Maika; Nahum; Apakuk; Sepanaia

Maika lukei kitail en medewe ia wehwehn “kohdo oh poardi mwohn Kauno … mwohn sihlangin Koht wasa lapalahpie” (Maika 6:6). Dahme ire tikitik 6–8 padahkihiong uhk duwen dahme kesempwal ohng Kauno ni eh pahn kadeik omwi mour?

Pil kilang Dale G. Renlund, “Do Justly, Love Mercy, and Walk Humbly with God,” Liahona, Nohpempe. 2020, 109–12.

En Nahum pwukoah iei en kohpada ohlahn Ninipe—kanimw lapalap en Asiria, me kamwerepeseng mehn Isrehl kan oh kaloke mehn Suhda kan. Nahum tapihkihda kokohp o ni eh kawehwehda manaman oh engieng en Koht, ahpw e pil kosoiahda Sapwellimen Koht mahk oh kupwurmwahu. Rapahki ire tikitik pwukat nan irelaud 1 me pahn seweseiuk en wehwehki kemwekid pwukat—oh kemwekid teikan me ke kilang me Koht ketin wia. Dahme e kesempwaliki ken ese mepwukat me pid Kauno?

Soukohp kan pil kin peikasal ki wiewiah kan en Kauno ekeipak. Ni en Apakuk ah kin koukousoan nan wein Suhda ansou me dihp wie lalaudla, ahpw tapihkihda ah nting kan kalelapak kei ohng Kauno (kilang Apakuk 1:1–4). Iamwomwen omw pahn oaralapiada en Apakuk iren kapwunod kan? Iahnge kalelapak kan me duwehtehte dahme aramas akan kin kalelapak rehn Koht rahnwet? Miehier pak me ke ahniki soangen pepehm me duwehte mepwukat? Ke pil kak karasahiong ah kalelapak kan ohng mehteikan me dierek nan iren pwuhk sarawi kan , me rasehng Mark 4:37–38 oh Doctrine and Covenants 121:1–6.

Kauno sapengki Apakuk me E pahn kadaralahng mehn (Papilohn kan) en kaloke mehn Suhda kan (kilang Apakuk 1:5–11). Ahpw Apakuk sohte pwungki pasapeng wet, pwe e medewe me e sapahrek ma Kauno mweideng “mehn [Papilohn] dipan akan en kamwomwala mehn [Suhda] me mwahu kan” (kilang ire tikitik 12–17). Dahme ke diar nan Apakuk 2:1–4 me kahrehiong omw kak en likih Kauno ansou kan me mie omw peidek? (pil kilang Mark 4:39–40; Doctrine and Covenants 121:7–8; “God Will Lift Us Up” [kasdo], Gospel Library).

4:59

Irelaud 3 iei en Apakuk kapakap en kaping oh pwoson. Ia wekpesengen en Apakuk mahsen nan irelaud 3 oh irelaud 1? Iet ekei iren madamadau me ken medemedewe ire tikitik17–19: Ntingiedi kapai kan en palinwar oh pali ngehn me Koht ketkihong uhk. Mwuri ah ke medewe me ke luhs sang kapai kan en palinwar. Ia mwomwen soahng wet pahn wiahiong omw pepehm ohng kapai teikoa? Dahme pahn kahrehda eh apwal en “kepinga Kauno” (ire tikitik 18) nan irair en apwal akan me sansal nan ire tikitik 17? Medewe iamwomwen ahmw kak kalaudehla omw pwoson Koht, menda ma mour mwomwen sapahrek.

Pil kilang Gerrit W. Gong, “All Things for Our Good,” Liahona, Mei 2024, 41–44; “Lead, Kindly Light,” Koul, nempe. 97; Topics and Questions, “Raparapahki Pasapeng Pen Peidek Kan,” Gospel Library.

