Amosi; Obadia; Yona

Katika Amosi 3:3–6, nabii Amosi aliwasilisha mifano ya hitimisho tunaloweza kupata kutoka kwa ishara tunazosikia au kuona: wakati simba anaunguruma, lazima atakuwa imekamata mawindo; kama ndege amekamatwa katika mtego, lazima palikuwa na chambo huko. Katika mstari wa 7–8, Amosi alitumia mantiki hii kwa manabii. Ni hitimisho gani tunaweza kupata wakati nabii anapotoa unabii? Unajifunza nini zaidi kuhusu manabii kutoka kwa Amosi 7:10–15?

Bwana amefunua nini kwako kupitia manabii Wake?

Mzee Ulisses Soares alisema kwamba “kuwa na manabii ni ishara ya upendo wa Mungu” (“Manabii Wanazungumza kwa Uwezo wa Roho Mtakatifu,” Liahona, Mei 2018, 99). Fikiria jinsi ambavyo ungekamilisha sentensi hii: “Ninajua Mungu ananipenda, kwa sababu Yeye anawatuma manabii ambao …” Haya ni baadhi ya maandiko ambayo yanaweza kusaidia: Kumbukumbu la Torati 18:18; Ezekieli 3:16–17; Waefeso 4:11–14; 1 Nefi 22:2; Mafundisho na Maagano 21:4–6; 84:36–38; 107:91–92.

Ungesema nini kwa mtu ambaye anahisi manabii hawahitajiki leo?

Ona pia Mada na Maswali, “Manabii,” Maktaba ya Injili.

Kulingana na Amosi 4:6–13, ni nini Bwana alitarajia kitatokea baada ya Waisraeli kupata majaribu? (ona pia Helamani 12:3). Wakati jaribu lako linaweza kuwa halijatumwa na Mungu, tafakari jinsi linavyoweza kukupa fursa za kumtafuta Yeye.

Unaposoma Amosi 5:4, 14–15, tafakari jinsi Bwana amekuwa mwenye hisani kwako. Ni kwa jinsi gani kumtafuta Yeye kumekuletea uhai?

Unaposoma Amosi 8:11–12, fikiria ni kwa nini njaa ni mfananisho mzuri wa kuishi bila neno la Mungu (ona pia Yohana 6:26–35; 2 Nefi 9:50–51; 32:3; Enoshi 1:4–8). Ni kwa jinsi gani unajua unapokuwa na njaa ya kiroho?

Mistari hii ingeweza pia kutumika katika Ukengeufu Mkuu (ona Mada na Maswali, “Ukengeufu,” Gospel Library). Ni kwa jinsi gani “njaa” hiyo ya kiroho imewaathiri watoto wa Mungu? Ni kwa jinsi gani Urejesho unakidhi njaa kiroho?

Ona pia “The Great Apostasy” (video), Maktaba ya Injili.

16:36

Akirejelea Obadia 1:21, Rais Gordon B. Hinckley alieleza kwamba tunakuwa waokozi kwenye Mlima Sayuni wakati tunapopokea ibada kwa ajili ya wafu hekaluni (ona “Maneno ya Kufunga,” Liahona, Nov. 2004, 105). Ni kwa jinsi gani kufanya kazi hiyo kunafanana—hata kwa njia ndogo tu—na kile Mwokozi alichofanya kwa ajili yetu? Ni kwa jinsi gani kufanya kazi hii kumekusaidia kuhisi uko karibu zaidi na Mwokozi?

Ona pia “Mahekalu Matakatifu juu ya Mlima Sayuni,” Nyimbo za Kanisa, na. 289.

Ninawi ilikuwa adui wa Israeli iliyojulikana kwa vurugu na ukatili. Kwa Yona, ilionekana kutokuwa na uhakika kwamba walikuwa tayari kutubu. Ingeweza kusaidia kulinganisha mtazamo wa Yona (ona Yona 1; 3–4) na hisia za Alma na wana wa Mosia (ona Mosia 28:1–5; Alma 17:23–25). Je, unajifunza nini kutoka kwa Yona 3 ambacho kinakuhimiza kushiriki injili hata na watu ambao hawaonekani kuwa tayari kubadilika?

