“Obubuo 23–29. ‘Monhwehwɛ Awurade na Mobɛnya Nkwa’: Amos; Obadia; Yona,” Come, Bra, Di M’akyi—De ma Efie ne Asɔre: Apam Dada 2026 (2026)
“Obubuo 23–29. ‘Monhwehwɛ Awurade na Mobɛnya Nkwa,’” Bra, Di M’akyi: Apam Dada 2026
Yona wɔ Mpoano wɔ Nineveh, ɛfiri Daniel Lewis hɔ
Obubuo 23–29: “Monhwehwɛ Awurade na Mobɛnya Nkwa”
Amos; Obadia; Yona
Na Yona wɔ ɛhyɛn bi a na ɛrekɔ Tarsis mu. Mfomsoɔ biara nni ho sɛ wobɛfa ɛpo so akɔ Tarsis, nanso ɛne Niniwe ntam kwan ware, baabi a na ɛwɔ sɛ Yona kɔka Onyankopɔn nkrasɛm no. Berɛ a ɛhyɛn no hyiaa mframa kɛseɛ bi no, Yona hunuu sɛ ɛyɛ n’asoɔden ntira. Yona hyɛɛ ne mfɛfoɔ apofoɔ no maa wɔtoo no too ɛpo bunu mu sɛdeɛ mframa no bɛgyae. Na ayɛ sɛ Yona ne ne som adwuma no aba awieeɛ. Nanso na Awurade nyaee Yona—sɛdeɛ na ɔnyaee Niniwefoɔ, Israel fie, anaasɛ yɛn mu biara no.
Enti Ɔkɔ so soma nkɔnhyɛfoɔ—te sɛ Yona, Amos, Obadia, ne yɛn nkɔnhyɛfoɔ a wɔwɔ hɔ nnɛ—a wɔde nkrasɛm sɛ sɛ yɛsakyera a, wɔrento yɛn ntwene afebɔɔ. Wɔ “ahintasɛm” a Onyankopɔn da no adi nyinaa mu no, (hwɛ Amos 3:7), yei ka deɛ ɛsom bo kɛseɛ no ho: sɛ esiane Yesu Kristo nti, ɛnkaa akyi pii sɛ yɛbɛsakra. Ɔda so ara pɛ sɛ ɔboa yɛn ma yɛdi apam ahoroɔ a yɛne no yɛeɛ no so, na Ɔwɔ ɔpɛ sɛ ɔbɛma yɛn akwanya foforɔ.
Sɛ wopɛ bebree fa nwoma ahoroɔ yi ho a, hwɛ “Amos,” “Obadia,” ne “Yona” wɔ Twerɛ Kronkron Nsɛm nkyerɛaseɛ mu.
Nsusuiɛ de ma Adesua wɔ Efie ne Asɔre
Amos 3:1–8; 7:10–15
Awurade da nokorɛ adi kyerɛ Ne nkɔnhyɛfoɔ.
Wɔ Amos 3:3–6no, nkɔnhyɛni Amos maa gyinaesie ho nhwɛsoɔ ahoroɔ a yɛbɛtumi anya afiri nsɛnkyerɛnneɛ a yɛte anaasɛ yɛhunu mu: sɛ gyata bobom a, na wakyere aboa, sɛ fidie yi anomaa a, na nnɛɛdɛɛdeɛ wɔ hɔ . Wɔ nkyekyɛmu 7–8no, Amos de saa nimdeɛ yi totoo nkɔnhyɛfoɔ ho. Gyinaeɛ bɛn na yɛbɛtumi asi berɛ a nkɔnhyɛni bi hyɛ nkɔm? Deɛn bio na wosua fa nkɔnhyɛfoɔfoɔ ho firi Amos 7:10–15?
Deɛn na Awurade nam Ne nkɔnhyɛfoɔ so ada no adi akyerɛ wo?
