“Tisacmpuh 7–13. ‘Muhtahl nuh sin Leum”: Haggai 1–2; Zechariah 1–4; 7–14,’ Come, Follow Me—For Home and Church: Wuhlweacng Mahtuh 2026 (2026)

“Tisacmpuh 7–13. ‘Muhtahl nuh sin Leum,’” Come, Follow Me: Wuhlweacng Mahtuh 2026

Tempuhl fin acn Laie Hawaii

Tisacmpuh 7–13: “Muhtahl nuh sin Leum”

Haggai 1–2; Zechariah 1–4; 7–14

Tukun yac singucul kuhtuh ke elos muhta ye kohs, u in mwet Israel, weluhlwacng mwet pahluh Haggai ac Zechariah, elos kuh in fohlohklac nuh Jerusalem. Kuhtuh sin mwet ke u se inge elos esam atacn tempuhl lalos met liki kuhnanuclac ah. Yac oasr kutu mwet inmahsrlowos su srakna esamlupan wolana lun Tempuhl se meet ah?” (Haggai 2:3), Haggai el fahk kahs in ahkkweye nuh selos: “Nimet lela kutena suwos in munasla nanka, Leum el fahk, kowos orekma na tuh nga wi kowos, … nimet kowos sangeng.” “Tempuhl sasuc se inge ac fah arulana oasku liki tempul se met ah, … ac nga fah sang misla nu sin mwet luk we” (Haggai 2:4–5, 7, 9).

Tuhsruhk tiac tempuhl muhtahl muhkwena enenuh in sifilpac muhsahiyucklac. Ke ohiyac puhs, insiacn mwet luhn God inge muhnahs ke nguhn. Ac sifilpac muhsahi sie mwet muhtahl upac liki na sihpihk yot ac akiac in muhsaelah sie lohm muhtahl. Kalmac pa sihm se inge “Muhtahl nuh sin Leum” tiac enenuh in sihmlac ke sinkac luhn tempuhl muhkwena, kuh finne fin “tepweng srisrik sang yuni mwe kapir ke sifen horse uh” ac “tup in manman mongo nukewa Jerusalem” (Zechariah 14:20–21). Enenuh sihm se inge in sihmlac pac ke insiacn mwet nuhkwewa.

Nuhke mwe ahkuhtweyac nuhke puk lal Haggai ac Zechariah, liye “Haggai” ac “Zechariah” ke Pwacpuhl Tiksinacri an.

Mwe nuhnak nuhke Lutlut Lohm Sesr ac Alu

Haggai 1; 2:1–9

“Motko ke inkacnek lom an.”

Puhkantwen ma yohk srihpac in orek in sifilpac muhsaheack acn Jerusalem. Tuhsruhk tukun yac 15 somlah ke fohlohk luhn mwet Israel, Leum El tuh tiacna pwacr lah sifilpac muhsahi tempuhl tuh tiacna yohk srihpac sin mwet inge (liye Haggai 1:2–5; liye pac Ezra 4:24). Ke kom riti Haggai 1; 2:1–9, motko ke kain kihsensiyuck inge:

Meac sikyak nuh sin mwet Israel ah ke srihpen elos tiac ahksahfyelah tempuh sac?
Mwe insewowo fuhkah Leum el olwelah nuh selos fin elos ahksahfyelah muhsahiyacn lohm Sel?
Meac mwe fahkwack luhn Leum nuh sum ke Haggai 1:5–7? Kom ac oruh fuhkah enenuh lom an in wi enenuh luhn Leum in tuhkweni fahsr? Pacl ngac kom puhla insewowo ke kom fihliyac God met ke moul lom an?

Mwet luhlahlfongi ke pacl se alu uh tuhfahna tulokyak ah puhlakihn kain ohiyac oacna ma mwet Israel elos puhla ke pacl lal Haggai (liye Doctrine and Covenants 95). Meac kom lotwelah ke mwe srihkasrak luo ke puhla luhn Leum ke tempuhl uh?

Liye pac Dale G. Renlund, “Jesus Christ Is the Treasure,” Liahona, Nov. 2023, 96–99; Terence M. Vinson, “True Disciples of the Savior,” Liahona, Nov. 2019, 9–11; “We Love Thy House, O God,” Hymns, no. 247; “Provo City Center Temple Completed” (video), ChurchofJesusChrist.org.

Zechariah 1–3; 7–8; 14

Leum el kuh in oruh nga in muhtahl.

