“අගෝස්තු 23–29. 1 කොරින්ති 8–13: ‘නුඹලා ක්රිස්තුස්වහන්සේගේ ශරීරය වෙති’” එන්න, මා අනුගමනය කරන්න—පුද්ගලයන් සහ පවුල් සඳහා: අලුත් ගිවිසුම 2021 (2020)
“අගෝස්තු 23–29. 1 කොරින්ති 8–13,”එන්න, මා අනුගමනය කරන්න—පුද්ගලයන් සහ පවුල් සඳහා: අලුත් ගිවිසුම 2021
අගෝස්තු 23–29
1 කොරින්ති 8–13
“නුඹලා ක්රිස්තුස්වහන්සේගේ ශරීරය වෙති”
ඔබ යාච්ඤා පූර්වකව 1 කොරින්ති 8–13 කියවනවිට, ශුද්ධාත්මයාණන් ඔබට සියුම් ආකාර වලින් කථා කරනු ඇත (බලන්න 1 රාජාවලිය 19:11–12). මෙම හැඟීම් සටහන් කිරීම ඔබේ අධ්යයනයේදී ඔබට ඇතිවූ හැඟීම් සහ සිතුවිලි සිහිපත් කිරීමට උපකාරී වේ.
ඔබේ හැඟීම් සටහන් කරන්න
පාවුල්ගේ කාලයේදී, රෝම අධිරාජ්යයේ සෑමතැනකම පදිංචිකරුවන් සමග කොරින්තිය ධනවත් වෙළඳ මධ්යස්ථානයක් විය. නගරයේ විවිධ සංස්කෘතීන් සහ ආගම් රාශියක් සමග කොරින්තියේ සභාවේ සාමාජිකයන් සමගිය පවත්වාගැනීමට මහත් පරිශ්රමයක් දැරූ නිසා ක්රිස්තුස්වහන්සේ කෙරෙහි ඔවුන්ගේ ඇදහිල්ල තුළ සමගිය ඇතිකරගැනීමට පාවුල් ඔවුන්ට උදව් කිරීමට උත්සාහ කළේය. මෙම එකමුතුව සාමකාමී සහජීවනයකට වඩා වැඩි යමක් විය; පාවුල් ඔවුන්ගෙන් ඉල්ලාසිටියේ හුදෙක් එකිනෙකාගේ වෙනස්කම් ඉවසීමට නොවේ. ඒවෙනුවට ඔහු ඉගන්වූයේ, ඔබ යේසුස් ක්රිස්තුස්වහන්සේගේ සභාවට සම්බන්ධ වන විට “එක ශරීරයකට බෞතිස්ම වන බව” සහ ශරීරයේ සෑම කොටසක්ම අවශ්ය වන බවත්ය (1 කොරින්ති 12:13). එක් සාමාජිකයෙකු අහිමිවූ විට, එය අවයවයක් අහිමි වීමක් වැනි වන අතර එහි ප්රතිඵලයක් ලෙස ශරීරය දුර්වල වේ. එක් සාමාජිකයෙකු දුක්විඳින විට, අප සැමට එය දැනිය යුතු අතර එය සමනය කිරීම සඳහා අපගේ කොටස කළ යුතුය. මේ ආකාරයේ එකමුතුවක් තුළ, වෙනස්කම් හුදෙක් පිළිගැනීම පමණක් නොව ආදරයෙන් රැකබලාගනු ලැබේ, මන්ද විවිධ තෑගි සහ හැකියාවන්ගෙන් යුත් සාමාජිකයන් නොමැතිව ශරීරය සීමිත වනු ඇත. ඔබ සැමවිටම සභාවේ නිවසේ සිට ඇති බවක් ඔබට දැනුනත් ඔබ සැබවින්ම අයිති දැයි ඔබ කල්පනා කලත්, පාවුල් ඔබට දෙන පණිවිඩය නම්, එකමුතුකම සමානකමක් නොවන බවයි. ඔබට ඔබේ සෙසු සාන්තුවරයන් අවශ්යයි, ඔබේ සෙසු සාන්තුවරයන්ට ඔබව අවශ්යයි.
