మీకా; నహూము; హబక్కూకు; జెఫన్యా

“యెహోవా సన్నిధిని … మహోన్నతుడైన దేవుని సన్నిధిని నమస్కారముు చేయుట” (మీకా 6:6) ఎలా ఉంటుందో ఊహించమని మీకా మనల్ని ఆహ్వానిస్తున్నాడు. ఆయన మీ జీవితాన్ని లెక్కించినప్పుడు ప్రభువుకు ముఖ్యమైనదేమిటనే దాని గురించి 6–8 వచనములు ఏమి సూచిస్తున్నాయి?

డేల్ జి. రెన్లండ్, “న్యాయముగా నడుచుకొనుము, కనికరమును ప్రేమించుము, దీనమనస్సు కలిగి దేవుని యెదుట ప్రవర్తించుము,” లియహోనా, నవ. 2020, 109–12 కూడా చూడండి.

నహూము యొక్క నియమిత కార్యము ఏదనగా హింసాత్మక సామ్రాజ్యమైన అష్షూరు యొక్క రాజధాని—నీనెవె యొక్క నాశనమును ముందుగా చెప్పుట, అది ఇశ్రాయేలును చెదరగొట్టింది మరియు యూదాను అణచివేసింది. దేవుని ఉగ్రతను మరియు ఆయన సాటిలేని శక్తిని వర్ణించుట ద్వారా నహూము ప్రారంభించాడు, కానీ అతడు దేవుని యొక్క కనికరము మరియు మంచితనము గురించి కూడా మాట్లాడాడు. ఈ లక్షణాలలో ప్రతిదానిని—మీరు గమనించిన దేవుని యొక్క మిగిలిన లక్షణాలను గ్రహించడానికి మీకు సహాయపడే వచనాల కొరకు 1వ అధ్యాయములో చూడండి. ప్రభువు గురించి ఈ విషయాలలో ప్రతిదానిని తెలుసుకొనుట ఎందుకు ముఖ్యమైనదని మీరు అనుకుంటున్నారు?

కొన్నిసార్లు ప్రభువు యొక్క విధానములను గూర్చి ప్రవక్తలు కూడా ప్రశ్నలు కలిగియున్నారు. యూదాలో చెడుతనము వ్యాపించిన సమయమందు జీవించిన హబక్కూకు, ప్రభువుకు ప్రశ్నలతో తన గ్రంథాన్ని ప్రారంభించాడు (హబక్కూకు 1:1–4 చూడండి). హబక్కూకు యొక్క సందేహాలను మీరు ఎలా సంక్షిప్తపరచగలరు? నేడు జనులు దేవుని గురించి ఎలాంటి ప్రశ్నలు అడుగుతారు? మీకు ఎప్పుడైనా అలాంటి భావాలు కలిగాయా? మీరు అతని ప్రశ్నలను మార్కు 4:37–38 మరియు సిద్ధాంతము మరియు నిబంధనలు 121:1–6లో కనుగొనబడునటువంటి లేఖనాలలోని ఇతరులతో పోల్చవచ్చు.

యూదాను శిక్షించడానికి ఆయన కల్దీయులను (బబులోనీయులు) పంపెదనని చెప్పుచూ హబక్కూకు ప్రశ్నలకు ప్రభువు జవాబిచ్చారు (హబక్కూకు 1:5–11 చూడండి). కానీ హబక్కూకు ఇంకా ఇబ్బందిపడ్డాడు, ఏలయనగా ప్రభువు “చెడ్డ [బబులోను] తమకంటె నీతిపరులను [యూదా] నాశనము చేయగా జోక్యం చేసుకోకపోవడం అన్యాయమైనదిగా కనబడింది (12–17 వచనాలు చూడండి). మీరు సమాధానం లేని ప్రశ్నలను కలిగి ఉన్నప్పుడు ప్రభువును విశ్వసించడానికి మిమ్మల్ని ప్రేరేపించేలా హబక్కూకు 2:1–4లో మీరు ఏమి కనుగొంటారు?(మార్కు 4:39–40; సిద్ధాంతము మరియు నిబంధనలు 121:7–8 కూడా చూడండి).

4:59

3వ అధ్యాయం హబక్కూకు యొక్క స్తుతి మరియు విశ్వాసం యొక్క ప్రార్థన. 3వ అధ్యాయంలో హబక్కూకు స్వరం 1వ అధ్యాయం నుండి ఎలా భిన్నంగా ఉంది? 17–19 వచనాలను ధ్యానించడంలో మీకు సహాయపడే ఉపాయము ఇక్కడ ఉంది: దేవుడు మీకు ఇచ్చిన తాత్కాలిక మరియు ఆధ్యాత్మిక ఆశీర్వాదాల జాబితాను రూపొందించండి. అప్పుడు మీరు తాత్కాలిక ఆశీర్వాదాలను కోల్పోయారని ఊహించుకోండి. అది ఇతర ఆశీర్వాదాల గురించి మీరు ఎలా భావించేలా చేయవచ్చు? 17వ వచనములో వివరించిన విధంగా కష్టాల సమయంలో “యెహోవాయందు ఆనందించడం” (18వ వచనము) ఎందుకు కష్టంగా ఉండవచ్చు? జీవితము అన్యాయంగా కనిపించినప్పుడు కూడా, దేవునియందు గొప్ప విశ్వాసమును మీరు ఎలా వృద్ధి చేయగలరో ధ్యానించండి.

గెరిట్ డబ్ల్యు. గాంగ్, “సమస్త సంగతులు మీ మేలు కొరకే,” లియహోనా, మే 2024, 41–44 కూడా చూడండి.

