Amos; Obadaia; Jona

Ilo Amos 3:3–6, rikanaan Amos eaar kwaļo̧k waanjon̄ak in jem̧ļo̧k ko jemaron̄ bōk jān kakōļļe ko jej ron̄ ak lo: n̄e ļaion ej lam̧ōj, emaron̄ kar jibwe juon kijen; n̄e epo juon bao ilo aujiid; emaron̄ kar wōr mo̧o̧r. Ilo eoon ko 7–8, Amos ekar mour kōn jeļā in n̄an rikanaan ro. Ta jem̧ļo̧k ko jemaron̄ bōki n̄e juon rikanaan ej kanaan? Ta ko jet kwoj ekkatak kōn rikanaan jān Amos 7:10–15?

Ta eo em̧ōj an Irooj kwaļo̧k n̄an eok jān rikanaan ro An?

Elder Ulisses Soares ke “wōr rikanaan ej juon kakōļļen an Anij iakwe” (“Prophets Speak by the Power of the Holy Spirit,” Liahona, May 2018, 99). Ļōmņak ekōjkan am̧ maron̄ kam̧ōj jantōj in: “Ijeļā Anij ej iakwe eō, kōnke E ej jilkintok rikanaan ro …” Erkein jet eoon remaron̄ jipan̄: Duteronomi 18:18; Ezekiel 3:16–17; Epesōs 4:11–14; 1 Nipai 22:2; Katak im Bujen Ko 21:4–6; 84:36–38; 107:91–92.

Ta eo kwon kar ba n̄an juon armej eo ej en̄jake ke jejjab aikuji rikanaan ro rainin?

Bar lale Unin kōnono im kajjitōk ko, “Prophets,” Gospel Library.

Ekkar n̄an Amos 4:6–13, ta eo Irooj eaar kōjatdikdik en kar waļo̧k ālkin an riIsrael ro kar ioon mālijjon̄ ko (bar lale Hilamōn 12:3). Ilo an māllijon̄ ko am̧ maron̄ jab itok jān Anij, ilo wāween rōt rej lewaj n̄an eok iien em̧m̧an n̄an oktak n̄an E?

Ilo am̧ riiti Amos 5:4, 14–15, ļōmņak elmen an Irooj jouj n̄an kwe. Elmen An kar lewaj n̄an eok mour?

Ilo am̧ riiti Amos 8:11–12, ļōmņak kōn etke n̄ūta ej juon men em̧m̧anļo̧k jān mour ijelo̧kin naan eo an Anij (bar lale Jon 6:26–35; 2 Nipaii 9:50–51; 32:3; Enos 1:4–8). Elmen am̧ jeļā n̄e kwoj kwole ilo jetōb?

Eoon kein remaron̄ bar jerbal n̄an Bun̄ jān Tōmak eo (lale Topics and Questions, “Bun̄ jān Tōmak,” Gospel Library). Ekōjkan an “n̄ūta” in ilo jetōb jelet ajri ro nejin Anij? Ekōjkan an Jepļaaktok eo kar jipan̄ naajdik am̧ kwōle ilo jetōb?

Bar lale “The Great Apostasy” (pijaan aloojj), Gospel Library.

16:36

Ej kōnaan kōn Obadaia 1:21, Būreejtōn Gordon B. Hinckley eaar kōmeļeļe ke jej erom rilo̧mo̧o̧r ro ilo Toļ Sinai n̄e jej kōm̧m̧ani kain̄i ko n̄an ro remej ilo tampeļ (lale “Closing Remarks,” Liahona, Nov. 2004, 105). Elmen an jerbal in āinwōt juon—n̄e juon wōt ilo wāween eo edik—kōn ta eo Rilo̧mo̧o̧r ekar kōm̧m̧ane n̄an kōj? Elmen an jerbal in kar jipan̄ eok epakeļo̧k Rilo̧mo̧o̧r?

Bar lale “Holy Temples on Mount Zion,” Hymns, no. 289.

Nineveh ekar juon rikōjdat an Israel jeļā kōn an kakure im nana. N̄an Jona, āinwōt ejjab m̧ool ke raar pojak in ukweļo̧k. Emaron̄ lukkuun jipan̄ n̄an keidi m̧wil eo an Jona (lale Jona 1; 3–4) n̄an en̄jake ko an Alma im ļōmaro nejin Mosaia (lale Mosaia 28:1–5; Alma 17:23–25). Ta eo kwoj ekkatak jān Jona 3 me ej im̧we eok n̄an kwaļo̧k gospel eo jekdoon n̄e armej ro remaro̧n̄ jab pojak in oktak?