පුද්ගලික ශුද්ධලියවිලි අධ්යයනය සඳහා අදහස්
1 කොරින්ති 10:1–13
පරීක්ෂාවෙන් ගැලවීමට දෙවියන්වහන්සේ ක්රමයක් සපයයි.
අධ්යාත්මික අත්දැකීම්, ආශ්චර්යමත් ඒවා පවා “මිනිසාට පොදු” වන පරීක්ෂාවන්ගෙන් අපව නිදහස් නොකරයි (1 කොරින්ති 10:13). මෝසෙස්ගේ කාලයේ සිටි ඊශ්රායෙල්වරු බලවත් ප්රාතිහාර්යයන් දුටුවද ඔවුන් පරීක්ෂාවන්ට මුහුණදුන් ආකාරය ගැන පාවුල් ලියූ එක් හේතුවක් එය විය හැකිය (නික්මයාම 13:21; 14:13–31 නික්මයාම බලන්න). ඔබ 1 කොරින්ති 10:1–13 කියවන විට, ඊශ්රායෙල්වරුන්ගේ අත්දැකීම් තුල ඔබට අදාළ යැයි පෙනෙන අනතුරු ඇඟවීම් මොනවාද? පරීක්ෂාවෙන් ගැලවීම සඳහා ස්වර්ගික පියාණන්වහන්සේ ඔබට ලබාදී ඇත්තේ කවර ආකාරයේ “ගැලවීමක්ද”? (තවත් බලන්න ඇල්මා 13:27–30; 3 නෙපි 18:18–19).
බලන්න 1 කොරින්ති 10:16–30; 1116–30.
සක්රමේන්තුව අපව ක්රිස්තුස්වහන්සේගේ අනුගාමිකයන් ලෙස එක්සත් කරයි.
සක්රමේන්තු වත්පිළිවෙතට පුද්ගලයෙකු සහ ස්වාමින්වහන්සේ අතර පෞද්ගලික කැපවීමක් ඇතුළත් වුවද, එය අප අන් අය සමගද බෙදාගන්නා අත්දැකීමකි—අප සෑමවිටම පාහේ සාන්තුවරයන්ගේ ශරීරයක් ලෙස සක්රමේන්තුවට සහභාගී වෙමු. සක්රමේන්තුව ගැන පාවුල් ඉගැන්වූ දේ කියවා, “බොහෝදෙනෙකුට” ක්රිස්තුස්වහන්සේ තුළ “එකෙකු” වීමට මෙම පරිශුද්ධ වත්පිළිවෙත උපකාර කරන්නේ කෙසේදැයි සිතා බලන්න (1 කොරින්ති 10:17). වෙනත් ඇදහිලිවන්තයන් සමග සක්රමේන්තුවෙහි යෙදීමෙන් ඔබට ශක්තිය ලැබෙන්නේ කෙසේද? මෙය ඔබ සක්රමේන්තුව සඳහා සූදානම් වන ආකාරය සහ ඔබේ බව්තීස්ම ගිවිසුම් පවත්වාගැනීමට උත්සාහ කරන ආකාරය කෙරෙහි බලපාන්නේ කෙසේද?
1 කොරින්ති 11:3–15
හිස් ආවරණ සහ කොණ්ඩා මෝස්තර ගැන පාවුල් ලිව්වේ ඇයි?
පුරුෂයින්, ස්ත්රීන් හා ස්වාමින්වහන්සේ අතර ඇති සබඳතා ගැන ඉගැන්වීමට, ඇඳුම් පැළඳුම් හා ඇඳුම් පැළඳුම් පිළිබඳ සංස්කෘතික සිරිත් විරිත් ගැන පාවුල් සඳහන් කළේය. අද අපි මෙම චාරිත්ර වාරිත්ර අනුගමනය නොකලත්, විවාහය හා සභාව යන දෙකෙහිම ස්වාමින්වහන්සේගේ සැලැස්මෙහි පුරුෂයන් හා ස්ත්රීන් අවශ්ය බව 1 කොරින්ති 11:11 හි පාවුල්ගේ ප්රකාශයෙන් අපට ඉගෙනගත හැකිය. වැඩිහිටි ඩේවිඩ් ඒ.බෙඩ්නර් ඉගැන්වූ ලෙස, “පුරුෂයා සහ ස්ත්රිය ඔවුන් උසස්වීම කෙරෙහි එකට වර්ධනය වන විට එකිනෙකාගෙන් ඉගෙනගැනීමට, ශක්තිමත් කිරීමට, ආශිර්වාද කිරීමට හා සම්පූර්ණ කිරීමට අදහස් කර ඇත” (“We Believe in Being Chaste,” Ensign or Liahona, May, 2013, 42; තවත් බලන්න මාර්ක් 10:6–9).
