මොසායා 1–3

බෙන්යමින් රජ තම සෙනග සමග කතා කිරීමට කැමති බව පණිවිඩයක් යැවූ විට, “ඔවුන්, ඔවුන්ව ගණන් නොකළ අතර” (මොසායා 2:2) බොහෝ දෙනෙක් පැමිණියහ. ඔවුන් පැමිණියේ, ඔවුන්ගේ නායකයාට දැක්වූ කෘතඥතාව සහ ආදරය නිසාය. නමුත් වඩා වැදගත් දෙය නම්, ඔවුන් දේව වචනය ඉගෙනගැනීමට පැමිණියහ.

ඔබ මොසායා 2:1–9 කියවන විට, ඔවුන් දෙවියන්වහන්සේගේ වචනය අගය කළ බව පෙන්වීමට මිනිසුන් කළේ කුමක්දැයි සොයා බලන්න. දෙවියන්වහන්සේගේ වචනය ඇසීමට සූදානම් වීම සඳහා බෙන්යමින් රජ ඔවුන්ගෙන් කුමක් කරන ලෙස ඉල්ලා සිටියේද? (9 වන පදය බලන්න). ඔබගේ පෞද්ගලික හා පවුල් අධ්‍යයනයේදී සහ සභාවේ රැස්වීම් වලදී දෙවියන්වහන්සේගේ වචනය ලැබීමට ඔබ වඩාත් හොඳින් සූදානම් වන්නේ කෙසේද?

තවත් බලන්න මතෙව් 13:18–23; ඇල්මා 16:16–17.

සේවය කිරීමට කාලය සොයාගැනීමට ඔබ වෙහෙසෙනවාද, නැතහොත් ඔබේ සේවය ඔබට වැඩි ප්‍රීතියක් ගෙන ආවා නම් කියා ප්‍රාර්ථනා කරනවාද? ඔහුගේ සම්පූර්ණ “බලයෙන්, මනසින් හා ශක්තියෙන්” ඔහු සේවය කළේ ඇයි කියා ඔබ ඔහුගෙන් ඇසුවොත් බෙන්යමින් රජු කුමක් කියයිද? (මොසායා 2:11). ඔබ මොසායා 2:10-26 කියවන විට, බෙන්යමින් රජ සේවය ගැන ඉගැන්වූ සත්‍යයන් හඳුනාගෙන ඒවා ඔබේ ජීවිතයට යොදාගත හැකි ආකාරය ගැන මෙනෙහි කරන්න. නිදසුනක් වශයෙන්, ඔබ අන් අයට සේවය කරන විට, ඔබ දෙවියන්වහන්සේටත් සේවය කරන බව දැනගැනීම ඔබට හැඟෙන්නේ කෙසේද? (මොසායා 2:17 බලන්න). මේ සතියේ ඔබට යමෙකුට සේවය කළ හැකි ක්‍රමයක් ගැන සිතන්න!

මතෙව් 25:40 ද බලන්න.

බෙන්යමින් රජතුමා සියලු අනාගතවක්තෘවරුන් මෙන් යේසුස් ක්‍රිස්තුස්වහන්සේ ගැන සාක්ෂි දුන්නේය, ඒ ඔහුගේ සෙනග “ඔවුන්ගේ පාපයට පව්කමාව ලබා, බලවත්වූ ප්‍රීතියකින් ප්‍රීති වන පිණිසය” (මොසායා 3:13) ගැලවුම්කරුවාණන් තම වන්දිගෙවීම තුළින් අපව පවිත්‍ර කරනවා පමණක් නොව නමුත් “ස්වාභාවික මිනිසා” ඉවත් කර “සාන්තුවරයෙකු” බවට පත්වීමට බලය ලබාදෙන බවද ඔහු ඉගැන්වීය (මොසායා 3:19; see also Guide to the Scriptures, “Natural Man,” scriptures.ChurchofJesusChrist.org).

වැඩිහිටි ඩේවිඩ් ඒ. බෙඩ්නර් මෙසේ පැහැදිලි කළේය: “පාපය මැඩපැවැත්වීමට අපට උපකාර වන පවිත්‍ර කිරීමේ සහ මුදවාගැනීමේ බලය මෙන්ම අපගේ ශක්තිය මත පමණක් රඳා සිටීමෙන් පමණක් අපට හැකි පමණින් යහපත් වීමට වඩා අපට උපකාර වන පවිත්‍රවීමේ සහ ශක්තිමත්වීමේ බලය ලබාදෙන්නේ යේසුස් ක්‍රිස්තුස්වහන්සේගේ වන්දිගෙවීමයි. එම අසීමිත වන්දිගෙවීම අප සෑමකෙනෙකු තුලම සිටින පව්කාරයාට මෙන්ම සාන්තුවරයාටද වේ” (“Clean Hands and a Pure Heart,” Ensign or Liahona, Nov. 2007, 82).

