Hoseia 1–6; 10–14; Joel

Kōrā eo pāleen Hoseia, etan Gomer, ekar jab m̧ool n̄an e, im Anij ekar keidi n̄an juon iien ekabūromōjmōj n̄an katakin rIsrael ro wāween aer en̄jake kōn er im bujen ko aer Ippān. Ilo am̧ riiti Hosea 1–3, ļōmņak kōn wāween an Irooj kalim̧jōk jem̧jerā eo An ippān armej in bujen ro An. Ekōjkan an kōm̧m̧ane juon bujen ippān Irooj āinwōt deļo̧n̄ ilo juon m̧are? Elmen an likjab in kōjparok bujen āinwōt jab m̧ool n̄an eo pālele? (lale Hoseia 2:5–7, 13). Ta eo Hoseia 2:14–23 ej katak eok kōn iakwe im tūriam̧o eo an Irooj? Ewi wāween am̧ kwaļo̧k n̄an E iakwe im ettā eo am̧?

Ilo Hoseia 14, pukot kallim̧ur ko raiboojoj Irooj ekar kōm̧m̧ane n̄an ro rej ro̧o̧lļo̧k n̄an E. Ta meļeļein naan eo “yokwe er ilo jouj” n̄an kwe? (eoon 4). Ta eo menin eddōk eo ej jutak kake ilo eoon 5–8 ej katakin kōj kōn kōjeraam̧m̧an ko an Irooj n̄an kōj, ekoba kōjeraam̧m̧an ko an ukweļo̧k? Āinwōt m̧ōttan ekkatak eo ami, ļōmnak in al ak ron̄jake juon al in jar kōn tūriam̧o an Rilo̧mo̧o̧r, āinwōt “Come unto Jesus” (Hymns, no. 117).

Armej ro ilo raan ko an Hoseia raar katok kōn mennin mour, ak raar rupi kakien ko raorōkļo̧k. Ta eo kwoj ļōmņak ej meļeļe an Irooj “m̧ōņōņō kake m̧ool im jab katok wōt, im jeļā kōn Anij em̧m̧anļo̧k Ippa jān katok kijeek”? (Hoseia 6:6). Ta eo kwoj ļōmņak meļeļein jim̧we ej āinwōt juon kōdo̧ ak juon pilin̄lin̄? (lale Hoseia 6:4). Ad mour jim̧we ej āinwōt ta? (lale Aiseia 48:18; 1Nipai 2:9–10

Kwomaron̄ bar riiti Matu 9:10–13; 12:1–8 n̄an lale wāween an Rilo̧mo̧o̧r kar kōjerbal Hoseia 6:6 ilo iien kwaļo̧k naan eo An. Ewi wāween an eoon kein jipan̄ eok meļeļe naan ko an Hoseia?

N̄e jej riiti Joel 2:12–13, emaron̄ jipan̄ n̄an jeļā bwe kekōļ ak pote nuknuk an juon armej ilo m̧anit kar juon kōkaļļe in būromōj ak liaajļōļ. Ewi wāween an kekōļ būruōd oktak jān kekōļ nuknuk ko ad?

Ta men ko āinwōt juon me kwoj loe ikōtaan raan kein ad im raan ko Joel ar loi? (lale eļaptata Joel 2:1–2, 11, 18–32). Ta eo ej im̧we eok kōn kōjeraam̧m̧an ko Irooj eaar kallim̧ur kaki ilo eoon 18–32? Etke kōjeraam̧m̧an kein eļaptata aer aorōk rainin?

Emaron̄ kaitoktoklimo n̄an riiti ta eo Moronai eaar ba kōn Joel 2 ke eaar loļo̧k Josep Smith ilo 1823 (lale Josep Smith—Bwebwenato 1:41). Ekōjkan am̧ en̄jake kōn an kanaan ko ilo Joel 2:28–32 kūrm̧ool ilo raan kein ad? (bar lale Jerbal 2:1–21). Ta meļeļein ilo am̧ ļōmņak ilo an Irooj naaj “lutōkļo̧k jetōb eo [An] ioon kanniōk otemjej”? (Joel 2:28).

Rikanaan eo ad, Russell M. Nelson, ekar katakin kōj bwe “ilo raan ko rej itok, enaaj maron̄ pen jo̧o̧r ilo jetōb ilo an ejjeļo̧k tōl, jineet, kaenōm̧m̧an, im bōk kareel ko jān Jetōb Kwojarjar eo” (“Revelesōn n̄an Kabun̄ eo, Revelesōn n̄an Mour ko Ad,” Liaona, Māe 2018, 96). Etke revelesōn eaorōk n̄an mour in jetōb eo am̧?

Ta eo kwomaron̄ kōm̧m̧ane n̄e kwoj en̄jake ke kwojjab bōk lutōkleplep ko? Erkein jet waanjon̄ak ko remaron̄ jipan̄ Ta eo armej ro ilo jeje ko rekwojarjar raar kōm̧m̧ane n̄an bōk lutōkleplep ko an Jetōb ilo Irooj?

• Mosaia 4:1–3, 19–20; 18:7–11

• Hilamōn 6:34–36

• Katak im Bujen Ko 19:37–41

Ilo am̧ riiti naan ko jān Elder David A. Bednar, ļōmņake ta meļeļein n̄an kwe n̄an en̄jake lutōkleplep an Jetōb Kwojarjar ilo raan in mour ko am̧.

