Daniel 1–7

Ilo bar juon wāween ba, kōj aolep jej pād ilo Babilon. Ekutkut ad jelm̧ae kapo ko n̄an ukot men ko jej jutak kaki im ukōt jān tōmak eo ad ilo Kraist. Ilo am̧ riiti Daniel 1, 3, im 6, lale wāween ko raar unļo̧k Daniel, Shadrak, Meshak, im Abednego, n̄an kōm̧m̧ani men ko rejeļā ke rebōd. Elmen aer kar jelm̧ae jekjek kein? (lale Daniel 1:10–13; 3:15–18; 6:10). Ta kar tōprakin tōmak eo aer? Ta ko kwoj ekkatak jān iien kein me rej jipan̄ eok lōke Irooj n̄e kwoj jelm̧ae men ko reppen? Ļōmņak kōn kajjitōk kein:

• Kar n̄āāt eo kwaar en̄jake juon men n̄an kōm̧m̧ane ke kwojeļā ke ebōd? Ekōjkan an Irooj kar kōjeraam̧m̧an eok ilo am̧ kōjparok kien ko An?

• Ak n̄e tōmak eo am̧ ejjab tōl n̄an kabwilōn̄lōn̄ ko kwoj pukoti? (n̄an waanjon̄ak, lale Alma 14:8–13). Pedped ioon ta eo kwoj riiti ilo bok in Daniel 3:13–18, ewi am̧ ļōmņak ta uwaak eo an Shadrak, Meshak, im Abednego n̄an kajjitōk in? Ewi wāween an waanjon̄ak in aer jelet wāween am̧ jelm̧ae mālijjon̄ ko am̧?

• Ekōjkan an kāālet ko am̧ rejim̧we tōl ro jet n̄an eļapļo̧k tōmak ilo Irooj (lale Daniel 2:47; 3:28–29). Ļōmņak kōn wāween an kāālet ko am̧ jelōt ro jet.

Bar lale Dieter F. Uchtdorf, “Be Not Afraid, Only Believe,” Liaona, Nov. 2015, 76–79.

Jān revelesōn in, Daniel ekar lo bwe ettōņak eo an Nebukadnezar ekar kanaan kōn laļ ko renaaj obrak kōn nana ilju im jekļaj, barāinwōt aelōn̄ in kiin̄ eo an Anij, eo me “enaaj jutak n̄an indeeo” (Daniel 2:44). “Kabun̄ in ej aelōn̄ in kiin̄ eo ilo raan ko āliktata me kar kanaan kake,” Elder D.Todd Christofferson ekar katakin, “ejjab ejaak jān armej ak kar ejaak jān Anij in lan̄ im ej dāpilpil m̧aantak āinwōt juon dōkā ‘em̧ōj jeke dekā eo jān juon toļ’ n̄an tōpar aolepān laļ in” (“Why the Church,” Liahona, Nov. 2015, 111). Ļōmņak kōn aelōn̄ in kiin̄ eo an Anij ilo raan ko āliktata ilo am̧ riiti kōmeļeļe ko kōn dekā eo ilo Daniel 2:34–35, 44–45. Ta eddo eo am̧ n̄an jipan̄ kakūrm̧ool kanaan in?

Bar lale “Hark, All Ye Nations!,” Hymns, no. 264; “God Gave Them Knowledge” (pijaan alooj), ChurchofJesusChrist.org.

13:49

Ilo am̧ etale Daniel 2:1–15, ļōmņak ekōjkan am̧ naaj kar en̄jake n̄e kwon kar pād ilo jekjek eo an Daniel. Ta eo Daniel eaar kōm̧m̧ane? (lale Daniel 2:16–18). Ta eo kwoj ekkatak jān Daniel 1:17 kōn elmen an kar Anij kepoojDaniel? Ta eo kwoj ekkatak jān naan im m̧akūtkūt ko an Daniel ālkin an kar bōk jipan̄ eo an Irooj (lale Daniel 2:19–30).

Ilo iien kwaļo̧k eo an Rilo̧mo̧o̧r ioon laļ in, elōn̄ ri Ju raar ļōmņake taitōl eo “Nejin armej” jān Daniel 7:13 n̄an kūr Messaia eo ej itok. Ta ko kwoj ekkatak kōn Messaia jān Daniel 7:13–14? (bar lale Moses 6:57).

Ekutkut an kar Rilo̧mo̧o̧r ņaetan make “Nejin armej.” Ļōmņak in etale jet waanjon̄ak: Matu 25:31; Mark 9:31; 10:45. Ta eo E ej katakin kōn E make ilo eoon kein? Ilo Mark 14:61–64, Jisōs eaar kōjerbal taitōļ in ilo raan eo āliktata in mour eo An ioon laļ. Je ta eo armej ro raar kōm̧m̧ane ke raar ron̄ kean̄ eo An. Ewi wāween an kanaan eo an Daniel kōn Nejin Armej jelet en̄jake ko am̧ kōn ta eo ekar waļo̧k n̄an E ilo Mark 15?

