ఆమోసు; ఓబద్యా; యోనా

ఆమోసు 3:3–6లో, ప్రవక్త ఆమోసు మనం వినే లేదా చూసే సంకేతాలను బట్టి మనం తీసుకోగల తుది నిర్ణయాలకు ఉదాహరణలను అందించాడు: సింహం గర్జించినప్పుడు, అది ఎరను బంధించి ఉండాలి; ఒక పక్షి ఉచ్చులో చిక్కుకుంటే, అక్కడ ఎర ఉండాలి. 7–8 వచనాలలో, ఆమోసు ప్రవక్తలకు ఈ తర్కమును అన్వయించాడు. ఒక ప్రవక్త ప్రవచించినప్పుడు మనం ఎలాంటి తుది నిర్ణయాలు తీసుకోవచ్చు? ఆమోసు 7:10–15 నుండి ప్రవక్తల గురించి మీరు ఇంకా ఏమి నేర్చుకుంటారు?

ప్రభువు తన ప్రవక్తల ద్వారా మీకేమి బయల్పరిచారు?

“ప్రవక్తలను కలిగియుండుట దేవుని యొక్క ప్రేమకు సూచనగా ఉన్నది” అని ఎల్డర్ యులిసెస్ సోవారెస్ అన్నారు (“ప్రవక్తలు పరిశుద్ధాత్మ యొక్క శక్తి చేత మాట్లాడతారు, లియహోనా, మే 2018, 99). మీరు ఈ వాక్యాన్ని ఎలా పూర్తి చేస్తారో పరిగణించండి: “దేవుడు నన్ను ప్రేమిస్తున్నారని నాకు తెలుసు, ఎందుకంటే … ఆయన ప్రవక్తలను పంపుతారు.” సహాయపడే కొన్ని లేఖనాలు ఇక్కడ ఉన్నాయి: ద్వితీయోపదేశకాండము 18:18; యెహెజ్కేలు 3:16–17; ఎఫెసీయులకు 4:11–14; 1 నీఫై 22:2; సిద్ధాంతము మరియు నిబంధనలు 21:4–6; 84:36–38; 107:91–92.

నేడు ప్రవక్తల అవసరం లేదని భావించే వ్యక్తికి మీరు ఏమి చెబుతారు?

ఆమోసు 4:6–13 ప్రకారం, ఇశ్రాయేలీయులు శ్రమలను అనుభవించిన తరువాత ఏమి జరుగుతుందని ప్రభువు ఆశించారు? (హీలమన్ 12:3 కూడా చూడండి). మీ శ్రమలు దేవుని చేత పంపబడనప్పటికీ, ఆయన వైపు తిరగడానికి అవి మీకు ఎలా అవకాశాలను ఇచ్చాయి?

మీరు ఆమోసు 5:4, 14–15 చదివినప్పుడు, ప్రభువు మీ పట్ల ఎలా దయ చూపుతున్నారో ధ్యానించండి. ఆయనను వెదకడం మీకు ఎలా జీవం పోసింది?

మీరు ఆమోసు 8:11–12 చదివినప్పుడు, దేవుని వాక్యము లేకుండా జీవించడానికి కరువు ఎందుకు మంచి పోలిక అని ఆలోచించండి (యోహాను 6:26–35; 2 నీఫై 9:50–51; 32:3; ఈనస్ 1:4–8 కూడా చూడండి). మీరు ఆధ్యాత్మికంగా ఆకలితో ఉన్నప్పుడు మీకు ఎలా తెలుస్తుంది?

ఈ వచనాలు గొప్ప విశ్వాసభ్రష్టత్వానికి కూడా వర్తించగలవు. ఆ ఆధ్యాత్మిక “కరువు” దేవుని పిల్లలను ఎలా ప్రభావితం చేసింది? పునఃస్థాపన మీ ఆధ్యాత్మిక ఆకలిని ఎలా తృప్తిపరిచింది?

16:36

ఓబద్యా 1:21ని సూచిస్తూ, చనిపోయిన వారి కోసం దేవాలయంలో విధులను పొందినప్పుడు మనం సీయోను పర్వతంపై రక్షకులమవుతామని అధ్యక్షులు గార్డన్ బి. హింక్లీ వివరించారు (see “Closing Remarks,” Liahona, Nov. 2004, 105). ఆ పని చేయడం—కొంతవరకు మాత్రమే అయినా—రక్షకుడు మన కోసం చేసిన దానివలె ఎలా ఉంటుంది? ఈ పని చేయడం రక్షకునితో సన్నిహితంగా ఉండేందుకు మీకు ఎలా సహాయం చేసింది?

నీనెవె ఇశ్రాయేలు యొక్క శత్రువు, దాని దౌర్జన్యము మరియు క్రూరత్వానికి పేరుపొందినది. యోనాకు, వారు పశ్చాత్తాపపడటానికి సిద్ధంగా ఉన్నారనడం అవాస్తవమైనదిగా కనబడింది. యోనా స్వభావాన్ని (యోనా 1; 3–4 చూడండి) ఆల్మా మరియు మోషైయ కుమారుల భావాలతో (మోషైయ 28:1–5; ఆల్మా 17:23–25 చూడండి) పోల్చడం సహాయకరంగా ఉండవచ్చు. మారడానికి సిద్ధంగా లేని వ్యక్తులతో కూడా సువార్తను పంచుకోవడానికి మిమ్మల్ని ప్రేరేపించేలా యోనా 3 నుండి మీరు ఏమి నేర్చుకున్నారు?

