“Nohfohmpuh 16–22. ‘Nga Fah Lungse Elos Ke Insiuk Nufon’: Hosea 1–6; 10–14; Joel,” Come, Follow Me—For Home and Church: Wuhlweacng Mahtuh 2026 (2026)
“Nohfohmpuh 16–22. ‘Nga Fah Lungse Elos Ke Insiuk Nufon,’” Come, Follow Me: Wuhlweacng Mahtuh 2026
Nohfohmpuh 16–22: “Nga Fah Lungse Elos Ke Insiuk Nufon”
Hosea 1–6; 10–14; Joel
Wuhlweacng luhn mwet Israel nuh sin Leum pwacyeiyac uh loal ac yohk kalmac suc Leum El tuh kapsruh nuhke sie pahyuhk. Wuhlweacng se inge, oacna sie pahyuhk, enenuh luhlahlfongi pwacye, tuhkweni ke pacl nuhkwewa, tuhkweni muhsaheack moul, suwohs pwacye, ac yohk srihpac liki nuhkwewa, luhngse pwacye. Mwe pahkomuhta lah, mwet Israel elos tiacna pwacye nuhke wuhlweacng lalos. Tuh finne ohinge mwe fahkwack luhn Leum nuh selos tiac ohinge “Nga fah siskomla ne tok.” Tuhsruhk kahs lal ohinge “Nga fah sifil folokunulla” (liye Hosea 2:14–15). “Nga fah eis kom in mutan kiuk ne tok, nga fah payena ac suwosna nu sum,” El fahkwack ma inge kacl mwet pahluh Hosea (Hosea 2:19). “Nga fah folokonma mwet luk nu yuruk, nga fah lungse elos ke insiuk nufon” (Hosea 14:4). Pa inge pacna mwe fahkwack se El use nuh sesr misenge ke kuht luk in moulkihn wuhlweacng lasr ke luhngse ac inse pwacye.
Joel el akacsruhi ke sie mwe fahkwack oacna: “Foloko nu yurin Leum God lowos: el kulang ac sessesla ke pakoten, el mongfisrasr, ac El akola in nunak munas ac tia sa in kai” (Joel 2:13). Ke kom riti ke kahs luhn mwet pahluh inge ac kuh in mokle kom in motko ke kuhpahsr lom yurin Leum—in nuhnkuh ke pwacye Lal nuh sum suc mokle kom in pwacye nuh Sel.
Nuhke mwe ahkuhtweyac ke puk luhn Hosea ac Joel, liye “Hosea, or Hoshea” and “Joel” ke Pwacpuhl Tiksinacri an.
Mwe nuhnak nuhke Lutlut Lohm Sesr ac Alu
Hosea 1–3; 14
Leum El suliyuc pacl nuhkwewa in fohlohk nuh Yohrohl.
Muhtwacn kiacl Hosea, Gomer, el tiacna pwacye nuh sel, ac God el sruhmuhn ke ma se inge in luti mwet Israel ke puhla Lal ke ohiyac lalos ac wuhlweacng lalos nuh Sel. Ke kom riti Hosea 1–3, motko lah Leum El liye kuhpahsr Lal inmahsrlon mwet wuhlweacng Lal fuhkah. Orwaclah sie wuhlweacng yurin Leum oacna ilyak nuhke sie pahyuck fuhkah? Tiac liyacacng wuhlweacng sac oacna sie fuhkah nuhke tiac pwacye nuh sin muhtwacn kiom kuh mukul tomom? (liye Hosea 2:5–7, 13). Meac Hosea 2:14–23 luti kom ke lungse ac pahkotwen luhn Leum? Kom ac ahkkahlwemye fuhkah luhngse ac pwacye lom nuh Sel?
Ke Hosea 14, suk ke olwelah wolacna puhs ma Leum el orwaclah nuh sin mwet ma fohlohk nuh Yohrohl uh. Meac pohloh kahs se inge “lungse elos ke insiuk nufon” kalmac nuh sum? (fuhs 4). Meac kalmen sahk uh ke fuhs 5–8 luti kom ke mwe insewowo luhn Leum, weacng pac mwe insewowo ke auliyak? Ke ipin lutlut lom an, nuhnkuh in yuck kuh lohng ke soko on ke pahkotwen luhn Mwet Lahngo, oacna “Come unto Jesus” (Puk In On, no. 117).
Gomer, suc ahollah lohm sin mwet Israel ac wuhlweacng kikiacp lalos, ituckyang molwelah liki ma koluk sin Leum. Sruhlweyucklac sel Deb Minnard, licensed from goodsalt.com
Hosea 6:4–7; Joel 2:12–13
Alu nuh sin God enenuh in tuhkuh pac ke insiacsr, tiac ke luhkuh an muhkwena.
