මොසායා 29–ඇල්මා 4

විනිශ්චයකාරවරුන්ගේ පාලනයට වසර පහක් වැනි කෙටි කාලයකදී, ජනතාවගේ හඬ සාමාන්‍යයෙන් හරි දේ තෝරාගන්නා බවට මොසායා කළ ප්‍රකාශය පරීක්ෂා කරන අර්බුධයක් ඇති විය (මොසායා 29:26 බලන්න). මෙම ප්‍රශ්ණයට ආගමික නිදහස සම්බන්ධ විය: අමලිකි නම් මිනිසෙක් “[ජනතාවට] ඔවුන්ගේ සභාවේ අයිතීන් සහ වරප්‍රසාද වළකන්නට” උත්සාහ කළේය (ඇල්මා 2:4). ඔබගේ ජාතිය හෝ ප්‍රජාව තුළ ආගමික අයිතිවාසිකම් වලට තර්ජනයක් එල්ල වන බව ඔබ දැක තිබේද? මෙම තර්ජනයට නෙපිවරුන් ප්‍රතිචාර දැක්වූ ආකාරයෙන් ඔබ ඉගෙනගන්නේ කුමක්ද? (ඇල්මා 2:1–7 බලන්න).

ඔබගේ ප්‍රජාව මුහුණදෙන බොහෝ වැදගත් ගැටළු තිබෙන්නට හැකියි. නෙපිවරුන් මෙන්, ඔබේ හඬ “ජනතාවගේ හඬට” ඇතුළත් කර ඇති බවට, ඔබ සහතික කරගන්නේ කෙසේද? සමහරවිට ඔබ ජීවත් වන්නේ ජනතාවගේ හඬ රජයට සීමිත බලපෑමක් ඇති තැනක විය හැකිය; එසේනම්, ඔබේ ප්‍රජාව තුළ ඔබට ධනාත්මක බලපෑමක් විය හැකි වෙනත් ක්‍රම තිබේද?

තමා ඉගැන්වූ දේ අසත්‍ය බව නෙහෝර් අවසානයේ පාපොච්චාරණය කළද, ඔහුගේ ඉගැන්වීම් වසර ගණනාවක් තිස්සේ නෙපිවරුන්ට දිගටම බලපෑම් කළේය (බලන්න ඇල්මා 1:15–16; 2:1–2; 14:14–18; 15:15; 21:4; 24:28). නෙහෝර්ගේ ඉගැන්වීම් සිත් ඇදගන්නා සුළු යැයි මිනිසුන් සොයාගත්තේ ඇයි? ඔබ ඇල්මා 1:2-4 කියවන විට, නෙහෝර්ගේ ඉගැන්වීම් වල ඇති අසත්‍යයන් ඔබට හඳුනාගත හැකිදැයි බලන්න; අර්ධ සත්‍යයන් සමග ඒවා උගන්වා ඇති බව ඔබ බොහෝවිට දකිනු ඇත.

ගිඩියොන් නෙහෝර්ට “දෙවියන්වහන්සේගේ වචන වලින්” විරුද්ධ විය (ඇල්මා 1:7, 9). නෙහෝර්ගේ අසත්‍යය ප්‍රතික්ෂේප කරන ශුද්ධලියවිලි පද මොනවාදැයි කියා ඔබට සිතිය හැකිද? මෙන්න උදාහරණ කිහිපයක්, නමුත් තවත් බොහෝ දේ ඇත: මතෙව් 7:21–23; 2 නෙපි 26:29–31; මොසායා 18:24–26; සහ හිලමන් 12:25–26. අද දින උගන්වන අසත්‍යයන් ප්‍රතික්ෂේප කිරීමට මෙම ශුද්ධලියවිලි පද ඔබට උපකාර කරන්නේ කෙසේද?

ඇල්මා 1 පිළිබඳ ඔබේ අධ්‍යයනයට ප්‍රවේශ විය හැකි තවත් ක්‍රමයක් නම් නෙහෝර් සහ ඔහුගේ අනුගාමිකයන්ව (3–9, 16-20 පද) “දෙවියන්වහන්සේගේ සෙනග” සමග සන්සන්දනය කිරීමයි (25-30 පද; 2 නෙපි 26:29–31 ද බලන්න). ඔබට දෙවියන්වහන්සේගේ සෙනග හා සමාන වියහැක්කේ කෙසේද? ඔබේම සේවයේ කිසියම් “පූජක උපායන්” ඔබ දුටුවාද?

ඇල්මා හි 1 සහ 4 පරිච්ඡේද දෙකම සභාව සමෘද්ධිමත් වූ කාල පරිච්ඡේදයන් විස්තර කරයි, නමුත් සභාවේ සාමාජිකයන් එම සමෘද්ධියට ප්‍රතිචාර දැක්වූයේ සෑම අවස්ථාවකම වෙනස් ආකාරයකටය. ඔබ දකින වෙනස්කම් මොනවාද? ඔබ සොයාගත් දේ පදනම් කරගෙන, “දෙවියන්වහන්සේගේ නිහතමානී අනුගාමිකයන්” (ඇල්මා 4:15) ධනය හා සමෘද්ධිය කෙරෙහි දක්වන ආකල්පය ඔබ විස්තර කරන්නේ කෙසේද? ඔබේම ආකල්පය වෙනස් කිරීම සඳහා ඔබ පෙලඹෙන්නේ කුමක් කිරීමටද?

