan ko rej jorrān jān jerawiwi?

• Ennan eo an Job ilo Job 19:23–27 emaron̄ im̧we ro uwaan kūlaaj eo n̄an ļōmņak im kwaļo̧k kōn oktak ko aer make n̄an Ripinmuur, Jisōs Kraist, emour. Komaron̄ jinoe ilo am karuwaineneik ro uwaan kūlaaj eo n̄an ļōmņak naan ko an Job ilo eoon kein. Innem remaron̄ kio kōmeļeļeik kajjitōk ko āinwōt kein: Ekwe kam̧ool eo an ad Ripinmuur ej lukkun aorōk ilo iien en̄taan ko āinwōt ko an Job? Ewi wāweenan kam̧ool ko ad jipan̄ ilo iien ad en̄taan? Al ak riiti eoon ko ilo al ko kōn Jisōs Kraist, āinwōt “I Know That My Redeemer Lives” (Hymns, no. 136), emaron̄ kakobaik jeļā im kajoor in kwojarjar ilo kōnono ko am̧.

• Eitōn aolepn bok in Job (jepta 3–37) kakobaik Job im ro m̧ōttan ilo aer aetwerōk kōn kajjitōk “Etke men ro renana rej waļo̧k n̄an armej ro rem̧m̧an?” Ilo an Irooj jab uwaak likio in kajjitōk in ilo bok in Job, He letok juon ennan eo elukkuun aorōk. Komaron̄ jipan̄ ro uwaan kūlaaj eo pukot ennaan in ilo an karuwaineneik er n̄an riiti kajjitōk ko Irooj ej kajjitōk ippān Job ilo Job 38:1–7, 18–24. Ta eo jej ekkatak jān kajjitōk kein?

• Gospel eo an Jisōs Kraist ej letok meram ko jet im remaron̄ jipan̄ kōj meļeļe jet iaan wūn in en̄taan ko ilo laļ in. Ro uwaan kūlaaj eo remaron̄ kwaļo̧k m̧ool ko rejeļā kōnke Jepļaaktok eo an gospel im kar letok n̄an er eļapļo̧k maron̄ im meļeļe kōn en̄taan. Remaron̄ loi jet iaan m̧ool kein ilo jeje ko rekwojarjar im ennaan ko loi ilo “Kein Jipan̄ ko Jet.”

Laajrak in eoon kein rej letok jeļā ko kōn wūn ko an en̄taan:

• 2 Nipai 2:11–14

• Ether 12:27

• Katak im Bujen Ko 58:3–4

• Katak im Bujen Ko 122

• Moses 5:10–12

Spencer W. Kimball eaar katakin:

“Eļan̄n̄e jej ļōmņak bwe mour in eaar juon wōt m̧ōttan ad mour, innām metak, būrom̧ōj, im likjab, im mour kadu in enaaj kar nana kōjellin. Bōtaab eļan̄n̄e jej kalimjōk mour āinwōt juon men indeeo ej ļapļo̧k n̄an mour eo m̧okta im n̄an mour eo ālkin mej, innām aolep men rej waļo̧k remaron̄ in pād ilo jekjek ko rekkar.

“Ta ejjeļo̧k jeļāļo̧kjeņ ilo [Jemedwōj Ilan̄] eo ej letok kapo ko me jemaron̄ in wanlōn̄ļo̧k ilōn̄ier, eddo ko me jemaron̄ būki, jerbal n̄an kapenļo̧k majōļ ko ad, būrom̧ōj ko n̄an kajjieon̄e jetōb ko ad? Ta Jejjab ejjerwawa n̄an kapo ko n̄an idajon̄jon̄e kajoor eo ad, nan̄inmej me jemaron̄ katak kijenmej, lokjak n̄an mej me jemaron̄ in erom jab wabanban im aiboojoj?”

“Eļan̄n̄e lan̄lōn̄ im aenōm̧an kar likot ilo jidimkij eo ej kōm̧m̧an em̧m̧an, innem enkar ejjeļo̧k nana—aolep rej kōm̧m̧an em̧m̧an ejjab kōnke jim̧we eo an kōm̧m̧ani men ro rem̧m̧an. Enkar ejjeļo̧k lale kajoor ko, ejjeļo̧k eddōkļo̧k ilo m̧wil, ejjeļo̧k eddōkļo̧k ilo kajoor, ejjeļo̧k anemkwoj in kāālet” (Teachings of Presidents of the Church: Spencer W. Kimball [2006], 15).