Ezekiel 1–3; 33–34; 36–37; 47

Ilo Ezekiel 3 im 34, Irooj ekōņaan ritōl ro an armej ro An bwe ren riwaj ro im seperd ro. Ilo am̧ riiti jepta kein, ļōmņak ta eo taitōl kein rej kwaļo̧k kōn ta meļeļein n̄an juon ritōl.

Wōn ro rej “sip” me Irooj ekōņaan bwe kwon naajdik er? Ta eo kwoj loe ilo Ezekiel 34 me ej jipan̄ juon armej kepopo n̄an jerbale juon mijen, kaajiriri ajri ro, ak kakūrm̧ool juon kūr in jerbal in karejar? Ewi wāween am̧ ļoor waanjon̄ak eo an Rilo̧mo̧o̧r āinwōt juon ad seperd? (lale eoon 11–31).

Komaron̄ bar lin̄ūri kakōļļe ko kwoj loi ilo jepta in. Ta eo “meḷaaj eṃṃan” im “jikin jokwe eṃṃan” rej jutak kake ilo eoon 14? Ta oktak eo ikōtaan juon jiip eo me e “jako” im juon eo me “eṃōj kajeplōklōki”? (eoon 16). Ta kōkaļļe ko jet kwoj loi?

Bar lale Jon 21:15–17; Gerrit W. Gong, “Jerbal in Karejar,” Liaona, Māe 2023, 16–19.

“Eļan̄n̄e … jerawiwi ko ad rej ioed,” Riisrael rikōm̧akoko ro rej bwilōn̄, “ewi wāween ad nej mour?” (Ezekiel 33:10). Ke ej uwaak, Irooj ear katakin er kōn ukweļo̧k im jeorļo̧k bōd. Kajjitōk kein remaron̄ jipan̄ eok lin̄ūri ta eo E kar katakin:

• Ta ko kwoj ļōmņak ej meļeļein n̄an “lōke [am̧] wānōk”? (lale Ezekiel 33:12–13

• Ta eo kwonaaj ba n̄an juon eo ej en̄jake bwe armej ro kar kōmeļeļeiki ilo Ezekiel 33:12–19 ekar jab em̧m̧an kōm̧m̧an n̄an er? (bar lale Matu 21:28–31; Luk 18:9–14).

• Ta ko kwoj loe ilo eoon kein me emaron̄ jipan̄ eok meļeļe ta meļeļein ukweļo̧k? En̄jake ko jet kwoj loe ilo Ezekiel 36:26–27 im Alma 7:14–16

Em̧ōj kōmeļeļeik aintok eo an Israel ilo Ezekiel 37 kōn ruo kōkaļļe. Ilo am̧ riit kōn kōkaļļe eo kein kajuon—di ko rekar mej renej bar mour (lale eoon 1–14)—kejokļo̧kjeņ kōn ta eo kwoj ekkatak kake kōn aiintok doon eo an Israel ilo jait ko jim̧or ilo ran̄ōļ eo (bar lale Ezekiel 36:24–30). Ļōmņake kajjitōk ko āinwōt kein:

• Ta eo Irooj ej kajjieon̄ kōtōprake ilo aintok eo an Israel?

• Ewi wāween An kōtōprake?

Komaron̄ kajjitōk ippam̧ make ejja kajjitōk kein wōt ilo am̧ riit kōn kakōļļe eo kein kauro ilo eoon 15–28. Kakōļļe in in ej ruo aļaļ, ko me elōn̄ ro retijem̧ļo̧k rej kōmeļeļeik ke rej boot in jeje kōm̧m̧an jān aļal rej eddāp kōn juon kein dāpdep. Alal an Juda emaron̄ bōk jikin Baibōļ (kōn an ļap wōt an jeje ko ilo Baibōļ kar jeje jān ro bwijjin Juda), im alal an Josep emaron̄ bōk jikin Bok in Mormon (bwe kōnke baam̧le eo an Liai rekar bwijjin Josep eo ilo Ijipt). Kōn men in ilo kōlmenļo̧kjeņ, ta eo eoon kein rej katakin eok kōn jerbal eo an jeje ko rekwojarjar ilo aiintok doon in an Israel?

Ļōmņak kōn elmen an Baibōļ eo im Bok in Mormon jerbal ippān doon ilo mour eo am̧—eļaptata, n̄an jipan̄ eok itok n̄an Kraist. Eoon ta ko eļaptata aer lōn̄ meļeļeir n̄an kwe?

Bar lale 2 Nipai 3:11–13; 29:14; “Israel, Israel, God Is Calling,” Hymns, no. 7; Topics and Questions, “Bible,” “Book of Mormon,” Gospel Library; “The Book of Mormon Gathers Scattered Israel” (pijaan alooj), Gospel Library.

