آپ کے خاندانی مُطالعہِ صحائف کو بہتر بنانے کے لیے تجاویز

خاندان کے اَرکان کو صحائف کے ایسے حصوں کا اشتراک کرنے کا وقت دیں جو اُنھیں اپنی ذاتی مطالعہ کے دوران معنی خیز لگے ہوں۔

خاندان کے اَرکان کو دعوت دیں کہ وہ مُطالعہِ صحائف سے حاصل کردہ فہم کا اپنے اِلفاظ میں خلاصہ پیش کریں۔

صحیفہ کی عبارت پڑھنے کے بعد، خاندان کے اَرکان سے گُزارش کریں کہ ایسے طریقوں کا اشتراک کریں جن سے وہ عبارت اُن کی زندگیوں پر لاگو ہوتی ہے۔

خاندانی اَرکان کو اِنجیلی سوال پوچھنے کی دعوت دیں، اور پھر ایسی آیات کی تلاش میں وقت گزاریں جو اُس سوال کے جواب میں مدد دے سکیں۔

ایک معنی خیز آیت منتخب کریں، اور اُسے ایسی جگہ لگائیں جہاں سےخاندانی اَرکان اُسے اکثر دیکھ سکیں۔ دیگر افرادِ خانہ کو نمائش کرنے کے لیے صحیفے منتخب کرنے کے لیے باری لینے کا موقع دیں۔

بحیثیت خاندان، متعدد ایسی آیات کا انتخاب کریں جن پر آپ آئندہ ہفتے کے دوران گفتگو کرنا چاہتے ہیں۔

صحیفہ کی ایک عبارت کا انتخاب کریں جو آپ کے خاندان کے لیے معنی خیز ہو، اور خاندانی اَرکان کو اِسے روزانہ دہرا کر یا یاد کرنے کا کھیل کھیل کر اِسے یاد کرنے کی دعوت دیں۔

ایسی چِیزیں ڈھونڈیں جو اُن ابواب اور آیات سے متعلق ہوں جو آپ بطور خاندان پڑھ رہے ہیں۔ خاندانی اَرکان کو دعوت دیں کہ اِس بارے میں بات کریں کہ ہر چِیز کیسے صحائف کی تعلیمات سے مطابقت رکھتی ہے۔

خاندانی اَرکان یَکے بعد دیگرے ایک ایسے موضوع کا انتخاب کریں جن کا خاندان ایک ساتھ مل کر مُطالعہ کرے گا۔ موضوع کے بارے میں صحائف کی عبارتوں کو تلاش کرنے کے لیے Topical Guide, the Bible Dictionary، یا the Guide to the Scriptures (scriptures.ChurchofJesusChrist.org) کا استعمال کریں۔

بطور خاندان چند آیات پڑھیں، اور پھر خاندانی اَرکان کو اُس سے متعلق ایک تصویر بنانے کے لیے وقت دیں۔ ایک دُوسرے کی تصاویر پر گفتگو کرنے میں وقت گزاریں۔

کہانی پڑھنے کے بعد، خاندانی اَرکان کو اِس کی کردار نگاری کرنے کی دعوت دیں۔ اِس کے بعد، اِس بارے میں بات کریں کہ کہانی اُن چِیزوں سے کیسے مطابقت رکھتی ہے جن کا آپ انفرادی طور پر اور بطور خاندان تجربہ کر رہے ہیں۔