“Tihsempe 14–20. ‘Kauno Ahpw Mahsanih, I Poakohng Kumwail Sangete Ni Tapio’: Malakai,” Kohdo, Idawehn Ie—Ohng Tehnpeseomwi oh Imwen Sarawi Kan: Kadehdeh Mering 2026 (2026)

“Tihsempe 14–20. ‘Kauno Ahpw Mahsanih, I Poakohng Kumwail Sangete Ni Tapio’” Kohdo, Idawehn Ie: Kadehdeh Mering 2026

Tihsempe 14–20: “Kauno Ahpw Mahsanih, I Poakohng Kumwail Sangete Ni Tapio”

Malakai

Kauno doadoahngki Malakai oh mahsenihiong Sapwelime aramas akan “I Poakohng Kumwail Sangete Ni Tapio.” Ahpw mehn Isrehl kan, me lokolongkihier pahr ekei, ahpw sapengki, “Ia mwomwen omw ketin kin poakohng kiht?” (Malakai 1:2). Mwurin mehkan me mehn Isrehl kan lelohng, re mwein kin medmedewe ma mehlel poadeparail wia soai mehlel pen limpoak en Koht ohng Sapwellime aramas en inou kan. Ni soangen mwohmw kei, e mengei en medewe me soai wet wia soai pen kaluwet oh uhpenehn aramas kan. Ahpw mwurin mepwukat koaros, Kauno sohte uhdihsang wihwia sawas ni limpoak. Mendahte doahk suwed kan me rien Sohsep kan wiahng, Kauno pil doareirail sang lehk lapalapo (kilang Senesis 45:4–8). Ansou me mehn Isrehl kan kaulimla nan sapwtehno, E ketkihong irail manna (kilang Eksodus 16:1–4). Anou me mehn Isrehl kan pil sohpeieng ekei Koht oh mwerpeseng, Koht inoukihda me ma re pahn koluhla, E pahn kapwureirail pene oh doarehkinrail la “mahk lapalapo” (kilang Aiseia 54:7). Ni mehlel, Kadehdeh Mering kasalehda duwen kanengamah oh limpoak unsek en Koht. Oh soai wet wihwiawihte leledo rahnwet. Malakai kahdanki Sises Krais, “Ketipin en me Pwung Kan,” , me ketdohr “oh ahneki manaman en Kamwahuih kumwail la” (Malakai 4:2). Iei Ih me wia mehn kadehdeh lap ohng limpoak en Koht ohng irail mehn Isrehl kan mahs oh kitail koaros.

Pwehn esehla mwahu duwen Pwuken Malakai, kilang “Malakai” nan Bible Dictionary.

Mehn Kaskuhl Ohng Tehnpesomwi oh Imwen Sarawi Kan

Malakai 1–4

“Kumwail pwurodohng rehi, oh I ahpw pahn sapahlwohng rehmwail.”

Mehn Isrehl kan nan mwehi en Malakai, kawadahr tehnpas sarawi ehu nan Serusalem, ahpw ni duwen arail wia aramas ekei re wie anahnehte kalakalaudehla arail ehu ohng Kauno. Ni omw pahn onopki Malakai, rapahki kalelapak kan me Kauno ketin keinemwe rehn mehn Isrehl kan de me re peidek kihiong Ih. Pein kalelapak rehmw kalelapak pwukat (me sansal pah) pwehn seweseiuk kalaudehla ahmw ehuohng Kauno oh karaniala Ih.

Iamwomwen ei kehn limpoak en Kauno ohng ie? (kilang Malakai 1:2).
Ei tohnmetei kan kin kak kasalehiong Kauno Ei wauneki Ih? (kilang Malakai 1:6–11)
Soangen wiepe da me I anahne pwe ien kak “pwurodohng” rehn Kauno? (kilang Malakai 3:7).
I sou kin pirpirapa Koht ni soangen mwohmw ieu? (kilang Malakai 3:8–11).
Iamwomwen ei wiewiahkan nan ansoun apwal akan ah kin kasalehda ahi pepehm ohng Kauno? (kilang Malakai 3:13–15; pil kilang 2:17).

Malakai 1:6–14

Kauno kupwurki “meirong mwakelekel.”

Ni omw pahn wadek kawehwehpen meirong me sansal nan Malakai 1, dahme ke diarada me pid tohnmetei me samworo lapalapo koa kin wia? Dahme tohnmetei pwukat kasalehda duwen pepehm en samworo lapalap kan ohng Kauno? (kilang Malakai 1:13). Ntingiada duwen meirong kan, de tohnmetei kan, me ke kin wiahiong Kauno. Ohng ehu ehu mehkot me ke ntingihdi, rapahkida dahme pahn kasalehda meirong “samin” de meirong “mwakelekel” (Malakai 1:7, 11).