Elder Ulisses Soares kaa sɛ “nkɔnhyɛfoɔ a yɛwɔ no yɛ Onyankopɔn dɔ ho sɛnkyerɛnneɛ .” (“Prophets Speak by the Power of the Holy Spirit,” Liahona, Kɔtɔnima 2018, 99). Dwene sɛdeɛ wobɛwie kasamu yi: “Menim sɛ Onyankopɔn dɔ me, ɛfiri sɛ Ɔsoma nkɔnhyɛfoɔ a ” Twerɛnsɛm bi a ɛbɛtumi aboa nie: Deuteronomium 18:18; Hesekiel 3:16–17; Efesofoɔ 4:11–14; 1 Nephi 22:2; Nkyerɛkyerɛ ne Apam 21:4–6; 84:36–38; 107:91–92.
Deɛn na wobɛka akyerɛ obi a ɔdwene sɛ nkɔnhyɛfoɔ ho nhia nnɛ?
San hwɛ Tinsɛm ne Nsɛmmisa, “Prophets,” Asɛmpa Akoraeɛ.
Amos 4–5
“Monhwehwɛ Awurade na Mobɛnya Nkwa.”
Sɛdeɛ Amos 4:6–13, kyerɛ no, deɛn na na Awurade rehwɛ sɛ ɛbɛsi wɔ Israelfoɔ sɔhwɛ ahoroɔ no akyi? (san hwɛ Helaman 12:3). Berɛ a ebia wo nsɔhwɛ ahoroɔ mfiri Onyankopɔn no, sɛn na ama wo akwanya ahoroɔ a wode bɛsan akɔ Ne nkyɛn?
Berɛ a wokenkan Amos 5:4, 14–15no, dwene sɛdeɛ Awurade ayɛ wo adom ho. Sɛn na Ne hwehwɛ abrɛ wo nkwa?
Amos 8:11–12
Awurade asɛm bɛtumi ama honhom mu ɛkɔm ne sukɔm ho ɔmee.
Berɛ a wokenkan Amos 8:11–12no, dwene deɛ enti a ɛkɔm yɛ ntotoho papa ma asetena a Onyankopɔn asɛm nka ho (san hwɛ Yohane 6:26–35; 2 Nephi 9:50–51; 32:3; Enos 1:4–8). Sɛ honhom mu kɔm de wo a sɛn na wohunu?
Nkyekyɛmu ahoroɔ yi nso bɛtumi afa Ɔwaeɛ Kɛseɛ no ho (hwɛ Tinsɛm ne Nsɛmmisa, “Apostasy,” Asɛmpa Akoraeɛ). Sɛn na honhom mu “kɔm” anya nsunsuasoɔ wɔ Onyankopɔn mma so? Sɛn na Mmaeɛ bio no ama woamee wɔ honhom mu ?
San hwɛ “Ɔwaeɛ Kɛseɛ no” (sini), Asɛmpa Akoraeɛ.
The Great Apostasy
Obadia 1:21
Hwanom ne “agyefoɔ wɔ Sion bepɔ so”?
Ɔde retoto Obadia 1:21ho no, Titenani Gordon B. Hinckley kyerɛɛ mu sɛ sɛ yɛbɛyɛ agyefoɔ wɔ Sion Bepɔ so berɛ a yɛgye ayɛyɛdeɛ ma awufoɔ wɔ tɛmpol (hwɛ “Closing Remarks,” Liahona, Obubuo 2004, 105). Sɛn na saa adwuma no sɛ—sɛ ɛyɛ ɔkwan ketewa bi so—deɛ Agyenkwa no yɛ maa yɛn no? Sɛn na adwuma yi yɛ aboa ma woate nka sɛ wobɛn Agyenkwa no?
San hwɛ “Holy Temples on Mount Zion,” Nnwom, no. 289.
Yona 1–4
Awurade hunu wɔn a wɔsan kɔ Ne nkyɛn nyinaa mmɔbɔ.
