Daniel 1–7

Ke ohiyac se inge, kuht nuhkwewa muhta fin acn Babylon. Kuht kwacna sun mwe sruhf ma ahkfohsye akwuck lasr ac forlah liki luhlahlfongi lasr ke Kraist. Ke kom riti Daniel 1, 3, ac 6, nuhnkuh ke ohiyac ma Daniel, Shadrach, Meshach, ac Abed-nego srihfeyuck kac in oruh ma elos etuh muh koluk uh. Meac elos oruh ke ohiyac ma elos puhtatyang nuhkac inge? (liye Daniel 1:10–13; 3:15–18; 6:10). Meac sikyak ke srihpen luhlahlfongi lalos? Meac kom lotwelah ke ma sikyak inge ma kuh in kahsrwe kom in luhlahlfongi ke Leum ke pacl kom lainyuck? Nuhnkuh pac ke kihsensiyuck ten inge:

• Ngac kom nuh puhla muh ahkkohsyeyuck kom in oruh sie ma kom etuh muh koluk? Leum el ahkinsewowoye kom fuhkah ke kom liyacacng masap Lal uh?

• Meac fin luhlahlfogi lom an tiacna kol nuhke ma usrnguck kom suk uh? (nuhke mwe srihkasrak, liye Alma 14:8–13). Ke ma kom riti ke Daniel 3:13–18, kom nuhnkuh tuh Shadrach, Meshach, ac Abed-nego ac topuk fuhkah kihsensiyuck soko inge? Srihkasrak lalos kuh in mokle kom fuhkah in kuhtanglah ma upac ke moul lom?

• Sulaclah wowo lom kuh in kol mwet sahyac fuhkah in yohkwelihk luhlahlfongi lalos ke Leum? (liye Daniel 2:47; 3:28–29). Motko ke ma kuh in sikyak nuh sin mwet sahyac ke srihpen sulaclah lom an.

Liye pac Dieter F. Uchtdorf, “Be Not Afraid, Only Believe,” Liahona, Nov. 2015, 76–79.

Ke fwacyuck sin God, Daniel el liyacack mwemwe lal Nebuchadnezzar lah palye ke tohkohsrahi luhn facluh suc fah tuhkuh ke pacl fahsruh, weacng pacna tohkohsrahi luhn God ke pacl fahsruh, suc “ac fah tiana ku in kutangyukla” (Daniel 2:44). “Alu uh pa tohkohsrahi se palyeiyuck muh e fah tuyak ke lwen sahflah uh,” Elder D. Todd Christofferson el tuh luti, “tiacna oreklac sin mwet uh tuhsruhk tulokyak sin God Inkuhsrao ac alu se inge ipipwot nuh met oacna sie yot ‘ma sihpsihplac liki finohl uh tiac ke paho uh’ in nwacklah facluh nohfohn” (“Why the Church,” Liahona, Nov. 2015, 111). Nuhnkuh ke tohkohsrahi luhn God ke lwen sahflah uh ke kom riti ke mwe ahkuhtweyac ke yot sac ke Daniel 2:34–35, 44–45. Meac ip kunom in sang kahsruh kahs in palye se inge in sikyak?

Liye pac “Hark, All Ye Nations!,” On In Alu, no. 264; “God Gave Them Knowledge” (video), ChurchofJesusChrist.org.

13:49

Ke kom riti Daniel 2:1–15, nuhnkuh lah fuhkah puhla lom fin kom puhtatyang nuhke kain in ohiyac se lal Daniel ah. Meac Daniel el oruh? (liye Daniel 2:16–18). Meac kom kuh in lotwelah ke Daniel 1:17 lah God el ahkoelah Daniel fuhkah? Meac kom lotwelah ke kahs ac mukwikwi lal Daniel tukun el eis kahsruh sin Leum? (liye Daniel 2:19–30).

Puhluhn pacl se ma Mwet Lahngo El oruh luti lal fin facluh, puhkantwen mwet Jew nuhnkuh muh kalmen “Wen nuhtin Mwet” ke Daniel 7:13 luhmweyuck nuhke Messiah se ac tuhkuh. Meac kom lotwelah ke Mwet Lahngo ke Daniel 7:13–14? (liye pac Moses 6:57).

