මොර්මොන් 1–6

මොර්මොන්ගේ පළමු පරිච්ඡේදයේ සිට, මොර්මොන් සහ ඔහු වටා සිටින පුද්ගලයින් අතර විශාල වෙනස්කම් ඔබට පෙනෙනු ඇත. ඔබ මොර්මොන් 1 කියවන විට, මොර්මොන්ගේ ගුණාංග හා ආශාවන් ඔහුගේ ජනතාවගේ ගුණාංග සමග සැසඳීම සලකා බලන්න. ඔහුට සහ ඔවුන්ට ඇතිවූ ප්‍රතිවිපාක සැලකිල්ලට ගන්න (ඔබට 14–15 පද වල එක් උදාහරණයක් හමුවනු ඇත). දුෂ්ඨ ලෝකයක ධර්මිෂ්ඨව ජීවත් වීමට ඔබව පොලඹවන ඔබ ඉගෙනගන්නා දේවල් මොනවාද?

ඔබ මොර්මොන් 2–6 කියවන විට, මොර්මොන් අවට ඇති නපුරු බලපෑම් නොතකා ස්වර්ගික පියාණන්වහන්සේ සහ යේසුස් ක්‍රිස්තුස්වහන්සේ කෙරෙහි ඇදහිල්ල පෙන්වූයේ කෙසේදැයි සොයා බලන්න.

මොර්මොන් තම ජනතාවගේ ශෝකය දුටු විට, ඔවුන් පසුතැවිලි වනු ඇතැයි ඔහු බලාපොරොත්තු විය. නමුත් “ඔවුන්ගේ දුක්වීම පසුතැවිල්ලට නොවූයේය” (මොර්මොන් 2:13)—එය සැබෑ වෙනසකට තුඩු දෙන දේව ශෝකය නොවේ (2 කොරින්ති 7:8–11 බලන්න). ඒ වෙනුවට, නෙපිවරුන්ට ලෞකික දුකක් දැණුනි (මොර්මොන් 2:10–11 බලන්න). දේවමය ශෝකය සහ ලෞකික ශෝකය අතර වෙනස අවබෝධ කරගැනීම සඳහා, මොර්මොන් 2:10–15 හි ඔබ ඉගෙනගන්නා දේ මෙම ශෝක වර්ග දෙක ගැන සටහන් කරගත හැකි ප්‍රස්ථාරයක් සෑදීම ගැන සලකා බලන්න. ඔබගේ ප්‍රස්ථාරය මේ වගේ දෙයක් විය හැකිය:

ඔබ ඉගෙනගන්නා දේ ගැන ඔබ මෙනෙහි කරන විට, පාපය මැඩපවත්වා ගැනීමටත්, ස්වර්ගික පියාණන්වහන්සේ හා ගැළවුම්කරුවාණන්වහන්සේ හා සමාන වීමටත් ඔබ දරන උත්සාහයට එය බලපාන්නේ කෙසේදැයි සලකා බලන්න.

බලන්න Dieter F. Uchtdorf, “You Can Do It Now!” Ensign or Liahona, Nov. 2013, 55–57.

මොර්මොන් නෙපිවරුන් තුළ ඔහු දුටු දුර්වලකමක් වාර්තා කළේය: ස්වාමින්වහන්සේ ඔවුන්ට ආශිර්වාද කළ ආකාරය පිළිගැනීමට ඔවුහු අසමත් වූහ. සභාපති හෙන්රි බී. අයිරින් අපෙන් ඉල්ලා සිටියේ “දෙවියන්වහන්සේගේ කරුණාව හඳුනාගැනීමට හා මතක තබාගැනීමට ක්‍රම සොයාගන්නා ලෙසයි. … මෙම ප්‍රශ්ණය අසමින්, යාච්ඤා කර මෙනෙහි කරන්න: දෙවියන්වහන්සේ මට පමණක්ම පණිවිඩයක් එව්වාද? උන්වහන්සේගේ හස්තය මගේ ජීවිතයේ හෝ මගේ දරුවන්ගේ ජීවිත වල මම දුටුවාද? … අප බොහෝදෙනා මෙතෙක් හඳුනාගෙන ඇති ප්‍රමාණයට වඩා, උන්වහන්සේ අපට ප්‍රේම කරන බවත් අපට ආශිර්වාද කරන බවත් මම සාක්ෂි දෙමි” (“O Remember, Remember,” Ensign or Liahona, Nov. 2007, 67, 69).

ඔබ මොර්මොන් 3:3, 9 කියවන විට, ඔබේ ජීවිතයේ දෙවියන්වහන්සේගේ බලපෑම ඔබ පිළිගන්නේ කෙසේදැයි මෙනෙහි කළ හැකිය. උන්වහන්සේගේ බලපෑම ඔබ පිළිගත් විට ලැබෙන ආශිර්වාද මොනවාද? උන්වහන්සේව නොපිළිගැනීමෙහි ප්‍රතිවිපාක මොනවාද? (මොර්මොන් 2:26 බලන්න).

