Amoho; Opataia; Hona

I Amoho 3:3–6, i whakatakotoria iho e te poropiti a Amoho ētahi tauira mō ngā whakakitenga e taea ai e tātou te rapu i ngā tohu e rangona ai, e kitea ai rānei e tātou: pērā i ngā wā ka rangona te raiona e wheoro ana, kāore e kore kua mau tētahi pārurenga; mehemea ka mau tētahi manu i te tārore, kāore e kore he mōunu ki reira. I ngā whiti 7–8, i whakahāngaitia tēnei whakaaro e Amoho ki ngā poropiti. He aha ngā whakakitenga e puta mai ana ki a tātou i ngā wā e poropititia ana ngā poropiti? He aha atu ngā akoranga māu mō ngā poropiti i Amoho 7:10–15?

He aha ngā mea kua whakakitea mai nei ki a koe e te Ariki mā roto i Ana poropiti?

Nā Erata Ulisses Soares i kī, nā, “he tohu ngā poropiti o te aroha o te Atua” (“Prophets Speak by the Power of the Holy Spirit,” Liahona, Mei 2018, 99). Kia whakaarohia ake he aha tāu hei whakaoti i tēnei rerenga: “E mōhio ana kei te aroha te Atua ki ahau, nā te mea e tonoa ana e Ia ngā poropiti e …” Anei ētahi karaipiture e taea te āwhina: Teuteronomi 18:18; Ehekiere 3:16–17; Epiha 4:11–14; 1 Nīwhai 22:2; Whakaakoranga me ngā Kawenata 21:4–6; 84:36–38; 107:91–92.

He aha tāu e kī ai ki tētahi e whakapono ana kāore he take o ngā poropiti i ēnei rā?

Tirohia anōtia ngā Kaupapa me ngā Pātai, “Prophets,” Wharepukapuka Rongopai.

E ai ki a Amoho 4:6–13, he aha tā te Ariki i manako ai whai muri i ngā āhuatanga i pā ai ki ngā Iharāira? (tirohia anōtia Heramana 12:3). Ahakoa kāore pea i tukuna iho ō uauatanga e te Atua, nā aua uauatanga he aha ngā mea i konā nō konā huri atu koe ki a Ia?

I a koe e pānui ana i a Amoho 5:4, 14–15, kia whakaarohia ngā tohu aroha o te Ariki ki a koe. He aha ngā oranga kua puta mai nei i tō rapu i a Ia?

I a koutou e pānui ana i Amoho 8:11–12, whakaarohia ake he aha te matekai i te whakataurite pai e hāngai ai ki te korenga o te kupu a te Atua (tirohia anōtia Hoani 6:26–35; 2 Nīwhai 9:50–51; 32:3; Īnohi 1:4–8). Me pēhea koe e mōhio kei te hiakai ā-wairua koe?

Ka hāngai hoki ēnei whiti ki te Whakaparahakotanga Nui (tirohia ngā Kaupapa me ngā Pātai, “Apostasy,” Wharepukapuka Rongopai). He aha ngā pānga o taua “matekai” ā-wairua ki ngā tamariki a te Atua? Kua pēhea te Whakahokinga i mākona ai tō matekai ā-wairua?

Tirohia anōtia “The Great Apostasy” (whitiāhua), Wharepukapuka Rongopai.

16:36

Hei tā Tumuaki Gordon B. Hinckley whakamārama e hāngai ana ki a Opataia 1:21, ka meinga tātou hei kaiwhakaora i runga o Maunga Hīona ina whiwhi tātou i ngā tikanga tapu mō te hunga mate i roto i te temepara (tirohia “Closing Remarks,” Liahona, Noema 2004, 105). He aha ngā taurite o taua mahi—ahakoa he iti—ki tā te Kaiwhakaora mō tātou? Me pēhea tēnei mahi i āwhina kia tata ake koe ki te Kaiwhakaora?

Tirohia anōtia “Holy Temples on Mount Zion,” Hymns, no. 289.

He hoariri a Ninewa ki a Iharāira nā tana mahi patu tangata. Hei tā Hona, kāore i whakapono kua rite rātou ki te rīpenetā. Ka pai pea kia whakataurite i te waiaro o Hona (tirohia Hona 1; 3–4) ki ngā kare ā-roto o Arami me ngā tama a Mōhia (tirohia Mōhia 28:1–5; Arami 17:23–25). He aha ngā akoranga i Hona 3 nā konā whakahihiko ai i a koe kia tohaina atu te rongopai ki ngā tāngata ahakoa kāore koe e whakapono ana kua rite rātou kia panoni?