Malakai 3:8–12

Kauno pahn riting ohng ie wenihmw kan en nanleng ni ei pahn kin kasalehda ei pwoson sang ni ei pahn pwain ei meirong.

Song medewe me kempoakepahmwo ahpwtehn esehda me ke kin pwain meirong. Kempoakepahmwo ahpw kalelapak “Ia kahrepen omw kin wia men?” Medewe met ni ahmw pahn wadek Malakai 3:8–12. Dahme ke diarada wasa wet me kak seweseiuk sapengala en kempoakepahmwo kalelapako? Soahng dahnge me ke pil men kempoakepahmwo en wehwehki duwen meirong? Ke pil kak rapahki iren sawas sang en Elder Neil L. Andersen padahk “Meiroang en Eisek Ehu: Ritingada Wenihmw Tok en Nanleng” (Liahona, Nohpempe. 2023, 32–35), pwe ken kak diar pasapeng pen kalelapak pwukat:

Dahme kahrehda Kauno kupwurkihki kitail en pwain meiroang?
Dahme pahn kak kerempwahla en emen ah pahn pwain meiroang en eisek kis ehu, oh iamwomwen atail kak powehdi mepwukat?
Iamwomwen pwain meiroang ah pahn kakehlailiala atail pwoson Sahm Nanleng oh Sises Krais?

Ke pil kak ehukihiong kempoakepahmwo iamwomwen Kauno ah kin kapaiukada ansou me ke kin pwain meiroang. Ke kak diar ekei iren madamadau sang Nan pali me oaralap “Lesson Number 1—Significant but Subtle Blessings” nan en Elder David A. Bednar padahk “The Windows of Heaven” (Liahona, Nohpempe. 2013, 17–18). Soangen aramas da me kitail pahn wiahla ma kitail kin pwapwain meiroang?

Ia wehwehn “ritingadahnguhk wenihmw kan en nanleng” (ire tikitik 10)? Mwein ke kak kilengieila nan wenihmwtok kan oh medewe ia kahrepen wenihmwtok kan. Dahme kahrehda “wenihmw kan en nanleng” wiahki karasepe mwahu en kawehwehda iamwomwen Kauno ah pahn kapaikitailda sang atail kin pwain meiroang?

Sises pwarehng Joseph Smith nan Tehnpas Sarawi en KIrtland — Kaudiahl en nan Tehnpas Sarawi en Kirtland, sang Gary Smith

Malakai 4:5–6

“I pahn kadarewehng kumwail soukohp Elaisa.”

Ansou me Moronai padahngki Malakai 4:5–6 ohng Joseph Smith, e “ekis wekidala mwomwen padahko” nan Pwuhk Sarawi (kilang Joseph Smith—History 1:36–39). Iamwomwen wekdekla me Moronai wia eh kalaudehla omwi wehwehki kokohp wet? Medewe kalelapak pwukat:

Isime wia “pahpa kan”? (kilang Deuderonomi 29:13). Ia inou kan me wiawihiong irail? (kilang Abraham 2:9–11). Iamwomwen omw kak sawas kapwaiada inou pwukat?
Dahme lelohng uhk me kahrehda omw kasohpaieng omw mohngiong ong kadaudokomw me melahr akan? Dahme me wet kesempwal kihiong pilahn en Sahm Nanleng?

Pwehn esehla mwahu duwen ketdohn Elaisa oh mwomwen pweidahn ah kokohp kan rahnwet, kilang Doctrine and Covenants 110:13–16 oh D. Todd Christofferson, “The Sealing Power” (Liahona, Nohpempe. 2023, 19–22). Dahme kahrehda ke kapingkihki ketdohn Elaisa?

Pil kilang Gerrit W. Gong, “We Each Have a Story,” Liahona, Mei 2022, 43–46; “Wekidala Amwail Mohngiong Kan,” Koul, nempe. 291; “The Sealing Power” (kasdo), ChurchofJesusChrist.org.

Kalaudpe, kilang makesihn kan en sounpwonget Liahona oh Ohng Kakehlepen me Pwulopwul Kan.

Iren kaweidpen Kasukuhlih Seri kan

Malakai 1:2

Kauno ketin poakohngie.

