యెహెజ్కేలు 1–3; 33–34; 36–37; 47

యెహెజ్కేలు 3 మరియు 34లో, ప్రభువు తన జనుల యొక్క నాయకులను కావలివారిగా, గొఱ్ఱెల కాపరులుగా సూచించారు. మీరు ఈ అధ్యాయాలను చదివినప్పుడు, ఒక నాయకునిగా ఉండుట అనగా అర్థమేమిటని ఈ శీర్షికలు సూచిస్తాయో పరిగణించండి.

మీరు మేపవలెనని ప్రభువు కోరిన “గొఱ్ఱెలు” ఎవరు? సువార్తసేవ చేయడానికి, పిల్లలను పెంచడానికి లేదా పరిచర్య బాధ్యతను నెరవేర్చడానికి సిద్ధపడుతున్న వారెవరికైనా సహాయపడునట్లు యెహెజ్కేలు 34లో మీరు ఏమి కనుగొంటారు? మన కాపరిగా రక్షకుని మాదిరిని మీరు ఎలా అనుసరించగలరు? (11–31 వచనాలు చూడండి).

ఈ అధ్యాయంలో మీరు కనుగొన్న ప్రతీకవాదాన్ని కూడా మీరు ధ్యానించవచ్చు. 14వ వచనములో “మంచి మేత” మరియు “మంచి దొడ్డి” దేనిని సూచిస్తాయి? “తప్పిపోయిన” గొర్రె మరియు “తోలివేయబడిన” గొర్రె మధ్య తేడా ఏమిటి? (16వ వచనము). ఏ ఇతర చిహ్నాలను మీరు కనుగొంటారు?

యోహాను 21:15–17; గెరిట్ డబ్ల్యు. గాంగ్, “పరిచర్య,” లియహోనా, మే 2023, 16–19 కూడా చూడండి.

“మా … పాపదోషములు మామీద పడియున్నవి,” “మనమెట్లు బ్రదుకుదుము?” అని చెరపట్టబడిన ఇశ్రాయేలీయులు ఆశ్చర్యపడ్డారు. (యెహెజ్కేలు 33:10). జవాబుగా, ప్రభువు పశ్చాత్తాపము మరియు క్షమాపణ గురించి ముఖ్యమైన సత్యములను వారికి బోధించారు. ఆయన బోధించిన దానిని ధ్యానించడానికి ఈ ప్రశ్నలు మీకు సహాయపడగలవు:

• “[మీ] స్వనీతిని ఆధారము చేసుకొనుట” అనగా అర్థమేమిటని మీరనుకుంటున్నారు? (యెహెజ్కేలు 33:12–13 చూడండి).

• యెహెజ్కేలు 33:12–19 లో వివరించబడిన జనులు న్యాయంగా చూడబడలేదని భావించే వారికి మీరు ఏమని చెప్తారు? (మత్తయి 21:28–31; లూకా 18:9–14 కూడా చూడండి).

• పశ్చాత్తాపపడుట అనగా అర్థమేమిటో గ్రహించటానికి మీకు సహాయపడేలా ఈ వచనాలలో మీరు ఏమి కనుగొంటారు? యెహెజ్కేలు 36:26–27 మరియు ఆల్మా 7:14–16లో ఏ అదనపు అంతరార్థములను మీరు కనుగొంటారు?

ఇశ్రాయేలు సమకూర్పు యెహెజ్కేలు 37లో రెండు చిహ్నముల ద్వారా చిత్రీకరించబడింది. మొదటిది—మృతమైన ఎముకలకు ప్రాణము తిరిగివ్వబడుట (1–14 వచనాలు చూడండి) గురించి మీరు చదివినప్పుడు—తెరకు ఇరువైపులా ఇశ్రాయేలును సమకూర్చడం గురించి అది మీకేమి సూచిస్తుందో ధ్యానించండి (యెహెజ్కేలు 36:24–30 కూడా చూడండి). ఇలాంటి ప్రశ్నలను పరిగణించండి:

• ఇశ్రాయేలును సమకూర్చడం ద్వారా ప్రభువు ఏమి సాధించాలని ప్రయత్నిస్తున్నారు?

• ఆయన దానిని ఎలా సాధిస్తున్నారు?

15–28 వచనాలలో రెండవ చిహ్నాన్ని గురించి మీరు చదివినప్పుడు, మిమ్మల్ని మీరు ఇవే ప్రశ్నలు అడగవచ్చు. ఈ చిహ్నము రెండు కర్రతునకలను కలిపియున్నది, దానిని చాలామంది పండితులు కీలుతో జతపరచి వ్రాసే చెక్క బోర్డులుగా వ్యాఖ్యానిస్తారు. యూదా కర్రతునక బైబిలును సూచిస్తుంది (బైబిలులో అధికము యూదా వంశస్థుల చేత వ్రాయబడినది కనుక) మరియు (లీహై కుటుంబము ఐగుప్తు యొక్క యోసేపు వంశస్థులు కనుక) యోసేపు కర్రతునక మోర్మన్ గ్రంథమును సూచిస్తుంది. దానిని దృష్టిలో ఉంచుకుని, ఇశ్రాయేలును సమకూర్చుటలో లేఖనాల పాత్ర గురించి ఈ వచనాలు మీకేమి బోధిస్తాయి?

