Fahsruh, Fahsr Tukuk
Nohfuhmpuh 23–29. “Suk Leum God, ac Kowos Fah Moul”: Amos; Obadiah; Jonah

“Nohfuhmpuh 23–29. ‘Suk Leum God, ac Kowos Fah Moul’: Amos; Obadiah; Jonah,” Come, Follow Me—For Home and Church: Wuhlweacng Mahtuh 2026 (2026)

“Nohfuhmpuh 23–29. ‘Suk Leum God, ac Kowos Fah Moul,’” Come, Follow Me: Wuhlweacng Mahtuh 2026

Jonah el pahtyak nuh fin mes ah

Jonah el muhta ke lihkihnpot fin acn Nineveh ah, sel Daniel Lewis

Nohfuhmpuh 23–29: “Suk Leum God, ac Kowos Fah Moul”

Amos; Obadiah; Jonah

Jonah el wi oak soko ac som nuh Tarshish. Wacngihn ma koluk kac in oaclac nuh fin acn Tarshish, sahyacn acn se ingacn loesuhlah nuh Nineveh, suc pa acn Jonah el enenuh in som nuh we in fahkwack ke kahs luhn God. Ke oak soko ah sun sie pahkah na upac, Jonah el etuh lah ma ke srihpen seahkostwen lal. Ke fahk lal Jonah, mwet ma weluhl muhta fin oak soko ah tohlohllah nuhke inkof loal ah in tilokihnyac pahkah sac. Oacna in sahflah moul lal Jonah ac forfor luti lal uh. Tuhsruhk Leum el tiacna fuhlweack kacl Jonah—oacna ke El tiacna fuhlweack ke mwet fin acn Nineveh ah, ke tuhlihk Israel, kuh kacsr kais sie.

Tuhsruhk El tiac tui in suhpuh mwet pahlu—oacna Jonah, Amos, Obadiah, ac mwet pahluh lasr misenge—ke sie mwe fahkwack lah kuht fin auliyak, kuht ac fah tiac sisyucklac ne tok ma pahtpaht. Inmahsrlon ma “lukmac” nuhkwewa God el ahkkahlwemye (liye Amos 3:7), ma se inge pa sie sin ma sacohk emet: tuh ke srihpen Jisus Kraist, tiacna pahtlac in eklac. El srwackna luhngse kahsrwe kuht in moulkihn wuhlweacng lasr kuht orwaclah Yohrohl, ac El insese in use nuh sesr sie pac pacl in eklac.

Nuhke kuhtuh mwe ahkuhtweyac yohk ke puk inge, liye “Amos,” “Obadiah,” ac “Jonah” ke Pwacpuhl Tiksinacri an.

akucl in lutlut

Mwe nuhnak nuhke Lutlut Lohm Sesr ac Alu

Amos 3:1–8; 7:10–15

akucl luhn seminary
Leum el ahkkahlwemye ma pwacye nuh sin mwet pahluh Lal.

Ke Amos 3:3–6, mwet pahluh Amos el use mwe srihkasrak ke ma kuht kuh in lotwelah ke akucl kuht lohng kuh liye: lion soko fin ngutngut insack uh, sahp el sruokyac mwe mongo se nwacl; sie won fin sruhu in sruhf se, sahp oasr pa ituckyang nuh kac. Ke fuhs 7–8, Amos el luti ke mwe nuhnak se inge nuh sin mwet pahluh uh. Meac ma sahflah kuht kuh in lotwelah ke mwet pahluh se palye uh? Meac pac sahyac kom lotwelah ke mwet pahluh ke Amos 7:10–15?

Meac Leum El ahkkahlwemye nuh sum sin mwet pahluh Lal inge?

Elder Ulisses Soares el fahk lah “oasr luhn mwet pahluh uh akucl se ke luhngse luhn God” (“Prophets Speak by the Power of the Holy Spirit,” Liahona, Mei 2018, 99). Nuhnkuh lah kom ac ahksahfyelah sacntacns soko inge fuhkah: “Nga etuh lah God El luhngse nga, mweyen El suhpwacma mwet pahluh suc” Pa inge kuhtuh fuhs ma kuh in kahsruh: Deuteronomy 18:18; Ezekiel 3:16–17; Ephesians 4:11–14; 1 Nephi 22:2; Doctrine and Covenants 21:4–6; 84:36–38; 107:91–92.

Meac kom ac fahk nuh sin sie mwet suc puhla muh tiac enenuh in oasr mwet pahluh misenge?

Liye pac Sifac ac Kihsensiyuhk, “Prophets,” Gospel Library.

Amos 4–5

“Suk Leum God, ac kowos fah moul.”

Oacna ke Amos 4:6–13, meac Leum El finsrak kac muh in sikyak tukun mwet Israel ah puhlakihn ma upac? (liye pac Helaman 12:3). Ke ma upac nuh sum uh sahp tiac suhpweyuckme sin God, eltahl usot nuh sum fuhkah pacl wowo se in forlah nuh Sel?

