Come, Follow Me
Tihsempe 21–27. “Se Awiawihier Ih, oh E Pahn Ketin Doareikitala”: Krismas

“Tihsempe 21–27. “Se Awiawihier Ih, oh E Pahn Ketin Doareikitla,” Kohdo, Idawehn Ie—Ohng Tehnpesomwi oh Imwen Sarawi Kan: Kadehdeh Mering 2026 (2026)

“Tihsempe 21–27. “Se Awiawihier Ih, oh E Pahn Ketin Doareikitala,” Kohdo, Idawehn Ie: Kadehdeh Mering 2026

kisin seri Sises seiseimwoak

Serio Ipwidiong Kitailehr, sang Simon Dewey

Tihsempe 21–27: “Se Awiawihier Ih, oh E Pahn Ketin Doareikitala”

Krismas

Kadehdeh Mering audaudki ngenen peren en kasikasik oh awiawih. E kerenieng duwehte awiawih ansou en Krismas. Me tepdada sang rehn Adam oh Eve, peitriahk kan en nan Kadehdeh Mering, soukohp kan, soun nting kan, oh aramas akan me kin kasikasik rahn mwahu kan, audaudki koapwoaroapwoar en komourla me pahn sang rehn Mesaiahu. Oh mehn Isrehl kan pil kin anahne soangen koapwoaroapwoar wet—ansou kan me re kalkalokolok nan Isip, de Papilohn de toutoukilahr diparail kan de arail kin uhpene kan. Mwurin mepwukat koaros, soukohp kan kin kataman kin irail Mesahiahu, Soundoar me pahn ketdo “pwehn kapitala irail akan me wie sensel” (Aiseia 61:1).

Koapwoaroapwoar wet sansalda ansou me Sises Krais ipwidiong nan Pedliem. Soundoar en Isrehl o ipwidiong nan dewen kamwenge mahn (kilang Luk 2:7). Ahpw e sohte wiahte Soundoarepen mehn Isrehl kan en mwein kawahu. E Ketdo pwehn kapituhkala—en wahda ahmw katoutou kan, ahmw pahtou kan, en ohkihla dipomw kan, pwe wowoki koaros me kohieng Ih en kak kamwahuihukala (kilang Aiseia 53:4–5). Iei met me kahrehda Krismas kin wahdo popohl en koapwoaroapwoar leledo rahnwet. Mesahiahu ketdohr pahr 2,000 kei samwalahro, oh E pil pahn ketdo nan atail mour ansou koaros me kitail kin rapahki Ih.

pali en onop

Mehn Kaskuhl Ohng Tehnpesomwi Oh Imwen Sarawi Kan

pali en semineri
I kapingki ahi Soundoaro.

Krismas wia ansoun peren pwekih peren popohl me Sises Krais ketkihdo pohn sampah. Pahr epwiki mwohn ipwidien Sounkomouro, soukohp kan en nan Kadehdeh Mering pil ahneki popohl ansou me re kin kosoia ketdohn Mesahiahu. Wadek ekei ire pwukat, oh medewe dahme kahrehda re kesempwalkihiong irail akan me kin kasikasik pwukoah doadoahk en Sounkomouro: Melkahka Kan 35:9; Aiseia 25:8–9; 44:21–24; 51:11; Sepanaia 3:14–20; Moses 5:5–11. Dahme kahrehda ke kesempwaliki ki ire pwukat? Iahnge kahrepeh kan me iren pwuhk sarawi pwukat kasalehda me pahn wahdo popohl?

Pil kilang Dallin H. Oaks, “Good Tidings of Great Joy” (First Presidency Christmas devotional, Tihsempe. 4, 2022), Gospel Library; “Joy to the World,” Koul, nempe 201.

usu marain en pahn lahng

Kilel karasaras kan kak seweseie ien tamataman Sises Krais.

Soangen tiahk tohto me pid Krismas kak wia kilel karasaras pwehn kaineneikitail lahng Krais. Ni amwail pahn onopiki Kadehdeh Mering pahret, kumwail pil kak darada kilel karasaras tohto en Sounkomouro. Iet ekei me kilkilel pah. Onopiki mepwukat oh ntingiedi dahme re padahkihiong uhk duwen Ih.

  • Usu (Nempe Kan 24:17; Madiu 2:2; Kaudiahl 22:16).

