“Nohfohmpuh 30–Tisacmpuh 6. ‘El Pahkotwen’: Micah; Nahum; Habakkuk; Zephaniah,” Come, Follow Me—For Home and Church: Wuhlweacng Mahtuh 2026 (2026)
“Nohfohmpuh 30–Tisacmpuh 6. ‘El Pahkotwen,’” Come, Follow Me: Wuhlweacng Mahtuh 2026
Ke Muhtwacwack Pa Kahs, sel Eva Timothy
Nohfohmpuh 30–Tisacmpuh 6: “He Delighteth in Mercy”
Micah; Nahum; Habakkuk; Zephaniah
Riti Wuhlweacngg Mahtuh kwacna kalmac pa riti ke kahs in palye ke kuhnaussyucklac. Leum el sapkihn mwet pahluh lal pacl puhs in sensenkihn mwet koluk ke nuhnuhnkuh Lal. Luti lal Micah, Nahum, Habakkuk, ac Zephaniah srihkasrak wowo. Ke ahkuhtweyac na ahksahngweng, mwet pahluh inge palye ke kuhnanuclac luhn siti, ke pacl soh, ma arulacna fokoko ac kuh: kain se luhn acn Nineveh, Babylon, ac Jerusalem. Tuhsruhktuh ma ke yac tausin somlah ah. Efuh yohk srihpac kuht in riti ke kahs in palye inge?
Finne siti insefuhlwact, ac koluk ingoh kuhnanuclac tari, insefuhlwact ma koluk uh srwackna oasr. Kuht kuh pac in sislah inkac ma oan insiacsr sifacna. Mwet pahluh ke Wuhlweacng Mahtuh ahkkahlwemye lah kuht ac forlah fuhkah liki ma koluk inge. Sahp pa ingacn sie srihpac oruh kuht srwackna muhta riti kahs lalos misenge uh. Elos tiacna mwet pahluh nuhke kuhnanuclac muhkwena—elos mwet pahluh pac nuhke moliyucklac. Ahkuhtweyac ke kuhnausyucklac luhn mwet kuh acn uh tulokihnyucki ke pahng in tuhkuh nuh yurin Kraist ac eis nuhnak muhnahs. Ke Micah el fahk, Leum el tiacna engan in ahkkolukye kuht, tuhsruhk “el pahkotwen” (Micah 7:18). Pa inge inkacnek luhn Leum ke pacl met ah, ac pa inge inkacnek Lal misenge. “Inkacnek lal wacngihn sahflahiyac” (Habakkuk 3:6).
Nuhke ahkuhtweyac ke puk inge, liye “Micah,” “Nahum,” “Habakkuk,” ac “Zephaniah” ke Pwpacpuhl Tiksinacri an.
Mwe nuhnak nuhke Lutlut Lohm Sesr ac Alu
Micah 6:1–8
“Meac Leum el enenuh sum?”
Micah el suli kuht in petsacelah lah meac kuh in oacna ke kuht “tuhkuh nuh ye muhtuhn Leum, ac epahsrlah … ye muhtuhn God fuhlwactlacna” (Micah 6:6)ke nga ac tuku in alu nu sel. Meac fuhs 6–8 fahk nuh sum ke ma yohk srihpac nuh sin Leum ke El nuhnuhnkuh moul lom?
Liye pac Dale G. Renlund, “Do Justly, Love Mercy, and Walk Humbly with God,” Liahona, Nov. 2020, 109–12.
“Leum God el wo, El loango mwet lal in pal in ongaiya” (Nahum 1:7).
Nahum 1
Leum el fokoko ac pahkotwen.
Orekma lal Nahum pa in palye ke kuhnanuclac luhn acn Nineveh—acn kol luhn muhtuhnfacl koluk luhn Assyria, suc tuh oruh Israel in muhsahlwelihk ac ahkkolukye Judah. Nahum el muhtwacwacack ke sramsram lal uh in ahkuhtweyac ke kasrkuhsrak luhn God ac kuh yohk wacngihn lainyac, tuhsruhk el oacyacpac sruhmuhn ke pahkotwen ac wolacna luhn God. Suk fuhs ke sapta 1 ma kahsrwe kom in kahlwem ke kais sie ohiyac inge—ac kuhtuh pac ohiyac luhn god ma kom akihlen kac. Kom nuhnkuh tuh efuh yohk srihpac in etuh ke kais sie ma inge ke Leum?
