Fahsruh, Fahsr Tukuk
Tisacmpuh 21–27. “Kut filiya lulalfongi lasr in El, ac El molikuhtlac”: Krismas

“Tisacmpuh 21–27. ‘Kut filia lulalfongi lasr in El, ac El Molikuhtlac’: Krismas,” Come, Follow Me—For Home and Church: Wuhlweacng Mahtuh 2026 (2026)

“Tisacmpuh 21–27. ‘Kut filia lulalfongi lasr in El, ac El Molikutlac,’” Come, Follow Me: Wuhlweacng Mahtuh 2026

tuhlihk fuhsr Jisus el mutul

Tuh nuh Sesr sie Tuhlihk El Isuslac, sel Simon Dewey

Tisacmpuh 21–27: “Kut filiya lulalfongi lasr in El, ac El Molikuhtlac”

Krismas

Wuhlweacng Mahtuh el sesseslah ke mwe finsrak se ma kuht finsrak nuhkac. Ke ohiyac se inge, el apkuhran kuhtuhsrihk nuhke puhluhn pacl luhn Krismas. Muhtwacwacack na e yohrohl Adam ac Eve, petriark ke Wuhlweacng Mahtuh, mwet pahluh, mwet sihm poem, ac mwet ma suk ke lwen wowo, elos sesseslah ke finsrak nuhke ahksasuc ac molwelah luhn Messiah. Ac mwet Israel elos tuh enenuh finsrak se ingacn ke pacl puhs—finne ke pacl se elos muhta in srohoh fin acn Egypt kuh fin acn Babylon kuh finne in muhta in kohs ke ma koluk lalos sifacna kuh akuhkuhin. Ke ma inge kwewa, mwet pahluh uh elos ahkacsmakuhnuhlos lah sie Messiah, sie mwet in Molwelah, fah tuhkuh “in fahkwelihk ke sukohsohklah luhn mwet nuhkwewa suc oasr in srohoh” (Isaiah 61:1).

Finsrak se ingacn muhtwacwacack in akihlenyuck ke Jisus Kraist el tuh isuslac fin acn Bethlehem ah. Mwet in Molwelah kuhlacna luhn mwet Israel el tuh isuslac ke nien mongo luhn kosro (liye Luke 2:7). Tuhsruhk el tiac Mwet in Molwelah luhn mwet Israel ke pacl met ah muhkwena. El tuhkuh in molikomlac—in ahkmuhlahlahye kweok lom, in us ahsor lom, in kihnet ke ma koluk lom, tuh ohinge ke kweok Lal kom kuh in ahknwacsnwacsyeyucklac (liye Isaiah 53:4–5). Pa inge srihpac se oruh Krismas uh sesseslah ke puhla engan finne ke lwen misenge uh. Messiah el tuh tuhkuh ke yac 2,000 somlah ah, ac El tahfwelah na in tuhkuh nuh in moul lasr ke pacl nuhkwewa kuh Sokol uh.

akucl in lutlut

Mwe nuhnak nuhke Lutlut Lohm ah ac Alu

akucl luhn seminary
Nga enganwack ke Mwet in Molwelah luhk.

Krismas el etweyuck oacna sie puhluhn pacl na engan ke srihpen engan se ma Jisus Kraist el use nuh fin facluh. Ke yac puhs met liki Mwet Lahngo el isuslac ah, mwet pahluh ke Wuhlweacng Mahtuh elos oacyacpac puhla engan ke elos sruhmuhn ke tuhkuh lal Messiah uh. Riti ke kuhtuh pohloh kahs inge, ac nuhnkuh lah efuh ma inge tuh sacohk nuh sin mwet suc tuhpan misin luhn Mwet Lahngo: Psalm 35:9; Isaiah 25:8–9; 44:21–24; 51:11; Zephaniah 3:14–20; Moses 5:5–11. Efuh kuh pohloh kahs inge sacohk sum? Srihpac fuhka pohloh kahs ke ma suhmuhslah inge use tuh in mwe engan?

Liye pac Dallin H. Oaks, “Good Tidings of Great Joy” (First Presidency Christmas devotional, Dec. 4, 2022), Gospel Library; “Joy to the World,” On In Alu, no 201.

sie itu sahromrom ke fong uh

Akucl uh kuh in kahsrweyuc in esamuhl Jisus Kraist.

Puhkantwen sin facsin ma kuhpahsr nuhke Krismas kuh in oasr kalmen akucl kac suc pwen kuht nuh yurin Kraist. Ke kom lutlut ke Wuhlweacng Mahtuh ke yac se inge, sahp kom kuh in akihlen ke mwe akucl puhkantwen ke Mwet Lahngo. Kuhtuh pa tahklac ten inge. Nuhnkuh in lutlut ke ma inge ac suhmuhslah lah meac ma inge luti kom Kacl.

