“Tisacmpuh 14–20. ‘Nga Nu Na Lungse Kowos Pacl Nukewa, Leum El Fahk’: Malachi,” Come, Follow Me—For Home and Church: Wuhlweacng Mahtuh 2026 (2026)

“Tisacmpuh 14–20. ‘Nga Nu Na Lungse Kowos Pacl Nukewa, Leum El Fahk,’” ome, Follow Me: Wuhlweacng Mahtuh 2026

Tisacmpuh 14–20: “Nga Nu Na Lungse Kowos Pacl Nukewa, Leum El Fahk”

Malachi

“Nga nu na lungse kowos pacl nukewa,” Leum el fahk nuh sin mwet lal kacl mwet pahluh Malachi. Tuhsruhk mwet Israel, suc kweok ke fihlin fihl ke ma upac ac ye srohoh, elos siyuck, “Kom ahkkalemye lungse lom nu sesr fuka?” (Malachi 1:2). Tukun ma nuhkwewa ma Israel puhlakihn, elos kuh in nuhnkuh lah sramsram kaclos el sramsram na pwacye soko ke luhngse luhn God nuh sin mwet wuhweacng Lal. Ke kuhtuh ohiyac, fihsrwacsr in lieyuck muh el oacna soko sramsram ke mwet orekma koluk ac lihkkeke. Tuhsruhk tukun ma inge kwewa, God el tiacna tui in ahkkahlwemye luhngse Lal. Ke tuhlihk nahtuhl Jacob ahkkolukyacl Joseph, Leum el srackna molweloslac liki srwacl sac (liye Genesis 45:4–8). Ke mwet Israel ah tohrkahskahs yen mwesis, El kihtacltahl ke manna (liye Exodus 16:1–4). Finne ke mwet Israel forlah nuh sin God sahyac ac tuh fahsrwelihk, God El olwelah muh elos fin auliyak, El ac usacltahlweni nuh sie ac molweloslac “ke luhngse yohklacna” (liye Isaiah 54:7). Pwacyena, Wuhlweacng Mahtuh el sie sramsram ke mongfihsrwacsr ac luhngse wacngihn sahflahiyac luhn God. Ac sramsram se inge tuhtahflah na misenge. Jisus Kraist, “pa Kalmen Faht uh,” oacna ke Malachi el Pahnglol, suc tuhkuh “in ahkkweyekowoslac” (Malachi 4:2). El pa mwe ahkpwacye fokoko se ke luhngse luhn God nuh sin mwet Israel ac nuh sesr nuhkwewa.

Nuhke kuhtuh pac mwe ahkuhtweyac ke puk lal Malachi, liye “Malachi” ke Pwacpuhl Tiksinacri an.

Mwe nuhnak nuhke Lutlut Lohm Sesr ac Alu

Malachi 1–4

“Foloko nu yuruk, ac nga fah folokot nu yuruwos.”

Ke pacl lal Malachi, mwet Israel elos sifil muhsahlelah tempuhl fin acn Jerusalem, tuhsruhk elos srwackna enenuh in sifil muhsaheack inmahsrloltahl yurin Leum. Ke kom lutlut ke Malachi uh, suk kihsensiyuck ma Leum el siyuck sin mwet Israel kuh kihsensiyuck elos tuh siyuck Sel ah. Nuhnkuh in siyuck sum sifacna kain kihsensiyuck inge (kuhtuh mwe srihkasrak an pa sihmlac ten inge) in kahsrwe kom in konwacack kuhpahsr lom yurin Leum ac in fototoyang nuh Yohrohl.

Nga puhla fuhkah luhngse luhn Leum nuh sihk? (liye Malachi 1:2).
Yac kihsac luhk nuh sin Leum ahkfuhlwactyacl na pwacye? (liye Malachi 1:6–11)
Ke inkacnek fuhkah nga enenuh in “folok” nuh yurin Leum? (liye Malachi 3:7).
Kuh nga pihsrwacl God ke oacna sie ohiyac? (liye Malachi 3:8–11).
Ohiyac luhk uh ahkkahlwemye fuhkah puhla luhk nuh sin Leum ke pacl nga puhlakihn ma upac? (liye Malachi 3:13–15; liye pac 2:17).

Malachi 1:6–14

Leum el siyuck ke “sie kihsac nwacsnwacs.”

Ke kom riti ke kihsac ma ahkuhtweyucki ke Malachi 1, meac kom akihlen ke kihsac ma mwet tol elos kihsackihn ac? Meac mwe kihsac inge fahk ke puhla luhn mwet tol inge nuh sin Leum? (liye Malachi 1:13). Nuhnkuh in suhmuhslah kuhtuh kihsac ah, ma kom kuh in orwaclah nuh sin Leum. Liye kais sie ma kom suhmuhslah an, ac motko lah meac oruh in “koluklac” kihsac sie ingacn kuh meac oruh in “nwacsnwacs” kihsac se ingacn (Malachi 1:7, 11).