නෙපිවරු මොර්මොන්ගේ ඉගැන්වීම් ප්‍රතික්ෂේප කළ නමුත්, ඔහුගේ වාර්තාව ඔබට බලපෑම් කරයි කියා ඔහුට බලාපොරොත්තුවක් තිබුණි. ඔබ මොර්මොන් 5:8–24 සහ 6:16–22 කියවන විට පාපයේ ප්‍රතිවිපාක ගැන ඔබ ඉගෙනගන්නේ මොනවාද? ඔබ පව් කරන විට පවා, ස්වර්ගික පියාණන්වහන්සේ සහ යේසුස්වහන්සේ තුළ ඔබ කෙරෙහි ඇති හැඟීම් පිළිබඳව මෙම ඡේද වලින් ඔබ ඉගෙනගන්නේ මොනවාද? යේසුස් ක්‍රිස්තුස්වහන්සේ විවෘත දෑත් සමග ඔබ ළඟට එන බව ඔබට හැඟුණේ කෙසේද? එහි ප්‍රතිඵලයක් ලෙස ඔබ කුමක් කිරීමට පෙලඹී ඇත්ද?

“නිරීක්ෂණය කිරීමට ඉක්මන් වීම” යන්නෙන් අදහස් කරන්නේ කුමක්ද? වැඩිහිටි ඩේවිඩ් ඒ. බෙඩ්නර්ගේ ලිපියෙන් ඔබට අදහස් සොයාගත හැකිය “Quick to Observe” (Ensign, Dec. 2006, 30–36). ඉක්මනින් නිරීක්ෂණය කිරීමට හැකි වීමේ ත්‍යාගය මොර්මොන්ට ආශිර්වාදයක් වූයේ කෙසේද? එය අපට ආශිර්වාදයක් වන්නේ කෙසේද?

ඔබේ පවුලේ දරුවන් බාල වියේ සිටියත් ඔවුන්ට විශාල අධ්‍යාත්මික ගුණාංග හා බලය වර්ධනය කළ හැකි බව ඔවුන් තේරුම්ගෙන තිබේද? මොර්මොන්ගේ ආදර්ශය ඔවුන්ට උදව් විය හැකිය. මොර්මොන් 1:1–6, 15 සහ 2:1–2 දක්වා ඇති වයස් හා සිදුවීම් භාවිතා කරමින්, මොර්මොන්ගේ ළමා කාලය හා යෞවන කාලය පිළිබඳ කාල රාමුවක් සැකසීම සලකා බලන්න. ඔබ මොර්මොන්ගේ ගුණාංග සහ අත්දැකීම් සාකච්ඡා කරන විට, ඔබ සහ ඔවුන් වටා සිටින අයව දිරිගන්වන ඔබේ දරුවන්ට ඇති ගුණාංග පෙන්වා දෙන්න.

ඔහු ජීවත්වූ ලෝකය විස්තර කිරීමට මොර්මොන් භාවිතා කළ වචන මොනවාද? තමා වටා ඇති දුෂ්ඨකම් නොතකා ඔහු බලාපොරොත්තුව පවත්වාගත්තේ කෙසේද? අපේ පවුලේ අයටත් එලෙසම කළ හැක්කේ කෙසේද?

තමා අවට සිටින අය දුෂ්ඨ වුවත්, ඔහු වටා සිටින ජනයා ගැන මොර්මොන්ට හැඟුණේ කෙසේද? ඔහුට තිබූ ප්‍රේමය මෙන් ප්‍රේමයක් වර්ධනය කරගැනීමට අපට කුමක් කළ හැකිද?

අප අරගලයක යෙදෙන විට ස්වර්ගික පියාණන්වහන්සේට හඬ ගැසීමට අප පසුබට වන්නේ ඇයි? ස්වර්ගික පියාණන්වහන්සේ කෙරෙහි වැඩි බලාපොරොත්තුවක් තැබීමට අපට කළ හැක්කේ මොනවාද?

“සුළඟ ඉදිරියේ බොල් මෙන් පලා යාම” (16 පදය) යන්නෙහි තේරුම ඔබේ පවුලේ අයට මවාගැනීමට උපකාර කිරීම සඳහා, කඩදාසි කැබැල්ලක් කුඩා කැබලි වලට ඉරා දමා පවුලේ සාමාජිකයින්ට ඒවා වටේට ගසාගෙන යාමට පිඹින්නට ඉඩදෙන්න. දහයියා යනු බීජයකින් එන ලෙල්ලක් බවත් එය වටේට පිඹ දැමීමට තරම් සැහැල්ලු බවත් ඔවුන්ට පැහැදිලි කරන්න. “ලෝකයේ ක්‍රිස්තුස්වහන්සේ හා දෙවියන්වහන්සේ නොමැතිව” (16 පදය) සිටීම, සුළඟේ ගසාගෙන යෑමට සමාන වන්නේ කෙසේද?