මොසායා 7–10

සාරාහෙම්ලාහි නෙපිවරයෙකු වූ අම්මෝන්ව මුණගැසීම, ලිම්හි රජුට බලාපොරොත්තුවක් ලබාදුන් අතර, එම බලාපොරොත්තුව තම සෙනගට භාරදීමට ඔහුට අවශ්‍ය විය. ඔබ මොසායා 7:14–33 කියවන විට, තම ජනතාව ධෛර්යමත් කිරීමට, ඔවුන්ගේ ඇදහිල්ල ශක්තිමත් කිරීමට, හා දෙවියන්වහන්සේ ඔවුන්ට උපකාර කරයි කියා බලාපොරොත්තුවක් ලබාදෙන ලෙස ලිම්හි පැවසූ දේ සැලකිල්ලට ගන්න. ලිම්හිගේ මිනිසුන් කළ පාප වලට මෙන්ම ඔබ වැරදිකරු නොවුනත්, ඔහුගේ වචන ස්වාමින්වහන්සේ වෙත හැරීමට ඔබට උපකාර කරන්නේ කෙසේද? නිදසුනක් වශයෙන්, දෙවියන්වහන්සේගේ ගැලවීම පිළිබඳ අතීත වාර්තා ගැන ලිම්හි තම ජනයාට මතක්කර ඇති බව ඔබට පෙනෙනු ඇත (18-20 පද බලන්න). මෙම වාර්තා මෙන්ම, වෙනත් ශුද්ධලියවිලි වාර්තා හෝ පෞද්ගලික අත්දැකීම්, දෙවියන්වහන්සේව විශ්වාස කිරීමට ඔබට උපකාර කරන්නේ කෙසේද?

ලිම්හි ජනයාගෙන් කුඩා කණ්ඩායමක් සාරාහම්ලා දේශය සඳහා අසාර්ථක ලෙස සොයමින් සිටියදී, නුහුරු භාෂාවක කැටයම් සහිත රන් තහඩු 24 ක් සොයාගත්හ. අවසානයේදී මොසායා රජු විසින් පරිවර්තනය කරන ලද මෙම තහඩු, යාරෙද්වරුන් නමින් හැඳින්වෙන ජනතාවක් ගැන පැවසූ අතර, ඔවුන් බාබෙල් කුළුණෙන් පොරොන්දු දේශයට පැමිණ අවසානයේදී විනාශ විය (මොසායා 28:11-19 බලන්න). පසුව මොරෝනි මෙම තහඩු වල සංක්ෂිප්තයක් සිදුකළේය (ඊතර් 1:1-2 බලන්න), එය ඊතර්ගේ පොත බවට පත්විය. මොසායාගේ සෙනගට මෙම වාර්තාවෙන් සිදුවූ බලපෑම මොසායා 28:18 හි බලන්න.

ස්වාමින්වහන්සේ අනාගතය දකින්නෙකු එසවූ බවට අම්මෝන්ගේ සාක්ෂිය ලිම්හිට ඇසුණු විට, ලිම්හි “අතිශයින් ප්‍රීතිවී දෙවියන්වහන්සේට ස්තූති කළේය” (මොසායා 8:19). ඔහුට එසේ හැඟී ඇතැයි ඔබ සිතන්නේ ඇයි? මොසායා 8: 13–19 හි අම්මෝන්ගේ වචන වලින් අනාගතය දකින්නන් ගැන ඔබ ඉගෙනගන්නේ මොනවාද? අපේ කාලයේ, “පළමු සභාපතිත්වය සහ දොළොස්දෙනාගේ සභාව අනාගතවක්තෘවරුන්, අනාගතය දකින්නන් සහ එළිදරව් කරන්නන් ලෙස ස්ථීර කරනු ලැබේ” (Bible Dictionary, “Seer”). අනාගතවක්තෘවරුන්, අනාගතය දකින්නන් හා එළිදරව් කරන්නන් පොළොවෙහි සිටීමේ ආශිර්වාදය ගැන ඔබ අවසන් වරට මෙනෙහි කළේ කවදාද? අනාගතවක්තෘවරුන්, අනාගතය දකින්නන් සහ එළිදරව් කරන්නන් ඔබට “විශාල වාසියක්” වී ඇති ආකාරය ඔබට වාර්තා කළ හැකිය (මොසායා 8:18).

ජෝසෆ් ස්මිත් අනාගතවක්තෘවරයා අපගේ කාලපරිච්ඡේදයේ ප්‍රධානියා ලෙස පෙනී සිටින ශ්‍රේෂ්ට අනාගතය දකින්නෙකි (බලන්න ද සහ ගි 21:1; 124:125; Joseph Smith—History 1:62). දේවසේවයේ යෙදී සිටි කාලයකදී අම්මෝන්ගේ විස්තරය ඔහු නිදර්ශනය කළේ කෙසේද?