1 කොරින්ති 12–13
අධ්යාත්මික දීමනා ලබාදෙන්නේ ස්වර්ගික පියාණන්ගේ සියලු දරුවන්ට ප්රයෝජනවත් වීම සඳහාය.
1 කොරින්ති 12–13 හි ඇති අධ්යාත්මික දීමනා ලැයිස්තුව පරිපූර්ණ නොවේ. නමුත් ස්වර්ගික පියාණන්වහන්සේ ඔබට දී ඇති අධ්යාත්මික දීමනා හඳුනාගෙන මෙනෙහි කිරීමට එය ආරම්භයකි. Gospel Topics හි “Spiritual Gifts” ලිපිය (topics.ChurchofJesusChrist.org) මෙම දීමනා වඩා හොඳින් තේරුම්ගැනීමට ඔබට උදව් වනු ඇත. ඔබ අන් අය තුළ, ඔබ තුළ හෝ ශුද්ධලියවිලි පදවල සිටින පුද්ගලයින් තුළ දැක ඇති දීමනා පාවුල්ගේ ලැයිස්තුවට එකතු කළ හැකිය. ඔබට ආදීපීතෘ ආශිර්වාදයක් තිබේ නම්, එහිද ඔබගේ අධ්යාත්මික දීමනා කිහිපයක් සඳහන් විය හැකිය. මෙම දීමනා අපට දේවරාජ්යය ගොඩනැගීමට උපකාරී වන්නේ කෙසේද? “අවංකවම වඩා උතුම් දීමනා” සෙවීමට ඔබ කරන්නේ කුමක්ද යන්න සලකා බලන්න (1 කොරින්ති 12:31).
තවත් බලන්න මොරෝනි 10:8–21. 30; දහම සහ ගිවිසුම 46:8–26; Articles of Faith 1:7.
පවුල් ශුද්ධලියවිලි අධ්යයනය සහ පවුල් නිවාස සැඳෑව සඳහා අදහස්
ඔබ ඔබේ පවුලේ අය සමග ශුද්ධලියවිලි කියවන විට, ඔබේ පවුලේ අවශ්යතා සපුරාලීම සඳහා අවධාරණය කළ යුතු හා සාකච්ඡා කළ යුතු මූලධර්ම මොනවාදැයි දැනගැනීමට ආත්මයාණන්ට උපකාර කළ හැකිය. පහත යෝජනා උපකාරී විය හැකිය:
1 කොරින්ති 9:24–27
පාවුල් ශුභාරංචිය ජීවත්වීම තරඟයක් හා සැසඳූ හෙයින්, ඔහුගේ අදහස පැහැදිලි කිරීම සඳහා ඔබට පවුලේ තරඟයක් පැවැත්විය හැකිය. තරඟය අවසන් කරන සැමට ඔටුන්නක් ප්රදානය කරන්න, මේ ජීවිතයේදී යේසුස් ක්රිස්තුස්වහන්සේව උනන්දුවෙන් අනුගමනය කරන සියල්ලන්ට “නොදිරන” ත්යාගයක් ලැබෙනේ කෙසේද යන්න සාකච්ඡා කරන්න (1 කොරින්ති 9:25; තිමොති 4:7–8). තරඟයක් සඳහා සූදානම් වීමට ශූර ධාවකයෙකු කුමක් කරයිද? ඒ හා සමානවම, ස්වර්ගික පියාණන්වහන්සේ වෙත නැවත යාමට සූදානම් වීමට අපට කුමක් කළ හැකිද?
පාවුල් ශුභාරංචියට අනුව ජීවත්වීම තරඟයක් හා සමාන කළේය.
