Oseia 1–6; 10–14; Soel

En Oseia ah pwoud, Gomer, sohte mehleliong ih, oh Koht ketin karasahiong mwekid kansensuwed wet en wia mehn padahk ohng mehn Isrehl akan duwen Ah pepehm ohng irail oh arail inou sarawi kan ohng Ih. Ni amwail wadek Oseia 1–3, medewe ia mwomwen en Kauno pepehm ohng nan pwungen Ih oh nah aramas en inou kan. Iamwomwen wiahda inou sarawi ohng Kauno duwehte pwopwoud? Iamwomwen sohte kapwaiada ahmw inou sarawi ah duwehte sohte loaloapwoat ohng omw pwoud? (tehk Oseia 2:5–7, 13). Dahme Oseia 2:14–23 padahkihiong komwi duwen Sapwelimen Kauno kupwur limpoak oh mahk? Iamwomwen omw kak Kasalehiong Ih omw limpoak oh loaloapwoat?

Nan Oseia 14, kilangada inou kaselel kan me Kauno wiahiong irail akan me kin pwurodohng Reh. Ia wehwehn “poakohng irail ni mohngiong unsek” ohng komwi? (ire tikitik 4). Dahme karasaras pen tuhkehu nan ire tikitik 5–8 padahkihong uhk duwen Sapwelimen Kauno kapai kan, pil iangahki kapai en koluhla? Kumwail pil kak wiahki kisehn amwail onop, kouliki koul me pid en Sounkomouro kupwur mahk, me iei “Come unto Jesus” (Melkahka, nempe. 117).

Aramas akan en nan mwein Oseia kin wia Meirong en mahn akan, ahpw re kin kawkawehla diren kosonned kesempwal. Ke medmedewe ia wehwehn me Kauno “kupwurki mahk, ah kaidehn tohnmetei; oh marainki Koht sang meirong isihs kan”? (Oseia 6:6). Dahme komw medewe me pid loaloapwoat ah pahn rasehng toakoi de pwoaik en menseng? (tehk Oseia 6:4). Iamwomwen atail pahn ahneki loaloapwoat? (tehk Aiseia 48:18; 1 Nihpai 2:9–10).

Kumwail pil kak wadek Madiu 9:10–13; 12:1–8 oh kilangada iamwomwen Soukomouro ah doadoahngki mahsen en Oseia 6:6 ansou me E kalkalohkseli. Iamwomwen ire pwukat ah sewesei komwi en wehwehki mahsen kan en Oseia?

Ansou me kumwail wadek Soel 2:12–13, e kak seweseiuk en ese me ansou me aramas emen kin katehrpeseng de kawehla ah likou kin wia kasalepen insensuwed oh pahtou me mih nan kapehdi. Iamwomwen ohlahn mohngiongitail eh weksang teiteipeseng en atail likou kan?

Ia duwepeneh kan me kumwail kilang rahnwet oh rahn me Joel kohpadahu? (ktehk Joel 2:1–2, 11, 18–32). Dahme kesempwal ohng komwi me pid kapai kan me Kauno ketin inoukihda nan ire tikitik 18–32? Ia kesempwal pen kapai pwukat rahnwet?

It might be interesting to read what Moroni said about Joel 2 when he visited Joseph Smith in 1823 (see Joseph Smith—History 1:41). Ia mwomwen ahmw pepehm me kokohp en nan Soel 2:28–32 kin pweida nan atail mwehi?? (see also Acts 2:1–21). Kumwail medewe ia wehwehn, Kauno pahn “kamweredi ngene pohn aramas akan koaros”? (Soel 2:28).

Atail soukohp Russell M. Nelson padahkiong kitail me: “Nan rahn ekei me pahn kohdo, pahn keper, e sohte pahn mengei en pitila pali ngenitail ma sohte kaweid, oh epwel sang Ngehn Sarawio” (“Revelation for the Church, Revelation for Our Lives,” Liahona, May 2018, 96). Dahme kaudiahl kesempwalkihiong komourlahn pali ngenitail?

Dahme komw kak wia ma komw kehn me komw sohte aliale kapai pwukat? Iet ekei karasaras me kak sawas: Dahme tohn Nan iren pwuhk sarawi pwukat wia pwe ren kak alehdi kapai en Ngenin Kauno kan?