තමා වැරදි කළ බව සෙනිෆ් පිළිගත්තේය. ඔහු විටින් විට අධික ලෙස වෙහෙසට පත්වූ අතර, ඔහු තම ජනතාව වන ලිම්හිගේ ජනයාගේ මුතුන් මිත්තන්—දුෂ්කර තත්වයකට පත්කළේ—ලාමන් රජු සමග වැරදි උපදෙස් ලබාගැනීමෙනි. නමුත් පසුව, ඔහු ලාමන්වරුන්ට විරුද්ධව යුද්ධයට ගිය විට, තම ජනතාවට ඔවුන්ගේ අභියෝගයන්ට ඇදහිල්ලෙන් මුහුණදීමට උපකාර කළේය. ඔබ මොසායා 9-10 කියවන විට, සෙනිෆ්ගේ ජනතාව ඔවුන්ගේ ඇදහිල්ල පෙන්වීමට කළේ කුමක්දැයි සොයාබලන්න. දෙවියන්වහන්සේ ඔවුන්ව ශක්තිමත් කළේ කෙසේද? “ස්වාමින්වහන්සේගේ ශක්තියෙන්” ඉදිරියටම යාම ඔබට ගෙනෙන්නේ කුමන අදහසක්ද? (මොසායා 9:17; 10:10–11).

මොසායා 10:11–17 ට අනුව, ලාමන්වරුන්ගේ මුතුන් මිත්තන්ගේ ක්‍රියාවන් හා ආකල්පයන් ලාමන්වරුන් සත්‍යය දැනගැනීම වළක්වාගත්තේ කෙසේද? ලාමන්වරුන්ගේ මුතුන් මිත්තන්ගේ තේරීම් අනාගත පරපුරට බලපෑවේ කෙසේද? ඔබගේ විශ්වාසයන් හා තේරීම් වලින් බලපෑම් කළ හැකි පුද්ගලයින් ගැන සිතන්න; ක්‍රිස්තුස්වහන්සේ කෙරෙහි පූර්ණ විශ්වාසයක් තබාගැනීමට ඔවුන්ට උපකාර කිරීමට ඔබ කරන්නේ කුමක්ද?

තම සෙනගව විශ්වාස කිරීමට දිරිගැන්වීම සඳහා ලිම්හි පෙන්වා දුන් උදාහරණ සැලකිල්ලට ගන්න. “දෙවියන්වහන්සේ කෙරෙහි විශ්වාසය තැබීමට” අපව පොලඹවන ශුද්ධලියවිලි උදාහරණ මොනවාද? දෙවියන්වහන්සේ කෙරෙහි විශ්වාසය තැබීම යන්නෙන් අදහස් කරන්නේ කුමක්ද? (මොසායා 9:17; 10:19 ද බලන්න). දෙවියන්වහන්සේ කෙරෙහි වැඩි විශ්වාසයක් ඇතිකිරීම සඳහා අපගේ ජීවිත වලින් හෝ අපේ මුතුන් මිත්තන්ගේ ජීවිත වලින් අපට බෙදාගත හැකි කතන්දර මොනවාද?

මෙම පද වලින් ගැලවුම්කරුවාණන් ගැන අප ඉගෙනගන්නේ මොනවාද? (දහම සහ ගිවිසුම 130:22 ද බලන්න). මේ දේවල් දැනගැනීමට අප කෘතඥ වන්නේ ඇයි?

එළිදරව් දකින්නෙකු යනු කවුරුන් දැයි පවුලේ සාමාජිකයින්ට තේරුම්ගැනීමට උපකාර කිරීම සඳහා, දුරදක්න, දුරේක්ෂයක් හෝ අන්වීක්ෂයක් වැනි අපට වෙනත් ආකාරයකින් නොපෙනෙන දේවල් බැලීමට අපට උදව් වන මෙවලම් වල පින්තූර ඔවුන්ට පෙන්විය හැකිය. මෙම මෙවලම් අනාගතය දකින්නෙකු වැනි වන්නේ කෙසේද? (මෝසෙස් 6:35-36 බලන්න). අප නොදකින කුමක් අනාගතය දකින්නන් දකීද? ජෝසෆ් ස්මිත් අනාගතය දකින්නෙකු බවට අපට ඇති සාක්ෂි මොනවාද?

ඔබට අපගේ ජීවමාන අනාගතවක්තෘවරුන්ගේ, අනාගතය දකින්නන්ගේ සහ එළිදරව් කරන්නන්ගේ පින්තූර පෙන්විය හැකි අතර ඔබේ පවුලේ අය ඔවුන් ගැන දන්නේ කුමක්දැයි විමසිය හැකිය. අපි ඔවුන්ව අනුගමනය කරන්නේ කෙසේද?

ලාමන්වරු පහරදෙන විට, සෙනිෆ් වැසියන් ශාරීරිකව හා අධ්‍යාත්මිකව සූදානම්ව සිටියහ. අභියෝග සඳහා සූදානම්වීම ගැන සෙනිෆ් සහ ඔහුගේ ජනතාවගෙන් අපට ඉගෙනගත හැක්කේ කුමක්ද?