මොසායා 4–6

ස්වාභාවික මිනිසා ජයගැනීම පහසු නැත. “ස්වාමින් වන ක්‍රිස්තුස්වහන්සේගේ වන්දිගෙවීම තුලින් සාන්තුවරයෙකු වීමට” විශාල උත්සාහයක් අවශ්‍යයි (මොසායා 3:19). සමහරවිට, ඔබේ පව් වලට සමාව ලැබී ඇති බවක් ඔබට දැනුනත්, එම හැඟීම තබාගෙන ධර්මිෂ්ට මාවතේ රැඳී සිටීමට ඔබට අරගල කරනවා විය හැකිය. පව් වලට සමාව ලබාගෙන සහ රඳවා තබාගෙන සාන්තුවරයෙකු ලෙස නිරතුරුවම ජීවත්විය හැකි ආකාරය බෙන්යමින් රජ තම ජනයාට ඉගැන්වූයේය. ඔබ මොසායා 4 වන පරිච්ඡේදය අධ්‍යයනය කරන විට, මෙවැනි ප්‍රශ්ණ ඔබට ඔබෙන්ම අසාගත හැකිය:

1-12 දක්වා පද.බෙන්යමින් රජුගේ ජනයා පව් සමාව ලබාගැනීමෙන් ලද ආශිර්වාද මොනවාද? ඔවුන්ගේ පව් සමාව රඳවාගැනීමට උදව් වීමට බෙන්යමින් රජ ඔවුන්ට ඉගැන්වූයේ මොනවාද? අපට ගැලවීම ලැබෙන ආකාරය ගැන ඔහු ඉගැන්වූයේ මොනවාද? අප “සැමවිටම මතකයේ තබාගත යුතුයි” (11 පදය) ලෙස බෙන්යමින් රජු පැවසූ දේ සැලකිල්ලට ගන්න. මේ දේවල් මතක තබාගැනීමට ඔබට කුමක් කළ හැකි යැයි හැඟෙන්නේද?

12-16 දක්වා පද.මෙම පද වලට අනුව, 11 වන පදයේ විස්තර කර ඇති දේ කළහොත් අපගේ ජීවිතයේ කුමක් සිදුවේද? ඔබේ ජීවිතයේ මෙම වෙනස්කම් ඔබ අත්විඳ තිබේද? මොසායා 3:19 හි විස්තර කර ඇති වෙනස්කම් වලට ඒවා සම්බන්ධවන්නේ කෙසේද?

16-30 දක්වා පද.දුප්පතුන් සමග බෙදාගැනීම අපගේ පව් සමාව රඳවාගැනීමට උපකාරී වන්නේ කෙසේද? ක්‍රිස්තුස්වහන්සේ මෙන් වීමට ඔබ දරන උත්සාහයට 27 වන පදය යොදාගත හැක්කේ කෙසේද?

David A. Bednar, “Always Retain a Remission of Your Sins,” Ensign or Liahona, May 2016, 59–62; Dale G. Renlund, “Preserving the Heart’s Mighty Change,” Ensign or Liahona, Nov. 2009, 97–99 ද බලන්න.

මෙසේ පැවසීම මිනිසුන්ට අසාමාන්‍ය දෙයක් නොවේ, “මට වෙනස්විය නොහැක. ඒ මගේ හැටි.” ඊට වෙනස්ව, බෙන්යමින් රජුගේ ජනයාගේ අත්දැකීම් අපට පෙන්වන්නේ ස්වාමින්වහන්සේගේ ආත්මයට අපගේ හදවත් සැබවින්ම වෙනස් කළ හැකි ආකාරයයි. සභාපති රසල් එම්. නෙල්සන් මෙසේ ඉගැන්වූයේය: “අපට අපගේ හැසිරීම වෙනස් කළ හැකිය. අපගේ ආශාවන් වෙනස් විය හැකිය. … සැබෑ වෙනසක්—ස්ථිර වෙනසක්—පැමිණිය හැක්කේ යේසුස් ක්‍රිස්තුස්වහන්සේගේ වන්දිගෙවීමේ සුවකිරීමේ, පවිත්‍ර කිරීමේ සහ සක්‍රීය කිරීමේ බලය තුළින් පමණි. … යේසුස් ක්‍රිස්තුස්වහන්සේගේ සුභාරංචිය වෙනස්වීමේ සුභාරංචියකි!” (“Decisions for Eternity,” Ensign or Liahona, Nov. 2013, 108).

බෙන්යමින් රජුගේ ජනයා අත්විඳින ලද වෙනස ගැන ඔබ කියවන විට, සැබෑ පරිවර්තනයකට තුඩු දෙන “බලවත් වෙනස” ඔබේ ජීවිතයේ සිදුවී ඇති ආකාරය—හෝ සිදුවිය හැකි ආකාරය—ගැන සිතාබලන්න. “බලවත්” අවස්ථා කිහිපයක් ඔබගේ සිත වෙනස් කිරීමට හේතු වී තිබේද, නැතහොත් ඔබේ හැරීම ක්‍රම-ක්‍රමයෙන් සිදුවී තිබේද?

