“Nohfohmpuh 2–8. ‘Sie Nguhn Sasuc Nga Fah Fihliyac In Kom’: Ezekiel 1–3; 33–34; 36–37; 47,” Come, Follow Me—For Home and Church: Wuhlweacng Mahtuh 2026 (2026)
“Nohfohmpuh 2–8. ‘Sie Nguhn Sasuc Nga Fah Fihliyac In Kom,’” Come, Follow Me: Wuhlweacng Mahtuh 2026
Nohfohmpuh 2–8: “Sie Nguhn Sasuc Nga Fah Fihliyac In Kom”
Ezekiel 1–3; 33–34; 36–37; 47
Ezekiel el sie mwet pahluh suc sruhoh ac utucklac loes liki lohm se. El wi mwet Israel sahyac ah srohoh ac suhpweyucklac nuh fin acn Babylon. Fin acn Jerusalem, Ezekiel el ac ekihn sie mwet tol suc kuhlwacnsap lun tempuhl uh. Fin acn Babylon, el tuh inmahsrlon “mwet muhta in srohuh,” ac el “muhta yen elos muhta we” (Ezekiel 3:15), mael siofok kuhtuh liki lohm sin God ac finsrak srihsrihk in fohlohklac nuhke acn sel. Sie lwen ah Ezekiel el oruh sie aruhruhma. El liye “wolacna luhn Leum” (Ezekiel 1:28)—tiac ke tempuhl se fin acn Jerusalem ah tuhsruhk fin acn Babylon inmahsrlon mwet ma utucklac liki acn selos. El lotwelah lah ma koluk fin acn Jerusalem arulacna upaclah pwacnwacng God el tilac weluhlos we (liye Ezekiel 8–11; 33:21).
Ac finne ohinge oasr finsrak ke mwe fahkwack lal Ezekiel. Finne mwet wuhlweacng luhn God tuh orekma koluk, God El tiacna muhlkuhnuhloslac. Fin elos ac “lohng kahs luhn Leum” (Ezekiel 37:4), ma misac se kuh in ahkmoulyeyuckyak. “inse lihkeke” lalos kuh in ayaolac nuhke “inse sasuc” (Ezekiel 36:26). Ac ke pacl fahsruh, Leum el fah muhsaheack sie tempuhl sasuc ac sie Jerusalem sasuc, “ac ke pacl se ingelac inen siti se inge ac fah pahngpahng, Leum God El Oasr inge” (Ezekiel 48:35).
Nuhke mwe ahkuhtweyac ke puk luhn Ezekiel, liye “Ezekiel” ke Pwacpuhl Tiksinacri an.
Mwe nuhnak nuhke Lutlut Lohm Sesr ac Alu
Ezekiel 3; 34
Leum El pahngonyuc in kihtacacng sip Nahtuhl.
Ke Ezekiel 3 ac 34, Leum el luhmuh nuhke mwet kol luhn mwet Lal oacna mwet topang ac mwet liyacacng sheep uh. Ke kom riti sapta inge uh, nuhnkuh lah meac sifac inge fahk ke kalmen sie mwet kol.
Suc kac “sheep” ma Leum el kena kom in kihte uh? Meac kom sokwack ke Ezekiel 34 ma kuh in kahsruh sie mwet in ahkolah in kuhlwacnsap ke misin, tuhfahlah tuhlihk, kuh in ahkfalyel kunohkohn in luti la? Kom ac ukwe fuhkah srihkasrk luhn Mwet Lahngo oacna mwet liyacacng sheep se? (liye fuhs 11–31).
Kom kuh in oacyacpac motko ke akucl kom konwacack ke sapta se inge. Meac “yen folfol insroan mah” ac “yen wacngihn ma ac ahkkolukyaclos we” luhmweyuck nuhkac fuhs 14? Meac siena inmahsrlon soko sheep ma “tuhlac” ac soko sheep ma “fahlac liki”? (fuhs 16). Meac pac kuhtuh akucl ma kom konwacack?
Liye pac John 21:15–17; Gerrit W. Gong, “Ministering,” Liahona, Mei 2023, 16–19.
Ezekiel 33:10–19
Leum el kena nuhnak muhnahs.
“Fin … ma koluk lasr uh oan facsr,” mwet Israel suc muhta ye kohs motko, “kuht ac kuh in moul fuhkah?” (Ezekiel 33:10). In topuk, Leum El lotweltahl ke auliyak ac nuhnak muhnahs. Kihsensiyuhk inge kuh in kahsrwe kom in motko ke ma El luti:
-
Kom nuhnkuh tuh meac kalmac in “luhlahlfongi ke suwohswohs [lom] sifacna”? (liye Ezekiel 33:12–13).