జెఫన్యా ప్రవచనాలను మీరు చదివినప్పుడు, నాశనమునకు నడిపించిన స్వభావాలు మరియు ప్రవర్తనలను గమనించండి—ప్రత్యేకించి జెఫన్యా 1:4–6, 12; 2:8, 10, 15; 3:1–4 చూడండి. తరువాత దేవుడు కాపాడే జనుల స్వభావాల కోసం వెదకండి—జెఫన్యా 2:1–3; 3:12–13, 18–19 చూడండి. ఈ వచనాలలో ప్రభువు మీ కొరకు కలిగియున్న సందేశమేదని మీరు భావిస్తున్నారు?

జెఫన్యా 3:14–20 చదివిన తర్వాత, మీరు ఈ వాక్యాన్ని ఎన్ని విధాలుగా పూర్తి చేయవచ్చో చూడండి: “పూర్ణహృదయంతో సంతోషించి గంతులు వేయుడి,” ఎందుకంటే … సంతోషించడానికి ఈ కారణాల గురించి తెలుసుకోవడం మీకు ఎందుకు ముఖ్యం? 3 నీఫై 17 లో వివరించబడిన అనుభవాలతో ఈ వచనాలను మీరు పోల్చవచ్చు మరియు మీతో కలిపి—ఆయన జనుల గురించి యేసు క్రీస్తు ఎలా భావిస్తున్నారో ధ్యానించండి.

• బేత్లెహేములో శిశువు యేసును కనుగొనడంలో జ్ఞానులకు సహాయపడినది మీకా ప్రవచనం అని మీ పిల్లలకు తెలియకపోవచ్చు. మీకా 5:2 మరియు మత్తయి 2:1–6ని ఉపయోగించి, బహుశా మీ పిల్లలు వారి అనుభవాన్ని మళ్లీ ప్రదర్శించవచ్చు. యేసు పుట్టడానికి చాలా సంవత్సరాల ముందే ప్రవక్తలకు దాని గురించి తెలుసు కాబట్టి, ఆయన జన్మ ఎందుకంత ముఖ్యమైనదనే దాని గురించి మీరు మాట్లాడవచ్చు.

• నహూము 1:7 చదివిన తర్వాత, మీ పిల్లలు ఒక సాధారణ “ఆశ్రయదుర్గము” లేదా కోటను నిర్మించవచ్చు లేదా గీయవచ్చు (ఈ నమూనాలో ఒకదాని చిత్రం ఉంది). జనులకు ఒక కోట అవసరమయ్యే కొన్ని కారణాలు ఏమిటి? మన దినమును “శ్రమ దినముగా” ఏది చేస్తుంది? యేసు క్రీస్తు మన కొరకు ఎలా ఆశ్రయదుర్గములా ఉన్నారు?

• హబక్కూకు 2:3ని పరిచయం చేయడానికి, మీరు మరియు మీ పిల్లలు మంచి విషయాల గురించి మాట్లాడవచ్చు, కానీ మనము వేచి ఉన్న తర్వాత మాత్రమే—పక్వానికి రావాల్సిన పండ్లు లేదా కాల్చవలసిన పిండి వంటివి. మనము పండు లేదా పిండిని అది తయారు కావడానికి ముందు తినడానికి ప్రయత్నిస్తే ఏమి జరుగుతుంది? అప్పుడు మీరు హబక్కూకు ప్రవక్త గురించి మాట్లాడవచ్చు, అతను లోకంలోని దుష్టత్వాన్ని ప్రభువు ఎప్పుడు ఆపుతారో తెలుసుకోవాలనుకున్నాడు. హబక్కూకు 2:3లో ప్రభువు సమాధానాన్ని చదవండి. దేవుడు వాగ్దానం చేసిన విషయాల గురించి ఆలోచించడానికి మీరు మీ పిల్లలకు సహాయం చేయవచ్చు. ప్రతి ఉదాహరణతో, మీరు కలిసి ఇలా చెప్పవచ్చు, “దాని కొరకు కనిపెట్టుము, అది తప్పక జరుగును.”

• హబక్కూకు 2:14ని వివరించాలంటే, మీరు మరియు మీ పిల్లలు యేసు చేసిన లేదా బోధించిన విషయాలను సూచించే చిత్రాలు లేదా పదాలతో ఒక సీసాను లేదా ఇతర పాత్రను నింపవచ్చు. ప్రభువును గూర్చిన జ్ఞానంతో ప్రపంచాన్ని నింపడానికి మనం ఎలా సహాయం చేయవచ్చు?

• మీరు మీ పిల్లలకు ప్రపంచ పటము‌ను కూడా చూపించవచ్చు. వారు నివసించే స్థలాన్ని మరియు వారికి తెలిసిన సువార్తికులు సేవ చేసిన స్థలాలను కనుగొనడంలో వారికి సహాయపడండి. మనం యేసు క్రీస్తు గురించి ఇతరులకు ఏమి చెప్పగలము?

• జెఫన్యా 3:14–20లో, “ఉత్సాహధ్వని చేయుడి, … పూర్ణ హృదయముతో సంతోషించి గంతులు వేయుడి” అని వారు కోరుకునేలా చేసే దాని కోసం మీ పిల్లలు వెదకవచ్చు. బహుశా మీరు కలిసి కొన్ని సంతోషకరమైన కీర్తనలు లేదా పాటలు పాడవచ్చు మరియు యేసు క్రీస్తు సువార్తలో మీరు కనుగొన్న ఆనందం గురించి మాట్లాడవచ్చు.