Ilo am̧ riiti Jona, kappukot waanjon̄ak ko kōn tūriam̧o eo An. Etke woj en̄jake ke Jona ear “jab m̧ōņōņō” im “lukkuun illu” (Jona 4:1) ke Irooj eaar erļo̧ke tūriam̧o eo an n̄an armej in Nineveh? Ta eo kwoj en̄jake Irooj ekar kajjieon̄ jipan̄ Jona meļeļe ilo jebta 4? Kejokļo̧kjeņ kōn wāween am̧ kar en̄jake tūriam̧o̧ eo An ilo mour eo am̧. Ta eo kwoj ekkatak jān Jona me emaron̄ jipan̄ eok kōļapļo̧k am̧ tūriam̧o?

• N̄an jipan̄ ajri ro nejum̧ meļeļe Amos 3:7, kwomaron̄ unoojidikdik juon enaan n̄an juon iaer im kajjitōk bwe ren kwaļo̧k enaan eo n̄an ajri ro jet. Ekōjkan an ribōktok naan in ilo m̧akūtkūt in āinwōt juon rikanaan? Etke Irooj ej letok n̄an kōj rikanaan?

• N̄an ekkatak eļapļo̧k kōn ta eo rikanaan rej kōm̧m̧ani, kwe im ajri ro maron̄ etale enaan ko rekāāltata jān Būreejtōn eo an Kabun̄ in rainin. Kom maron̄ bar al juon al āinwōt “Follow the Prophet” (Children’s Songbook, 110–11). Kwaļo̧k n̄an doon etke kwoj kāālet in ļoor rikanaan eo an Anij.

• Kajjitōk ippān ajri ro nejum̧ bwe ren arin wōt ke rekwōle ilo am̧ riiti Amos 8:11–12. Ekōjkan en̄jake eo n̄e jej kwōle kōn naan eo an Anij? Bōlen ajri ro nejum̧ remaron̄ arin n̄e rej m̧ōn̄ā ilo ami kwaļo̧k n̄an doon jet iaan eoon ko rem̧m̧an ippami.

• Kwomaron̄ bar kōjerbale Unin Tōl n̄an Jeje ko rekwojarjar , “Bun̄” (Gospel Library), ak “Ālikin Kalim̧m̧ur Ekāāl” (ilo Bwebwenato ko an Kalim̧m̧ur Ekāāl, 167–70) n̄an jipan̄ ajri ro meļeļe ke “n̄ūta” eo ekar itok jān Marok Jilōn̄lōn̄ eo im elmen an kar jem̧ļo̧k kōn Jepļaaktok eo. Kwaļo̧k n̄an doon un ko komij m̧ōņōņō kaki kōn an kar Irooj kōjepļaaptok gospel eo An ilo raan kein ad.

  

  2:52

• N̄an jipan̄ ajri ro ekkatak bwebwenato in Jona, komaron̄ etale “Rikanaan Jona” ilo Bwebwenato ko jān Kallim̧ur M̧okta; bar lale peij in m̧akutkut eo an wiik in). Innem komaron̄ kajjitōk:

  • Ta eo ekar waļo̧k ke Jona ear jab pokake Irooj (lale Jona 1:4–17).

  • Ta eo Jona ear kōm̧m̧ane n̄an ukweļo̧k? (lale Jona 1:10–12; 2:1–4, 9; 3:1–4).

  • Ta eo ekar waļo̧k ke Jona ear jab pokake? (lale Jona 3:5).

  

  2:30

• Ajri ro remaron̄ itok limoer in kwaļo̧k kōn bwebwenato in Jona ak arin. Kwaļo̧k n̄an doon jet en̄jake ko me Irooj ear kōņaan bwe kwon kōm̧m̧ane juon men me ear pen n̄an kom̧. Ewi wāween An kar jipan̄ eok pokake E?

• Bōlen ajri ro remaron̄ arin ke rej kajjitōkin Jona kōn en̄jake eo an. Ta kajjitōk ko remaro̧n̄ kar kajjitōk ippan? Kōketak er bwe ren kajjitōk n̄an kappukot ta eo Jona ear ekkatak kōn Irooj. Jona enkar ba ta, n̄an waanjon̄ak, kōn tūriam̧o eo an Irooj? (lale, n̄an waanjon̄ak, Jona 2:7–10; 3:10; 4:2).

• Jipan̄ ajri ro ļōmņake waanjon̄ak ko ke Rilo̧mo̧o̧r ekar kwaļo̧k tūriam̧o n̄an ro jet, āinwōt Mark 2:3–12; Luk 23:33–34; im Jon 8:1–11. Kwe im ajri ro maron̄ etale pija ko an waanjon̄ak kein. Ta iien ko rem̧m̧an ewōr ad n̄an tūriam̧o kōn ro jet.