Rāniera:1–7

I tētahi āhuatanga, kei te noho katoa tātou i Papurona. He rite tonu te whakawai mai i a tātou kia whakarērea ō tātou tikanga kia tahuri atu i tō tātou whakapono i te Karaiti. I a koe e pānui ana i Rāniera 1, 3, me 6, kia aro ki ngā mahi whakapēhi i a Rāniera rātou ko Hataraka, ko Mehaka, ko Apeneko kia mahia ngā mea i mōhio ai rātou kāore i te tika. He aha tā rātou hei whakautu i ēnei mahi? (tirohia Rāniera 1:10–13; 3:15–18; 6:10). He aha ngā hua o tō rātou whakapono? He aha ngā akoranga māu i ēnei tūāhuatanga nā konā kaha ake tō whakawhirinaki ki te Ariki ina wero mai aua whakapēhi? Kia aro atu anō ki ngā pātai e whai ake nei:

• He aha tētahi wā i whakapēhia koe kia mahia tētahi mahi i mōhio koe kāore i te tika? He aha tā te Ariki hei manaaki i a koe mōu i pupuri i Ana whakahaunga?

• Ka pēhea mehemea kāore e puta ngā merekara i tō whakapono? (hei tauira, tirohia Arami 14:8–13). Nā tāu i pānui ai i Rāniera 3:13–18, ki ō whakaaro he aha tā Hataraka, Mehaka, rātou ko Apeneko whakautu ki tēnei pātai? Ka pēhea tō aro ki ēnei whakamātautau nā tō pānui i ngā tauira nei?

• Me pēhea ō kōwhiringa tika e āwhina i ētahi atu kia kaha ake tō rātou whakapono i te Ariki? (tirohia Rāniera 2:47; 3:28–29). Kia whakaarohia ake ngā hua o ō kōwhiringa ki ētahi atu.

Tirohia anōtia tā Dieter F. Uchtdorf, “Be Not Afraid, Only Believe,” Liahona, Noema 2015, 76–79.

Mā roto i te whakakitenga, i kite a Rāniera, nā, he mea matakite te moemoeā o Nepukaneha e pā ana ki ngā kīngitanga o te whenua, tae atu ana ki te kīngitanga o te Atua “e kore rawa e whakangaromia” (Rāniera 2:44). “Ko te Hāhi taua kīngitanga hei ngā rā o muri nei i matakitea ai,” tā Erata D. Todd Christofferson i ako, “kīhai i hangaia e te tangata engari kua whakapūmautia e te Atua o te rangi, ā, e huri haere ana anō nei he kohatu kua ‘keria ringa kore mai i te maunga’ kia whakakī ai i te ao” (“Why the Church,” Liahona, Noema 2015, 111). Kia huri ō whakaaro ki te kīngitanga hei ngā rā o muri nei o te Atua i a koe e pānui ana i ngā whakamārama mō te kōhatu i Rāniera 2:34–35, 44–45. He aha tāu hei āwhina kia pahawa ai tēnei poropititanga?

Tirohia anōtia “Hark, All Ye Nations!,” Hymns, nama. 264; “God Gave Them Knowledge” (whitiāhua), ChurchofJesusChrist.org.

13:49

I a koe e arotake ana i a Rāniera 2:1–15, kia aro ō whakaaro ki tō āhua mehemea kei te tūranga o Rāniera koe. He aha tā Rāniera? (tirohia Rāniera 2:16–18). He aha ngā akoranga māu i Rāniera 1:17 e pā ana ki tā te Atua whakarite i a Rāniera? He aha ngā akoranga māu i ngā kupu me ngā mahi a Rāniera whai muri iho i tā te Ariki āwhina i a ia? (tirohia Rāniera 2:19–30).

I te wā o te minitatanga o te Kaiwhakaora i runga i te whenua, i whakapono ngā tāngata Hūrai tokomaha i hāngai ai te taitara “Tama a te tangata” i Rāniera 7:13 ki te haerenga mai a te Mīhaia. He aha ngā akoranga māu mō te Mīhaia i Rāniera 7:13–14? (tirohia anōtia Mohi 6:57).

I kaha kōrero te Kaiwhakaora ko Ia “te Tama a te tangata.” Me arotake i ētahi tauira: Matiu 25:31; Maka 9:31; 10:45. He aha Tāna e whakaako ai Mōna anō i roto i ēnei whiti? I Maka 14:61–64, i whakahuatia e Ihu tēnei taitara i runga i te rā whakamutunga o Tana oranga i mua i Tana rīpekatanga. Kia aro ki te āhua o te iwi i rangona ai e rātou tēnei whakapuakitanga. He aha ngā whakaaro e toko ake ai i roto i a koe nā te poropititanga a Rāniera e pā ana ki te Tama a te Tangata me ngā mea i pā ai ki a Ia i Maka 15?

