1 කොරින්ති 14–16

අනාගත වාක්‍යයේ දීමනාව කුමක්ද කියා ඔබ කවදා හෝ කල්පනාකර තිබෙනවාද? එය අනාගතය ගැන අනාවැකි කීමේ හැකියාවද? ඕනෑම කෙනෙකුට මෙම දීමනාව ලබාගත හැකිද? නැතිනම් එය දිවැසිවරුන් සඳහා පමණක්ද?

මුළු සභාව වෙනුවෙන්ම අනාවැකි කීමට සහ එළිදරව් ලබාගැනීමට හැකි එකම පුද්ගලයා සභාවේ සභාපතිවරයා වේ; කෙසේවෙතත් ශුද්ධලියවිලි වලට මගපෙන්වීම් අනාගත වාක්‍යය අර්ථදක්වන්නේ ශුද්ධාත්මයාණන්වහන්සේගේ එළිදරව් කිරීම තුලින් පුද්ගලයෙකුට ලැබෙන “දිව්‍යමය දේවානුභාවයෙන් යුත් වචන හෝ ලියවිලි ලෙසයි. … පුද්ගලයෙකු අනාවැකි කියන විට, ඔහු කථාකරන්නේ හෝ ලියන්නේ ඔහුගේ යහපත හෝ අන් අයගේ යහපත වෙනුවෙන් දෙවියන්වහන්සේ ඔහු දැනගන්නවාට කැමති දේයි” (Guide to the Scriptures, “Prophecy,” scriptures.ChurchofJesusChrist.org; දහම සහ ගිවිසුම 100:5–8)ද බලන්න. එළිදරව් 19:10 ද අනාවැකි ආත්මය “යේසුස්වහන්සේගේ සාක්ශිය” ලෙස අර්ථදක්වයි.

කොරින්ති 14:3, 31, 39–40 තුලින් ඔබ මෙම ආත්මික දීමනාව පිළිබඳව ඉගෙනගත්තේ කුමක්ද? “අනාගත වාක්‍ය කීමට අශාවෙයල්ලා” කියා කොරින්තිවරුන්ට ආරාධනා කළවිට පාවුල් අදහස් කළේ කුමක් විය හැකිද? (1 කොරින්ති 14:39). මෙම ආරාධනය ඔබට පිළිගත හැක්කේ කෙසේද?

ගණන් කතාව 11:24; යාකොබ් 4:6–7; ඇල්මා17:3; දහම සහ ගිවිසුම 11:23–28 ද බලන්න.

1 කොරින්ති 14:34–35 හි පාවුල්ගේ ඉගැන්වීම් වල ව්‍යාකූල බවක් පෙනෙන්නට තිබේ, මන්ද මීට පෙර මෙම ලිපියේම කාන්තාවන් යාච්ඤා කර අනාගත වාක්‍ය පැවසූ බව ඔහු විසින්ම ලියා ඇත 1 කොරින්ති 11:5). ජොසෆ් ස්මිත්ගේ පරිවර්තනයෙහි 34 සහ 35 වන වගන්ති වල කථාකරන්න යන වචනය පාලනය යන වචනයත් සමග ප්‍රතිස්ථාපනය කර ඇත. මෙම පැහැදිලි කිරීමෙන් ඇඟවෙන්නේ සහාවේ රැස්වීම් වලදී බලය පැහැරගැනීමට උත්සහ කල කාන්තාවන් ගැන පාවුල් සඳහන් කරන්නට ඇති බවයි. (1 තිමොති 2:11–12 ද බලන්න.)

“Women in the Church” Gospel Topics, topics.ChurchofJesusChrist.org ද බලන්න.

යේසුස් ක්‍රිස්තුස්වහන්සේගේ මරණයෙන් නැවත නැගිටීම ක්‍රිස්තියානි දහමට කෙතරම් මූලිකදයත්, එය නොමැතිව ක්‍රිස්තියනි දහමක් නොමැති බව කෙනෙකුට පැවසිය හැකිය— පාවුල්ගේ වචන වලින් පවසනවානම්, “එසේනම් අපගේ දේශනාකිරීම නිෂ්ඵලය, නුඹලාගේ ඇදහීමත් නිෂ්ඵලය (1 කොරින්ති 15:14). එසේවුවත් සමහර කොරින්ති සාන්තුවරයන් උගන්වමින් සිටියේ “මළවුන්ගෙන් නැගිටීමක් නැතැයි” කියාය (1 කොරින්ති 15:12). ඔබ 1 කොරින්ති 15 හි පාවුල්ගේ ප්‍රතිචාරය කියවන විට, ඔබ මරණයෙන් නැවත නැගිටීම පිළිබඳව විශ්වාස නොකළේ නම් ඔබේ ජීවිතය වෙනස්වන්නේ කෙසේදැයි මොහොතක් මෙනෙහි කරන්න. එය ඔබට ආශිර්වාද කර ඇත්තේ කෙසේද? යේසුස් ක්‍රිස්තුස්වහන්සේ මරණයෙන් නැවත නැගිටි නිසා ඔබට ලැබෙන ආශිර්වාද මොනවාද? (2 නෙපි 9:6–19; ඇල්මා40:19–23; දහම සහ ගිවිසුම 93:33–34 බලන්න). “ක්‍රිස්තුස්වහන්සේ මරණයෙන් නැවත නොනැගිටුණු සේක්නම්, නුඹලාගේ ඇදහීම නිශ්ඵලය” යන වාක්‍යයෙන් ඔබට අදහස් කරන්නේ කුමක්ද? (17 වන පදය).