  • Silepen Sihpw (Melkahka Kan 23; Luk 15:4–7; Sohn 10:11)

  • Simpwulo (Senesis 22:8; Eksodus 12:5; 1 Piter 1:18–20).

  • Pihl (Eksodus 17:1–6; Sermaia 2:13; Esekiel 47:1–12; Sohn 4:7–14).

  • Takai (1 Samuel 2:2; 2 Samuel 22:2–3; Melkahka Kan 118:22–23; Aiseia 28:16; Episos 2:20).

  • Rah (Aiseia 11:1–2; Sermaia 23:5; 33:15).

  • Marain (Melkahka Kan 27:1; Aiseia 9:2; 60:19; Maika 7:8; Sohn 8:12).

Ia ekei kilel karasaras, iren wadawad, oh kawehweh kan me ke diarada nan iren pwuhk sarawi pwukat me kadehdeh duwen Sises Krais?

Pil kilang 2 Nihpai 11:4; Mosaia 3:14–15; Moses 6:63; “Mwohmw oh Kilel Karasaras kan en Krais” oh “Sises Krais,” both in Guide to the Scriptures (Gospel Library).

“E pahn ketin mwaranki Me Keieu Mwahuo.”

Aramas kin kahdanki Sises Krais soangesoangen mwahr oh ahd kan. Rapahki ahd pwukat nan ire tikitik pwukat: Melkahka Kan 23:1; 83:18; Aiseia 7:14; 9:6; 12:2; 63:16; Eimwos 4:13; Sekaraia 14:16; Moses 7:53. Ia ekei ahd kan me ke kak medewehda? Ke pil kak ntingihdi mwaren Sises Krais kan me sansal nan melkakahn Krismas kan. Soangen madamadau da me ke kin ahneki duwen Ih me sang ahd pwukat?

Pilada ehu rehn ahd de pwukoahn Sounkomouro kan me pahn seweseiuk ken kak tamataman Ih nan ehu ehu pahr.

Pil kilang Quentin L. Cook, “Personal Peace in Challenging Times,” Liahona, Nohpempe. 2021, 89–92; “Hark! The Herald Angels Sing,” Koul, nempe. 209.

Kilang kalaudpen oaralap wet nan iren kaweid kan en sounpwunget Liahona oh Mehn Kakehlepen Me Pwulopwul kan magazines.

pali en seri kan

Mehn Kaskuhl Ohng Seri Kan

Kadehdeh Mering padahkihiong ie duwen Sises Krais.

  • Kowe oh seri kan kak doadoahngki mehn kapwat en Krismas kan pwehn tapiada amwail pahn kosokosoiapene duwen Sises Krais. Mwein ke pil kak ehukihiong irail iamwomwen usu, dengki kan , de kisakis kan en Krismas ahr kin katamankin kitail duwen Sounkomouro. Ke pil kak rapahkida ekei iren pwuhk sarawi me pahn kawehwehda duwen Sises Krais: Senesis 22:8; Nempeh Kan 24:17; Melkahka Kan 23:1; 27:1. Seri kak pil kin kak kolada ehu ehu kilel de mwehn kapwat me rasehng dahme ire tikitik kan koskosoia. Iamwomwen Sises ah rasehng simpwul, usu, silepen sihpw, de marain? Kumwail pil kak koulikipene ehu koulen Krismas, me iei “Stars Were Gleaming” (Children’s Songbook, 37).

  • Seri kan pil kak kilang ehu kilel en mwurin omw pahn wadek wasahn wadawad wet Aiseia 9:6 ohng irail. Pekihda rehn seri kan en idiada kisin seri Sises ansou me re rong mahsen me mahsanih “serio Ipwidier.” Ehukihiong irail ahmw kadehdeh me soukohp kan en nan Kadehdeh Mering ese me Sises pahn ipwidi.

  • Ni omw pahn kaunopada en onopiki mour en Sises Krais me sansal nan Kadehdeh Kapw ohng pahr pahn wadedo, pilehu katamankihiong seri kan dahme re kaskuhlki duwen Ih me sansal nan Kadehdeh Mering nan pahret. Ke pil kak pilehu onopiki iren kaweid pwukat oh mehkan me ke kilelehdi me kumwail esehla kan pwehn sawas katakataman kin kumwail mehkan me kumwail esehla. Seri tikitik kan kak esehla laud sang ni ahr pahn kilang oh rong soai kan en nan Kadehdeh Mering de kilel kan nan Kohdo, Idawehn ie. Mehnia kokohp de soai kan me kesempwal ohng uhk? Dahme kitail esehla duwen Sounkomouro?