Habakkuk
Nga kuh in luhlahlfongi ke luhngse luhn Leum ac ke pacl Lal suc el oakiyac ma uh nuh sihk.
Kuhtuh pacl uh finne mwet pahluh uh oasr kihsensiyuck lalos ke inkacnek luhn Leum. Habakkuk, suc moul ke pacl se ma koluk fahsrwelihk upac fin acn Judah, muhtwacwacack sihm lal ke kihsensiyuck nuh sin Leum (liye Habakkuk 1:1–4). Kom ac ahkfototoyelah fuhkah elyah lal Habakkuk inge? Kihsensiyuck fuhkah mwet uh siyuck sin God misenge? Kuh na oasr pacl kom puhla kain se inge? Kom kuh pac in kapsruh kihsensiyuck lal uh nuhke kihsensiyuck pac sahyac ke ma suhmuhslah uh, oacna ke ma sukokyak ke Mark 4:37–38 ac Doctrine and Covenants 121:1–6.
Leum el topuk kihsensiyuck lal Habakkuk uh fahk muh El fah suhpwaclah mwet Chaldeans ah (mwet Babylon) in kuhtanglah Judah (liye Habakkuk 1:5–11). Tuhsruhk Habakkuk el srwackna elyah, tuh oacna in tiac wo ke Leum el fuhlwelah “ke [Babylon] koluk el kuhnahoslah mwet suc arulacna suwohs luhkwelos [Judah]” (liye fuhs 12–17). Meac kom sokwack ke Habakkuk 2:1–4 ma mokle kom in luhlahlfongi Leum ke pacl kihsensiyuck lom tiac toplac? (liye pac Mark 4:39–40; Doctrine and Covenants 121:7–8; “God Will Lift Us Up” [video], Gospel Library).
God Will Lift Us Up
Sapta 3 pa pruhe lal Habakkuk ke kaksak ac luhlahlfongi. Puhsrwacl Habakkuk ke chapter 3 siena liki fuhkah puhsrwacl ke sapta 1? Pa inge sie nuhnak in kahsrwe kom in motko ke fuhs 17–19: Suhmuhslah list se ke kuhtuh mwe insewowo suhkawihl ac mwe insewowo ma kawihl ma God El usot nuh sum. Tohkoh kom petsacelah muh wacngihnlac mwe insewowo suhkawihl ingacn. Ma se ingacn ac oruh fuhkah kom in puhla ke mwe insewowo sahyac an? Efuh kuh upac in “enganwack in Leum” (fuhs 18) ke pacl upac oacna kain ma ahkuhtweyucki ke fuhs 17? Motko lah kom ac ahkyohkyelihik fuhkah luhlahlfongi lom ke God, finne ke pacl moul uh tiac wo.
Liye pac Gerrit W. Gong, “All Things for Our Good,” Liahona, May 2024, 41–44; “Lead, Kindly Light,” Hymns, no. 97; Topics and Questions, “Seeking Answers to Questions,” Gospel Library.
Kom in muhtweng. Kuhtuh pacl uh kuht luhngse top nuhke kihsensiyuck lasr uh in tuhkuh na ke pacl sac, tuhsruhk kahlwem ke ma kawihl ac eis pacl ac tiac kuh in ahksayeyuck. Oacna ke Leum El fahk nuh sel Habakkuk ah, “Sano na; pwacyena lah ac sikyak” (Habakkuk 2:3).
Zephaniah
“Suk Leum God, kowos mwet puhsisacl nuhwkewa fin acn uh.”
Ke kom riti kahs in palye lal Zephaniah uh, srihke in akihlen ke elah ac ohiyac ma pwacnlah nuhke kuhnaosyucklac—liye Zephaniah 1:4–6, 12; 2:8, 10, 15; 3:1–4. Tohkoh kom suk ke ohiyacn mwet ma God el ac molwelah—liye Zephaniah 2:1–3; 3:12–13, 18–19. Mwe fahk fuhkah kom puhla tuh Leum el fahk nuh sum ke fuhs ekahsr inge?
Zephaniah 3:14–20
Leum el fah enganwack wi mwet Lal fin acn Zion.