මොසායා 3:1–20 හි බෙන්යමින් රජුගේ ගැලවුම්කරුවාණන් පිළිබඳ සාක්ෂිය කියවන විට මෙනෙහි කළ යුතු ප්‍රශ්න කිහිපයක් මෙන්න:

• ගැළවුම්කරුවාණන් සහ උන්වහන්සේගේ මෙහෙවර ගැන මෙම පද වලින් මා ඉගෙනගන්නේ කුමක්ද?

• පාපය ජයගැනීමට යේසුස් ක්‍රිස්තුස්වහන්සේ මට උපකාර කර ඇත්තේ කෙසේද? මගේ ස්වභාවය වෙනස් කර සාන්තුවරයෙකු මෙන් වීමට උන්වහන්සේ මට උපකාර කර ඇත්තේ කෙසේද?

• මොසායා 3:19 හි සාන්තුවරයෙකු වීම ගැන මා ඉගෙනගන්නේ කුමක්ද?

සභාපති ජෝසෆ් එෆ්. ස්මිත් මෙසේ පැහැදිලි කළේය: යෙහෝවා ලෙස අප දන්නා යේසුස් ක්‍රිස්තුස්වහන්සේ, මැවීමේ කාර්යයේදී, පියාණන් වන එලෝහිම්ගේ, විධායකයා විය. … මැවුම්කරුවාණන් වන නිසා, යේසුස් ක්‍රිස්තුස්වහන්සේව නිරතුරුවම ස්වර්ගයේ හා පොළොවේ පියාණන් ලෙස හැඳින්වේ…; උන්වහන්සේගේ නිර්මාණ සදාකාලික ගුණාත්මක බැවින් යුතු නිසා, උන්වහන්සේව ඉතා නිවැරදිව ස්වර්ගයේ හා පොළොවේ සදාකාලික පියාණන් ලෙස හැඳින්වේ” (Teachings of Presidents of the Church: Joseph F. Smith [1998], 357).

පිත්තල තහඩු සහ නෙපිගේ තහඩු බෙන්යමින් රජුගේ ජනයාට ආශිර්වාද කළේ කෙසේද? ශුද්ධලියවිලි අපේ පවුලට ආශිර්වාද කරන්නේ කෙසේද?

බෙන්යමින් රජුගේ කතාවට පසුබිමක් නිර්මාණය කිරීම ඔබගේ පවුලට විනෝදයක් විය හැකිය. ඔබට කුඩා කුළුණක් සාදා එය මත සිටගෙන සිටියදී බෙන්යමින් රජුගේ වචන කියවීමට පවුලේ සාමාජිකයින් එකිනෙකාට ඉඩදිය හැකිය. පවුලේ අනෙක් අයට තාවකාලික කූඩාරමක් ඇතුළත සිටද සවන්දිය හැකිය.

බෙන්යමින් රජුගේ ඉගැන්වීම් සහ ආදර්ශයෙන් අප සේවය ගැන ඉගෙනගන්නේ කුමක්ද? කරන්නට අපට පෙළඹවීමක් දැනෙන්නේ මොනවාද?

නිහතමානීකම ගැන සාකච්ඡාවක් පැවැත්වීම ඔබේ පවුලට ප්‍රයෝජනවත් වේද? බෙන්යමින් රජ තමා කළ සියල්ල ගැන පුරසාරම් දෙඩුවේ නැත්තේ ඇයි? දෙවියන්වහන්සේ සමග ඇති අපගේ සම්බන්ධතාවය ගැන ඔහුගේ ඉගැන්වීම් වලින් අපට ඉගෙනගත හැක්කේ කුමක්ද?

සත්‍යය දැනගෙනත් ඒ අනුව ජීවත් නොවීම නිසා ඇති වන ප්‍රතිවිපාක ගැන බෙන්යමින් රජු ඉගැන්වූයේ කුමක්ද? සැබෑ සතුට ලබාගන්නේ කෙසේද යන්න ගැන ඔහු ඉගැන්වූයේ කුමක්ද?

සාන්තුවරයන් වීමට අප කළ යුත්තේ මොනවාද? පවුලක් ලෙස සංවර්ධනය වීම කෙරෙහි අපට අවධානය යොමුකළ හැක්කේ මෙම පදයේ කුමන ලක්ෂණ වලටද?