Esekiel 1–3; 33–34; 36–37; 47

Nan Esekiel 3 oh 34, Kauno kin kahdanki Sapwellime aramas akan soun silepe oh soun silepen sihpw. Ni omw pahn wadewadek ire pukwat, medewe dahme ahd pwukat kawehwehda duwen soun pahpah men.

Isime wia “sihpw kan“ me Kauno kupwurki ien kamwonge? Dahme ke diar nan Esekial 34 me kak sewese emen me kaukaunop en wia ah misin, kakairada seri, de nanatiheng en kapwaiada ah pwukoah en papah mehteikan? Iamwomwen ahmw kak idawehn karasaras kan en Sounkkomouro ni ah wia silepatail? (tehk ire tikitik 11–31).

Komwi pil kak medewe mehn karasaras kan me dierek nan ire pwukat. Dahme “mohs kan” oh “pelin sihpw mwahu” rasehng me sansal nan iretikitik 14? Ia wekpeseng en sihpw men me “salongala” oh me “lawalohla”? (ire tikitik 16). Iahnge kilel karasaras kan me komwi diarada?

Pil tehk Sohn 21:15–17; Gerrit W. Gong, “Ministering,” Liahona, Mei 2023, 16–19.

Mehn Isrehl kan me wie sensel kin medewe“Ma se toutoukilahr dipat akan,“ “ia duwen aht kak mour?“ (Esekiel 33:10). Kauno eri padahkihiong irail duwen koluhla oh mahk. Kalelapak pwukat kak seweseiuk ken medewe dahme E ketin padahngki.

• Iawehwehn “medemedewe me omw wiewia mwahu kan itarehr”? (tehk Ezekiel 33:12–13).

• Dahme ke pahn ndahng aramas emen me pehm me aramas akan nan Esekiel 33:12–19 sohte ale mour pahrek? (pil kilang Madiu 21:28–31; Luk 18:9–14).

• Dahme ire pwukat padahkihiong komwi duwen koluhla? Iahnge ire kesempwal kan me komwi diarada nan Esekiel 36:26–27 oh Alma 7:14–16?

Kopwurpwurpenehn Isrehl sansalehr nan Esekiel 37 sang no mehn karasaras akan. Ni amwail pahn wadek me tepo—tih melahr kan pwurehng mourda (kilang ire tikitik 1–14)—medewe dahme e kaweidkinuhk me pid kopwurpwurpenehn Isrehl ni pali war oh pali ngehn (pil kilang Esekiel 36:24–30). Medewe kalelapak pwukat:

• Dahme Kauno kupwuriki en pweida nan irair en doadoahk ohng kapwurepene mehn Isrehl kan?

• Iamwomwen doadoahk wet ah wiewiawi?

Ke kak kalelapak rehmw peidek pwukat ni ahmw pahn wadek mehn karasaras keriauo, nan ire tikitik 15–28. Mehn karasaras wet pidada rahno tuhke riau, me diren soun nting kin kawehweh me e wehwehki kisin pelien tuhkehn nting ehu me mine mehn kolkol. Rahn tuhkehn Suhda kak weliandi Pwuhk Sarawi (pwehki pali laud en Pwuhk Sarawi ntingdi sang kadaudok en Suhda kan), oh rahn tuhkehn Sohsep kak weliandi Pwuken Mormon (pwehki en Lihai peneinei wia kadaudok en Sohsep me netla nan Isip). Ni omw eselahr mepwukat, dahme ire pwukat padahkihiong komwi me pid duwen pwukoahn pwuhk sarawi ohng doadoahk kesempwal wet?

Medewe iamwomwen Pwuhk Sarawi oh Pwuken Mormon ah doadoahk ohng omw mour—ahpw mehlel, mwomwen ara sewesei komwi en kohdo rehn Krais. Mehnia iren pwuhk sarawi me inenen kesempwal ohng komwi?

Pil tehk 2 Nihpai 3:11–13; 29:14; “Israel, Israel, God Is Calling,” Melkahka, nempe. 7; Topics and Questions, “Pwuhk Sarawi,” “Pwuken Mormon,” Gospel Library; “The Book of Mormon Gathers Scattered Israel” (kasdo), Gospel Library.

