Ehekiera 1–3; 33– 34; 36–37; 47

I Ehekiera 3 me te 34,ka whakataurite te Ariki i ngā rangatira o Tana iwi anō nei he kaimataara, ā, anō nei he hepara. I a koe e pānui ana i ēnei upoko, kia aro ki tā ēnei taitara e kī nei e pā ana ki te tikanga o te tū hei rangatira.

Ko wai ngā “hipi” e hiahia ana te Ariki kia whāngaia e koe? He aha tāu e kite nei i Ehekiera 34 nā konā āwhina i tētahi e whakarite ana ki te haere i tana mīhana, tētahi e whakatipu tamariki ana, tētahi rānei e mahi ana i tana mahi minitatanga? Me pēhea koe e whai i te tauira o te Kaiwhakaora anō nei he hepara mō tātou? (tirohia whiti 11–31).

Ka whakaarohia pea e koe ngā tohu hāngai e kitea ai i tēnei upoko. He aha te tikanga o te “pātītī pai” me te “kāhui pai” i whiti 14? He aha te rerekē o te hipi e “ngaro” ana me tētahi kua “āia atu”? (whiti 16). He aha atu ētahi tohu e kite nei koe?

Tirohia anōtia Hoani 21:15–17; Gerrit W. Gong, “Ministering,” Liahona, Mei 2023, 16–19.

“Mehemea kei runga ō tātou hara i a tātou,” tā ngā Iharāira, “me pēhea rawa te āhua o tō tātou oranga?” (Ehekiera 33:10). Hei whakautu, nā te Ariki rātou i whakaako e pā ana ki te rīpenetātanga me te murunga hara. Mā ēnei pātai e āwhina i a koe kia whakaarohia ake tāna i whakaako ai:

• he aha ki a koe te tikanga o te kōrero “kia whakawhirinaki ki [tō] ake tika”? (tirohia Ehekiera 33:12–13).

• He aha tāu e kī ai ki tētahi e whakaaro ana kāore e tika ana ngā mahi ki ngā tāngata e kōrerotia ana? (tirohia Ehekiera 33:12–19 (tirohia anōtia Matiu 21:28–31; Ruka 18:9–14).

• He aha tāu e kite nei i ēnei whiti nā konā āwhinatia koe kia mārama he rawa tēnei mea te rīpenetā? He aha atu anō ngā tirohanga e rapua ai i Ehekiera 36:26–27 me Arami 7:14–16?

E whakaaturia ana te whakahuihuinga o Iharāira i Ehekiera 37 mā roto i ngā tohu e rua. I a koe e pānui ana e pā ana ki te mea tuatahi—ko ngā kōiwi tūpāpaku e whakaorangia ana (tirohia ngā whiti 1–14)—kia whakaarohia tāna e kī ai ki a koe e pā ana ki te whakahuihuinga o Iharāira kei ngā taha e rua o te ārai (tirohia anōtia Ehekiera 36:24–30). Kia aro ki ngā momo pātai pēnei:

• He aha te whāinga a te Ariki mā roto i te whakahuinga o Iharāira?

• He aha Tāna hei whakatutuki i tēnei whāinga?

Māu ēnei pātai e pātai ki a koe anō i a koe e pānui ana e pā ana ki te tohu tuarua, i ngā whiti 15–28. Kei tēnei tohu ngā rākau e rua, e whakaarohia ana e ngā tāngata mātauranga tokomaha, he papa i hangaia ai ki te rākau e hono ana ki tētahi pioi. Ka hāngai te rākau o Hura ki te Paipera (nā te mea i tuhia te nuinga o te Paipera Tapu e ngā uri o Hura), ā, ka hāngai te rākau o Hōhepa ki te Pukapuka a Moromona (nā te mea he uri te whānau o Rīhai nō Hōhepa o Īhipa). Kia mau tērā ki te roro, he aha ngā akoranga māu i ēnei whiti e pā ana ki te mahi a ngā karaipiture i roto i te whakahuihuinga o Iharāira?

Kia whakaarohia te āhua o te mahi tahi a te Paipera Tapu me te Pukapuka a Moromona i tō oranga—arā, kia whakatata atu koe ki te Karaiti. He aha ngā rerenga whiti pai rawa atu ki a koe?

Tirohia anōtia 2 Nīwhai 3:11–13; 29:14; “Israel, Israel, God Is Calling,” Hymns, no. 7; Ngā Kaupapa me ngā Pātai, “Bible,” “Book of Mormon,” Wharepukapuka Rongopai; “The Book of Mormon Gathers Scattered Israel” (whitiāhua), Wharepukapuka Rongopai.