  • Itu (Oekyuck 24:17; Mattew 2:2; Fwackyuck 22:16).

  • Shepherd (Psalm 23; Luke 15:4–7; John 10:11)

  • Sheep fuhsr (Genesis 22:8; Exodus 12:5; 1 Peter 1:18–20).

  • Kof (Exodus 17:1–6; Jeremiah 2:13; Ezekiel 47:1–12; John 4:7–14).

  • Yot (1 Samuel 2:2; 2 Samuel 22:2–3; Psalm 118:22–23; Isaiah 28:16; Ephesians 2:20).

  • Lah (Isaiah 11:1–2; Jeremiah 23:5; 33:15).

  • Kahlwem (Psalm 27:1; Isaiah 9:2; 60:19; Micah 7:8; John 8:12).

Meac pac kuhtuh akucl sahyac, sramsram, ac ma sikyak ma kom konwacack ke ma suhmuhslah ma fahkwack ke Jisus Kraist?

Liye pac 2 Nephi 11:4; Mosiah 3:14–15; Moses 6:63; “Types or Symbols of Christ” ac “Jesus Christ,” kwewana ke Guide to the Scriptures (Gospel Library).

“Inel fah pahngpahng Wolacna.”

Jisus Kraist el etweyuck ke kain in ine ac sifac puhkantwen. Suk ke sifac ke fuhs tahklac inge: Psalms 23:1; 83:18; Isaiah 7:14; 9:6; 12:2; 63:16; Amos 4:13; Zechariah 14:16; Moses 7:53. Meac kuhtuh pac ine kom kuh in nuhnkuhkwacack? Kom ac luhngse pac suhmuhslah ine luhn Jisus Kraist ma kom sokwack ke on in Krismas uh. Kais sie sifac inge ikihl fuhkah ohyiacn nuhnak lom Kacl uh?

Nuhnkuh in sulaclah sie sifac kuh orekma luhn Mwet Lahngo ma ac kahsrwekom in Esamuhl ke yac na fohn se fahsruh uh.

Liye pac Quentin L. Cook, “Personal Peace in Challenging Times,” Liahona, Nov. 2021, 89–92; “Hark! The Herald Angels Sing,” Puk In On, no. 209.

For more, see this month’s issues of the Liahona and Nuhke Kuh luhn Mwet Fuhsr mackuhsin.

akucl luhn tuhlihk srihsrihk

mwe nuhnak nuhke Luti Tuhlihk

Wulweang Mahtuh lutiyuc ke Jisus.

  • Kom ac tuhlihk an kuh in orekmakihn kuhtuh mwe nahweyuck in Krismas ah in sruhmuhn ke Jisus Kraist. Sahp kom kuh in sruhmuhn lah itu in Krismas se, lahm sahromrom, kuh sie mwe sang ahkacsmakinye kuht fuhkah ke Mwet Lahngo. Tohkoh kom kuh in riti fuhs inge in suk ke ma luhmweyuck nuhkacl Jisus Kraist: Genesis 22:8; Numbers 24:17; Psalms 23:1; 27:1. Sahp tuhlihk kom luti an kuh in kohlwack sie petsac ah kuh sie mwe nahweyuck ah ma fal nuhke kais sie fuhs elos riti an. Jisus El oacna soko lamb, itu, mwet liacacng sheep, kuh kahlwem fuhkah? Motko in tuhkweni yuck ke soko on in Krismas, oacna “Stars Were Gleaming” (Puk In On luhn Tuhlihk Srihsrihk, 37).

  • Tuhlihk an kuh pac in liye sie petsac ke sahflahiyacn ma sihmlac inge ke kom riti Isaiah 9:6 nuh seltahl uh. Siyuck sin tuhlihk an in srihsrngilyac tuhlihk fuhsr Jisus ke elos lohng pohloh kahs se inge uh “sie tuhlihk isuslac.” Akacsruhi ke luhlahlfongi lom lah mwet pahluh ke Wuhlweacng Mahtuh etuh lah Jisus el ac isuslac.

  • Ke kom ahkolah in lutlut ke moul luhn Jisus Kraist ke Wuhlweacng Sasuc ke yac fahsruh uh, nuhnkuh in sifilpac luti nuh sin tuhlihk an ma elos lotwelah Kacl ke yac se inge ke Wuhlweacng Mahtuh. Kom kuh pac in riti ma sihmlac ke mwe kahsruh inge ac kuhtwena mwe lutlut lom sifacna in kahsrswekom esam ma kom lotwelah an. Tuhlihk ma srihk kuhtuh an kuh in eis woiyac ke elos ac liye Sramsram ke Wuhlweacng Mahtuh kuh petsac ke Come, Follow Me. Kahs in pahluh fuhkah kuh sramsram fuhkah fihsrwacsr in esamyucki an? Meac kuht lotwelah ke Mwet Lahngo?