• Mosaia 4:1–3, 19–20; 18:7–11

• Ilemen 6:34–36

• Doctrine and Covenants 19:37–41

Ni amwail pahn wadek lepin koasoai pwukat sang Elder David A. Bednar, medewehiong pein kowe duwen pepehm en Ngehn Sarawi nan ahmw mour nan rahn akan:

“Kitail kin kalapw wiahda en apwal ohng kitail en alehdi kaudiahl. Met me wehwehki inoun inou sarawio iei me ni ansou me kitail kin kapwaiada atail inou sarawi kan, Ngehn Sarawi pahn ieiang kitail ansou koaros. Ahpw kitail kin kosoia oh wiahki me ngilen Kauno me kin sang Ngehn Sarawio sohte kalapw wiawi. Pwukoahn [Ngehno] iei en kin ieiang kitail ansou koaros. Kaidehn nan seken koaros, ahpw ma aramas emen nanatihong uwen ah kak koaros—kesto anahne unsek—ahpw ma kowe oh ngehi kitai wihwia uwen ata kak koaros oh sohte kin wihda dihp laud, eri kita kak koapwoaroapwoarki me Ngehn Sarawi pahn kweid kita. …

“… Kitail kin medewe me Ngehn Sarawio me karwaru oh lapala oh kin ansouohte, ahpw e meleilei oh tikitik oh kin lalaudla uwen ansou ieu” (“Elder David A. Bednar Ehupene” [ehupene rehn emen Lapalap, Pep. 7, 2020], broadcasts.ChurchofJesusChrist.org).

Pil tehk Gary E. Stevenson, “Mwenginingin en Ngehn Sarawio,” Liahona, Nohpempe. 2023, 42–45; “Enemy Territory” (kasdo), Gospel Library.

3:38

• Nan pwuken Oseia, Kauno karasahiong Sapwelime inou sarawi kan ohng Sapwelime aramas akan ohng pwopwoud. Pwehn esehsang karasaras wet, kumwail kak kilang pene ehu kilel en me pahn kopwopwoud oh kosoiapene ia mwomwen Sahm Nanleng ah kupwurki ohl oh lih pwopwoud ehu en kin ehupene. Sewese seri kan en rapahkida lepin lokaia kan nan Oseia 2:19–20 me kawehwehda en Kauno pepehm ohng kitail. Iamwomwen atail kak kasalehiong Kauno me kitail Poakohng Ih oh pahn loaloapwoat ohng Ih?

• Oseia 10:12 kosoia duwen poadokedi, dlung, ansou, oh kotou pwehn lukei kitail en pwurodohng rehn Kauno. Ni omw wadewadek ire wet, soangen wiepen da me komw medewehda me pahn kak sewese serih kan en rapahki Ih? Karasepe, noumwail seri kan kak mahleniada kilel en kuloak oh ntingiedi wiepehkan me re kak wia pwe ren rapahki Kauno ansou sohte lipilipil nan ehu rahn. Koul me duehte “Ansou Koaros, Wasa Koaros” nan(Laiprehri en Rongamwahu) kak seweseiuk en kasukuhlki me ansou koaros kin mwahueng rapahki Kauno.

• De seri kan kak Wia mehkot mengei me rasehng, sohngada poadokedi weren tuhke, rikada wahn tuhke, de kesinen pahn kotou. Sewese noumwail seri kan en ese me padokedi weren wahn sahpw mwahu oh dolong mwonge mwahu duehte momour pwung oh alehdi kapai en Kauno kan. Kumwail uhd kosoiapene duwen kapai kan me Kauno kamwerehdiong pohmw sang ni ahmw kin rapahki Ih.

• Pwehn kawehwehda mwahu dahme sansal nan Oseia 13:4 me sohte emen Sounkomour likin Sises Krais, komw kak kasalehiong seri Kan kilel en aramas ekei, iangahki Sises. . Noumwail seri kan kak aniki ansou en idiada aramas me ahniki manaman en kapit kitail sang dihp oh mehla. Wia omw Kadehde duwen Sises Krais oh Sapwelime Tomwo.

• Seri kan kak rapahki lepin lokaia kan nan Oseia 13:4, 14 me kawehwehda duwen Sises Krais. Dahme mahsen pwukat padahkihiong kitail duwen Ih? Sewese noumwail seri kan en doadoahngki Mehn Kaweid Ohng Pwuhk Sarawi kan pwehn diar iren pwuhk kan me padahngki me Sises iei atail Sounkomour oh Soundoar. Ehukipene amwail pepehm kan duwen Sises Krais?

• Mwein ke kak sewese noumw seri kan en wehwehki Soel 2:28–29 sang ni ahmw pahn mweidehng irail en widekihdi pihl oh karasahieng ehu me dingiding de kerekerla nan warawar en pihl ehute. Ia wehwen Ngehno pahn “kamwermwerdiong” pohtail?

• Ni amwail wadek pene Soel 2:28–29, lukehiong noumwail seri kan en weliankihdi eden emen emen nan was me nda “noumw pwutak kan” oh “noumw serepein kan.” Pwehn sewese irail rapahki pwuhk sarawi kan me duehte Sohn 14:16; Moronai 10:5; Doctrine and Covenants 42:17 pwehn diar ia mwomwen Ngehno ah kin sewese irail.