1:31

I a koe e pānui ana i a Ehekiera 47:1–12, tērā pea he pai kia mōhio nā te nui o te tote i te Moana Mate kāore e taea ana e te ika, e te tipu rānei i reira. He aha ngā mea pai ki a koe e pā ana ki ngā wai i kōrerotia ai i ngā whiti 1–12? (tirohia anōtia Whakakitenga 22:1). He aha te hāngaitanga o ēnei wai? He aha te tohu hāngai o ngā rākau i whakamāramahia ai i whiti 12?

He aha tā Erata Dale G. Renlund karere “Family History and Temple Work: Sealing and Healing” e āpiti ai ki tāu e mārama ai? (tirohia Liahona, Mei 2018, 47–48). Kia whakaarohia ake he aha tāu hei rapu ai i te oranga ā-wairua me te whakarauoratanga nā te temepara.

• Ka pai pea ki ngā tamariki te mahi i ngā ā-ringa e hāngai ana ki a Ehekiera 3:17. Hei tauira, me tuhi te ringa ki ō rātou karu, taringa, me ō rātou māngai ina rangona ngā kupu “kaimataara,” “rongo,” me te “māngai.” Tērā pea ka pai te haere mō tētahi hīkoi—kei waho, ā, huri noa rānei i te ruma. I a rātou e hīkoi ana, whakatūpatoria rātou e pā ana ki ngā mea i runga i te ara, pērā i ngā awa hei peke atu ki tua, ngā peka hei heke iho ki raro, ngā kararehe rānei hei karo (ngā mea tuturu, ngā mea whakataruna rānei). Mā konei hika ai tētahi kōrero e pā ana ki tā te Ariki hei whakatūpato i a tātou e pā ana ki ngā mōrearea kāore e taea ana e tātou te kite.

• Anei anō tētahi mahi hei whakaatu Ehekiera 3:17; 33:1–5. Me whakataruna tētahi o āu tamariki kia tū ai hei “kaimataara” e titiro whakawaho ana i tētahi wini me te kī atu ki ngā tāngata katoa e aha ana i waho. Māu hoki e mātakitaki i te whitiāhua “Watchman on the Tower” (ChurchofJesusChrist.org). He aha te ōrite o tō tātou poropiti ora ki tētahi kaimataara mā tātou?

  

  4:17

• Whai muri iho i te pānuitanga ngātahitanga i Ehekiera 37:15–23 me rapu koutou ko ō tamariki kātahi ka tuhi i runga i tētahi Mō Hura (Paipera) kātahi ka tuhi i runga i tērā atu Mō Hōhepa (Pukapuka a Moromona). Kātahi ka taea te tuku i ngā kōrero, ngā karaipiture rānei mai i te Paipera me te Pukapuka a Moromona e āwhina ai kia tata ake koe ki te Kaiwhakaora kātahi ka meinga “ko [Tōna] iwi” (whiti 23). He aha e pai ai kia mau ki ēnei pukapuka karaipiture e rua?

• Ko tā Ehekiera 47 whakamārama mō tā Ehekiera kitenga mō ngā wai e rere mai ana i te temepara me te whakarauoratanga o te Moana Mate—tētahi moana e pērā rawa te nui o te tote kāore e taea te ika me te tipu i reira. Tērā pea ka tā pikitia ngā tamariki mō ngā mea e rua mai i te kitenga, pērā i tētahi temepara, tētahi awa, te Moana Mate, he kauika nui, he rākau whai hua. Ka mutu, i a koe e pānui tahi ana i ngā whiti 1–12, ka taea te kōrero mō tā rātou pikitia ina kōrerohia taua mea. He aha ngā manaakitanga i ahu mai ai i te awa i tēnei kitenga? Āwhinatia ngā tamariki kia kite ai e pēhea nei ēnei manaakitanga e rite ai ki ngā manaakitanga e homai nei e te Kaiwhakaora ki te hunga e pupuri ai i ngā kawenata temepara. Mā te whitiāhua “And the River Will Grow” (Wharepukapuka Rongopai).

  

  3:43

• Me waiata tahi anō i tētahi waiata e pā ana ki te pānui karaipiture, pērā i “Families Can Be Together Forever” (Children’s Songbook, 188). He aha ngā akoranga i tēnei waiata e pā ana ki tā te Ariki manaakitanga ki a tātou i Tana whare tapu?