Sam Ko 49–51; 61–66; 69–72; 77–78; 85–86

• Sam Ko 51 Kōmeļeļe en̄jake ko im elōn̄ ro uwaad ewōr ippāer ilo aer pukot n̄an ukweļo̧k n̄an jeo̧rļo̧k bōd. N̄an jipan̄ ro uwaak kūlaaj eo meļeļe kōn ukweļo̧k im en̄jake n̄an emakijkij ukweļo̧k, komaron̄ kāidi ke rekar pukot Sam Ko 51 ippen kajjitōk in ilo ļōmņak ko ad: Ta meļeļein n̄an ukweļo̧k? Innem kōtļo̧k bwe ren kwaļo̧k uwaak ko. (“Ket kein Jipan̄” ewōr kein jipan̄ ie.) Etke ukweļo̧k jet iien ej pād n̄an kōmeļeļe ki? Ta eo jej loe ilo sam im emaron̄ kōm̧m̧an bwe ukweļo̧k en juōn menin lan̄lōn̄?

• Ewi wāween ad maron̄ kōmeļeļeik ta en̄jake ko n̄an bōk jeorļo̧k in jerawiwi jān kajoor in pinmour eo an Jisōs Kraist? Karuwaineneik ro uwaak kūlaaj eo n̄an kwaļo̧k ļōmņak ko aer, im kōketak er n̄an pukot eoon ko ilo Sam Ko 51; 85–86 im ej kōmeļeļeik kōn tokjān An karreo jerawiwi ko ilo mour kein ad (waanjon̄ak, lale Sam Ko 51:1–2, 7–12; 85:2–9). Ļōmņak n̄an kaddep pija ko ak men ko n̄an jipan̄ ro uwaak kūlaaj eo pijakiļo̧k naan kein. Ro uwaan kūlaaj eo remaron̄ kwaļo̧k en̄jake ko aer kōn Rilo̧mo̧o̧r Jisōs Kraist im An maron̄ pinmuur kōn jerawiwi ko ad im meļo̧kļo̧ki. Komaron̄ al ippān doon juon al kōn pinmuur eo an Rilo̧mo̧o̧r, eo āinwōt “Ij Lokjenaō” (Al, nō. 14).

• N̄an ukweļo̧k, jej aikuj tōmak ejjab bwe Jisōs Kraist maron̄ karreok kōj wōt bōtaab E emaron̄ bar naaj. Ro uwaak kūlaaj eo remaron̄ bar loe eoon ko ilo Sam Ko 51; 85–86 ilo wiik im rej kōkajoorļo̧k tōmak ko aer ilo an Irooj maron̄ meļo̧kļo̧k jerawiwi ko. Kōketak er n̄an kwaļo̧k ta eo rekar loe. Komaron̄ jitōn̄ļo̧k er n̄an Sam Ko 86:5, 13, 15 im kajjitōk ta meļeļein eoon kein rej katakin kōn Irooj. Ta meļeļein bwe E ej “ļap an tiriam̧o im m̧ool”? (eoon 15). Etke eaorōk n̄an kōj n̄an jeļā menin?

• Juon iaan kōjeraam̧m̧an ko n̄an kuktok ippān doon ilo Jabōt Jikuuļ ej iien em̧m̧an n̄an kōkajoorļo̧k tōmak im naan in kam̧ool ko jān ro jet rikaļooraņ Jisōs Kraist. N̄an leļo̧k iien in em̧m̧an n̄an kūlaaj eo am̧, komaron̄ kajjitōk ippen ro uwaan kūlaaj eo n̄an riiti Sam Ko 66:16 im ļōmņak kōn kajjitōk in: Eļan̄n̄e kwon kar tōn “kwaļo̧k ta [eo Irooj] ekar kōm̧m̧ane n̄an [kwe],” ta eo kwon kar kwaļo̧ke? Ilo aer ļōmņak, remaron̄ riiti eoon 5–20 n̄an jet ļōmņak. Kōtļo̧k bwe ren jei uwaak ko aer. Innām karuwaineneik er n̄an “kwaļo̧k” n̄an ro jet—ilo juon kumi jidikdik ak aolepen kūlaaj eo—ta eo Jisōs Krasit ekar kōm̧m̧ane n̄an kwe.

  

Būreejtōn Russell M. Nelson ekar kōmeļeļeik ukweļo̧k ilo jōkjōk in:

“Ke Jisōs ekar kajjitōk ippem̧ im ippa n̄an ‘ukweļo̧k,’ E ej karuwaineneik kōj n̄an oktak ilo kōļmenļo̧kjeņ, ad jeļā, ad jetōb—bar ilo jōkjōk in ad menono. Ej kajjitōk ippād n̄an ukōte wāween ad iakwe, ļōmņak, jerbal, joļo̧k ad iien, kōm̧m̧an n̄an kōrā ro pāleed, katakin ajri ro nejid, im aaet kōjparok ānbwinnid.

Ejjeļo̧k juon men ej kanemkwoj eļapļo̧k, wōr tokjen, ak aorōkļo̧k n̄an juon jān ukweļo̧k eo emakijkij im ej kōm̧m̧an aolep iien im aolep raan. Ukweļo̧k ejjab juon m̧akūtkūt, ej juon wāween jerbal. Ej kii eo n̄an lem̧ōņōņō im aenōm̧m̧an ilo kōļmenļo̧kjeņ. N̄e ippān doon ilo tōmak, ukweļo̧k ej kōppeļļo̧k ad deļo̧n̄e kajoor in Pinmuur eo an Jisōs Kraist. …

“N̄e jej kāālet n̄an ukweļo̧k, jej kāālet n̄an oktak! Jej kōtļo̧k an Rilo̧mo̧o̧r eo ukōt kōj n̄an juon nememe eo ekāāl ad make. Jej kāālet n̄an eddōļo̧k ilo jetōb im bōk lan̄lōn̄—lan̄lōn̄ eo jān pinmuur ilo E. N̄e jej kāālet n̄an ukweļo̧k, jej kāālet n̄an erom̧ āinwōt Jisōs Kraist!”” (“Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧k,” Kweilo̧k eo Eļap, Epr 2019).