මරණයෙන් නැවත නැගිටුවනු ලැබූ ශරීරයක් කුමනාකාරයිද කියා ඔබ කවදා හෝ කල්පනාකර තිබේද? 1 කොරින්ති 15:35 අනුව , සමහර කොරින්තිවරුන් එසේ කල්පනාකර තිබේ. 36–54 පද තුල පාවුල්ගේ පිළිතුර කියවා, මරණීය ශරීර සහ මරණයෙන් නැවත නැගිටුවනු ලැබූ ශරීර අතර ඇති වෙනස්කම් පැහැදිලි කරන වචන සහ පද සටහන් කරන්න. උදාහරණයක් ලෙස 40–42 පද සූර්‍යයා, චන්ද්‍රයා සහ තාරකා දීප්තියෙන් වෙනස්වනවා සේම, මරණයෙන් නැවත නැගිටුවනු ලැබූ ශරීර විවිධාකාර තේජසින් බැබළෙන බව උගන්වයි (ජොසෆ් ස්මිත් පරිවර්තනයේ 1 කොරින්ති 15:40; දහම සහ ගිවිසුම 76:50–112 ද බලන්න).

ඇල්මා 11:43–45; ලූක් 24:39 ද බලන්න.

පුරාණ සාන්තුවරයන් අපි අද සභාව තුල කරනවාසේම, මළවුන් බෞතිස්මය සඳහා සහභාගී වූ බව 29 පදයෙන් අපි ඉගෙනගනිමු. දේවමාළිගා වත්පිළිවෙත් සඳහා අපගේ මුතුන්මිත්තන්ගේ නම් සූදානම් කිරීමේදී පවුලක් ලෙස අප එය කරන්නේ කෙසේද? “Baptisms for the Dead,” Gospel Topics, topics.ChurchofJesusChrist.org ද බලන්න.

මරණීය ශරීර වලට වඩා මරණයෙන් නැවත නැගිටුවනු ලැබූ ශරීර වෙනස්වන්නේ කෙසේද යන්න විස්තර කිරීමට පාවුල් භාවිතා කරන සමහර යෙදුම් තේරුම්ගැනීමට ඔබේ පවුලට උපකාර කිරීමට ඔබට පෙන්විය හැකි වස්තූන් හෝ පින්තූර මොනවාද? උදාහරණයක් ලෙස, දිරන සුළු සහ නොදිරන සුළු අතර වෙනස පෙන්වීමට (52–54 පදබලන්න) ඔබට මලකඩ බැඳෙන (යකඩ වැනි) සහ මලකඩ නොබැඳෙන (මල නොබැඳෙන වානේ වැනි) ලෝහ පෙන්විය හැකිය. නැතිනම් දුර්වල දෙයක් ශක්තිමත් දෙයක් සමග සැසඳිය හැකිය (43 පදය බලන්න).

අභාවප්‍රාප්ත වූ අයෙකු ඔබේ පවුලේ අය දන්නවා නම් මෙම වගන්ති පිළිබඳ සාකච්ඡාවක් විශේෂයෙන් අර්ථවත් වනු ඇත. යේසුස් ක්‍රිස්තුස්වහන්සේ “මරණයේ කටුව“ ඉවත්කරන්නේ කෙසේද කියා පවුලේ සාමාජිකයන්ට සාක්ශි බෙදාගත හැකිය (56 පදය). ”And There Shall Be No More Death“ යන වැඩිහිටි පෝල් වී. ජොන්සන්ගේ පණිවිඩය (Ensign or Liahona, May 2016, 121–23) ඔබේ සාකච්ඡාවට හොඳ එකතු කිරීමක් විය හැකිය.

ඔබේ පවුලේ සාමාජිකයන්ට මෙම වගන්තිය අදාළ කරගැනීමට උපකාර කිරීම සඳහා, බිම රවුමක් ඇඳ පවුලේ සාමාජිකයෙකුට රවුම තුල දෑස් ආවරණය කර “වේගයෙන් නැගීසිටීමට උපදෙස් දෙන්න, ඒ අතරතුර අනෙක් අය ඔහුව හෝ ඇයව රවුමෙන් ඉවත්කිරීමට උත්සහ කරන්න. රවුම තුල සිටින පවුලේ සාමාජිකයාගේ දෑස් ආවරණය නොකර “බැලීමට” හැකියාව ඇත්නම් එයින් ඇතිවන වෙනස කුමක්ද? වැරදි තීරණ ගැනීමට අපව පරික්ශාවට ලක්වන විට අපගේ ජීවිත තුල “ශක්තිමත්ව නැගීසිටීමට” අපට කුමක් කළ හැකිද?