Tiahk kan en Krismas kak kadehde Sises Krais.

  • Tiahk kan en peneinei kan en mehn Isrehl kan, iei pahsohpa oh ekei kamadipw kan, me kin kasalehda me Kauno mihmi nan ahr mohngiong oh madamadau kan (kilang Eksodus 12). Soangen tiahk da me kowe oh noumw seri kan kin wia ansoun Krismas me kin katakataman kin kumwail duwen Sises Krais? Iangeh tiahk kan me ke ese me ahmw peneinei kin wihwiahte sangete mahs? Ke pil kak ehukiihiong seri kan soangen tiahk kan me ke men kumwail en tapiada kin wihwia. Ekei mehkot kumwail kak wia iei sewese me anahne sawas, kilangada dahme ke kak meirongki nin duwen “kisakis” ohng Sounkomouro, luke emen kempoakepahmw kumwahn kilang pene kasdohn First Presidency Christmas devotional with you(broadcasts.ChurchofJesusChrist.org), ntingiada pein ahmw koul en Krismas, de kilangada ehu wiepen mwahu me ke kak ehukihiong mehteikan duwen Ipwidien Krais.

Kasukuhl oh sawas pene udahn kin mie nan tehnpas kan. “Rongamwahuwet inenen kesempwal ohng nan tehnpesomwail kan. Wasa wet iei wasa me kumwail pahn esehla pene duwen rongamwahu wet oh momourki pene—rahn koaros. Ni mehlel, pali laud en ansou, momourki rongamwahu wet iei mwomwen atail pahn esehla rongamwahu wet. Eri ni omw pahn kin padahngki rongamwahu wet ni tehnpesomwi, rapahkida wiepeh kan me dahme ke padahngki kak doke amwail mour. Nantihiong pwe kumwail en kak nananti en momourki rongamwahuo Nan tehnpesomwail kan, ah kaidehn kumwail en kin kosokosoiahte” (Padahk Nin Duwen Me Sounkomouro Kin Wia, 31).

kilel en Ipwidien Sises Krais

Kilel en Ipwidien Sises Krais, sang Ethan Brown

Sahm Nanleng ketkihdo Sapwellime Ieroso pwehn wia ahi Sounkomour.

  • Iamwomwen omw kak sewese seri kan en kehn wahu oh popohl en Ipwidien Krais? Kumwail kak kilang pene kasdohn “The Christ Child” (Gospel Library) de wadek pene Madiu 1:18–25; 2:1–12; Luk 1:26–38; 2:1–20. Emen emen seri kak pilada emen aramas sang nan kasdohu de iren pwuhk sarawio oh kosoiahda pepehm en emen emen aramas koa duwen Sounkomouro. Mwuri kumwail kak ehukipene ia amwail pepehm duwen Ih.

    17:53

    The Christ Child

  • Mwein kumwail pil kak kosoiapene duwen kisakis kan me kumwail alehda nan pahr nekehr kan me kahrehda amwail ahneki popohl. Mwuri kumwail kak wadek pene Aiseia 25:9 oh kosoiapene dahme kahrehda kumwail kapingkihiongki Sahm Nanleng ah ketkihdohng kitail Sounkomouro. Pwehn sewese seri kan wehwehkihla mwahu pwukoahn Sises Krais nin duwen ah wia atail Sounkomour, lukehiong irail en wadek Aiseia 25:8–9; 53:3–5; oh Oseia 13:14. Dahme iren pwuhk sarawi pwukat padahkihiong kitail duwen Kauno ah ketin komour kitail la?

  • Kumwail pil kak koulki pene koul en Krismas, me mahsanih “Away in a Manger” (Children’s Songbook, 42–43) de “O Little Town of Bethlehem” (Koul, nempe. 208). Sewese seri kan en rapahkida mahsen kan sang nan koul wet me padahkihiong irail me Sahm Nanleng oh Sises Krais poakohng irail.

Kilang kalaud pen oaralap wet nan iren kaweid kan en sounpwung wet Friend magazine.

Kilel en ipwidien Sises Krais

Ipwidien Sises Krais, sang N. C. Wyeth

Ire Tohrohr Ohng Primary: Kadehdeh Mering padahkihiong Ie duwen Sises