Ke kom riti Amos 5:4, 14–15, motko lah Leum el kuhlwacng nuh sum fuhkah. Suk ke El usot nuh sum moul fuhkah?

Amos 8:11–12

Kahs luhn Leum kuh in akfalyelah maluh ac masrinsracl in nguhn.

Ke kom riti Amos 8:11–12, srihke nuhnkuh lah efuh srwacl in mongo uh sie mwe kuhpahsr na wowo nuhke tiac moulkihn kahs luhn God (liye pac John 6:26–35; 2 Nephi 9:50–51; 32:3; Enos 1:4–8). Kom etuh fuhkah lah kom masrinsrwacl in nguhn?

Fuhs inge kuh pac in orekmakihnyuhk nuhke great Apostasy (liye Sifac ac Kihsensiyuhk, “Apostasy,” Gospel Library). Oacna “srwacl” suhkawihl se ingacn ekuhllah fuhkah moul luhn tuhlihk nuhtin God ah? Fohlohkyak luhn wosasuc ahkfalyelah fuhkah srwacl ke nguhn lom an?

Liye pac “The Great Apostasy” (video), Gospel Library.

16:36

The Great Apostasy

Obadiah 1:21

Suc kac “mwet in molwelah … ke fin ohl Zion”?

In luhmweyuck nuhke Obadiah 1:21, Prestuhn Gordon B. Hinckley el ahkuhtweyac lah kuht eklac mwet lahngo mwet in molwelah ke fin ohl Zion ke kuht eis akwuck muhtahl lasr nuhke mwet misac lun tempuhl (liye “Closing Remarks,” Liahona, Nov. 2004, 105). Orekma se ingacn oacna sie fuhkah—fin sie ohiyac srihsrihk—nuhke ma Mwet Lahngo lasr El oruh nuh sesr uh? Oruh orekma se inge kahsre kom fuhkah in puhla fototo nuh yurin Mwet Lahngo?

Liye pac “Holy Temples on Mount Zion,” Puk In On, no. 289.

u in mwet fuhsr tu lihkihnihm ke tempuhl se

Jonah 1–4

Leum el pahkotwen nuh selos nuhkwewa ma forlah nuh Sel uh.

Nineveh el acn lokoalok se luhn Israel suc etweyuck ke fohs a ahkmas lalos. Nuh sel Jonah, upac nuh sel in luhlahlfongi lah elos ahkolah in auliyak. Ac wo in kapsruh elah lal Jonah (liye Jonah 1; 3–4) nuhke puhla lal Alma ac wen nahtuhl Mosiah ah (liye Mosiah 28:1–5; Alma 17:23–25). Meac kom lotwelah ke Jonah 3 ma mokle kom in akacsruhi ke wosasuc finne nuh sin mwet suc tiac ngwetngwetan ahkolah in eklac?

Ke kom riti kacl Jonah uh, srihke suk ke kuhtuh mwe srihkasrak ke pahkotwen luhn Leum. Efuh kom puhla muh Jonah el “inse toasr” ac “kasrkusrak” (Jonah 4:1) ke Leum el pahkotwen nuh sin mwet fin acn Nineveh ah? Kom puhla tuh meac Leum el srihke in luti nuh sel ke sapta 4? Motko lah kom puhla fuhkah pahkotwen Lal ke moul lom uh. Meac kom lotwelah sel Jonah ma kuh in kahsrwe kom in yohkkwelihk pahkotwen lom?

akucl luhn tuhlihk srihsrihk

mwe nuhnak nuhke Luti Tuhlihk

Ke srihpen Sacnri se inge pa Sacnri ahklimekohsr ke mahlwem se inge, mwet luti luhn Primary ngihsreyuck in orekmakihn mukuikui in luti ke “Appendix B: Preparing Children for a Lifetime on God’s Covenant Path.”

Amos 3:7

Mwet pahluh uh elos mwet in tuhtahf luhn Jisus Kraist.

  • In kahsruh tuhlihk an in kahlwem ke Amos 3:7, kom kuh in mahmah fahk ke sie mwe fahk na fihsrwacsr nuh sin sie selos ac siyuhk selos in akacsruhi ma se ingacn nuh sin tuhlihk sahyac an. Mwet tuhtahf se ke mukuikui se inge el oacna mwet pahluh uh fuhkah? Efuh Leum el use nuh sesr mwet pahluh uh?

  • In lotwelah yohk ke ma mwet pahluh uh oruh, kom ac tuhlihk kom an kuh in tuhkweni riti mwe fahkwack sasuc sin Prestuhn sasuc luhn Alu uh. Kom kuh pac in yuck soko on oanca “Follow the Prophet” (Puk In On luhn Tuhlihk Srihsrihk, 110–11). Akacsruhi nuh sin sie sin sie lah efuh kom sulaclah in ukwe mwet pahluh luhn God.