Mwet ke pacl lal Hosea ah elos kihsackihn kosro, tuhsruhk elos kuhnahoslah masap puhkantwen. Kom nuhnkuh tuh meac kalmac Leum Elan “enenu lungse kawil, ac tia mwe kisac ke kosro; ac mwet luk uh in eteyu liki na in orek kisa firir nu sik”? (Hosea 6:6). Kom nuhnkuh tuh meac kalmac suwohswohs in oacna ohk ke kusrun len, ac oana aunfong su sa na wanginla ke lotutang? (liye Hosea 6:4). Meac suwohswohs lasr enenuh in oacna? (liye Isaiah 48:18; 1 Nephi 2:9–10).
Kom kuh pac in riti Mattew 9:10–13; 12:1–8 in liye lah Mwet Lahngo el orekmakihn fuhkah Hosea 6:6 ke luti lal fin facluh. Sramsram inge kahsrwe kom fuhkah in kahlwem ke kahs lal Hosea?
Ke kom riti Joel 2:12–13, ac kuh in kahsruh in etuh lah seyac nuknuk la el akucl ke suhpwacr kuh auli. Seyac heart lasr uh el oacna sie fuhkah nuhke seyac nuknuk lasr uh?
Joel 2
“Nga fah okacla ngunihk nuh fin mwet nukewa.”
Meac kom liye oacna sie inmahsrlon pacl lasr uh ac pacl ma Joel el palye? (liye pac Joel 2:1–2, 11, 18–32). Meac kom luhngse ke mwe insewowo ma Leum el olwelah ke fuhs 18–32? Efuh mwe insewowo inge kuh in yohk srihpac misenge?
Ac wo in riti kac lah meac Moroni el fahk ke Joel 2 ke el tuh muhtwacta nuh yohrohl Joseph Smith ke 1823 ac (liye Joseph Smith—History 1:41). Kom puhla tuh kahs in palye ke Joel 2:28–32 ahkpwacyeyucklac fuhkah ke pacl lasr uh? (liye pac Acts 2:1–21). Kom nuhnkuh tuh meac kalmac Leum Elan “okoala [Ngunik] nu fin mwet nukewa”? (Joel 2:28).
Kom kuh in motko kahs lal Prestuhn Russell M. Nelson: “Ke pacl fahsruh uh, ac tiacna fihsrwacsr in moul fin wacngihn kolyuck, ahkkweyeyuck, ac mokleyuck luhn Nguhn Muhtahl ke pacl nuhkwewa” (“Revelation for the Church, Revelation for Our Lives,” Liahona, Mei 2018, 96). Efuh kuh fwackyuck arulacna enenweyuck nuh ke karingihnyen moul in nguhn lasr uh?
Meac kom kuh in oruh kom fin puhla muh kom tiacna eis ma kahklah ingacn? Pa inge kuhtuh mwe srihkasrak ma kuh in kahsruh. Meac mwet ke ma suhmuhslah inge oruh in eis sie ma kahklah ke Nguhn luhn Leum?
-
Doctrine and Covenants 19:37–41
Ke kom riti kahs lal Elder David A. Bednar, motko lah meac kalmac nuh sum in puhla ke Nguhn Muhtahl kahk nuh feim ke lwen nuhkwewa:
“Kuht kwacna oruh upac nuh sesr in eis fwackyuck lasr sifacna. Kalmen fahk luhk uh wuhlweacng olwlelah pa kuht ahkfuhlwactye wuhlweacng lasr, Nguhn Muhtahl in wi kuht pacl nuhkwewa in ekihn kawuck se lasr. Tuhsruhk kuht sramsramkihn ac kuht oruh oacna ke kuht lohng puhsrwen Leum ke Nguhn Lal El ma suhkwac sikyak se. [Nguhn] enenuh in wi kuht ke pacl nuhkwewa. Tiac sackuhn nuhkwewa, tuhsruhk fin sie mwet oruh kuhiyacl nohfohn—kom tiac enenuh in suwohs—tuhsruhk fin nga ac kom srihke kuhiyacsr ac kuht tiac oruh ma koluk, na kuht kuh in ngwet nuh sin Nguhn Muhtahl in kol kuht. …
“… Kuht kwacna luhlahlfongi muh Nguhn Muhtahl el ma yohk se, tuhsruhk el mislac ac srihk puhsra ” (“Elder David A. Bednar Discussion” [evening with a General Authority, Feb. 7, 2020], broadcasts.ChurchofJesusChrist.org).
Liye pac Gary E. Stevenson, “Promptings of the Spirit,” Liahona, Nov. 2023, 42–45; “Enemy Territory” (video), Gospel Library.