Mwet Lahngo el kwacna fahk muh El pa “Wen nuhtin mwet.” Nuhnkuh in riti ke kuhtuh mwe srihkasrak ah: Mattew 25:31; Mark 9:31; 10:45. Meac El luti Kacl sifacna ke fuhs inge? Ke Mark 14:61–64, Jisus El orekmakihn sifac se inge ke lwen sahflah luhn moul Lal fin facluh se inge. Suhmuhslah mukuikui luhn mwet ma lohng fahk se Lal inge. Kahs in pahluh lal Daniel ke Wen nuhtin Mwet mokle fuhkah puhla lom ke ma sikyak nuh sel ke Mark 15?

Oacna ke mwet uh sruhngwacl Jisus ke El fahk muh el pa “Wen nuhtin mwet,” kom kuh pac in ahkkolukyeyuck sin mwet uh ke kom fahkwack ma pwacye uh. Kapsruh kahs in pahluh ke Daniel 7:13–14 ke olwelah ma sukokyak ke Doctrine and Covenants 121:29, 46.

Liye pac Doctrine and Covenants 49:6; Guide to the Scriptures, “Son of Man,” Gospel Library.

• in kahsruh tuhlihk an in lotwelah ke sramsram ke puk lal Daniel, kom kuh in sokwack petsac ke ma sikyak ke Daniel 1, 3, ac 6 (liye mukuikui ke sra puk kuh Gospel Art Book, nos. 23, 25, 26). Tohkoh kom kuh in fihliyac petsac an in ohnkiyucki ac suli sie tuhlihk an in ekuhlwack ac sruhmuhn sramsram soko kac an. (Nuhke mwe kahsruh, liye “Daniel and His Friends,” “Shadrach, Meshach, and Abed-nego,” ac “Daniel and the Lions’ Den” ke Sramsram ke Wuhlweacng Mahtuh, 154–56, 160–62, 163–65.)

  

  1:39

  

  1:39

  

  1:45

• Kahsruh tuhlihk an in nuhnkuh ke ma sikyak ke elos ac suhpweyuck in oruh sulaclah koluk, kain se lal Daniel ac kawuck lal ah ke Daniel 1, 3, ac 6. Akacsruhi sie sin sie lah kom ahkinsewowoyeyuck fuhkah ke kom oruh sulaclah wowo finne ke pacl upac uh. Kom kuh pac in tuhkweni yuck soko on ma kuhpahsr nuhke sifac se inge, oacna “Choose the Right” (Puk In On, no. 239).

• Ke kom riti sramsram kacl Daniel ac kawuck lal ah ke elos tiac eis ikoac ac wine ac kuh in mokle kom in sramtweack sie sramsram ke masap in karihgnihn mahno ma Pahpah Inkuhsrao El use nuh sesr misenge (liye Doctrine and Covenants 89). Sahp kom kuh in suk ke mwe insewowo ma Daniel ac kawuck lal tuh eis ac kapsruh nuhke mwe insewowo ma tuhkuh ke kowos liyacacng Kahs in Lahlmwetmwet (liye Daniel 1:15–17 ac Doctrine and Covenants 89:18–21).

• Ke kom riti Daniel 2:31–35, 44–45 nuhsin tuhlihk ingacn uh, kom kuh in suli elos in sruhlwaclah sie petsac ke mwemwe lal Nebuchadnezzar. Kahsrweltahl in kahlwem kac lah yot sac luhmweyuck nuhke Alu luhn Jisus Kraist luhn Mwet Luhlahlfongi ke Lwen-Sahflah. Meac kuht lotwelah ke Alu uh ke mwemwe se inge? Tuhlihk an kuh in fahk kuhtuh ma Pahpah Inkuhsrao El oruh in tulohkohnwack Alu Lal ke lwen sahflah. Fin elos enenuh kahsruh, kom kuh in sang elos in liye petsac ke Fohlohkyak luhn Alu uh (liye Gospel Art Book, nos. 90–95).

• Efuh pruhe nuh sin Pahpah Inkuhsrao yohk srihpac nuh sel Daniel? Sahp kom ac tuhlihk an kuh in sramsramkihn kihsensiyuhk soko inge ke kowos ac tuhkweni riti Daniel 6 uh. Na tohkoh kom kuh in fahk nuh sin kais sie lah efuh yohk srihpen pruhe uh sum. Sahp tuhlihk an ac luhngse sroal petsac kaclos sifacna ke elos pruhe ke kain ohiyac puhkantwen uh. Elos kuh in orekmakihn sroal lalos an in sruhmuhn nuh sin kais sie lah kuht kuh in pruhe nuh sin Pahpah Inkuhsrao finne kuht oasr oyac kuh meac kuht enenuh.