Ke nuhnak lom sifacna, meac yohk srihpac ke sihm se inge “muhtahl nuh sin Leum” in sihmlac ke ma nuhkwewa ke lwen nuhkwewa oacna ma sruhmuhnyuck ke Zechariah 14:20? (liye pac Exodus 28:36–38). Meac yohk srihpac kac in sihmlac ke tempuhl misenge uh? Meac kalmen pohloh kahs se inge nuh sum? Kom ac oruh fuhkah in oasr muhtahl ke moul lom lwen nuhkwewa? Motko ke kihsensiyuhk inge ke kom riti nguhsr luhn Leum nuh sin mwet Lal in eklac muhtahl ke Zechariah 1:1–6; 3:1–7; 7:8–10; 8:16–17.

Kom kuh pac in riti Zechariah 2:10–11; 8:1–8; 14:9–11, 20–21 in lotwelah lah fuhkah atacn moul uh ke pacl fahsruh uh fin kuht nohfohn muhta yurin Leum ke ohiyac muhtahl. Meac kom luhngse ke aruhruhma lal Zechariah ke pacl fahsruh luhn acn Jerusalem? Meac kom konwacack inse ma kom ke liye fin acn sum? Kom ac ahkolah fuhkah in muhta ke ohiyac ma Zechariah el ahkuhtweyac inge?

Jisus el utyak nuh Jerusalem fin donkey soko — “Liye Tokosra lowos el tuku nu yuruwos: el tuku ke kuh lulap ac kutangla; tusruktu el pusisel ac el muta fin soko donkey” (Zechariah 9:9). Utyak Wolacna, sel Harry Anderson

Zechariah 9:9–11; 11:12–13; 12:10; 13:6–7; 14:1–9

Jisus Kraist pa Messiah suc El olwelah kac.

Kuhtuh sihm lal Zechariah sruhmuhn kwewana ke luti luhn Jisus Kraist fin facluh ac ke Tuhkuh Ahkluo Lal. Ma sihmlac ten inge pa kuhtuh sin palye lal Zechariah, wi pac ma suhmuhslah ke ahkpwacyeyuck kac. Ke kom lutlut ke sramsram inge, siyuhk sum sifacna: Meac ma se inge lutiyuc ke Mwet Lahngo?

Zechariah 9:9–11 (liye Mattew 21:1–11; 1 Peter 3:18–19)
Zechariah 11:12–13 (liye Mattew 26:14–16; 27:1–7)
Zechariah 12:10 (liye John 19:37; Fackyuck 1:7)
Zechariah 13:6–7; 14:1–9 (liye Mattew 26:31; Doctrine and Covenants 45:47–53)

Kom nuhnkuh tuh oacna fuhkah kom fin wi muhta inmahsrlon mwet ma painguhl Jisus nuh Jerusalem oacna ke ahkuhtweyucki ke Zechariah 9:9–11? Kom ac painguhl fuhkah nuhke moul lom, in lohm sum, ac acn sum?

Liye pac Mwe Ahkuhtweyac nuhke Ma Suhmuhslah, “Messiah,” Gospel Library; “The Lord’s Triumphal Entry into Jerusalem” (video), Gospel Library; Ronald A. Rasband, “Hosanna to the Most High God,” Liahona, Mei 2023, 108–12.

For more, see this month’s issues of the Liahona and Nuh ke Kuh luhn Mwet Fuhsr mackuhsin.

mwe nuhnak nuhke Luti Tuhlihk

Haggai 1:2–8

“Motko ke inkacnek lom an.”

Ke kom riti kuhtuh ip ke Haggai 1:2–5 nuh sin tuhlihk an, kahsrwelos in sokwack lah efuh Leum El tiacna engan sin mwet ah. Sahp tuhlihk an kuh in sulaclah sie pohloh kahs ke fuhs 6 ac sruhlwaclah sie petsac ah kac. Elos kuh in sang nuh sin sie sin sie in liye ac palye lah pohloh kahs fuhkah sroal inge fahkwack uh. Ke kuht sislah pacl lasr ke ma sahyacn ma Leum El ke, oacna sie fuhkah nuhke mongo a tiac kihpi? Kom kuh in tuhkweni sramsramkihn lah kom ac srwelah fuhkah pacl lom nuhke ma yohk srihpac nuh sin Leum.
Kom kuh pac in riti fuhs 8 nuh sin tuhlihk an ac fahk elos in oruh in na muh elos “fanyak nuh fihnohl ah,” “use etong,” ac “muhsaheack lohm [sin Leum].” Tuhlihk an kuh in suhmuhslah kuhtuh ma elos muhta oruh ke lwen nuhkwewa, wi pac ma Leum el siyuhk elos in oruh. Siyuhk tuhlihk an in “motko ke orekma [lalos]” ke elos oelah ma Leum el ac fahk muh pa yohk srihpac emet ke ma elos suhmuhslah ah.