1 කොරින්ති 12:1–11
ඉහළින් තවත් පවුලේ සාමාජිකයෙකුගේ නම සමග, කඩදාසි කැබැල්ලක් සෑමකෙනෙකුටම ලබාදීම ගැන සලකා බලන්න. එම පුද්ගලයා සතුව ඇති අධ්යාත්මික දීමනා ලැයිස්තුගත කිරීමට සෑම කෙනෙකුටම පවසන්න. සෑම පවුලේ සාමාජිකයෙකුගේම දීමනා ගැන ලිවීමට සෑම කෙනෙකුටම අවස්ථාව ලැබෙන තුරු ඔබට එම කඩදාසි කැබැල්ල රවුමක් ආකාරයෙන් යැවිය හැකිය.
1 කොරින්ති 12:3
යේසුස් ක්රිස්තුස්වහන්සේ ගැන සාක්ෂියක් ලබාගැනීමට ශුද්ධාත්මයාණන්වහන්සේ අවශ්ය වන්නේ ඇයි? උන්වහන්සේ පිළිබඳ අපගේ සාක්ශි ශක්තිමත් කරගැනීමට ශුද්ධාත්මයාණන්වාහන්සේට ආරාධනා කිරීමට අපට කුමක් කළ හැකිද?
1 කොරින්ති 12:12–27
ශරීරය පිළිබඳ පාවුල්ගේ ප්රතිසමතාව පවුල් සමගිය ගැන සාකච්ඡා කිරීමට අමතක නොවන ක්රමයක් විය හැකිය. උදාහරණයක් වශයෙන්, පවුලේ සාමාජිකයින්ට ඇස් හෝ කන් වලින් පමණක් සාදන ලද ශරීරයක් ඇඳීමට උත්සාහ කළ හැකිය (බලන්න 17 පදය). පවුලේ සාමාජිකයන් ලෙස අපි එකිනෙකාට සැලකිය යුතු ආකාරය ගැන මෙම පද වලින් යෝජනා කරන්නේ කුමක්ද?
1 කොරින්ති 13:4–8
ප්රේමය පිළිබඳ පාවුල්ගේ අර්ථදැක්වීම, ඔබේ පවුලට ආනුභාව සම්පන්න ආදර්ශ පාඨයක් විය හැකිය. 4–8 පදයන්හි වාක්යයක් අධ්යයනය කර, එම වාක්ය නිර්වචන, උදාහරණ සහ පුද්ගලික අත්දැකීම් භාවිතා කිරීමෙන් අදහස් කරන්නේ කුමක්ද යන්න පවුලේ අනෙක් අයට ඉගැන්වීමට පවුලේ සෑම සාමාජිකයෙකුටම පැවරිය හැකිය. ගැලවුම්කරුවාණන් මෙම ගුණාංග වලට උදාහරණයක් වන්නේ කෙසේද? ඔබට මෙම සෑම වාක්ය ඛණ්ඩයක් සඳහාම පෝස්ටර් සාදා ඒවා ඔබේ නිවස පුරා ප්රදර්ශනය කළ හැකිය. නිර්මාණශීලී වන්න!
දරුවන්ට ඉගැන්වීමට තවත් අදහස් සඳහා, Come, Follow Me—For Primary හි මෙම සතියේ ආකෘතිය බලන්න.
අපගේ ඉගැන්වීම වැඩිදියුණු කිරීම
පින්තූරයක් ප්රදර්ශණය කරන්න. ඔබ අර්ථවත් යැයි පෙනෙන පදයක් පවුලේ සාමාජිකයන් නිතර දකින ස්ථානයක ප්රදර්ශනය කරන්න. ප්රදර්ශනය කිරීම සඳහා ශුද්ධලියවිලි පදයක් තෝරාගැනීමට වාරයක් ලබාගැනීමට වෙනත් පවුලේ සාමාජිකයින්ට ආරාධනා කරන්න.
“අප විසින් කඩන රොටිය ක්රිස්තුස්වහන්සේගේ ශරීරයේ සහභාගී කමක් නොවේද? කුමක්හෙයින්ද බොහෝදෙනෙක් වූ අපි එක රොටියක්ය, එක ශරීරයක්ය” (1 කොරින්ති 10:16–17).