Akkai 1–2; Sekaraia 1–4; 7–14

Soahng tohto anahnepe pwehn pwurehng kawada Serusalem. Ahpw mwurin pahr 15 mwurin pwurodohn mehn Isrehl kan, Kauno sohte kupwurpereniki soukautih en aramas akan ohng pwurehng kokoudahn tehnpas sarawio (kilang Akkai 1:2–5; pil kilang Esra 4:24). Ni omw pahn wadwadekAkkai 1; 2:1–9, medewe kalelapak pwukat:

• Dahme wiawihieng mehn Isrehl kan pwehki ahr saikinte kanekehla tehnpas sarawio?

• Soangen kapai da me Kauno inoukihiong irail ma re kanekehla kokoudahn Tehnpesehu?

• Dahme Kauno kupwurki ken wehwehki me sansal nan Akkai 1:5–7? Iamwomwen omw kak mwohniki Kauno ohng omw pwukoah kesempwal kan? Ansou da me ke ale kapai sang ni omw mwohniki Koht?

Tepin tohn Mwomwohdisoht kan lelohng dahme mehn Isrehl kan nan mwein Akkai lelohng (kilang Doctrine and Covenants 95). Dahme karasaras riau wet padahkihiong uhk duwen en Kauno pepehm ohng tehnpas sarawi kan?

Pil kilang Dale G. Renlund, “Sises Krais Me Dipwsou Kesempwal,” Liahona, Nohpempe 2023, 96–99; Terence M. Vinson, “Tohnpadahk Mehlel En Sounkomouro,” Liahona, Nov. 2019, 9–11; “Se Poakohng Tehnpesemwio, O Koht,” Koul, nempe. 247; “Tehnpas Sarawi en Provo City Center Imwseklahr” (video), ChurchofJesusChrist.org.

7:17

Ni pein ahmw madamadau, ia kesempwal pen “Kasarwihiongehr Kauno” en kileldiong pohn dipwsou kan me sansal nan Sekaraia 14:20? (pil kilang Eksodus 28:36–38). Dahme e kesempwaliki en ntingdiongehr pohn tehnpas sarawi kan rahnwet? Ia wehwehn ire wet ohng komwi? Ia mwomwen omw kak momourki me sarawi nan omwi mour en ehu ehu rahn? Medewe kalelapak pwukat ni omw pahn wadek luhk en Kauno ohng Sapwellime aramas en sarawihla me sansal nanSekaraia 1:1–6; 3:1–7; 7:8–10; 8:16–17.

Kumwail pil kak wadek Sekaraia 2:10–11; 8:1–8; 14:9–11, 20–21 pwe kumwail en kak esehla iamwomwen ehu rahn ansou me kitail pahn mihla rehn Kauno wasa sarawi. Dahme ke kesempwalki me sansal sang en Sekaraia ouraman duwen Serusalem ehu rahn? Dahme ke diarada wasa wet me ke men kilang sang nan omwi wasahn kousoan? Iamwomwen omwi kak kaunopada ken kak koukousoan nan soangen momour me Sekaraia kawehwehda?

Ekei en Sekaraia nting kan kasalehda en Sises Krais doadoahk pohn sampah oh Sapwellime Ketdo Keriau me pahn wiawio. Iet ekei kokohp kan en Sakaraia, oh iren pwuhk sarawi kan me kasalehda ahr pweida. Ni omw pahn onopiki ire pwukat, pein idek rehmw: Dahme padahk wet padahkiongie duwen Sounkomouro?

• Sekaraia 9:9–11 (kilang Madiu 21:1–11; 1 Piter 3:18–19)

• Sekaraia 11:12–13 (kilang Madiu 26:14–16; 27:1–7)

• Sekaraia 12:10 (kilang Sohn 19:37; Kaudiahl 1:7)

• Sekaraia 13:6–7; 14:1–9 (kilang Madiu 26:31; Doctrine and Covenants 45:47–53)

Ke medewe e pahn iamwomwen pepehm en aramas akan ni ahr kin kasamwoh Sises ohng nan Serusalem me sansal nan Sekaraia 9:9–11? Iamwomwen omw kak kasamwoh Ih nan omw mour, nan imwomwo, oh omw wasahn kousoan?