Kahsruh tuhlihk an in esamyac fuhs ke ma suhmuhslah uh. Elder Richard G. Scott el tuh akacsruhi: “In esamyac sie fuhs ke ma suhmuhslah pa in orwaclah sie kawuck sasuc ah. El oacna ke sukokyak sie mwet sasuc ma kuh in kahsruh ke pacl enenuh, use ma moklweyuck sin nguhn ac ahkkweye, ac in mwe kahsruh se ke mokleyuck nuhke enenuh eklac” (“The Power of Scripture,” Ensign, Nov. 2011, 6). In kahsruh tuhlihk ingacn in esamyac nohfohnna kuh kuhtuh ip ke Amos 3:7, kom kuh in suhmuhslah ac tuhkweni fahk kalweni. Tohkoh, kom kuh in elah kuh kohsrwaclah kuhtuh kahs an neke na tuhlihk an kuh in kalweni fuhs na fohn sacn ke esam lalos an.

Amos 8:11–12

Fohlohkyak luhn wosasuc tulokihnyac srwacl ke forlah liki ma pwacye.

  • Ngihsre tuhlihk an in oruh in na muh elos masrinsrwacl ke kom riti Amos 8:11–12. Fuhkah puhla se ke kuht ac masrinsrwacl ke kahs luhn God uh? Sahp tuhlihk an kuh in oruh in na muh elos mongo ke kom akacsruhi nuh sin kais sie kuhtuh fuhs ke ma suhmuhslah ma kom luhngse uh.

  • Kom kuh in orekmakihn Mwe kahsruh nuhke Ma Suhmuhslah, “Apostasy” (Gospel Library), kuh “After the New Testament” (ke Sramsram ke Wuhlweacng Sasuc, 167–70) in kahsruh tuhlihk ingacn in kahlwem ke “srwacl” se ma tuhkuh ke Great Apostasy ac fuhkah ke tuh tilokinhyucki ke Fohlohkyak wosasuc uh. Akacsruhi yurin sie sin sie srihpac sahyac ma kom tarilac kac ke Leum El fohlohkohnwack wosasuc Lal ke lwen lasr uh.

    2:52

    After the New Testament

Jonah 1–3

Leum El fah kahsrweyuc in Ahksol, finne upac.

  • in kahsruh tuhlihk an in lotwelah sramsram kacl Jonah uh, kom kuh in liye “Jonah the Prophet” ke Sramsram ke Wuhlweacng Mahtuh; liye pac mukuikui ke sra puk ke wik se inge). Tohkoh kom kuh in siyuhk:

    • Meac sikyak ke Jonah el tiac ahkos Leum ah? (liye Jonah 1:4–17).

    • Meac Jonah el oruh in auliyak uh? (liye Jonah 1:10–12; 2:1–4, 9; 3:1–4).

    • Meac sikyak ke Jonah el ahkos ah? (liye Jonah 3:5).

    2:30

    Jonah the Prophet

  • Sahp tuhlihk an ac pwacr in sifilpac sruhmuhn sramsram kacl Jonah kuh srihke. Akacsruhi nuh sin sie sin sie ke kuhtuh ma sikyak ke Leum El ke kom in oruh ma se ma upac nuh sum. El kahsrwekom fuhkah in ahkos?

Jonah 1–4

Leum el pahkotwen nuh selos nuhkwewa ma forlah nuh Sel uh.

  • Sahp tuhlihk an kuh in oruh in na muh elos kihsensiyuhk nuh sel Jonah ke ma se sikyak nuh sel ah. Kihsensiyuhk fuhkah elos ac siyuhk sel uh? Ahkkweyacltahl in siyuhk kihsensiyuhk in konwacack lah meac Jonah el lotwelah ke Leum. Meac Jonah el ac fahk, nuhke mwe srihkasrak, ke pahkotwen luhn Leum? (liye, nuhke mwe srihkasrak, Jonah 2:7–10; 3:10; 4:2).

Jisus el ahsrwelah pahol nuh sin mukul se ma ituhki nuh ten liki fin lohm se

Kraist ac Mukul Ul sac, sel J. Kirk Richards

  • Kahsruh tuhlihk an in nuhnkuh ke mwe srihkasrak ke pacl Mwet Lahngo el pahkotwen nuh sin mwet sahyac, oacna ke Mark 2:3–12; Luke 23:33–34; ac John 8:1–11. Kom ac tuhlihk an kuh in suk petsac ke mwe srihkasrak inge. Piac pacl wowo kuht enenuh in pahkotwen nuh sin mwet sahyac uh?

Nuhke kuhtuh pac, liye ma nuhke mahlwem inge ke Friend mackuhsin an.

Jonah el sisilac liki oak soko nuhke inkof ah, ma nguhnan ik luhlahp soko kuh in liyeyuck

Jonah ac Lwoat soko ah, sel Kevin Carden

Sra puk in mukuikui luhn U luhn tuhlihk srihsrihk: Leum el ac kahsrweyuc in ahkos, finne upac