“Emakijkij ad kapene n̄an kōj make n̄an bōk revelesōn eo an juon make: Kōn men in ij ba, bujen kallim̧ur eo ej bwe ilo ad kautiej bujen ko ad, jemaron̄ aolep iien bōk Jetōb Kwojarjar n̄an an erom eo m̧ōttad iien otemjeļo̧k. Bōtaab jej kōnono kake im jej kōm̧m̧ane n̄an e āinwōt eļan̄n̄e ron̄jake ainikien Irooj kōn Jetōb eo An ej juon iien ejeja. … [Jetōb] ej aikuj pād ippād aolep iien. Ejjab aolep iien ilo juon iien ekanooj kadu, bōtaab eļan̄n̄e juon armej ej kōm̧m̧ane ilo em̧m̧an tata an—kwojjab aikuj in erom weppān—bōtaab eļan̄n̄e kwe im n̄a rej kōm̧m̧ane ilo em̧m̧an tata ippād im jejjab kōm̧m̧ani jerawiwi ko reļļap, innām jemaron̄ pedped ioon Jetōb Kwojarjar n̄an tōl kōj. …

“… Āinwōt jej tōmak ke Jetōb Kwojarjar eļap im ekajju ijoke elur im dik im jidikdik ilo iien” (“Elder David A. Bednar Discussion” [jota ippān Ritōl ro Routiej, Feb. 7, 2020], broadcasts.ChurchofJesusChrist.org).

Bar lale Gary E. Stevenson, “Unoojdikdik ko an Jetōb,” Liaona, Nov. 2023, 42–45; “Enemy Territory” (video), Gospel Library.

3:38

• Ilo bok in Hoseia, Irooj eaar keidi bujen ko An ippān riIsrael ro n̄an juon m̧are. N̄an ekkatak jān men in keid in, kwe im ajri ro nejūm̧ maron̄ kalimjōk juon pija in juon kōrā im em̧m̧aan rej tōn m̧are im kōnono kōn ewi wāween an Jemedwōj Ilan̄ kōnaan bwe ļeo im lio pālele ren kōm̧m̧an n̄an doon. Jipan̄ ajri ro nejūm̧ pukot naan ko ilo Hoseia 2:19–20 me rej kōmeļeļeik ekōjkan an Irooj en̄jake kake kōj. Elmen ad maron̄ kwaļo̧k n̄an Irooj ke jej iakwe E im jenaaj tiljek n̄an E?

• Hoseia 10:12 ej iokļo̧kk ekkat, m̧adm̧ōd, iien, im wōt im kajjitōk ippād bwe jen pukot Irooj. Ilo am̧ riiti eoon in, ta ļōmņak in jerbal ko rej itok n̄an ļōmņak me emaron̄ kar im̧we ajri ro n̄an pukot E? N̄an waanjon̄ak, bōlen ajri ro nejūm̧ remaron̄ jin̄aik juon kūļak im je wāween ko remaron̄ kappukot Irooj ilo iien ko re oktaktak ilo juon raan. Juon al āinwōt “Jabdewōt iien, Jabdewōt jikin” (Gospel Library) emaron̄ jipan̄ eok katakin bwe aolep iien em̧m̧an n̄an pukot Irooj.

• Ak ajri ro nejūm̧ remaron̄ kōm̧m̧ani m̧akutkut ko relam waan me rej ekkeijel ippān eoon eo, āinwōt arin juon ine in mennin eddōk, ittum̧ vegetable, ak jutak ilo wōt. Jipan̄ ajri ro nejūm̧ keidi kein ekkat in juon ine im m̧adm̧ōde em̧m̧an ko rem̧m̧an n̄an mour jim̧we im bōk kōjeraam̧m̧an ko an Irooj. Kam̧ool kōn kōjeraam̧m̧an ko an Irooj rekar lutōkleplep ioom̧ ilo am̧ kajjieon̄ in pukot E.

• N̄an kalikkar m̧ool eo ilo Hosea 13:4 ke ejjeļo̧k Rilo̧mo̧o̧r ijelo̧kin Jisōs Kraist, komaron̄ kwaļo̧k n̄an ajri ro nejūm̧ pijaan jet armej, ekoba Jisōs. Kwe im ajri ro maron̄ kajjojo jitōn̄ļo̧k armej eo me ewōr an kajoor n̄an lo̧mo̧o̧ren kōj jān jerawiwi im mej. Kwaļo̧k am̧ naan in kam̧ool kōn Jisōs Kraist im Pinmuur eo An.

• Ajri ro nejūm̧ remaron̄ pukot naan ko ilo Hoseia 13:4, 14 me rej kōmeļeļeik Jisōs Kraist. Ta eo eoon kein rej katakin kōj kōn E? Ļōmņak in jipan̄ ajri ro kōjerbal Unin Tōl n̄an Jeje ko Rekwojarjar n̄an kappukot eoon ko jet me rej katakin ke Jisōs ej ad Rilo̧mo̧o̧r im Ripinmuur. Kwaļo̧k n̄an doon ekōjkan ami en̄jake kōn Jisōs Kraist.

• Bōlen komaron̄ jipan̄ ajri ro meļeļe Joel 2:28–29 ilo am̧ kōtļo̧k bwe ren lutok juon dān innem keidi kōn juon pilin̄. Emaron̄ ta meļeļein an Jetōb “[lutōk]” tok iood?

• Ilo ami riiti Joel 2:28–29 ippān doon, komaron̄ karuwanene ajri ro nejūm̧ n̄an likut etan doon n̄an pinej tarin naan ko “laddik ro nejūm̧” im “leddik ro nejūm̧.” Innām jipan̄ er etale eoon ke āinwōt Jon 14:16; Moronai 10:5; Katak im Bujen Ko 42:17 n̄an pukot wāween an Jetōb jipan̄ er.