Unaposoma Yona, tafuta mifano ya rehema ya Bwana. Kwa nini unahisi Yona “hakupendezwa” na “kukasirika sana” (Yona 4:1) wakati Bwana alipowahurumia watu wa Ninawi? Je, unahisi Bwana alikuwa anajaribu kumfundisha nini yeye katika sura ya 4? Tafakari jinsi ulivyoona rehema Yake maishani mwako. Unajifunza nini kutoka kwa Yona ambacho kinaweza kukusaidia kuwa mwenye rehema zaidi?

• Ili kuwasaidia watoto wako waelewe Amosi 3:7, ungeweza kunong’ona ujumbe rahisi kwa mmoja wao na uwaombe kushiriki ujumbe pamoja na watoto wengine. Ni kwa jinsi gani mjumbe katika shughuli hii ni kama nabii? Kwa nini Bwana anatupatia sisi manabii?

• Ili kujifunza zaidi kuhusu manabii hufanya nini, wewe na watoto wako mngeweza kurejelea jumbe za hivi karibuni kutoka kwa Rais wa Sasa wa Kanisa. Mngeweza pia kuimba wimbo kuhusu manabii, kama vile “Follow the Prophet” (Kitabu cha Nyimbo za Watoto, 110–11). Shiriki na kila mmoja kwa nini unachagua kumfuata nabii wa Mungu.

• Waalike watoto wako wajifanye kuwa na njaa unaposoma Amosi 8:11–12. Je, unajisikiaje tunapokuwa na njaa ya neno la Mungu? Pengine watoto wako wangeweza kujifanya wanakula wakati mnaposhiriki mmoja na mwingine baadhi ya maandiko mliyoyapenda.

• Ungeweza kutumia Mwongozo kwenye Maandiko, “Ukengeufu” (Gospel Library), au “Baada ya Agano Jipya” (katika Hadithi za Agano Jipya, 167–70) ili kuwasaidia watoto wako waelewe “baa la njaa” ambalo lilikuja kutokana na Ukengeufu Mkuu na jinsi lilivyomalizika kwa Urejesho. Shirikianeni sababu za wewe kuwa na shukrani kwamba Bwana alirejesha injili Yake katika siku zetu.

  

  2:52

• Ili kuwasaidia watoto wako kujifunza hadithi ya Yona, ungeweza kurejea “Yona Nabii” katika Hadithi za Agano la Kale; ona pia ukurasa wa shughuli ya wiki hii). Kisha ungeweza kuuliza:

  • Ni nini kilitokea wakati ambapo Yona hakumtii Bwana? (ona Yona 1:4–17).

  • Yona alifanya nini ili kutubu? (ona Yona 1:10–12; 2:1–4, 9; 3:1–4).

  • Nini kilitokea wakati Yona alipotii? (ona Yona 3:35).

  

  2:30

• Watoto wako wangeweza kufurahia kusimulia tena hadithi ya Yona au kuiigiza. Shirikianeni baadhi ya uzoefu wakati Bwana alpotaka ufanye kitu ambacho kilikuwa kigumu kwako. Ni kwa jinsi gani Yeye alikusaidia kumtii Yeye?

• Pengine watoto wako wangeweza kujifanya wanamhoji Yona kuhusu uzoefu wake. Ni maswali gani wangemwuliza? Wahimize wao kuuliza maswali ili kujua kitu ambacho Yona alijifunza kuhusu Bwana. Yona angeweza kusema nini, kwa mfano, kuhusu rehema ya Bwana? (ona, kwa mfano, Yona 2:7–10; 3:10; 4:2).

• Wasaidie watoto wako wafikirie mifano wakati Mwokozi alipoonesha rehema kwa wengine, kama vile Marko 2:3–12; Luka 23:33–34; na Yohana 8:1–11. Wewe na watoto wako mngeweza kutafuta picha za mifano hii. Je! Ni fursa gani tunazo za kuwa na rehema kwa wengine?