-
Kom ac fahk fuhkah nuh sin sie mwet ma puhla muh mwet ma ahkuhtweyucki ke Ezekiel 33:12–19 tiacna orek wo nuh seltahl? (liye pac Mattew 21:28–31; Luke 18:9–14).
-
Meac kom konwacack ke fuhs inge ma kahsrwe kom in kahlwem kac lah meac kalmac in auliyak? Meac kuhtuh pac mwe luti kom sokwack ke Ezekiel 36:26–27 ac Alma 7:14–16?
Ezekiel 37
Leum el orwacni mwet Lal ac sang moul sasuc nuh selos.
Fahsrweni luhn mwet Israel ke Ezekiel 37 ahkuhtweyucki ke akucl luo. Ke kom riti ke akucl se met an—sri ma misac tuh fohkihnyuckyak nuhke moul (liye fuhs 1–14)—motko lah meac akucl se inge fahk nuh sum ke El fah uskowosme liki facl nukewa kowos muta we, ac folokinkowoslac nu in facl suwos sifacna. (liye pac Ezekiel 36:24–30). Motko ke kain kihsensiyuhk inge:
-
Meac Leum el srihke in ahksahfye ke fahsrweni luhn mwet Israel?
-
El ahksahfyelah fuhkah?
Kom kuh in sifacna siyuhk sum kihsensiyuhk pac inge ke kom riti ke akucl ahkluo se, ke fuhs15–28. Akucl se inge oas sahk lukwac kac, suc mwet sihm puhkantwen luhngaslah muh sahk in sihm ma orekweni nuh sie ke sie inses. Sahk luhn Judah kuh in luhmweyuck nuhke Pwacpuhl (mweyen inkaiyacn Pwacpuhl uh ma sihmlac sin fihlin tuhlihk nahtuhl Judah), ac sahk luhn Joseph kuh in luhmweyuck nuhke Puk luhn Mormon (mweyen sucu lal Lehi elos ma ke fihlin tuhlihk nahtuhl Joseph fin acn Egypt). Ke kom nuhnkuh uh, meac fuhs inge luti kom kac ke orekma luhn ma suhmuhslah ke fahsrweni luhn mwet Israel?
Nuhnkuh lah Pwacpuhl ac Puk luhn Mormon tuh tuhkweni orekma fuhkah ke moul lom— sifacna, in kahsrwe kom in tuhkuh nuh yurin Kraist. Pohloh kahs fuhkah yohk kalmeyac nuh sum?
Liye pac 2 Nephi 3:11–13; 29:14; “Israel, Israel, God Is Calling,” Hymns, no. 7; Topics and Questions, “Bible,” “Book of Mormon,” Gospel Library; “The Book of Mormon Gathers Scattered Israel” (video), Gospel Library.
The Book of Mormon Gathers Scattered Israel
Ke sie aruhruhma, Ezekiel el liye soko infacl sohrohr liki tempuhl uh ac unwelah Meoa Misac .
Ezekiel 47:1–12
Nga kuh in konwacack unweyuck luhn nguhnihk lun lohm sin Leum.
Ke kom riti Ezekiel 47:1–12, ac kuh in kahsruh in etuh lah Dead Sea arulacna upac emsohl kac uh pwacnwacng ik uh ac sahk uh tiac kuh in muhta lwoac. Meac kom luhngse ke kof ma ahkuhtweyucki ke fuhs 1–12? (liye pac Fackyuck 22:1). Meac kof inge luhmweyuck nuhkac uh? Meac sahk ma ahkuhtweyucki ke fuhs 12 luhmweyuck nuhkac uh?
Meac mwe fahkwack lal Elder Dale G. Renlund “Family History and Temple Work: Sealing and Healing” sang nuhke kahlwem lom? (liye Liahona, May 2018, 47–48). Motko lah kom konwacack fuhkah moul kawihl ac unweyuck ke srihpen tempuhl uh.
mwe nuhnak nuhke Luti Tuhlihk
Ezekiel 3:17; 33:1–5
Mwet pahluh uh oacna mwet topang suc sensenkihn kuht ke mwe ongaiyac uh.