Āinwōt aer kar kōjdat Jisōs kōn an kar kean̄ ke E kar “eo Nejin armej,” kwomaron̄ bar jelm̧ae kain kakkure rōt kein jān am̧ kean̄ kōn m̧ool eo. Keidi kanaan eo ilo Daniel 7:13–14 ippān kallim̧ur ko ilo Katak im Bujen Ko 121:29, 46.

Bar lale Katak im Bujen Ko 49:6; Unin Tōl n̄an Jeje ko rekwojarjar, “Nejin Armej,” Gospel Library.

• N̄an jipan̄ ajri ro nejūm̧ ekkatak jān bwebwenato ko reim̧we ilo bok in Daniel, kwomaron̄ pukot pijaan iien ko ilo Daniel 1, 3, im 6 (lale peij in m̧akūtkūt eo an wiik in Bok In Gospel Pija, nos. 23, 25, 26). Innām kwomaron̄ kapedo pija ko im karuwanene ajri ro n̄an ukoti im kōnono kōn bwebwenato eo ej jutak kake. (N̄an jipan̄, lale “Daniel and His Friends,” “Shadrak, Meshak, im Abednego,,” im “Daniel ilo Ro̧n̄ in Ļaiōn eo” ilo Bwebwenato ko jān Kallim̧ur M̧okta, 154–56, 160–62, 163–65.)

  

  1:39

  

  1:39

  

  1:45

• Jipan̄ ajri ro nejūm̧ ļōmņak kōn jekjek ko me remaron̄ kar pād ilo kapo n̄an kōm̧m̧ane juon kāālet ebōd, āinwōt Daniel im ro m̧ōttan ilo Daniel 1, 3, im 6. Kwaļo̧k n̄an doon ewi wāween am̧ kar jeraam̧m̧an ilo am̧ kar kōm̧m̧ane kāālet eo ejim̧we jekdoon n̄e ekar pen. Kom̧ maron̄ bar al ippān doon juon al ej ekkeijelļok ippān unin kōnono in, āinwōt “Choose the Right” (Hymns, no. 239).

• Riiti bwebwenato eo kōn Daniel im ro m̧ōttan raar m̧akoko in m̧ōn̄ā kanniek im wain eo jān kiin̄ eo emaron̄ im̧we juon ekōnono kōn kakien in ājmour Jemedwōj Ilan̄ eaar letok n̄an kōj rainin (lale Katak im Bujen Ko 89). Bōlen kwomaron̄ pukot kōjeraam̧m̧an ko Daniel im ro m̧ōttan raar boki im keidi ippān kōjeraam̧m̧an ko kar kallimur kaki ilo Naan in Māletlet (lale Daniel 1:15–17 im Katak im Bujen Ko 89:18–21).

• Ilo am̧ riiti Daniel 2:31–35, 44–45 ippān ajri ro nejūm̧, kwomaron̄ karuwanene er n̄an jin̄aik juon pija in ettōņak eo an Nebukadnezar. Jipan̄ er meļeļe ke dekā eo ilo etōņak eo ej jutak kōn Kabun̄ eo an Jisōs Kraist im Armej Ro Rekwojarjar ilo Raan Ko Āliktata. Ta ko jej ekkatak kōn Kabun̄ in jān ettōņak eo? Ajri ro nejūm̧ remaron̄ kwaļo̧k jet men Jemedwōj Ilan̄ eaar kōm̧m̧ane n̄an ejaake Kabun̄ in An ilo raan kein āliktata. N̄e rej aikuj jipan̄, kwomaron̄ kwaļo̧k pija in iien ko raar waļo̧k jān Jepļaaktok eo an Kabun̄ in (lale Bok In Gospel Pija, no. 90–95).

• Etke jar n̄an Jemedwōj Ilan̄ ekar aorōk n̄an Daniel? Bōlen kwe im ajri ro nejūm̧ maron̄ kōnono kōn kajjitōk in ilo ami riiti Daniel 6 ippān doon. Innām kwaļo̧k n̄an doon etke jar eaorōk n̄an kwe. Ajri ro nejūm̧ remaron̄ itok limoer in jin̄a pijaer make jar ilo elōn̄ jekjek ko. Remaron̄ kōjerbal jin̄a ko aer n̄an katakin doon bwe jemaron̄ jar n̄an Jemedwōj Ilan̄ jekdo̧o̧n ia eo jej pād ie im ta eo jej aikuji.