Ia mwomwen amwail pahn sapeng peidek en nan Malakai 1:2—“Ahnsouda me [Kauno] poakohng kitail?” Ehukipene kahrepe kan me kumwail esehki me Eh ketin poakohng kitail. Mwein noumwail seri kan kak mahleniada kilel me kin katamankin irail Sapwellime limpoak.

Kangoangoahiong seri kan kasukuhl kan en rongamwahuo. Ma ke kaskasukuhlih seri tikitik kan, ke anahne medewehda soahngen wiepen kasukuhl kan me kak sewese ren patehng kasukuhl kan. Karasepe, noumwail seri kan kak pahs ehu mpwoi nan pwungarail; ansou me re kolokol mpwoio, irail kak ehukihda ehu kahrepe me re esehki me Sises poakohng irail.

pahpa oh nohno iangahki neira kisin pwutak kilkilengieisang nan wenihmw tok ehu

Malakai 3:8–12

Kauno kin kapaiehda mai kin pwain ahi merioang.

Ia mwomwen amwail kin sewese noumwail seri kan en esehla duwen meirong? Ke kak ndahng irail en wadek kisin mehkot 10, me duehte sent mwaramwar kan me mih nan pali en kamwadong en nan wihket. Irail kak katohrehsang ehu kisin sent mwaramwarko—pwehn kasalehda me ih uwen me irail pahn wiahki arail meirong ohng Kauno. Nin duwen kaweid en Malakai 3:8–12, dahme kahrehda Kauno kupwurki kitail en pwain meirong? (pil kilang “Soukohp Malakai” nan Soai Kan en Kadehdeh Mering, 171–72; “First Thing First!” [kasdo], Laiprehri en Rongamwahuo).

0:58
Malachi the Prophet

1:18
First Things First!
Ni amwail wadek pene Malakai 3:10, ke kak lukehiong noumw seri kan en kesihnenda ni ehu wenihmw tok ansou me ke pahn wadekada “wenihmw tok en nanleng.” De ke pil kak widekihong pihl nan ehu kep lau widekla liki pwehn wia kasarepen ire me ke kosoia “e pahn sohla itar wasa en alehda kapai pwukat.” Kosoiahiong noumwail seri kan duwen kapai kan me Koht ketkihonguhk sang ni ahmw kin pwain meirong. Noumwail seri kan kak mahleniada kilel kei me kasalehda duwen kapai pwukat oh katengehda powe de limwahn wenihmw tok kan en imwamwail kan.

Malakai 4:5–6

Ilaisa ketdo pwehn kapwurepene mohngiong en atail peneinei kan.

Nan Malakai 4:5–6, noumwail seri kan kak rapahki pasangpen kalelapak kan me pid en Malakai kokohpo: Isime Kauno inoukihda meh pahn kadaredo? Ansou da me E mahsanih me aramas menet pahn kohdo? Dahme Kauno mahsanih me aramas menet pahn wia? Dahme kahrehda aramas menet anahne kohdo? Iawasa kokohp wet pweidahr ie? (kilang Doctrine and Covenants 110:13–16).
Pwehn diarada ia mwomwen inoun nan Malakai 4:5 ah pweida, kumwail pil kak ehukipene “Joseph oh Oliver ara Alehdi Kih kan en Prihsduhd” nan Soai kan en Doctrine and Covenants, 26–30. Koul me duehte “The Hearts of the Children” (Pwuken Koul en Seri Kan, 92) kak sewese noumwail seri kan en esehla dahme ketdohn Ilaisa Kesempwalkihki. Kumwail pil kak kilang nan FamilySearch.org/discovery, nan FamilySearch Tree app, de nan My Family kisin pwuhkohng kamwadong kan me kak sewese kowe oh noumw seri kan en paokohng amwail peneinei en kawahko.

Kalaudpe, kilang makesihn en sounpwonget Friend.

lih emen me wie oaloahlki kisin angkasi pwetepwet ehu — Mourning’s Hosanna, sang Rose Datoc Dall. Lih emen me kahdaniki Pahtou keskesihnen nan sapwen ngehn, me ah peneinein mahsoko kapilpene. E perpereniki arail pitsangehr selidien pali ngehn.

Mehn kamwadong ohng seri kan: Kauno kin ketin kapaiehda mai kin pwain ahi merioang — Mourning’s Hosanna, sang Rose Datoc Dall. Lih emen me kahdaniki Pahtou keskesihnen nan sapwen ngehn, me ah peneinein mahsoko kapilpene. E perpereniki arail pitsangehr selidien pali ngehn.