Hohea 1–6; 10–14; Hoera

Kāore i ū pono te hoawahine a Hohea, a Koma, ki a ia, ā, ka tohua atu tēnei āhuatanga pāpōuri e te Atua kia whakaakona ngā Iharāira e pā ana ki Ana whakaaro ki a rātou me ō rātou kawenata ki a Ia. I a koe e pānui ana i Hohea 1–3, kia whakaarohia te āhua o tā te Ariki titiro ki Tana hononga ki Tana iwi kawenata. He aha ngā āhuatanga ōrite o te mea i tētahi kawenata ki te Ariki me te urutanga atu ki tētahi mārenatanga? Me pēhea e ōrite ai te whati i tētahi kawenata ki te ū kore a te hoa rangatira? (tirohia Hohea 2:5–7, 13). He aha tā Hohea 2:14–23 e whakaako ai e pā ana ki te aroha o te Ariki? Me pēhea koe e whakaatu ai i tō aroha me tō ū pono ki a Ia?

I Hohea 14, rapua ngā whakaari ātaahua maha e meatia ai e te Ariki ki te hunga e hoki atu ai ki a Ia. He aha te tikanga o te rerenga “arohaina noatia rātou” kia a koe? (whiti 4). He aha ngā akoranga māu i ngā kupu whakatairite mō te tipu rākau i ngā whiti 5–8 e pā ana ki ngā manaakitanga a te Ariki, tae noa atu ki ngā manaakitanga o te rīpenetātanga? Hei wāhanga nō tō rangahau, tērā pea me waiata, me whakarongo rānei ki tētahi hīmene e pā ana ki te aroha o te Kaiwhakaora, pērā i “Come unto Jesus” (Hymns, nama. 117).

I te tāpae te iwi i ngā rā o Hohea i ngā patunga kararehe, engari i te whati rātou i ngā whakahaunga nui ake. He aha te tikanga o te kōrero nei ki a koe e mea ana “i te hiahia [te Ariki] kia arohaina, ā, kaua ko te tāpae whakahere; me te mātauranga o te Atua i runga ake i ngā tāpaenga tahu”? (Hohea 6:6). He aha te tikanga ki a koe o te kōrero e mea ana e rite ana te tika ki tētahi kapua, ki te tōmairangi rānei? (tirohia Hohea 6:4). Me rite tō tātou tika ki te aha? (tirohia Ihāia 48:18; 1 Nīwhai 2:9–10).

Māu hoki e pānui Matiu 9:10–13; 12:1–8 kia kitea tā te Kaiwhakaora whakamahi i Hohea 6:6 i roto i Tana minitatanga. Me pēhea ēnei rerenga whiti e āwhina kia mārama ai koe ki ngā kupu a Hohea?

I a koe e pānui ana i Hoera 2:12–13, ka pai pea kia mōhio ko te tīhaehae i ngā kākahu o tētahi meatanga ā-tinana e whakaatu ai i te pōuritanga. He aha te rerekētanga o te tīhaehae i ō tātou ngākau i te tīhaehae i ō tātou kākahu?

He aha ngā taurite e kitea nei e koe i ēnei rā me ngā rā i matakitea ai e Hoera? (tirohia rawatia Hoera 2:1–2, 11, 18–32). He aha te mea pai rawa ki a koe mō ngā kupu whakaari i whakaaria mai nei e te Ariki i ngā whiti 18–32? He aha e whakahirahira rawa ai ēnei manaakitanga ki a tātou i ēnei rā?

Ka pai pea kia pānuihia tā Moronai e pā ana ki a Hoera 2 i te wā i puta mai ia ki a Hōhepa Mete i te tau 1823 (tirohia Hōhepa Mete—Hītori 1:41). Me pēhea ngā poropititanga i Hoera 2:28–32 e whakatutukihia ana i ēnei rā? (tirohia anōtia Ngā Mahi 2:1–21). He aha te tikanga o te kōrero ka “maringi iho [te Ariki] i [Tana] wairua ki runga i te kikokiko katoa”? (Hoera 2:28).

Māu ēnei kupu a Tumuaki Russell M. Nelson e whakaaro: “Hei ngā rā e heke mai nei, e kore e taea te whakakaha i te wairua ki te kore te ārahitanga, te tohutohutanga, te whakaāiotanga me te whakaaweawetanga o te Wairua Tapu” (“Revelation for the Church, Revelation for Our Lives,” Liahona, Mei 2018, 96). He aha e whakahirahira rawa ai te whakakitenga mō te oranga ā-wairua?

Me aha koe mehemea kāore koe e whiwhi ana i taua maringitanga? Koinei ētahi tauira e āwhina ai. I ahatia e ngā tāngata i ēnei karaipiture kia whakawhiwhia tētahi maringitanga o te Wairua o te Ariki?