మీరు యోనాను చదివినప్పుడు, ప్రభువు యొక్క కనికరమును గూర్చి మాదిరుల కొరకు వెదకండి. నీనెవె జనులకు ప్రభువు కనికరమును చూపినప్పుడు, యోనా “చింతాక్రాంతుడై,” “కోపగించుకొన్నాడు” (యోనా 4:1) అని మీరెందుకు భావిస్తున్నారు? 4వ అధ్యాయములో అతనికి ఏమి బోధించడానికి ప్రభువు ప్రయత్నిస్తున్నారని మీరనుకుంటున్నారు? మీ జీవితంలో ఆయన కనికరమును మీరు ఎలా అనుభవించారో ధ్యానించండి. ఎక్కువ కనికరముగా ఉండటానికి మీకు సహాయపడేలా యోనా నుండి మీరు ఏమి నేర్చుకుంటారు?

• మీ పిల్లలు ఆమోసు 3:7ని అర్థం చేసుకోవడంలో సహాయపడటానికి, మీరు వారిలో ఒకరికి ఒక సాధారణ సందేశాన్ని గుసగుసగా చెప్పి, ఆ సందేశాన్ని ఇతర పిల్లలతో పంచుకోమని వారిని అడగవచ్చు. ఈ ప్రోత్సాహ కార్యక్రమంలో దూత ఎలా ప్రవక్తలా ఉన్నాడు? ప్రభువు మనకు ప్రవక్తలను ఎందుకు ఇస్తారు?

• ప్రవక్తలు ఏమి చేస్తారనే దాని గురించి మరింత తెలుసుకోవడానికి, మీరు మరియు మీ పిల్లలు సంఘము యొక్క ప్రస్తుత అధ్యక్షుడి నుండి ఇటీవలి సందేశాలను సమీక్షించవచ్చు. మీరు దేవుని ప్రవక్తను అనుసరించడానికి ఎందుకు ఎంచుకున్నారో ఒకరితో ఒకరు పంచుకోండి.

• మీరు ఆమోసు 8:11–12ను చదివేటప్పుడు ఆకలితో ఉన్నట్లు నటించమని మీ పిల్లలను ఆహ్వానించండి. మనం దేవుని వాక్యం కోసం ఆకలితో ఉన్నప్పుడు ఎలా అనిపిస్తుంది? మీకు ఇష్టమైన కొన్ని లేఖనాలను మీరు ఒకరితో ఒకరు పంచుకున్నప్పుడు మీ పిల్లలు తింటున్నట్లు నటించవచ్చు.

• మన కాలంలో ప్రభువు తన సువార్తను పునఃస్థాపించారని మీరు కృతజ్ఞతతో ఉన్నందుకు కారణాలను ఒకరితో ఒకరు పంచుకోండి.

  

  2:52

• మీ పిల్లలు యోనా కథను నేర్చుకోవడంలో సహాయపడటానికి, మీరు పాత నిబంధన కథలులో “ప్రవక్తయైన యోనా”ని సమీక్షించవచ్చు; ఈ వారం ప్రోత్సాహ కార్యక్రమ పేజీని కూడా చూడండి). అప్పుడు మీరు అడగవచ్చు:

  • యోనా ప్రభువుకు లోబడనప్పుడు ఏమి జరిగింది? (యోనా 1:4–17 చూడండి).

  • పశ్చాత్తాపపడడానికి యోనా ఏమి చేశాడు? (యోనా 1:10–12; 2:1–4, 9; 3:1–4 చూడండి).

  • యోనా విధేయత చూపినప్పుడు ఏమి జరిగింది? (యోనా 3:5 చూడండి).

  

  2:30

• మీ పిల్లలు యోనా కథను మళ్లీ చెప్పడాన్ని లేదా నటించడాన్ని ఆనందించవచ్చు. మీకు కష్టమైన ఒక పనిని మీరు చేయాలని ప్రభువు కోరుకున్నప్పటి కొన్ని అనుభవాలను ఒకరితో ఒకరు పంచుకోండి. ఆయనకు లోబడడానికి ఆయన మీకు ఎలా సహాయం చేశారు?

• బహుశా మీ పిల్లలు యోనాను అతని అనుభవం గురించి ఇంటర్వ్యూ చేస్తున్నట్లు నటించవచ్చు. వారు అతడిని ఏ ప్రశ్నలు అడుగుతారు? ప్రభువు గురించి యోనా ఏమి నేర్చుకున్నాడో తెలుసుకోవడానికి ప్రశ్నలు అడగమని వారిని ప్రోత్సహించండి. ఉదాహరణకు, ప్రభువు కనికరం గురించి యోనా ఏమి చెప్పవచ్చు? (ఉదాహరణకు, యోనా 2:7–10; 3:10; 4:2 చూడండి).

• రక్షకుడు ఇతరులపై దయ చూపిన ఉదాహరణల గురించి ఆలోచించేలా మీ పిల్లలకు సహాయం చేయండి, మార్కు 2:3–12; లూకా 23:33–34; మరియు యోహాను 8:1–11 వంటివి. మీరు మరియు మీ పిల్లలు ఈ ఉదాహరణల చిత్రాల కోసం శోధించవచ్చు. ఇతరుల పట్ల దయ చూపడానికి మనకు ఎలాంటి అవకాశాలు ఉన్నాయి?