බලන්න එසකියෙල් 36:26–27; ඇල්මා 5:14; David A. Bednar, “Converted unto the Lord,” Ensign or Liahona, Nov. 2012, 106–9.

බෙන්යමින් රජුට තම සෙනග ඇමතීමට අවශ්‍ය වූ එක් හේතුවක් වූයේ “මේ ජනතාවට නමක් දීම” සඳහාය. සමහරු නෙපිවරුන් වූ අතර තවත් සමහරු මුලෙක්ගෙන් පැවත එන්නෝ වූහ, නමුත් ඔහුගේ සිතේ තිබූ නම් මේවා නොවේ. දෙවියන්වහන්සේට කීකරුවීමේ ගිවිසුමේ කොටසක් ලෙස “ක්‍රිස්තුස්වහන්සේගේ නාමය” තමන් වෙතට ගන්නා ලෙස ඔහු සෙනගට ආරාධනා කළේය (මොසායා 1:11; 5:10). ක්‍රිස්තුස්වහන්සේගේ නාමය ඔබ විසින්ම ගැනීම යන්නෙන් අදහස් කරන්නේ කුමක්ද යන්න ගැන මොසායා 5:7–9 දක්වා ඔබ ඉගෙනගන්නේ මොනවාද?

වැඩිහිටි ඩී. ටොඩ් ක්‍රිස්ටෝෆර්සන් මෙසේ ඉගැන්වූයේය, “[සදාචාරාත්මක හා අධ්‍යාත්මික බලයේ] ප්‍රභවය දෙවියන්වහන්සේය. එම බලයට අපගේ ප්‍රවේශය ලැබෙන්නේ උන්වහන්සේ සමග ඇති අපගේ ගිවිසුම් මගිනි” (“The Power of Covenants,” Ensign or Liahona, May 2009, 20). ඔබ මොසායා 5:5-15 කියවන විට, ඔබ දෙවියන්වහන්සේ සමග ඇති කරගත් ගිවිසුම් රකින විට ඔබේ ජීවිතයට ලැබෙන ආශිර්වාද ලැයිස්තුවක් සාදන්න. යේසුස් ක්‍රිස්තුස්වහන්සේ හා උන්වහන්සේගේ වන්දිගෙවීම තුලින් ඔබ තුළ සිදුකර ඇති “බලවත් වෙනස” රඳවාගැනීමට ඔබේ ගිවිසුම් තබාගැනීම ඔබට උපකාර කරන්නේ කෙසේද?

ඔබේ පවුල සම්පූර්ණයෙන්ම “දෙවියන්වහන්සේව විශ්වාස කරන්නේ” (මොසායා 4: 9) සහ “සැමවිටම දෙවියන්වහන්සේගේ ශ්‍රේෂ්ටත්වය සිහිකරන්නේ” කෙසේද? (මොසායා 17:20. සමහරවිට පවුලේ සාමාජිකයන්ට මොසායා 4:9-12 කියවා දෙවියන්වහන්සේ කෙරෙහි ඇදහිල්ල ගොඩනගාගැනීමට උපකාර වන වාක්‍ය ඛණ්ඩ හඳුනාගත හැකියි. එවිට ඔවුන්ට මෙම වාක්‍ය ඛණ්ඩ ලියා ඒවා මතක් කිරීමක් ලෙස නිවස වටා තැබිය හැකිය. මේවා මතක තබාගැනීම අපට “සැමවිටම ප්‍රීතිවීමට” සහ “අපගේ පව් වලින් සමාව ලබාගැනීමට” උපකාරී වන්නේ කෙසේද? (මොසායා 4:12).

මෙම පද වලින් රණ්ඩු කිරීම හා කෝලාහාල කිරීම ගැන අප ඉගෙනගන්නේ කුමක්ද?

අප සියලුදෙනාම යාචකයින් වන්නේ කුමන අර්ථයෙන්ද? මෙම පද වලට අනුව, අපි දෙවියන්වහන්සේගේ සියලු දරුවන්ට සැලකිය යුත්තේ කෙසේද? (මොසායා 4:26 බලන්න). අපේ උදව් අවශ්‍ය කාටද?

ඔබේ පවුල ඔබට ශක්තිය තිබෙනවාට වඩා වේගයෙන් දුවනවාද? ඔවුන් කඩිසරව මෙන්ම ඥානවන්තව සිටින බවට වගබලාගැනීමට සමහර විට ඔබට පවුලේ සාමාජිකයින්ට ඔවුන්ගේ ක්‍රියාකාරකම් ඇගයීමට ආරාධනා කළ හැකිය.

ක්‍රිස්තුස්වහන්සේගේ නාමය අප කෙරෙහි ගැනීමෙන් උන්වහන්සේ සමග අපගේ සම්බන්ධතාවය ගැන අදහස් කරන්නේ කුමක්ද? සමහරවිට මිනිසුන් තම බඩු බාහිරාදිය මත ඔවුන්ගේ නම් ලිවීමට හේතුව ගැන කතාකිරීම එයට උදව් වනු ඇත. අප ගැලවුම්කරුවාණන්ට “අයිති” බව පෙන්වන්නේ කෙසේද?