Pil kilang Mehn Kaweid sang Pwuhk Sarawihkan, “Mesaia,” Gospel Library; “The Lord’s Triumphal Entry into Jerusalem” (kasdo), Gospel Library; Ronald A. Rasband, “Hosanna ong Koht Wasa Ileile,” Liahona, Mei 2023, 108–12.

1:22

• Ni omwi pahn wadek Akkai 1:2–5 ohng seri kan, seweseirail kilangada dahme kahrehda Kauno ketin engiengkihda pahn aramas kan. Mwein seri kan kak pilada ekei ire sang nan ire tikitik 6 oh mahleniada. Re kak kasalepene kilel kan me re mahleniada oh ndahda ire da me emen emen pilada. Iamwomwen wiewia mehkan me Kaidehn kupwuren Kauno, ah duwehte mwongemwonge ahpw sohte kak medila? Kumwail kak kosoiapene iamwomwen amwail kak nantihieng nsenohki wia mehkan me kesempwal ohng Kauno kan.

• Ke pil kak wadek ire tikitik 8 ohng Seri Kan oh lukeirail en mwomwehda “doudahla pohn nahna,” “wa tuhke,” oh “kawada tehnpesen [Kauno].” Seri kan kak ntingiedi mehkan me re kin wia nan ehu ehu rahn, iangahki mehkan me Kauno mahsanihiong irail en wia. Pekihda rehn seri kan en “medewe [arail] wiewiahkan” sang ni arail pahn kapwonopwoniala mehkan me Kauno pahn mahsanih me kesempwal sang nan mehkan me re intingidier kan.

• Nan ouremen ehu, Sekaraia kilangada emen prihs me “likauih likou tei samin” (Sekaraia 3:3). Tohnleng men kihong likou mwakelekel. Kumwail kak sewese noumwail seri kan en esehla padahk mehlel kesempwal kan sang ni amwail pahn wadek pene Sekaraia 3:1–7 oh kosoiapene ia wehwehn likou mwakelekel oh samino. Ia mwomwen atail kak pilehu mwakelekelsang dipatail kan, mwurin atail pepdaisehr? Ia mwomwen atail inou sarawi en pepdaiso sewese kitail en “alu nan [sapwellimen Koht] ahl akan”?

• Kumwail kak kilangpene ehu kilel en pepdais, me duehte me sansal nan oaralap wet. Dahme kitail kin likou pwetepwetki ansoun pepdais? Kumwail pil kak koulkipene koul en pepdais, me duehte “When I Am Baptized” (Pwuken Koul en Seri kan, 103); dahme koul pwoatet padahkihiong kitail me pid kahrepen Kauno ah kupwurki kitail en pepdais??

• Noumwail seri kan kak medewe dahme sansalehr nan Sekaraia 9:9, ansou me Sises ketla nan Serusalem ni keimwseklahn wihk en sapwellime Mour pohn sampah. Pwehn sewese met, kasalehiong irail kilel en kemwekid wet, me duehte me mih nan oaralap wet. Ke pil kak ehukihong irail “Sounkomouro Ketla nan Serusalem” (nan Soai kan en Kadehdeh Kapw, 110–12). Noumwail seri kan kak idiada aramas akan nan kilelo me ahneki “peren laud.” Isime Nahnmwarki nan Sekaraia 9:9? Dahme kitail kapingkihki Ih?

  

  1:35

• Song sewese noumwail seri kan en karasapene kokohp kan sang Sekaraia ohng ire kan nan Kadehdeh Kapw me kawehwehda pweidahn kokohp pwukat. Iet ekei karasaras: Sekaraia 9:9 oh Madiu 21:5–9; Sekaraia 9:11 oh 1 Piter 3:18–19; Sekaraia 11:12 oh Madiu 26:14–16; Sekaraia 13:7 oh Madiu 26:31. Dahme kitail esehla me pid Sounkomouro nan ire tikitik pwukat?