1:31

Ilo am̧ riiti Ezekiel 47:1–12, emaron̄ jipan̄ n̄an jeļā ke Lom̧aļon Mej elukun ejolool ke ek im mennin eddōk rejjab maron̄ mour ilowaan. Ta ko rej im̧we eok kōn dān ko kar kōmeļeļeik ilo eoon 1–12? (bar lale Revelesōn 22:1). Emaron̄ ta ko dān kein rej kakōļļein? Ta eo wōjke ko kar kōmeļeļeik ilo eoon 12 rej jutak kaki?

Ta eo enaan eo an Elder Dale G. Renlund “Menmenbwij im Jerbal an Tampeļ: Liāp im Kōmour” ej kobaik n̄an meļeļe eo am̧? (lale Liaona, Māe 2018, 47–48). Lin̄ūri ewi wāween am̧ kar lo mour in jetōb im kōmour kōnke kōn tampeļ eo.

• Emaron̄ itok limoin ajri ro redik n̄an kōm̧m̧ane makutkut eo me ej ekkeijel ippān Ezekiel 3:17. N̄an waanjon̄ak, remaron̄ jitōn̄ mejaer, lojiln̄ier, im lon̄ier n̄e kwoj riiti naan ko “riwaj,” “ron̄jake,” im “lon̄ier.” Remaron̄ bar kōnaan etal ilo juon etetal—nabōj ak ilowaan wōt ruum̧ eo. Ilo aer etetal, kakōl er kōn men ko ilo iaļ eo, āinwōt juon reba n̄an kejoone, ra ko ren jillo̧k jāni, ak mennin mour ko ren etoļo̧k jāni (m̧oolin ak riapin). Men in emaron̄ tōl n̄an juon ekōnono kōn wāween an rikanaan ro an Irooj kakōl kōj kōn kauwōtata ko jejjab loi.

• En̄iin bar juon wāween n̄an kōmeļeļeiki Ezekiel 3:17; 33:1–5. Juon iaan ajri ro emaron̄ arin ke ej juon “riwaj” ilo an reinabōjļo̧k ilo juon wūntō im jiron̄ aolep ta eo ej waļo̧k inabōj. Kom̧ maron̄ bar alooje pija eo “Watchman on the Tower” (ChurchofJesusChrist.org). Ewi wāween an rikanaan eo ad emour āinwōt juon riwaj n̄an kōj?

  

  4:17

• Ālkin ami riit Ezekiel 37:15–23 ippān doon, kwe im ajri ro maron̄ kappukot ruo aļaļ im je ioon juon N̄an Juda (Baibōļ) im ioon eo juon N̄an Josep (Bok in Mormon). Innem komaron̄ kwaļo̧k bwebwenato ak eoon ko jān Baibōļ im Bok in Mormon me rej jipan̄ eok en̄jake am̧ epaakeļo̧k Rilo̧mo̧o̧r im erom “armej ro [An]” (eoon 23). Etke em̧m̧an n̄e ewōr ippad bok kein rekwojarjar jim̧or?

• Ezekiel 47 ej kōmeļeļeik visōn eo an Ezekiel kōn dān eo ej toor jān tampeļ eo im kōmour Lom̧aļon Mej—juon lojet ejolool me ek im mennin eddōk rejjab maron̄ mour ie. Bōlen ajri ro kajjojo remaron̄ jin̄aik juon ak juo men ko jān visōn eo, āinwōt juon tampeļ, juon reba, juon āne jem̧dān, Lom̧aļon Mej, juon jar in paan in ek, im juon wōjke ej kalle. Innem, ālkin ami riiti eoon 1–12 ippān doon, remaron̄ kwaļo̧k jin̄a ko aer n̄e kōnono kake men eo raar jin̄aiki. Ta kōjeraam̧m̧an ko rej itok jān reba eo ilo visōn in? Jipan̄ ajri ro lale ekōjkan an kōjeraam̧m̧an kein āinwōt kōjeraam̧m̧an ko Rilo̧mo̧o̧r ej letok n̄an ro rej kōjpārok bujen ko aer ilo tampeļ. Pijaan alooj eo “And the River Will Grow” (Gospel Library) emaron̄ jipan̄.

  

  3:43

• Kom maro̧n̄ al ippān doon juon al ej kōmeļeļeik kōjeraam̧m̧an ko an tampeļ, āinwōt “Families Can Be Together Forever” (Children’s Songbook, 188). Ta ko al in ej katakin kōn wāween an Irooj kōjeraam̧m̧an kōj ilo m̧weeo Imōn ekwojarjar.