Daniel 1–7

E rasehng me kitail mihmi nan Papilohn. Kitail kin kalapw lelohng kasongsong kan me kin katieweikitaila oh sohpeisang atail pwoson Krais Ni ahmw pahn wadek Daniel 1, 3, oh 6, kilang mwomwen Daniel, Shadrach, Meshach, and Abed-nego arail idihdehng en wia mehkot me re ese me sapwung. Ia pasapeng kan me pid soangen irair pwukat? (tehk Daniel 1:10–13; 3:15–18; 6:10). Ia wahn ahr pwoson kan? Dahme komw koledi sang nan irair pwukat me sewesei komwi en likih Kauno ansou me komw lelohng kasongosong? Medewe kalelapak pwukat:

• Ansou da me komw pehm omw men wia mehkot ni omw ese me e sohte pwung? Iamwomwen Kauno ah kapai komwihda ansou me komw kin kapwaiada Sapwellime kosonned kan?

• Iaduwen ma omw pwoson sohte kihiong komwi manaman me komw raprapakio? (ni karasepe, tehk Alma 14:8–13). Me pid dahme ke wadekehr nan Daniel 3:13–18, ke medewe ia mwomwen Shadrach, Meshach, and Abed-nego arail pahn sapeng peidek wet? Iamwomwen arail karasaras ah pahn seweseiuk komwi ni omw Pahn kin sohpai kasongsong kan?

• Iamwomwen ahmw pilipil mwahu kan ah pahn sewese mehteikan en kak pwosonla Kauno? (tehk Daniel 2:47; 3:28–29). Medewe dahme ahmw pilipil kan wihwiahiong mehteikan.

Pil tehk Dieter F. Uchtdorf, “Be Not Afraid, Only Believe,” Liahona, Nohpempe. 2015, 76–79.

Sang ni kaudiahl, Daniel kilang me en Nebuchadnezzar ouremeno kosoiadahr kahnihmw en dien mwuhr akan, oh pil wein Koht, me “sohte pahn ohla erein” (Daniel 2:44). “Mwomwodiso wet me e kohpadahro wehin imwen rahn akan,” Elder D. Todd Christofferson padahngki me, “sohte kokouda sang aramas, apw wiawihda sang Koht en nanleng oh dadaur kohwei duwehte takai me pwalasang ni nahna ni eh sohte me sair pwehn kadirehla sampah”(“Why the Church,” Liahona, Nohpempe 2015, 111). Medewe Sapwellimen Koht wein imwin rahn akan ni omw wadewadek kawehwehpen takaio me sansal nan Daniel 2:34–35, 44–45. Ia omw pwukoah me pahn sewese kokohp wet en pweida?

Pil tehk “Hark, All Ye Nations!,” Hymns, nempe. 264; “God Gave Them Knowledge” (kasdo), ChurchofJesusChrist.org.

13:49

Ni ahmw pahn wadek Daniel 2:1–15, medewe ia pahn mwomwen ahmw pepehm ma kohme Daniel. Dahme Daniel Wia? (tehk Daniel 2:16–18). Dahme komw esehla sang nan Daniel 1:17 duwen Kauno ah kaunopada Daniel? Dahme ke kak esehsang en Daniel koasoai kan oh wiewia kan mwurin ah aledier sawas sang Kauno? (kilang Daniel 2:19–30).

Nan erein en Sounkomouro padpadahk sampah, mehn Suhs tohto kin nada me mwahr me nda “Ieros en Koht” sang Daniel 7:13 wehwehki Mesaia me pahn ketdohu. Dahme komw esehla duwen Mesahia me sansal nan Daniel 7:13–14? (pil tehk Moses 6:57).

Sounkomouro kin kahdanki pein Ih “nein aramas.” Medewe mwahu oh pwurehng wadek karasaras pwukat: Madiu 25:31; Mark 9:31; 10:45. Dahme E koskosoia me pid pein Ih me sansal nan ire pwukat? Nan Mark 14:61–64, Sises doadoahngki ahd wet ni keimwseklahn ah mour pohn sampah. Kilelehdi mwomwen en aramas akan mwekid ni ahr rong mahsen pwukat. Ia mwomwen en Daniel kokohp me pid Ieros en Koht ah kamwakid ahmw pepehm ohng dahme wiawihong Ih nan Mahk 15?