Facsin ke Krismas kuh in pwen kuht nuh sin Jisus Kraist.

  • Sucu ke mwet Israel ah oruh facsin, kain se ke Kuhfwen Ahluhkwelahac ac kuhtuh pac kuhfa, ma orek in kihfucs insiaclos ac nuhnak lalos nuh sin Leum (liye Exodus 12). Facsin fuhkah kom ac tuhlihk an oruh ke pacl in Krismas ma kahsrwe kom in lohacng nuh sin Jisus Kraist? Meac kuhtuh facsin kom etuh ke sucu lom ke pacl met ah? Kom kuh in sramsramkihn nuh sin tuhlihk an ke kuhtuh facsin ma kom ke muhtwacwacack oruh. Kuhtuh nuhnak an pa in kuhlwacnsuhpuh sie mwet enenuh kahsruh, sulaclah sie ma kom ac “sang” nuh sin Mwet Lahngo, suli sie kawuck in wi kom liye ahkfuhlwact ke Krismas luhn Prestuhnsi se met (broadcasts.ChurchofJesusChrist.org),suhmuhslah soko on in Krismas ah lom sifacna, kuh sokwack sie inkacnek usrnguck ah in fahkwelihk ke isuslac luhn Kraist.

E lun lohm sesr, lutlut uh ac moul uh tuhkweni fahsr pacl nuhkwewa. “Wosasuc el ma na yohk srihpac se in lohm sesr. Mwet ma kom wi lutlut ke wosasuc uh pa mwet kom wi muhta—ke lwen nuhkwewa uh. Pwacye lah, inkaiyacn pacl uh, moulkihn wosasuc uh pa ohiyac se kuht ac lotwelah ke wosasuc uh. Pwacnwacng ke kom luti ac lutlut ke wosasuc e lohm ah uh, suk ke inkacnek in orekmakihn ma kom lotwelah an nuhke ma kom oruh an. In lohm sum an, lwelah wosasuc in pa sie ma kom kampare srihke in moulkihn, ac tiac sie ma kom sramsramkihn muhkwena” (Teaching in the Savior’s Way, 31).

Facsin ke ohiyen Isuslac luhn Jisus

Sroal ke Isuslac luhn Jisus, sel Ethan Brown

Pahpah Inkuhsrao el use mwe sang nuh sihk ke Wen Nahtuhl in pa Mwet Lahngo luhk.

  • Kom ac kahsruh tuhlihk an fuhkah in puhla mislac ac engan ke isuslac luhnn Kraist? Kom kuh in liye ke petsac se inge “The Christ Child” (Gospel Library) kuh tuhkweni riti Mattew 1:18–25; 2:1–12; Luke 1:26–38; 2:1–20. Kais sie tuhlihk ingacn kuh in sulaclah sie mwet ke petsac sacn kuh ke sie fuhs ke ma suhmuhslah an ac fahk lah mwet se ingacn puhla fuhkah ke Mwet Lahngo. Tohkoh kom kuh in akacsruhi nuh sin sie sin sie puhla lom sifacna Kacl.

    17:53

    The Christ Child

  • Kom ac tuhlihk an kuh in sruhmuhn ke mwe sang kom kihtaclah kuh eis ke yac somlah ma usot engan nuh suwos. Tohkoh kom kuh in tuhkweni riti Isaiah 25:9 sruhmuhn lah efuh kom enganwack ke Pahpah Inkuhsrao el suhpwacma nuh sesr Mwet Lahngo se uh. In kahsruh tuhlihk an in kahlwem kac yohk ke ma kunen Jisus Kraist ke El ekihn Mwet Lahngo se, suli tuhlihk an in riti Isaiah 25:8–9; 53:3–5; ac Hosea 13:14. Meac fuhs inge luti kuht ke ohiyac Leum el molikuhtlac kac?

  • Kom kuh in tuhkweni yuck soko on in Krismas, kain se ke “Away in a Manger” (Puk In On luhn Tuhlihk Srihsrihk, 42–43) kuh “O Little Town of Bethlehem” (On in Alu, no. 208). Kahsruh tuhlihk an in sokwack pohloh kahs ke on soko an ma kahsrwelos in etuh lah Pahpah Inkuhsrao ac Jisus Kraist luhngse eltahl.

Nuhke kuhtuh pac liye ma nuhke mahlwem inge ke Friend mackuhsin an.

Facsin se ke ohiyen Isuslac luhn Jisus

Facsin ke ohiyen Isuslac luhn Jisus, sel N. C. Wyeth

Sra puk in mukuikui luhn U luhn Tuhlihk srihsrihk: Wulweacng Mahtuh lutiyuc kacl Jisus