I a koutou e pānui ana i a Hona, rapua ngā tauira o te aroha o te Ariki. Ki ō whakaaro, he aha a Hona i “hōhā” ai, ā, i “riri rawa” ai (Hona 4:1) i te wā i torona mai e te Ariki Tōna aroha ki te iwi o Ninewa? Ki ō whakaaro he aha tā te Ariki whakaakoranga ki a ia i upoko 4:1? Me whakaaro ake ki ngā wā i rongo koe i Tana aroha i tō oranga. He aha tāu e ako ai i a Hona mā konā kaha ake koe ki te tuku aroha?

• Hei āwhina i ō tamariki kia mārama ki Amoho 3:7, māu e kōhimuhimu tētahi karere māmā ki tētahi o rātou kātahi ka tonoa rātou ki te tuku i tētahi kōrero ki ērā atu tamariki. He aha te ōritetanga o te karere nei i tēnei ngohe ki tētahi poropiti? He aha te Ariki e tuku ai i ngā poropiti?

• Ki te hia ako tonu e pā ana ki ngā mahi a ngā poropiti, me arotake koutou ko ō tamariki i ngā karere nōnatata nei mai i te Tumuaki o te Hāhi. Waiatahia ngātahitia tētahi waiata, pērā i “Follow the Prophet” (Children’s Songbook, 110–11). Kōrerohia atu tētahi ki tētahi he aha te take e kōwhiria ana koe ki te whai i te poropiti a te Atua.

• Tonoa ō tamariki kia whakataruna anō nei kei te hiakai i a koe e pānui ana i Amoho 8:11–12. He aha te āhua ina hiakai tātou ki te kupu a te Atua? Tērā pea me whakataruna ō tamariki anō nei kei te kai rātou i a koe e pānui ana i ētahi o ō karaipiture makau.

• Māu e whakamahi te Pukapuka Aratohu ki ngā Karaipiture, “Whakaparahakotanga” (Wharepukapuka Rongopai), te “After the New Testament” (i New Testament Stories, 167–70) kia āwhina i ō tamariki kia mārama ki te “matekai” i puta mai ai i te Whakaparahakotanga Nui me tana whakamutunga i te Whakahokinga. Kōrerohia atu ngā take e whakawhetai ana koe nā te whakahokinga mai a te Ariki i Tana rongopai i ēnei rā.

  

  2:52

• Hei āwhinatanga mā ō koutou tamariki ki te ako i ngā kōrero mō Hona, tēnā, kia arotakehia “Jonah the Prophet” i Old Testament Stories; tirohia anōtia te whārangi mahi mō tēnei wiki). Kātahi koe ka pātai:

  • I ahatia i te wā kīhai a Hona i whakarongo ai ki te Ariki? (tirohia Hona 1:4–17).

  • I aha a Hona kia rīpenetā ai? (tirohia Hona 1:10–12; 2:1–4, 9; 3:1–4).

  • I ahatia i te wā i whakarongo ai? (tirohia Hona 3:5).

  

  2:30

• Ka pai pea ki ō tamariki kia takina e rātou ngā kōrero mō Hona, kia whakaaria rānei e rātou. Kōrerohia atu tētahi ki tētahi e pā ana ki ngā taima i hiahia te Ariki kia meatia e koe tētahi mahi uaua. He aha Tāna hei āwhina kia whakarongo koe ki a ia?

• Tērā pea ka whakataruna ō tamariki anō nei kei te uiuia a Hona e pā ana ki ngā mea i pā ai ki ai. He aha ngā pātai e uia atu ai? Akiakina rātou kia uia ngā pātai e mōhio ai he aha ngā akoranga a Hona e pā ana ki te Ariki. Hei tauira, he aha tā Hona mō te aroha o te Ariki? (hei tauira, tirohia, Hona 2:7–10; 3:10; 4:2).

• Āwhinatia ō tamariki kia rapua ngā whakaaro mō ngā momo tauira o tā te Kaiwhakaora tuku aroha ki ētahi atu, pērā i tā Maka 2:3–12; Ruka 23:33–34; me Hoani 8:1–11. Me rapu koutou ko ō tamariki i ngā pikitia e hāngai ana ki ēnei tauira. He aha atu ngā huarahi e puare mai ana kia tuku aroha ki ētahi atu?