• Mōhia 4:1–3, 19–20; 18:7–11

• Heramana 6:34–36

• Whakaakoranga me ngā Kawenata 19:37–41

I a koe e pānui ana i ēnei kupu a Erata David A. Bednar, kia whakaarohia he aha te tikanga ki a koe kia rangona ai tētahi maringitanga iho o te Wairua Tapu i tō oranga:

“Nā tātou tonu i uaua ai kia whakawhiwhia te whakakitenga mōu ake. Ko te tikanga o taua kōrero, ko te whakaari kawenata, koia ko tēnei, i a tātou e whakahōnore ana i ō tātou kawenata, ka piri tahi mai i ngā wā katoa te Wairua Tapu hei hoa piri pono. Engari kei te kōrerohia tērā e tātou, ā, kei te whakaarohia tērā e tātou anō nei he kotuku rerenga tahi noa te rongo atu i te Ariki mā roto i Tana Wairua. … E tika ana kia piri pono mai te [te Wairua] ki a tātou i ngā wā katoa. Ehara i te mea i ngā wā katoa, engari mehemea kei te whakapau kaha tētahi—ehara i te mea me hē kore—engari mehemea kei te whakapau kaha tāua kia pērā, ā, ki te kore e meatia ana ngā hara kino rawa, hei konā taea te whakawhirinaki ki te ārahitanga mai a te Wairua Tapu. …

“… Kei te whakapono tātou he mea nui whakamīharo te Wairua Tapu, engari kē he mea āio, he mea iti, ā, he mea āta rangona” (“Elder David A. Bednar Discussion” [ahiahi pō i te taha o tētahi Māngai Whānui, Feb. 7, 2020], broadcasts.ChurchofJesusChrist.org).

Tiorohia anōtia tā Gary E. Stevenson, “Promptings of the Spirit,” Liahona, Noema 2023, 42–45; “Enemy Territory” (whitiāhua), Wharepukapuka Rongopai.

3:38

• I te pukapuka a Hohea, i whakatauritetia e te Ariki Ana kawenata ki Tana iwi ki tētahi mārenatanga. Kia ako i tēnei whakataurite, me titiro koutou ko ā koutou tamariki ki tētahi pikitia o tētahi wahine mārena me tana tāne mārena kātahi ka kōrero e pā ana ki tā te Matua i te Rangi e pai ai hei mahi mā te tāne me te wahine ki a rāua anō. Āwhinatia ō tamariki kia rapua ai ngā kupu i Hohea 2:19–20 e whakamāramahia ai ngā whakaaro a te Ariki e pā ana ki a tātou. Me aha tātou hei whakaatu ki te Ariki kei te aroha tātou ki a Ia, ā, kei te hiahia kia ū pono ki a Ia?

• E kōrero ana a Hohea 10:12 e pā ana ki te ruirui, te kokoti, te wā, me te ua hei tono i a tātou kia rapua te Ariki. I a koe e pānui ana i tēnei whiti, he aha ngā whakaaro auaha e tau ana ki tō hinengaro mā konā whakahihiko ai i ngā tamariki kia rapua Ia? Hei tauira, tērā pea ka taea e ō tamariki te tā pikitia o tētahi karaka kātahi ka tuhia iho ngā wā e taea ana e rātou te rapu i te Ariki hei ngā wā rerekē i te rā. Mā tētahi waiata pērā i “Anytime, Anywhere” (Wharepukapuka Rongopai) e āwhina kia whakaakona e koe e pai ana i ngā wā katoa ki te rapu i te Ariki.

• Ka taea rānei e ō tamariki te mahi i ngā ā-ringa māmā e hāngai ai ki ngā kupu o taua whiti, pērā i te whakatō kākano, te hauhake hua whenua, te tū rānei i te ua. Āwhinatia ō tamariki kia whakataurite i te whakatō kākano me te kokoti i ngā kai pai ki te pūmau ki te tika me te whakawhiwhi i ngā manaakitanga a te Ariki. Kātahi ka taea te kōrero tētahi ki tētahi e pā ana ki ngā manaakitanga a te Ariki kua maringihia iho ki runga ki a koe i a koe e ngana ana ki te rapu i a Ia.

• Hei whakakaha i ngā kupu pono i Hohea 13:4 e mea ana kāore he Kaiwhakaora atu anō hāunga ko Ihu Karaiti, me tuari atu ki ō tamariki ngā pikitia o ngā tāngata tokomaha, tae noa atu ki a Ihu. Mā tēnā, mā tēnā tamaiti e tuhi atu i te ringa ki te tangata kei a ia te kaha ki te whakaora i a tātou i te hara me te mate. Tukuna tō whakaaturanga mō Ihu Karaiti me Tōna Whakamārietanga.

• Me rapu ō tamariki i ngā kupu i Hohea 13:4, 14 e kōrero ana mō Ihu Karaiti. He aha ngā mea e ako ai tātou i ēnei whiti Mōna? Me āwhina i ō tamariki kia whakamahia te Pukapuka Aratohu ki ngā Karaipiture kia rapua ētahi atu karaipiture e whakaakona ana ko Ihu te Kaiwhakaora me te Kaihoko. Tohaina atu tētahi me tētahi ō whakaaro mō tā Ihu Karaiti.

• Māu ō tamariki e āwhina kia mārama ai rātou ki a Hoera 2:28-29 mā te riringi iho i tētahi wai kātahi ka meatia te tauaro, arā, ki tētahi wai patapata noa. He aha pea te tikanga kia “maringi iho” te Wairua ki runga i a tātou?

• I a koutou a pānui tahi ana i Hoera 2:28–29, tonoa ngā tamariki kia whakaurua ō rātou ingoa ki roto i ngā rerenga e mea ana “ō tama” me “ō tamāhine.” Kātahi ka āwhina i a rātou kia tirohia ai ngā karaipiture pērā i a Hoani 14:16; Moronai 10:5; Whakaakoranga me ngā Kawenata 42:17 kia rapua ngā huarahi e āwhina ai te Wairua i a rātou.