Eimwos; Opadaia; Sona

Nan Eimwos 3:3–6, soukohp Eimwos kasalehda karasaras pen pasapeng kan me kitail kak kilelehdi sang kasansal kan me kitail kin kilang de rong: ansou me laion men kin ngiringir, wehwehki me e koledier emen mahn; ma menpihr men kin lidipdi, met wehwehki me mie pahn wasahu. Nan ire tikitik 7–8, Eimwos doadoahngki karasepe wet ohng soukohp kan. Soangen pilipil da me kitail kak wia ansou me soukohp men kin wia kokohp? Soahng dahnge me komw esehla duwen soukohp kan sang nan Eimwos 7:10–15?

Dahme Kauno kasalehiong komwihier sang Sapwelime soukohp kan?

Elder Ulisses Soares kosoia me “soukohp men wia kasalepen limpoak en Koht” (“Soukohp kan kin mahsenki manaman en Ngehn Sarawi,” Liahona, Mei 2018, 99). Medewe ia mwomwen ahmw pahn kanekehla sendens wet: “I ese me Koht ketin paokohng ie pwehki e kin kadaredo soukohp kan me kin …” Iet ekei iren pwuhk sarawi me kak sawas: Deuderonomi 18:18; Esekiel 3:16–17; Episos 4:11–14; 1 Nepahi 22:2; Doctrine and Covenants 21:4–6; 84:36–38; 107:91–92.

Dahme komw kak ndahiong aramas emen me kamehlele me kitail sohte anahne soukohp rahn wet?

Pil kilang Oaralap oh Peidek Kan, “Soukohp kan,” Gospel Library.

Nin duwen me sansal nan Eimwos 4:6–13, dahme Kauno kasik me pahn wiawi ohng mehn Isrehl kan mwurin ahr kin lelohng kahpwal? (pil tehk Ilemen 12:3). Mendahte ma omw kasongsong kan sohte sang rehn Koht, dahme re wiahiong komwi me kahrehda omw kin sohpeisang Ih?

Ni amwail pahn wadek Eimwos 5:4, 14–15, medewe mwahu ia uwen Kauno ah ketin kupwuramwahu ohng uhk. Iamwomwen rapahki Ih ah Kihiong uhk mour?

Ni amwail wadek Eimwos 8:11–12, medewe ia mwomwen lehk lapalap ah rasohng mour ehu me sohte mahsen en Koht (pil kilang Sohn 6:26–35; 2 Nihpai 9:50–51; 32:3; Enos 1:4–8). Iamwomwen ahmw kak ese me pali ngenomw duhpeklahn?

Ire tikitik pwukat kak doadoahkohng Mwehi Rotoroto (kilang Oaralap oh Peidek kan, “Mwehi Rotorot,” Gospel Library). Dahme “duhpeklahn” pali ngehn sin wiahiong Sapwelimen Koht seri kan? Iamwomwen kopwurupwurdohn rongamwahuo ah sewese duhpeklahn pali ngenomw?

Pil kilang “Mwehi Rotorot” (kasdo), Laiprehri en rongamwahu.

16:36

Sang pwuken Opedaia 1:21, President Gordon B. Hinckley kawehwehda me kitail kin wiahla sounkomour kei pohn Nahna Saion ansou me kitail kin wia tiahk sarawi kan ohng me melahr kan nan tehnpas sarawi (kilang “Keimwseklahn Padahk nan,” Liahona, Nop. 2004, 105). Iamwomwen doadoahk wet ah rasehng— dahme Sounkomouro wiahiong kitail? Iamwomwen doadoahk wet ah sewesei komwi en karaniala Sounkomouro?

Pil tehl “Holy Temples on Mount Zion,” Melkahka, nempe. 289.

Ninipe wia imwintihti en Isrehl pwehki ahr wiewia suwed oh tiahk suwed kan. Sona sohte kamehlele me re onopadahngehr irail en koluhla. E pahn kakete mwahu en karasahiong en Sona wiewia kan (kilang Sona 1; 3–4) ohng dahme Alma oh nein Mosaia pwutak kan kehn (kilang Mosaia 28:1–5; Alma 17:23–25). Dahme komw esehsang sang Sona 3 me sewesei komwi en men ehukihiong rongamwahuo ohng aramas me mwomwen saik onopada en wekila?