-
Tuhlihk srihsrihk an sahp ac luhngse oruh mukwikwi ma fal nuhke Ezekiel 3:17. Nuhke mwe srihkasrak, eltahl kuh in srihsrngiyac muhtahlos, insrwacltahl, ac inwacluhltahl ke kom riti kahs inge “mwet topang,” “lohng,” ac “inwacluh.” Elos ac luhngse pac in tifoklac forfor—lihkihnihm ac kuh raunweack na rum an. Ke elos fahsr uh, sensenkackin nuh selos ke ma oasr ke inkacnek soko an, oacna infacl elos in ahtu tuhpal, lah in sahk ma elos enenuh in kuhi nuh yac, kuh ma orahkrahk in kahengkihn (pwacye kuh tiac pwacye). Ma se inge kuh in sramtweack sie sramsram ke mwet pahluh luhn Leum lah elos sensenkackihn fuhkah nuh sesr mwe ongaiyac ma kuht tiac kuh in liye kac.
-
Pa inge sie pac inkacnek in petsacelah ma se inge Ezekiel 3:17; 33:1–5. Sie sin tuhlihk an kuh in oruh in na muh el pa sie “mwet topang” ke el ngwetlah nuh lihkac ke winto se ac fahk nuh sin nohfohn na ma sikyak lihkihnihm ah. Kom kuh pac in liye petsac ke “Watchman on the Tower” (ChurchofJesusChrist.org). Mwet pahluh moul lasr uh el oacna sie mwet topang lasr fuhkah?
4:17Watchman on the Tower
Mwet Pahluh Ezekiel, sel Lyle Beddes
Ezekiel 37:15–23
Pwacpuhl ac Puk luhn Mormon kahsruh “uskuhtweni” nuh yurin Jisus Kraist.
-
Tukun komtacl tuhkweni riti Ezekiel 37:15–23 uh, kom ac tuhlihk an sokwack luo sahk ah ac suhmuhslah ke sie Ma lal Judah (Pwacpuhl) ac ke ma se sahyac an Ma lal Joseph (Puk luhn Mormon ). Kom kuh in sruhmuhn sramsram kuh fuhs ke Pwacpuhl ac Puk luhn Mormon ma kahsrwe kom in puhla fototo nuh sin Mwet Lahngo ac eklac “mwet [Lal]” (fuhs 23). Efuh wo in oasr kwewana puk in ma suhmuhslah luo inge?
Nimet srihke in afuhnlah ma nuhkwewa. Sahp kom ac tiac kuh in konwacack ma pwacye nuhkwewa kacl Ezekiel yurin tuhlihk an. Pruhe kac ac nuhnkuh lah meac elos enenuh in kahlwem kac, ac suk kahsruh luhn nguhn in etuh lah meac kom enenuh in lohacng nuhkac (Liye Teaching in the Savior’s Way, 17.)
Ezekiel 47:1–12
Insiacsr ac sucu lasr kuh in konwacack unweyuck lun lohm sin Leum.
-
Ezekiel 47 ahkuhtweyac ke aruhruhma lal Ezekiel ke kof sohrohr liki tempuhl ac ahkwoyelah Dead Sea—sie inkof ma arulacna upaclac emsohl kac pwacnwacng ik ac sahk uh tiac kuh in muhta lwoac. Sahp tuhlihk an kuh in kais sie sruhlwaclah sie kuh luo ma ke aruhruhma sac, oacna nuhke tempuhl sac, infacl soko, yen mwesis se, Meoa Misac, u in ik, kuh soko sahk nwacnwaclah ke fukunsahk. Na tohkoh, ke komtacl tuhkweni riti verses 1–12 uh, elos kuh in sruhkwack sroal lalos in liyeyuck ke ma sac ritiyuckyak uh. Mwe insewowo fuhkah tuhkuh liki infacl soko ke aruhruhma se inge? Kahsruh tuhlihk an in liye lah mwe insewowo inge oacpacna mwe insewowo ma Mwet Lahngo El sang nuh selos suc liyacacng wuhlweacng lalos lun tempuhl. Petsac se “And the River Will Grow” (Gospel Library) kuh in kahsruh.
3:43And the River Will Grow
-
Kom kuh pac in tuhkweni yuck soko on ma ahkuhtweyac ke mwe insewowo luhn tempuhl, oacna “Families Can Be Together Forever” (Puk In On luhn Tuhlihk Srihsrihk, 188). Meac on soko inge luti ke mwe insewowo Leum el use nuh sesr lun lohm muhtahl Sel?
Nuhke kuhtuh pac liye ma nuhke mahlwem inge ke Friend mackuhsin an.