బైబిలు మరియు మోర్మన్ గ్రంథము మీ జీవితంలో—ముఖ్యంగా, మీరు క్రీస్తు వద్దకు రావడానికి సహాయం చేయడంలో ఎలా కలిసి పని చేసాయో ఆలోచించండి. ఏ గద్యభాగాలు మీకు ప్రత్యేకంగా అర్థవంతంగా ఉన్నాయి?

2 నీఫై 3:11–13; 29:14 కూడా చూడండి.

1:31

మీరు యెహెజ్కేలు 47:1–12 చదివినప్పుడు, మృత సముద్రం చేపలు మరియు మొక్కలు జీవించలేనంత ఉప్పగా ఉంటుందని తెలుసుకోవడం మీకు సహాయపడవచ్చు. 1–12 వచనాలలో వివరించబడిన జలాల గురించి మిమ్మల్ని ఏది ఆకట్టుకుంటుంది? (ప్రకటన 22:1 కూడా చూడండి). ఈ జలాలు దేనిని ప్రతీక? 12వ వచనములో వివరించబడిన చెట్లు దేనిని సూచిస్తాయి?

ఎల్డర్ డేల్ జి. రెన్‌లండ్ గారి సందేశం, “కుటుంబ చరిత్ర మరియు దేవాలయ కార్యము: బంధింపబడుట మరియు స్వస్థత” మీ అవగాహనకు ఏమి జోడిస్తుంది? (లియహోనా, మే 2018, 47–48). దేవాలయం వలన మీరు ఆధ్యాత్మిక జీవితాన్ని మరియు స్వస్థతను ఎలా పొందారో ధ్యానించండి.

• చిన్నపిల్లలు యెహెజ్కేలు 3:17కు సంబంధించిన అభినయాలను చేయడాన్ని ఆనందించవచ్చు. ఉదాహరణకు, మీరు “కావలి,” “ఆలకించు” మరియు “నోరు” అనే పదాలను చదివినప్పుడు, వారు తమ కళ్ళు, చెవులు మరియు నోటిని చూపవచ్చు. వారు బయటికి వెళ్లడాన్ని లేదా గది చుట్టూ వెళ్లడాన్ని కూడా ఇష్టపడవచ్చు. వారు నడుస్తున్నప్పుడు, నదులు దాటడం, కొమ్మల క్రిందకు వెళ్లడం లేదా తప్పించుకోవలసిన జంతువులు (నిజమైనవి లేదా నటించండి) వంటి వాటి గురించి వారిని హెచ్చరించండి. మనం చూడలేని ప్రమాదాల గురించి ప్రభువు యొక్క ప్రవక్త మనల్ని ఎలా హెచ్చరిస్తున్నారనే దాని గురించిన సంభాషణకు ఇది దారితీయవచ్చు.

• యెహెజ్కేలు 3:17; 33:1–5ని వివరించడానికి ఇక్కడ మరొక మార్గం ఉంది. మీ పిల్లలలో ఒకరు కిటికీలోంచి బయటకు చూస్తూ, బయట ఏమి జరుగుతుందో అందరికీ చెప్పడం ద్వారా “కావలివాని” వలె నటించవచ్చు. ChurchofJesusChrist.org మన సజీవ ప్రవక్త మనకు ఒక కావలివానిగా ఎలా ఉన్నారు?

  

  4:17

• యెహెజ్కేలు 37:15–23ని కలిసి చదివిన తర్వాత, మీరు మరియు మీ పిల్లలు రెండు కర్రతునకలను కనుగొని, ఒక దానిపై యూదా కొరకు (బైబిలు), మరొకదానిపై యోసేపు కొరకు (మోర్మన్ గ్రంథము) అని వ్రాయవచ్చు. రక్షకునికి దగ్గరగా భావించడానికి మరియు “[ఆయన] జనులు” (23వ వచనము) కావడానికి మీకు సహాయపడునట్లు బైబిలు మరియు మోర్మన్ గ్రంథము నుండి కథలు లేదా లేఖనాలను మీరు పంచుకోవచ్చు. లేఖనాల యొక్క ఈ రెండు గ్రంథాలను కలిగియుండడం ఎందుకు మంచిది?

• దేవాలయము నుండి నీళ్లు ప్రవాహిస్తూ, మృత సముద్రమును స్వస్థపరిచే యెహెజ్కేలు దర్శనమును యెహెజ్కేలు 47 వర్ణిస్తుంది—ఆ సముద్రము ఎంత ఉప్పగా ఉంటుందంటే దానిలో చేపలు, మొక్కలు నివసించలేవు. దర్శనం నుండి దేవాలయం, నది, ఎడారి, మృత సముద్రం, అనేక చేపలు లేదా ఫలవంతమైన చెట్టు వంటి ఒకటి లేదా రెండు వస్తువులను మీ పిల్లలు గీయవచ్చు. తర్వాత, మీరు 1–12 వచనాలను కలిసి చదువుతున్నప్పుడు, ఆ వస్తువు ప్రస్తావించబడినప్పుడు వారు తమ చిత్రాల‌ను పంచుకోవచ్చు. ఈ దర్శనంలోని నది నుండి ఎలాంటి ఆశీర్వాదాలు వచ్చాయి? ఈ ఆశీర్వాదాలు దేవాలయ నిబంధనలను పాటించేవారికి రక్షకుడు అందించే ఆశీర్వాదాల వలె ఎలా ఉన్నాయో చూడడానికి పిల్లలకు సహాయం చేయండి.

  

  3:43