Tukun kom riti Zephaniah 3:14–20, liye lah inkacnek fuhkah kom kuh in orekmakihn in ahksahfyelah sactacns soko inge: “Enganwack ke insiom nohfohn” mweyen … Efuh yohk srihpac nuh sum in etuh ke srihpac in enganwack inge? Kom kuh in kapsruh fuhs inge nuhke ma sikyak ma ahkuhtweyucki ke 3 Nephi 17 ac motko lah fuhkah puhla luhn Jisus Kraist ke mwet Lal—wikomyang pacna.
Nuhke kuhtuh pac liye ma nuhke mahlwem inge ke Liahona ac Nuhke Kuh luhn Mwet Fuhsr mackuhsin.
mwe nuhnak nuhke Luti Tuhlihk
Micah 5:2
Jisus Kraist el Isuslac fin acn Bethlehem.
-
Tuhlihk an kuh in tiac etuh lah palye lal Micah pa tuh kahsruh Mwet Lahlmwetmwet ah in konwaclwack tuhlihk fuhsr Jisus fin acn Bethlehem ah. Orekmakihn Micah 5:2 ac Mattew 2:1–6, sahp tuhlihk an kuh in sifilpac srihke ma elos puhla an. Tohkoh na kom kuh in sruhmuhn ke isuslac luhn Jisus lah efuh yohk srihpac mwet pahluh ah in etuh kac ke yac puhs met liki El isuslac.
Tuhlihk Muhtahl El Isuslac, sel Dana Wood
Nahum 1:7
“Leum God el wo, el loango mwet lal in pal in ongaiya.”
-
Tukun kom riti Nahum 1:7, tuhlihk an kuh in muhsahelah kuh sruhlwaclah sie “pot kuh” kuh nien wihklac (oasr petsac ke sie ke ma tahklac inge). Meac kuhtuh srihpac ma mwet uh enenuh sie nien wihklac ah? Meac oruh lwen lasr uh in sie “lwen in elyah”? Jisus Kraist El oacna sie nien wihklac nuh sesr fuhkah?
Habakkuk 2:3
God El fah ahkpwacye owelah Lal ke pacl nuhkwewa.
-
In ahkuhtweyaxc ke Habakkuk 2:3, kom ac tuhlihk an kuh in sruhmuhn ke kuhtuh ma wo muhkwena tuhsruhk tukihn kuht sano—oacna fukunsahk ma enenuh in mwesrlah kuh fuhlao ma enenuh in ahkmolyeyucklac uh. Meac ac sikyak kuht fin srihke in kang fukunsahk se kuh fuhlao se ma soenna ahkolah uh? Tohkoh na kom kuh in sruhmuhn ke mwet pahluh Habakkuk, suc kena etuh lah Leum El ac tulokihnyac ngac ma koluk fin facluh uh. Riti top luhn Leum ke Habakkuk 2:3. Kahsruh tuhlihk an in nuhnkuh ke ma God El olwelah. Ke kais sie srihkasrak inge, komtacl kuh in tuhkweni fahk, “Sano na; pwacyena lah e sikyak.”
Habakkuk 2:14
Nga kuh in kahsruh nwacklah facluh ke etwacack ke Jisus Kraist.
-
in ahkuhtweyac Habakkuk 2:14, kom ac tuhlihk an kuh in nwacklah sie kuhp ah ke petsac kuh kahs ma fahkwack ke ma Jisus El tuh oruh kuh luti. Kuht kuh in kahsruh fuhkah in nwacklah facluh ke etwacack ke Leum?
-
Kom kuh pac in sang tuhlihk an in liye sie macp ke facluh (see Church History Maps, no. 7, “Map of the World”). Kahsrwelos in sokwack acn elos muhta we ac acn ma elos etuh misineis tuh kuhlwacnsap we. Kowos kuh in tuhkweni yuck soko on ke akacsruhi wosasuc, oacna “We’ll Bring the World His Truth” (Puk In On luhn Tuhlihk Srihsrihk, 172–73). Meac kuht kuh in fahk nuh sin mwet sahyac ke Jisus Kraist?
Zephaniah 3:14–20
Jisus Kraist El engan yurin mwet ma fahsr Tohkohl.
-
Ke Zephaniah 3:14–20, tuhlihk an kuh in suk sie ma oruh elos in ke “yuck, … be glad and rejoice with all the heart.” Sahp komtacl kuh in yuck kuhtuh on in alu ac sramsramkihn engan ma kom konwacack ke wosasuc luhn Jisus Kraist.
Nuhke kuhtuh pac liye ma nuhke mahlwem inge ke Friend mackuhsin an.