ඇල්මා 4 හි ඇල්මා “ඉතා ශෝකජනක” වූයේ (ඇල්මා 4:15) කුමක් නිසාද? අගවිනිසුරු ධූරය ඇල්මාව තම ජනතාව අතර දුටු ගැටලු විසඳීමට හොඳම තැනට පත් කරනු ඇතැයි සමහරු පැවසිය හැකිය. නමුත් වඩා හොඳ ක්‍රමයක් ඇති බව ඇල්මාට හැඟුණි. තම ජනයාට උපකාර කිරීම සඳහා ඔහු ගත් ප්‍රවේශය ගැන ඔබ තුළ පැහැදීමක් ඇති කරන්නේ කුමක්ද? ඔබේ අධ්‍යයනයෙන් ඔබ අවට සිටින අයට ධර්මිෂ්ට ලෙස බලපෑම් කළ හැකි ආකාරය පිළිබඳ සිතුවිලි ඇති කළ හැකිය; එසේ නම්, එම සිතුවිලි මත ක්‍රියාකරන්න.

සභාවේ සාමාජිකයන් මෙම පදවල හිංසා පීඩා වලට ප්‍රතිචාර දැක්වූ විවිධ ක්‍රම හඳුනාගැනීමෙන් ඔබේ පවුලට එයින් ප්‍රයෝජන ගත හැකිය. අනෙක් අය අපගේ විශ්වාසයන්ට පහරදෙන විට නිසි ලෙස ප්‍රතිචාර දැක්වීමේ ක්‍රම ඔබට පුහුණු විය හැකිය. Religious Freedom Videos ඒ සඳහා උපකාර විය හැකිය.

“තමන්ටම සලකුණක්” තබාගනිමින් අමලිකිවරුන්ට සන්නිවේදනය කිරීමට අවශ්‍ය වූ පණිවිඩය කුමක්ද? (ඇල්මා 3:4, 13 බලන්න). අපගේ පෙනුමෙන් - හිතාමතා හෝ නොදැනුවත්ව - අප ලබාදෙන පණිවිඩ මොනවා විය හැකිද? තරුණ තරුණියන්ගේ ශක්තිය සඳහා (2011), 6–8 හි “ඇඳුම් පැළඳුම් සහ පෙනුම” සමාලෝචනය කිරීමට මෙය හොඳ අවස්ථාවක් විය හැකිය.

දෙවියන්වහන්සේ කෙරෙහි “[අපගේ] යුතුකම සිහිකිරීම සඳහා අපව අවදි කළ” දේවල් හෝ අත්දැකීම් මොනවාද? (ඇල්මා 4:3). සමහරවිට ඔබේ පවුල උදෑසන අවදි කළ පසු මෙම පද බෙදාගැනීම ඵලදායී වනු ඇත. ශාරීරිකව අවදිවීමේ අභියෝග අධ්‍යාත්මිකව අවදිවීමේ අභියෝග තේරුම්ගැනීමට අපට උපකාර කරන්නේ කෙසේදැයි ඔබට සාකච්ඡා කළ හැකිය.

අපි “සභාවට අයත් නොවන අයට බාධාවක් [වීමෙන්]” වැළකී සිටින්නේ කෙසේද? (ඇල්මා 4:10). අන්‍යයන්ගේ, විශේෂයෙන් සභාවේ සෙසු සාමාජිකයන්ගේ ක්‍රියාවන් අපගේ අධ්‍යාත්මික දියුණුව සඳහා බාධාවක් නොවන බවට වගබලා ගතහැකි ආකාරය ගැන කතා කිරීමද ප්‍රයෝජනවත් විය හැකිය.

සාක්ෂියේ බලය තේරුම්ගැනීමට ඔබේ පවුලට උදව් කිරීම සඳහා, යමෙකුගේ සාක්ෂිය ඇසීමෙන් එය ඔවුන්ට ගැඹුරින් බලපෑ කාලයක් ගැන සිතාබැලීමට ඔබට ඔවුන්ගෙන් ඉල්ලා සිටිය හැකිය. ජනතාවගේ හදවත් ස්පර්ශ කිරීමට සාක්ෂිය සහ දෙවියන්වහන්සේගේ වචනය භාවිතා කිරීමට ඇල්මා තෝරාගත්තේ ඇයි? (ඇල්මා 31:5 ද බලන්න). වෙනස් කිරීමට අන් අයව පොළඹවා ගැනීම සඳහා මිනිසුන් භාවිතා කරන වෙනත් ක්‍රම වලට වඩා මෙය වඩා ඵලදායී වන්නේ ඇයි? අපගේ සාක්ෂි ඔවුන් සමග බෙදාගැනීමෙන් අපට ඔවුන්ගේ ඇදහිල්ල ශක්තිමත් කළ හැකි අය සිටිනවාද?