Sam Ko 1–2; 8; 19–33; 40; 46

Laajrak eo an wiik ni ilo Itok, Ļoor Eō—N̄an Kajjojo Armej im Baam̧le ko kōketak n̄an riiti Sam Ko 1; 23; 26–28; 46 im bpukot men kein:

• Karuwainene n̄an lōke Irooj

• Naan ko rej kōmeļeļe Irooj

• Naan ko rej kōmeļeļe aenōm̧m̧an, kajoor, im jeraam̧m̧an ko jet Ej litok

• Naan ko rej kōmeļeļe wōn ro rej lōke E

Komaron̄ jei ennan kein ilo ioon board eo im karuwaineneik ro uwaan kūlaaj eo n̄an je, iturin ennaan eo juon, jet men rej loe ilo Sam Ko 1; 23; 26–28; or 46. Eļan̄n̄e rej aikuj jipan̄, komaron̄ jitōn̄ļo̧k er n̄an eoon kein: Sam Ko 1:1–4; 23:1–6; 26:1, 6–8, 12; 27:1, 3, 8, 14; 28:1, 7; 46:1–3, 10. Ro uwaan kūlaaj eo remaron̄ kwaļo̧k en̄jake eo rekar en̄jake kōn Rilo̧mo̧o̧r eo ilo aer kar riiti Sam ko.

Kōnke Sam ko rej āinwōt al ko jān riIsrael ro, komaron̄ karuwaineneik ro uwaan kūlaaj eo n̄an kwaļo̧k al eo ej kakeememej er kōn Sam ko rekar riiti ilo wiik in. Remaron̄ lale “Jeje ro Rekwojarjar” index ilo jem̧ļo̧kinļo̧k bok in al eo n̄an ļōmņak ko (bar lale laajrak eo ilo “Kein Jipan̄ Ko Jet”). Ruo uwaan kūlaaj eo remaron̄ al jet iaan al kein im lale ta in rej kōnono kake im Sam ko. Ta ennan in kaenōm̧an eo im tōmak ilo Jisōs Kraist im jej loe?

Riiti Sam ko—eļaptata ro im rej jitōn̄ļo̧k mour eo an Rilo̧mo̧o̧r—emaron̄ juon jōkjōk eo n̄an kōkajoorļo̧k tōmak ilo Jisōs Kraist. Komaron̄ kōjenolo̧k kūlaaj eo ilo ruo kumi ak elōn̄ļo̧k im leļo̧k n̄an kajjojo kumi juon iaan laajrak in ioon kein: Sam Ko 2:1–3 im Jerbal 4:24–28; Sam Ko 2:7 im Jerbal 13:30–33; Sam Ko 22:1 im Matu 27:45–46; Sam Ko 22:7–8 im Matu 27:39–43; Sam Ko 22:16 im Luke 23:32–33; Sam Ko 22:18 im Matu 27:35; Sam Ko 31:5 im Luk 23:46. Kajjitōk ippān kajjojo kumi n̄an pukot ewi wāween an kanaan ko ilo Sam Ko kar kūrm̧ool ilo mour eo an Rilo̧mo̧o̧r eo im kōmeļeļeik ewi wāween an jeje ko rekwojarjar kōkajoorļo̧k naan in kam̧ool ko aer kōn Rilo̧mo̧o̧r eo.

Ak komaron̄ je kein jipan̄ jet jān jeje ko rekwojarjar ioon boot eo im karuwaineneik ro uwaan kūlaaj eo n̄an kajim̧we eoon kein jān Sam Ko ippān uwaak ko jān Kallim̧ur Ekāāl.

Komaron̄ bar ro uwaan kūlaaj eo n̄an kwaļo̧k jipan̄ ko jet n̄an Rilomo̧o̧r eo im raar loi ilo aer kar ettakat Sam ko (āinwōt Sam Ko 34:20; 41:9; bar lale Luk 24:44).

Ālkin an ro uwaan kūlaaj eo kameļeļe eoon kein, remaron̄ kōnono kōn etke sam ko rej eoon ko rej aorōk n̄an Rijew ro rejeļā kōn Rilo̧mo̧o̧r eo. Etke rej aorōk n̄an kōj?

N̄an jipan̄ ro uwaan kūlaaj eo kameļeļe kōn pija im lōm ko ilo Sam Ko 23, kāālet n̄an kwaļo̧k pija ko im rej einļo̧kwōt ennan in ilo sam ko, āinwōt ko ilo Itok, Ļoor Eo—N̄an Kajjojo Armej im Baam̧le ko. Innām kiō komaron̄ kajjitōk ippān ro uwaan kūlaaj eo n̄an kwaļo̧k meļeļein naan ak ennaan ko ilo sam ko im kōmeļeleik ta eo rej bōk jikin. Waanjon̄ak, ta ennaan kein im rej āinwōt “babu ilo meḷaaj in wūjooj e maroro” ak “iturin dān ko re ḷae” bōktok n̄an kōļmenļo̧kjeņ? Ta in kaenōm̧m̧an “aļaļ” im “joor” kōkaļļen? Emaron̄ ta meļeļein n̄an ad “kab” n̄an ettor ioon? Ta eo kakōļļe kein rej katakin kōj kōn Jisōs Kraist? Komaron̄ barāinwōt kwaļo̧k bwe ro uwaan kūlaaj eo ren etale sam ko, bōk jet iaan kōkaļļe ko im rej meļeļein ilo an kūlaaj eo kameļeļeik.

Sam Ko 8:3–9; 9:1–2. “How Great Thou Art” (Hymns, no. 86)

Sam Ko 23. “The Lord Is My Shepherd,” “The Lord My Pasture Will Prepare” (Hymns, nos. 108, 109)

Sam Ko 23:6; 150. “Praise to the Lord, the Almighty” (Hymns, no. 72)

Sam 26:8. “We Love Thy House, O God” (Hymns, no. 247)

Sam Ko 27:1. “The Lord Is My Light” (Hymns, no. 89)

Sam Ko 33:1–6; 95:1–6. “For the Beauty of the Earth” (Hymns, no. 92)

Sam ko 37:3–9. “Be Still, My Soul” (Hymns, no. 124)

Sam Ko 148. “All Creatures of Our God and King” (Hymns, no. 62)