Malachi 3:8–12

Leum el ikacslah winto inkusrao ke nga ahkkahlwemye luhlahlfongi luhk ke nga moli sie tahfuh singucul uh.

Petsacelah muh oasr kawuck se lom suc tuhfahna etuh lah kom moli sie tahfuh singucul. “Efuh kom oruh ma se ingacn?” kawuck se lom ah siyuck. Nuhnkuh ke ma se inge ke kom riti Malachi 3:8–12. Meac kom konwacack kac ma kuh in kahsrwe kom in topuk kihsensiyuck luhn kawuck se lom ah? Meac pac kuhtuh ma kom luhngse kawuck lom an in etuh ke sie tahfuh singucul? In kahsruh, kom kuh in liye mwe fahkwack lal Elder Neil L. Andersen “Tithing: Opening the Windows of Heaven” (Liahona, Nov. 2023, 32–35), suk top nuhke kain kihsensiyuck inge:

Efuh kuh Leum El ke kuht in moli sie tahfuh singucul lasr?
Meac kuh in sruok sie mwet in tiac moli sie tahfuh singucul lal, ac kuht ac kuhtanglah fuhkah mwe sruhf inge?
Moli sie tahfuh singucul ahkfokokoye fuhkah luhlahlfongi lasr ke Pahpah Inkuhsrao ac Jisus Kraist?

Kom kuh pac in akacsruhi nuh sin kawuck lom an lah Leum el ahkinsewowoye kom fuhkah ke kom moli sie tahfuh singucul. Kom kuh in sokwack kuhtuh mwe nuhnak ke sacksrin se inge “Lesson Number 1—Significant but Subtle Blessings” ke mwe fahkwack lal Elder David A. Bednar “The Windows of Heaven” (Liahona, Nov. 2013, 17–18). Mwet fuhkah kuht eklac nuhkac ke kuht moli sie tahfuh singucul lasr?

Kom nuhnkuh tuh meac kalmen pohloh kahs se inge “ikacklah nuh sum winto inkuhsrao?” (verse 10)? Sahp kom kuh in ngwetlah nuh lihkihn winto se ac nuhnkuh ke srihpac luhn winto uh. Efuh kuh “winto inkuhsrao” sie inkacnek wowo in ahkuhtweyac lah Leum el ahkinsewowoye kuht fuhkah ke kuht moli sie tahfuh singucul uh?

Jisus el sikyang nuh sel Joseph Smith lun Kirtland Tempuhl — Aruhruhma Sikyak lun Kirtland Tempuhl, sel Gary E. Smith

Malachi 4:5–6

“Nga ac supwalot mwet palu Elijah nu yuruwos.”

Ke Moroni el tahfuh kahs ke Malachi 4:5–6 nuh sel Joseph Smith, el fahk “sie lacna kuhtuhsrihk liki ma ritiyuck ke Pwacpuhl uh (liye Joseph Smith—History 1:36–39). Meac kahs sielacna lal Moroni sang nuhke kahlwem lom ke kahs in pahluh se inge? Yohkiyacna, motko ke kain kihsensiyuck inge:

Suc kac “pahpah” fwack inge? (liye Deuteronomy 29:13). Olwelah fuhkah tuh oreklac nuh selos? (liye Abraham 2:9–11). Kom ac ahkfalyelah fuhkah olwelah inge?
Meac sikyak nuh sum ma kahsrwe kom in furohklah insiom nuh sin mwet mahtuh somlah lom? Efuh yohk srihpac na upac nuhke plwacn luhn Pahpah Inkuhsrao?

In lotwelah ma yohk ke tuhkuh lal Elijah ac in sokwack lah kahs in pahluh se inge ahkfalyeyucklac fuhkah misenge, liye Doctrine and Covenants 110:13–16 ac D. Todd Christofferson, “The Sealing Power” (Liahona, Nov. 2023, 19–22). Efuh kom kuloh lah Elijah el tuhkuh?

Liye pac Gerrit W. Gong, “We Each Have a Story,” Liahona, May 2022, 43–46; “Turn Your Hearts,” Hymns, no. 291; “The Sealing Power” (video), ChurchofJesusChrist.org.

Nuhke kuhtuh pac liye ma nuhke mahlwem inge ke Liahona ac Mwe Ahkkweye luhn Mwet Fuhsr mackuhsin.

mwe nuhnak nuhke Luti Tuhlihk

Malachi 1:2

Leum El luhngse nga.