Ni omw pahn wadek kokohp kan en Sepanaia, ke pahn diarada wiewiah kan oh mwekid kan me kahrehda kamwomwomwlahu—kilang Sepanaia 1:4–6, 12; 2:8, 10, 15; 3:1–4. Oh kilang mwahu mwomwen momour en aramas akan me Koht pahn ketin kamaurala—kilang Sepanaia 2:1–3; 3:12–13, 18–19. Mehnia rehn ire pwukat me ke medewe me Kauno ketkihong uhk?

Mwurin wadawad en Sepanaia 3:14–20, kilangada soangen wiepehkan ken kak kanekehla mahsen pwukat: “Ahneki popohl oh kaping sang nan omw mohngiong unsek pwehki … Dahme kahrehda e kesempwal ken ese ia kahrepen ken ahneki kaping? Ke pil kak karasahiong ire pwukat ohng mehkot me ke lelohng me sansal nan 3 Nihpai 17 oh medewe en Sises Krais pepehm ohng Sapwellime aramas akan—oh kowe.

• Noumwail seri kan mwein pahn sohte Wehwehki me kokohp en Maika me sewese Ohl Loalokong kan en diar kisin seri Sises nan Pedliem. Doadoahngki Maika 5:2 oh Madiu 2:1–6, oh mwein seri kan kak soahngada soahng kan me re lelohng. Re kak kosoia duwen dahme kahrehda ipwidi en Sises kesempwalkihiong soukohp kan en ese pahr kei mwohn Ah ipwidi.

• Mwurin wadawad en Nahum 1:7, noumw seri kan kak kawada de mahleniada ehu “wasahn silasil kehlail” de perehre (mie kilel me sansal nan wasahn kaweid wet). Iahnge kahrepeh kan me aramas pahn anahnehki wasahn silasil de perehre? Dahme kin kahrehda “rahn en apwal” nan ehu ehu rahn? Iamwomwen Sises Krais ah wia silepatail?

• Pwehn tapiada Apakuk 2:3, kowe oh seri kan kak kosoiapene soahng kan me kin mwahu en doadoahk mwurin ansou ieu—me rasehng wahntuhke me anahne kemmat de pilawa me anahne kukda. Dahme pahn wiawi ma kitail pahn tungoale wahntuhke de pilawa ieu ni eh saik mwahu en tungoale? Kumwail ahpw uhd kosoiapene duwen soukohp Apakuk, me men ese ansou da me Kauno pahn kauhdi dihp nan sampah. Wadek duen Sapwellimen Kauno pasapeng nan Apakuk 2:3. Ke kak sewese noumw seri kan en medewe soahng kan me Koht inoukidahr. Ohng arail ire kan koaros, kumwail kak koaros nda ansou ehute, “Awih; pwe udahn e pahn wiawi.”

• Pwehn kawehweh Apakuk 2:14, kumwail kak audehkihda ehu pwoatoal de pekid kilel de lepin lokaia kan me kasalehda dahme Sises wiahier de padahngkiher. Ia mwomwen atail kak sewese audehkihda sampah marain en Kauno?

• Ke pil kak kasalehiong noumw seri kan ehu kilel en sampah (kilang Church History Maps, no. 7, “Kilel en Sampah”). Seweseirail en diarada arail wasahn kousoan kan oh pil wasa me misineri kan me re ese wiahier arail doadoahk en misin. Kumwail kak koulkipene ehu koul me pid duwen rongamwahuo, me duehte “We’ll Bring the World His Truth” (Pwuken Koul en Seri Kan, 172–73). Dahme kitail kak kosoiahiong mehteikan me pid Sises Krais?

• Nan Sepanaia 3:14–20, noumwail seri kan kak rapahki mehkot me kin kahrehiong arail men “koulki, … be glad and rejoice with all the heart.” Mwein kumwail pil kak koulkipene koul en sarawi kaperen kan de koul kan oh kosoiapene duwen popohl me kumwail kin diar nan rongamwahu en Sises Krais.