Rapahki karasaras kan en sapwellimen Kauno kupwur mahk, ni omw wadewadek pwuken Sona. Dahme ke kehn me Sona “sapwungkihki” oh “lingerngerki” (Sona 4:1) ansou me Kauno mahkehng mehn Nineveh kan? Ke medewe dahme Kauno songosong en padahkihiong Sona nan irelaud 4? Medewe ansou kan me komw kehn Sapwellimen Kauno mahk nan ahmw mour. Dahme komwi esehsang Sona me kak sewesei komwi en kin ahneki mahk?

• Pwehn sewese noumwail seri kan en wehwehki Eimwos 3:7, ke kak mwenginingin kihong ehu ire mwotomwot rehn emen seri koh ndahng en uhd ehukihong seri teikan. Iamwomwen soun padahk me sansal nan pali wet ah rasehng soukohp men? Dahme kahrehda Kauno ketkihong kitail ki Soukohp?

• Pwehn kalaudehla amwail wehwehki dahme soukohp kan kin wia, kumwail kak ehukipene kumwail kak ehukipene padahk kan sang rehn Presiden en Mwomwohdisoht ansouet. Kumwail pil kak koulki koul me rasheng “Follow the Prophet” (Pwuken Koul Ohng Seri Kan, 110–11). Ehukipene dahme Kumwail pilekihda en Idawehn soukohp en Koht kan.

• Lukehiong seri kan en mwomwehda me re duhpeklahr ni omw wadwadek Eimwos 8:11–12. Dahme kitail kin kehn ma kitail duhpengkilahr mahsen en Koht? Serihkan pil kak mwomwehda me re mwengemwenge ni omw pahn ehukihiong irail iren pwuhk sarawi me kesempwal ohng komwi kan.

• Ke kak doadoahngki Kaweid pen Pwuhk Sarawi kan, “Mwehi Rotorot” (laiprehri en rongamwahu), de “Mwurin Kadehdeh kapw” (nan Soai kan en Kadehdeh Kapw , 167–70) pwehn sewese noumwail seri kan en wehwehkihla duwen “lehk lapalap” me tepda nan Ansou Reirei en Mwehi Rotorot oh uhdi nan mwein Kopwurpwurdohn Rongamwahuo . Ehukipene soahng kan me kumwail kapingkihki Kauno ah ketin kapwredohng kitail Sapwellime rongamwahuo rahnwet.

  

  2:52

• Pwehn sewese noumwail seri kan en wehwehkihla soai en Sona, kumwail kak ehukipene “Soukohp Sona” nan Soai kan en Kadehdeh Mering; pil kilang wasahng kamwadong en i wihket). Mwuri komw kak kalelapak:

  • Dahme wiawi mwurin Sona ah sapeikiong Kauno? (tehk Sona 1:4–17).

  • Dahme Sona wia pwehn kak koluhla? (tehk Sona 1:10–12; 2:1–4, 9; 3:1–4).

  • Dahme wiawi ansou me Sona peikiongo? (tehk Sona 3:5).

  

  2:30

• Seri kan pahn pereniki pein soiahda de sohngada soai en Sona. Ehukipene ansou kan me Kauno Kupwuriki Kumwail en wia mehkot me apwal ohng kumwail. Iamwomwen Ah sewesei komwi en peikiong?

• Mwein serih pil kak sohngada me re kapkapeidaki Sona dahme e lelohng kan. Soangen kalelapak da me re pahn peidek kihiong ih? Sewesehkin rail kalelapak kan me re pahn idek pwe ren kak diarada dahme Sona esehla duwen Kauno. Dahme Sona pahn nda, me pid, mahk en Kauno? (kilang, karasepe, Sona 2:7–10; 3:10; 4:2).

• Sewese noumwail seri kan en medewehda ekei karasepen Sounkomouro ah kasalehda mahk ohng mehteikan, me duehte Mahk 2:3–12; Luk 23:33–34; oh Sohn 8:1–11. Komwi oh noumw seri kan kak rapahkida kilel pen mehn karasaras pwukat. Iamwomwen atail kak ahneki mahk ohng mehteikan?