Na Niniwe yɛ Israel tamfoɔ a wɔnim sɛ wɔyɛ akakabenfoɔ ne atirimɔdenfoɔ. Yona fam deɛ, na ayɛ sɛ wɔnyɛɛ krado sɛ wɔbɛsakyera. Ɛbɛtumi ayɛ anika sɛ yɛde Yona suban bɛtoto (hwɛ Yona 1; 3–4) Alma ne Mosiah mma mmarima atenka ho (hwɛ Mosiah 28:1–5; Alma 17:23–25). Deɛn na wosua firi Yona 3 a ɛkanyan wo ma wo ne nkorɔfoɔ mpo a ayɛ sɛ wɔnyɛɛ krado sɛ wɔbɛsesa kyɛ asɛmpa no?
Berɛ a wokenkan Yona no, hwehwɛ Awurade mmɔborɔhunu ho nhwɛsoɔ. Wodwene sɛ deɛn nti na Yona “ani nnye” na “ne bo fuu yie” (Yona 4:1) berɛ a Awurade hunuu Ninewifoɔ no mmɔbɔ no? Deɛn na wodwene sɛ na Awurade pɛ sɛ ɔkyerɛ no wɔ ti 4? Dwene sɛdeɛ woanya Ne mmɔborɔhunu wɔ w’abrabɔ mu ho. Deɛn na wosua firi Yona a ɛbɛtumi aboa ma woanya ahummɔborɔ kɛse?
Nkwadaa Adekyerɛ ho Adwenkyerɛ
Esiane sɛ Kwasida yi yɛ Kwasida a ɛtɔ so nnum wɔ bosome no mu nti, wɔhyɛ Primary akyerɛkyerɛfoɔ nkuran sɛ wɔmfa adesua dwumade nni dwuma wɔ “Appendix B: Preparing Children for a Lifetime on God’s Covenant Path.”
Amos 3:7
Nkɔnhyɛfoɔ yɛ Yesu Kristo asomafoɔ .
-
Sɛdeɛ wobɛboa wo nkwadaa ma wɔate Amos 3:7ase no, wobɛtumi aka nkrasɛm tiawa bi akyerɛ wɔn mu baako brɛoo na woaka akyerɛ no sɛ ɔnka nkrasɛm no nkyerɛ nkwadaa nkaeɛ no. Sɛn na ɔsomafoɔ a ɔwɔ dwumadie yi mu te sɛ nkɔnhyɛni? Adɛn nti na Awurade ma yɛn nkɔnhyɛfoɔ?
-
Sɛdeɛ mobɛsua bebree afa deɛ nkɔnhyɛfoɔ yɛ ho no, wo ne wo nkwadaa bɛtumi ahwɛ nkransɛm foforɔ a ɛfiri Asɔre no Titenani hɔ. Mobɛtumi nso ato nnwom te sɛ “Follow the Prophet” (Nkwadaa Nnwom nwoma, 110–11). Mo ne mo ho nkyɛ deɛ nti a moyii sɛ mobɛdi Onyankopɔn nkɔmhyɛni akyi.
Boa nkwadaa ma wɔnkye twerɛnsɛm ngu wɔn tirim. Elder Richard G. Scott kaa sɛ: “Worekyere twerɛsɛm agu tirim no ne sɛ worefa yɔnkoɔ foforɔ . Ɛte sɛ deɛ woahunu obi foforɔ a ɔbɛtumi aboa wɔ hia da mu, ama nkanyan ne ahotɔ, na wayɛ nkanyan a ɛhia ma nsakyeraeɛ farebae” (“The Power of Scripture,” Ensign, Obubuo 2011, 6). Sɛdeɛ wobɛboa wo nkwadaa ma wɔakyere Amos 3:7nyinaa anaasɛ ɛfa no, wobɛtumi atwerɛ ato hɔ na moati mu abom. Afei wobɛtumi apepa anaasɛ akata nsɛmfua bi so berɛ kakra kɔsi sɛ wo nkwadaa bɛtumi afiri wɔn tirim ati nkyekyɛmu no nyinaa mu.