Lutlut-in lohm sesr Prestuhn Russell M. Nelson el luti lah lohm sesr uh enenuh in pa “iwen lutlut ke wosasuc muhtwacwacack we” (“Becoming Exemplary Latter-day Saints,” Liahona, Nov. 2018, 113). Ke sucu lom lutlut ke kahs in kahsruh lal Haggai in “motko ke orekma lom,” kom kuh in sruhmuhn lah kom ac fihliyac fuhkah God met ke moul in sucu lom an.

Zechariah 3:1–7

Oraclah ac liyacacng wuhlweacng kuh in kahsreyuc in oacna Pahpah Inkusrao ac Jisus Kraist.

Ke sie aruhruhma, Zechariah el liye sie mwet tol “suc nukum nuknuk na fohkfohk” (Zechariah 3:3). Lipufacn se sang nuknuk nwacsnwacs nuh sel. Kom kuh in kahsruh tuhlihk an in lotwelah ke mwe luti pwacye ke kowos tuhkweni riti Zechariah 3:1–7 ac sruhmuhn lah meac nuknuk fohkfohk ac nuknuk nwacsnwacs luhmweyuck nuhkac. Kuht ac nwacsnwacslah fuhkah liki ma koluk lasr, finne tukun kuht pacptaislac tari? Wuhlweacng ke pacptais lasr kahsrwekuht fuhkah in “fahsr ke inkacnek luhn [Leum]”?
Kom ac tuhlihk an kuh in liye sie petsac ke pacptais, oacna ma se ke ma tahklac inge. Efuh kuht nukum nuknuk fasrfasr ke pacptais lasr? Kom kuh pac in yuck soko on ke pacptais, oacna “When I Am Baptized” (Puk In On luhn Tuhlihk Srihsrihk, 103); meac on soko inge luti kac lah efuh Leum El ke kuht in pacptaislac?

pahpah se pacptaisi tuhlihk muhtwacn se nahtuhl ke infacl soko

Zechariah 9:9–11; 11:12; 13:6–7

Jisus Kraist pa Messiah se El olwelah kac.

Sahp tuhlihk an ac luhngse petsacelah ma sikyak palyeiyuck ke Zechariah 9:9, ke pacl se ma Jisus el tuhkuh nuh fin acn Jerusalem ke wik sahflah ke moul in ikwoac Lal. In kahsruh ma se inge, sang elos in liye sie petsac ke ma sikyak sac, oacna ke ma tahklac inge. Kom kuh pac in sruhmuhn nuh selos “The Savior Goes to Jerusalem” (ke Sramsram ke Wuhlweacng Mahtuh, 110–12). Tuhlihk an kuh in srihsrngi mwet ke petsac an ma elos liye muh “enganwack na upac.” Suc Tohkohsrah se ke Zechariah 9:9? Efuh kuht kuloh Kacl?

1:35
Chapter 44: The Savior Goes to Jerusalem
Nuhnkuh in kahsruh tuhlihk an in kapsruh kahs in palye sel Zechariah nuhke fuhs ke Wuhlweacng Sasuc ma ahkuhtweyac ke ahkpwacyeiyuck kac. Pa inge kuhtuh mwe srihkasrak: Zechariah 9:9 and Mattew 21:5–9; Zechariah 9:11 and 1 Peter 3:18–19; Zechariah 11:12 and Mattew 26:14–16; Zechariah 13:7 ac Mattew 26:31. Meac kuht lotwelah ke Mwet Lahngo ke fuhs inge?

Nuhke kuhtuh pac liye ma nuhke mahlwem inge ke Friend mackuhsin an.

Akucl ke tempuhl puhkantwen riti ohinge “Muhtahl nuh sin Leum” ac “Lohm sin Leum” ke kain in kahs puhkantwen — “Muhtahl nuh sin Leum” sihmlac oan ke tempuhl nuhkwewa.

Sra puk in mukuikui luhn U luhn Tuhlihk Srihsrihk: Jisus Kraist el kuh in ahknwacsnwacsyelah nguhnihk — “Muhtahl nuh sin Leum” sihmlac oan ke tempuhl nuhkwewa.