1:31

Ni ahmw pahn wadek Esekiel 47:1–12, e kak seweseiuk en ese me Sehd Melahue nohn soahlin me karehda mwahmw oh tuhke sohte kak mour loale. Dahme kopwuriamwei ohng uhk me pid pihl me sansalehr nan ire tikitik 1–12? (pil kilang Kaudiahl Kan 22:1). Iawehwehn pihl pwukat? Dahme tuhke me sansal nan ire tikitik 12 rasehng?

Dahme en Elder Dale G. Renlund’s padahk “Family History and Temple Work: Sealing and Healing” kapatahiong ahmw wehwehki? (kilang Liahona, Mei 2018, 47–48). Medewe ia mwomwen tehnpas sarawi ah kakehlaihliala pali ngenomw oh kamwahuiala.

• Seri pwulopwul kan kak pereniki wia mwekid kan me rasohng Esekiel 3:17. Karasepe, re kak idih meserail, salengarail, oh owerail ni omw pahn kin wadekada lepin lokaia “soun silepe,“ “rong,“ oh “owe.“ Re mwein pil pahn perenkihki kohla alu—likin ihmw kan de nan perehn kasukuhl kan. Ni arail pahn alu, kaparkin irail soahng kan me mih pohn ahlo, me duehte pihl me re pahn luskihla, rahn tuhke me re pahn dual pah, de mahn keper kan (menda ma mehlel de kamwomwada). Met kak kahrehda amwail pahn kosoiapene iamwomwen Kauno ah kin kaparkin kitail kahpwal kan me kitail sohte kak kilang.

• Iet ehu wiepen karasa Esekiel 3:17; 33:1–5. Emen seri kan kak sohngada “soun silepehu“ sang ni e pahn kilengieila nan wenihmw toko oh kawehwehiong koaros dahme wihwiawi likin ihmwo. Kumwail pil kak kilang kasdohn “Watchman on the Tower” (ChurchofJesusChrist.org). Iamwomwen atail soukohp en rahnwet ah rasehng soun silepehmen ohng kitail?

  

  4:17

• Mwurin amwail wadek pene Esekiel 37:15–23 Kumwail kak rapahkida kisin tuhke riapwoat oh ntingihieng pohn ehu Ohng Suhda (Pwuhk Sarawi) oh pohn mehteio Ohng Sohsep (Pwuken Mormon). Ke kak uhd ehukihda soai de iren Pwuhk Sarawi kan oh Pwuken Mormon me kin seweseiuk en karaniala Sounkomouro oh wiahla “[Sapwelime] aramas” (ire tikitik 23). Dahme e kesempwaliki kitail en doadoahngki pwuhk sarawi riau pwukat?

• Esekiel 47 kawehwehda en Esekiel ouremen en pihl ehu me kereker sang tehnpas sarawio kolahng Sehd Mehlahu—sehd me soahlin me kahrehda mwahmw oh tuhke sohte kak mour loale. Mwein noumwail seri kan kak mahleniada ehu mehkot de riau me pid ouremen, me duehte tehnpas sarawi, pil lap, sapwtehn, Sehd Mehlahu, mwahmw kei, de tuhke me wahn. Eri, ni amwail pahn wadek pene ire tikitik 1–12, irail kak kasalehda arail mahlen kan ansou me re wadekada dahme re mahleniadahr kan. Saongen kapada me kohsang ni pihl wet me sansal nan kaudiahl? Sewese noumwail seri kan en kilang duwen kapai pwukat ahr duehte kapai Kahn me Sounkomouro kin ketkihong irail akan me kin kolokol ahr inou sarawi en tehnpas sarawi kan. Kasdohn “And the River Will Grow“ (Gospel Library) kak sawas.

  

  3:43

• Kumwail pil koulkipene ehu koul me pid kapai en tehnpas sarawi kan, me duehte “Families Can Be Together Forever” (Pwuken Koul hang Seri kan, 188). Dahme koul wet padahngki duwen mwomwen Kauno ah kin kapai kitail da nan tehnpese?