Amos 8:11–12
Asɛmpa no Mmaeɛ bio no na ɛde ɔwaeɛ kɔm no baa awieeɛ.
-
Ma wo nkwadaa ma nyɛ te sɛ deɛ ɛkɔm de wɔn berɛ a wokenkan Amos 8:11–12. Sɛ Onyankopɔn asɛm ho kɔm de yɛn a sɛn na ɛteɛ? Ebia wo nkwadaa bɛtumi ayɛ te sɛ deɛ wɔredidi berɛ a mo ne mo ho mo ho kyɛ twerɛnsɛm a mopɛ no bi.
-
Wobɛtumi de Guide to the Scriptures, “Apostasy” (Asɛmpa Akoraeɛ ), anaasɛ “After the New Testament” (wɔ Apam Foforɔ Abansɛmmu, 167–70) aboa wo nkwadaa ma wɔate “ɛkɔm” a Ɔwaeɛ Kɛseɛ no de baeɛ ne sɛdeɛ ɛde Mmaeɛ bio no baeɛ ase. Mo ne mo ho mo ho nkyɛ deɛ nti a mo ani sɔ sɛ Awurade san de N’asɛmpa no baa yɛn mmerɛ yi mu.
2:52After the New Testament
Yona 1–3
Awurade bɛboa me ma mayɛ setie ama No, mpo berɛ a ɛyɛ den.
-
Sɛdeɛ wobɛboa ma wo nkwadaa asua Yona abasɛm no, wobɛtumi ahwehwɛ “Jonah the Prophet” wɔ Apam Dada Abansɛmmu; san hwɛ nnawɔtwe yi dwumadie krataafa mu). Afei wobɛtumi abisa sɛ:
-
Deɛn na ɛsiiɛ berɛ a Yona anyɛ setie amma Awurade no? (hwɛ Yona 1:4–17).
-
Deɛn na Yona yɛ de sakyeraeɛ? (hwɛ Yona 1:10–12; 2:1–4, 9; 3:1–4).
-
Deɛn na ɛsiiɛ berɛ a Yona yɛɛ setie no? (hwɛ Yona 3:5).
2:30Jonah the Prophet
-
-
Wo nkwadaa ani bɛtumi agye ho sɛ wɔbɛsan aka Yona abasɛm no anaasɛ wɔbɛyɛ akyerɛ. Mo ne mo ho mo ho nkyɛ suahuni ahodoɔ berɛ a Awurade pɛɛ sɛ moyɛ biribi a na ɛyɛ den ma mo. Sɛn na Ɔboa maa woyɛɛ setie maa No?
Yona 1–4
Awurade hunu wɔn a wɔsan kɔ Ne nkyɛn nyinaa mmɔbɔ.
-
Ebia wo nkwadaa bɛtumi ayɛ wɔn ho sɛ wɔrebisabisa Yona nsɛm wɔ ne suahunu no ho. Nsɛm bɛn na wɔbɛbisa no? Hyɛ wɔn nkuran ma wɔmmisa nsɛm mfa nhwehwɛ deɛ Yona sua faa Awurade ho. Deɛn na Yona bɛtumi aka afa Awurade mmɔborohunu ho? nhwɛsoɔ, Yona 2:7–10; 3:10; 4:2).
Kristo ne Obubuani Barima no, ɛfiri J. Kirk Richards hɔ
-
Boa wo nkwadaa ma wɔnnwene berɛ a Agyenkwa no daa mmɔborɔhunu adi kyerɛɛ afoforɔ ho nhwɛsoɔ, te sɛ Marko 2:3–12; Luka 23:33–34; ne Yohane 8:1–11. Wo ne wo nkwadaa bɛtumi ahwehwɛ nhwɛsoɔ ahoroɔ yi ho mfonin. Akwanya bɛn na yɛwɔ sɛ yɛbɛhunu afoforɔ mmɔbɔ?
Sɛ wopɛ bebree a, hwɛ bosome yi Adamfoɔ nsɛmma nwoma mu.