Enemy Territory
Orwaclah sie acn ma kawihl. “Meac kom liye tuh ahkyohkye sie acn kawihl nuhke lutlut ke wosasuc uh? Meac ac eslah nguhn in wacngihnlac liki acn se ingacn? Nuhnkuh ke sie acn kom kwacna luti we [kuh lutlut we]. Fuhkah puhla lom ke kom oasr we? Kom ac suli fuhkah Nguhn in oasr ke acn se ingacn? (Teaching in the Savior’s Way, 7).
mwe nuhnak nuhke Luti Tuhlihk
Hosea 2:19–20
Nga kuh in liyacacng wuhlweacng luhk.
-
Ke puk lal Hosea, Leum el kapsruh wuhlweacng Lal yurin mwet Lal nuhke sie pahyuhk. In lotwelah ke kuhpahsr se inge, kom ac tuhlihk an kuh in liye sie petsac ke muhtwacn pahyuhk se ac mukul tuhmwacl ac sramsramkihn lah Pahpah Inkuhsrao el kena fuhkah sie mukul tuhma ac muhtwacn kiac in oruh nuh sin sie sin sie. Kahsruh tuhlihk an skowack kahs ke Hosea 2:19–20 ma ahkuhtweyac lah fuhkah puhla luhn Leum kacsr. Kuht ac ahkkahlwemye fuhkah nuh sin Leum lah kuht luhngse El ac kuht ac pwacye nuh Sel?
Hosea 10:12
“Pal fal lowos in forma nu sik.”
-
Hosea 10:12 sruhmuhn ke tahknwelihk, kohsrwacni, pacl, ac af in suli kuht in suk Leum. Ke kom riti fuhs se inge, mwe nuhnak utuftuf fuhkah tuhkuh nuhke nuhnak lom ma kuh in mokle tuhlihk an in suk ke El? Sahp tuhlihk an kuh in sruhlwaclah sie ao ac suhmuhslah inkacnek ma elos kuh in suk Leum ke kain in pacl ke lwen se. Soko on oacna “Anytime, Anywhere” (Gospel Library) kuh in kahsrwe kom in luti lah pacl nuhkwewa pacl fal in suk Leum.
-
Kuh tuhlihk an kuh in oruh kuhtuh ma fal nuhke fuhs inge, oacna oruh in na muh elos ukwiyac fihtac, kuhnweslah mahsrihk, kuh tu ke af ah. Kahsruh tuhlihk an in kapsruh yukwiyacn fihtac se ac kohsrwacni luhn mongo wowo nuhke moul suwohswohs ac eis mwe insewowo luhn Leum. Tohkoh na kom kuh in fahk nuh sin sie sin sie ke mwe insewowo Leum el ukwiyac feim ke kom srihke in Sokuhl uh.
Hosea 13:4, 14
Jisus Kraist pa Mwet Lahngo ac Mwet in Molwelah luhk.
-
In ahkuhtweyac ke mwe luti pwacye ke Hosea 13:4 lah wacngihn Mwet Lahngo sahyacn Jisus Kraist, kom kuh in sang petsac ke kuhtuh mwet ah tuhlihk an in liye, weacng petsac ke Jisus. Tuhlihk an kuh in ayaol in srihsrngiyac mwet se ma oasr kuh se in molikuhtlac liki ma koluk ac misac. Sruhmuhn ke luhlahlfongi lom ke Jisus Kraist ac Iwaclah Lal.
-
Tuhlihk an kuh in suk kahs ke Hosea 13:4, 14 ma ahkuhtweyac ke Jisus Kraist. Meac kahs inge luti kuht Kacl? Kahsruh tuhlihk an in orekmakihn Guide to the Scriptures in sokwack kuhtuh fuhs sahyac ke ma suhmuhslah ma luti lah Jisus pa Mwet Lahngo ac Mwet in Molwelah lasr. Akacsruhi sie sin sie lah fuhkah puhla lom ke Jisus Kraist.
Joel 2:28–29
Nguhn Muhtahl el kuh in kolyuc.
-
Sahp kom kuh in kahsruh tuhlihk an in kahlwem ke Joel 2:28–29 ke kom lwelah eltahl in okwaclah kof se na tohkoh kapsruh nuhke tultul kuh kahkahsrihk na sohrohr se. Meac kalmen Nguhn ac fah “okwoki” nuh facsr?
-
Ke komtacl tuhkweni riti Joel 2:28–29, kom kuh in ngihsre tuhlihk an in sang inen kais sie nuhke acn luhn pohloh kahs “wen nutum” ac “acn nuhtum.” Tohkoh kahsreltahl sokwack ma suhmuhslah oacna John 14:16; Moroni 10:5; Doctrine and Covenants 42:17 in konwacack lah Nguhn el ac kahsreltahl fuhkah.
Nuhke kuhtuh pac, liye ma nuhke mahlwem se inge ke Friend mackuhsin.