Kom ac tuhlihk an ac tohpohklah fuhkah kihsensiyuck ke Malachi 1:2—“Kom akkalemye lungse lom nu sesr fuka?” Akacsruhi yurin sie sin sie kuhtuh srihpac kom etuh muh El luhngse kom. Sahp tuhlihk an kuh in sruhlwaclah petsac ma ahkacsmakihnyaclos ke luhngse Lal.

Sang tuhlihk an in tuhkweni sramsram ke wosasuc. Fin kom luti tuhlihk an, sahp kom ac enenuh in nuhnkuh ke kuhtuh inkacnek usrnguck ah elos in kuh in tuhkweni sramsram ke wosasuc. Tuhlihk an kuh in pahsi sie pohl; ke elos sruok pohl an, elos kuh in akacsruhi ke sie srihpac ma oruh elos etuh lah Jisus el luhngse eltahl uh.

ninac ac pahpah se wi tuhlihk mukul se ngwetlah nuh lihk ah kie winto se

Malachi 3:8–12

Leum el fah ahkinsewowoyeyuc ke nga moli sie tahfuh singucul.

Kom ac kahsruh fuhkah tuhlihk an in lotwelah ke sie tahfuh singucul? Kom kuh in siyuck selos in oacklah singucul ma srihsrihk ac, kain se ke koins ke sra puk in mukuikui nuhke wik inge. Tohkoh na elos kuh in srwelah sie ma srihsrihk ac liki ma sahyac ah—pa inge luhpah se kuht sang nuh sin Leum oacna sie tahfuh singucul. Oacna ma sihmlac ke Malachi 3:8–12, efuh Leum el ke kuht in moli sie tahfuh singucul? (liye pac “Malachi the Prophet” ke Sramsram ke Wuhlweacng Mahtuh, 171–72; “First Things First!” [video], Gospel Library).

0:58
Malachi the Prophet

1:18
First Things First!
Ke kowos tuhkweni riti Malachi 3:10 uh, kom kuh in suli tuhlihk an in tuyak tu sisken winto ke kom riti pohloh kahs se inge “winto inkusrao.” Kuh kom kuh in ukwacacng kof nuhke sie kuhp ah neke kahk in ahkuhtweyac ke pohloh kahs se inge “arulana yolyak nu suwos.” Luti tuhlihk an ke mwe insewowo God el usot ke kom moli sie tahfuh singucul. Tuhlihk an kuh in sruhlwaclah petsac in fahkwack ke mwe insewowo ingacn ac sruhpuhsrwack sisken winto ke lohm selos an.

Malachi 4:5–6

Elijah el tuhkuh in furohklah insiacsr nuh sin sucu lasr uh.

Ke Malachi 4:5–6, tuhlihk an kuh in suk top nuhke kihsensiyuck tahklac ke palyei lal Malachi: Suc Leum el olwelah in suhpwacma uh? Ngac El fahk muh mwet se ingacn ac tuhkuh uh? Meac Leum el fahk muh mwet se inge ac oruh? Efuh mwet se inge enenuh in tuhkuh? Acn oyac kahs in pahluh se inge ahkfalyeyucklac we? (liye Doctrine and Covenants 110:13–16).
In konwacack lah olwelah se ke Malachi 4:5 ahkfalyeyucklac fuhkah, kom kuh pac in liye “Joseph and Oliver Receive Priesthood Keys” ke Doctrine and Covenants Stories, 26–30. Soko on oacna “The Hearts of the Children” (Puk In On luhn Tuhlihk Srihsrih, 92) kuh in kahsruh tuhlihk an in lotwelah lah efuh yohk srihpac Elijah el in tuhkuh. Kom kuh pac in som nuhke FamilySearch.org/discovery, the FamilySearch Tree app, or the My Family booklet nuhke mukuikui ma kuh in kahsrwe kom ac tuhlihk an in furohklah insiowos nuh sin mwet mahtuh lowos somlah tari.

Nuhke kuhtuh pac, liye ma nuhke mahlwem inge ke Kawuck mackuhsin an.

muhtwacn mahtuh se furok acnkisucf fasrfasr se — Kaksak lal Mourning, sel Rose Datoc Dall. Sie muhtwacn pahngpahng Mourning el tu ke facl luhn nguhn, rauniyucklac sin mwet mahtuh lal. El ahkfuhlwactye moliyucklac lalos liki muhta ye kohs lalos ke facl luhn nguhn.

Sra Puk in mukuikui luhn U luhn Tuhlihk Srihsrihk: Leum el ahkinsewowoyeyuc ke nga moli sie tahfuh singucul — Kaksak lal Mourning, sel Rose Datoc Dall. Sie muhtwacn pahngpahng Mourning el tu ke facl luhn nguhn, rauniyucklac sin mwet mahtuh lal. El ahkfuhlwactye moliyucklac lalos liki muhta ye kohs lalos ke facl luhn nguhn.