Pērā i te mauāhara ki a Ihu Mōna i whakapuaki ko Ia te “Tama a te tangata,” ka tāwaia hoki koe mō te whakapuaki i ngā mea pono. Whakatauritetia te poropiti i Rāniera 7:13–14 ki ngā whakaari i Whakaakoranga me ngā Kawenata 121:29, 46.

Tirohia anōtia Whakaakoranga me ngā Kawenata 49:6; Pukapuka Aratohu ki ngā Karaipiture, “Tama a te Tangata,” Wharepukapuka Rongopai.

• Rapua ngā pikitia e āwhina ai i ō tamariki kia ako i ngā kōrero whakaaweawe i roto i te pukapuka a Rāniera, rapua ngā pikitia mō ngā heipūtanga i Rāniera 1, 3, me te 6 (tirohia te whārangi mahi mō tēnei wiki, te Gospel Art Book, nama. 23, 25, 26). Kātahi ka whakatakoto iho i ngā pikitia kia tāpapa iho, ka mutu, ka tonoa tētahi tamaiti kia whakatahuritia tētahi, kātahi ka kōrero e pā ana ki te pikitia. (Hei āwhina, tirohia “Daniel and His Friends,” “Shadrach, Meshach, and Abed–nego,” me “Daniel and the Lions’ Den” i Old Testament Stories, 154–56, 160–62, 163–65.)

  

  1:39

  

  1:39

  

  1:45

• Āwhinatia ō tamariki kia rapu whakaaro e pā ana ki ngā āhuatanga e pā ai ki a rātou hei konā whakawaia kia kōwhiria te hē, pērā i a Rāniera rātou ko ōna hoa i Rāniera 1, 3, me te 6. Kōrerohia atu tētahi ki tētahi e pā ana ki ō manaakitanga mōu i kōwhiri i te tika ahakoa tōna uaua. Me waiata tahi anō koutou i tētahi waiata e hāngai ana ki tētahi kaupapa, pērā i “Choose the Right” (Hymns, no. 239).

• Mā te pānui i ngā kōrero mō Rāniera me ōna hoa kīhai i whakaae ki te kai i ngā mīti me te waina a te kīngi e hika ai tētahi kōrero e pā ana ki te ture o te hauora kua homai nei e te Matua i te Rangi ki a tātou (tirohia Whakaakoranga me ngā Kawenata 89). Tērā pea ka taea te rapu i ngā manaakitanga i whiwhi ai a Rāniera mā kātahi ka whakataurite ki ngā manaakitanga e whakaaria mai ana i roto i te Kupu Whai Mātauranga (tirohia Rāniera 1:15–17 me te Whakaakoranga me ngā Kawenata 89:18–21).

• I a koe e pānui ana i Rāniera 2:31–35, 44–45 ki ō tamariki, tonoa rātou kia tā pikitia mō te moemoeā o Nepukaneha. Āwhinatia rātou kia mārama e hāngai ana te toka i taua moemoeā ki Te Hāhi o Ihu Karaiti o te Hunga Tapu i ngā Rā o Muri Nei. He aha ngā mea e ako ai tātou e pā ana ki te Hāhi i tēnei moemoeā? Me whakahua e ō tamariki ētahi mea i mahia ai e te Matua i te Rangi kia whakapūmauhia Tana Hāhi i ngā rā o muri nei. Mehemea e tika ana kia āwhinatia rātou, huraina atu ētahi pikitia mō ngā heipūtanga i te wā o te Whakahokinga mai o te Hāhi (tirohia Gospel Art Book, nama. 90–95).

• He aha i whakahirahira ai te inoi ki te Matua i te Rangi ki a Rāniera? Tērā pea me kōrero tahi koutou ko ō tamariki e pā ana ki taua pātai i a koutou e pānui ana i a Rāniera 6 . Kātahi ka taea te kōrero he aha e hirahira ai te inoi ki a koe. Ka pai pea ki ō tamariki te tā pikitia mō rātou anō e inoi ana. Mā ā rātou pikitia e āwhina kia whakaakona tētahi me tētahi e taea ana te inoi ki te Matua i te Rangi i ngā wā katoa.