Pwehki diren aramas kailongki Sises pwehki Ah mahsanih me ihme wia “Ieros en Koht,” ke pil kakete lelohng soahngohte pwehki ahmw kin padahngki me pwungo. Karasapene kokohp me wiawi nan Daniel 7:13–14 ohng inou kan me sansal nan Doctrine and Covenants 121:29, 46.

Pil kilang Doctrine and Covenants 49:6; Mehn Kaweid ohng Pwuhk Sarawi Kan, “Ireos en Koht,” Gospel Library.

• Pwehn sewese noumwail seri kan en esehsang soai kesempwal kan Nan pwuken Daniel, ke kak kilangada kilel en dahme wiawi nan Daniel 1, 3, oh 6 (kilang wasahn kamwadong en nan wihket de Gospel Art Book, nos. 23, 25, 26). Eri komw kak wekidedi kilel kan oh lukehiong Emen seri en wekidada ehu kilel oh soiahda duwen kilelo. (Ohng sawasepe, kilang “Daniel oh Kempoakepah Kan,” “Shadrach, Meshach, and Abed-nego,” oh “Daniel oh Kelen Laion” nan Soai Kan en Kadehdeh Mering, 154–56, 160–62, 163–65.)

  

  1:39

  

  1:39

  

  1:45

• Sewesehki seri kan en medewehda irair kan me re idihd ehng pilada pilipil sapwung, me duwehte dahme Daniel oh kempoakepah kan lelohng me sansal nan Daniel 1, 3, oh 6. Ehukipene kapai kan me kumwail alehdi pwehki amwail pilada me pwungo mendahte ma e apwal. Kumwail pil kak koulikipene koul me pid oaralap wet, me rasehng “Choose the Right” (Melkahka, nempe. 239).

• Wadek soai en Daniel oh kempoakepah kan ahr soikala uduk oh wain me nahnmwarkio kiheng irail kak elehda koasoaiepen kosonned en mahsen en eripit me Sahm Nanleng ketkihong kitailehr rahnwet (kilang Doctrine and Covenants 89). Mwein kumwail kak rapahkida kapai kan me kohieng Daniel oh kempoakepah kan oh karasahiong inoun kapai kan me sansal nan Mahsen en Eripit (tehk Daniel 1:15–17 oh Doctrine and Covenants 89:18–21).

• Ni ahmw pahn wadekehng Daniel 2:31–35, 44–45 noumw seri kan, ke kak lukehiong irail en mahleniada kilelen en Nebuchadnezzar ouremen. Sewesehkin irail en ese me takaio rasehng Mwomwohdiso en Sises Krais en Souleng en Imwin Rahn Akan. Dahme ouraman wet padahkihiong kitail duwen Mwomwohdiso wet? Seri kan kak kosoiahda mehkan me Sahm Nanleng wia pwehn kapwrehdo Sapwellime Mwomwohdisoht ni imwin rahn akan. Ma irail anahne sawas, ke kak kasalehiong irail kilel en soahng kan me wiawi nan ansou en Kopwurpwurdohn Mwomwohdisoht (kilang Gospel Art Book, nos. 90–95).

• Dahme kahrehda Daniel kesempwalkihki kapakap ohng Sahm Nanleng? Komwi oh noumw seri kan kosoiapene kalelapak wet ni amwail pahn wadek pene Daniel 6. Kumwail eri kak kosoiapene dahme kapakap kesempwaliki ohng kumwail. Noumwail seri kan pahn pereniki mahleniada kilel en pein irail arail wie kapakap ni soanngen mwohmw kei. Irail kak doadoahngki arail mahlen kan oh padahkihiong emen emen irail me kitail kak kapakap ohng Sahm Nanleng wasa koaros de ohng dahme kitail anahne.