Amota; Obaria; Iona

N Amota 3:3-6, te burabeti ae Amota e kaotii katooto aika ti kona n karekei man kanikinaa ake ti ongo ke n norii: ngkana e bekorara te raian, e a reke konana; ngkana e mwane te manikiba n te bwai ni kamwamwane, iai te abea inanona. N kibu 7–8e kabongana te reirei aei nakoia burabeti Amota. Tera te moti n iango ti kona n karekea ngkana e taetae n burabeti te burabeti? Tera riki ae ko reiakinna n taekaia burabeti ngkai ko wareka Amota 7:10–15?

Tera ae tia ni kaotia te Uea nakoim rinanoia Ana burabeti?

E taku Unimwaane Ulisses Soares, karekeaia burabeti bon kanikinaean ana tangira te Atua”(“A Taetae Burabeti ni Mwaakan te Tamnei ae Raoiroi,” Riaona, Meei 2018, 99). Iangoia bwa kona kanga ni kabwanina te kibuntaeka aio: “I ataia bwa e tangirai te Atua, bukina bwa e kanakoia ana burabeti aika… ” Aikai tabeia koroboki aika tabu aika kona n ibuobuoki: Te Tua Kaua 18:18; Etekiera 3:16–17; Ebeto 4:11–14; 1 Nibwaai 22:2; Reirei Ao Berita Aika a Tabu 21:4–6; 84:36–38; 107:91–92.

Tera ae ko kona n taekinna n nakon temanna ae namakinna bwa aikoa kainanoa te burabeti n boong aikai?

Tarai naba Atuun Reirei ao Titiraki, “Burabeti” Gospel Library.

Ni kaineti ma Amota 4:6–13, tera are e kantaningaia te Uea bwa e na riki imwiin rinanoan bwaai aikai irouia kain Iteraera? (taraa naba Ereman 12:3). Ngkai kataakim e kona n ae e aki nako mairoun te Atua, iangoia bwa e na kanga n anganiko am tai n Okiria?

Ngkai ko wareka Amota 5:4, 14-15, iangoia bwa e kanga te Uea n tia n akoakoiko. E kanga ukorana n uota te maiu nakoim?

Ngkai ko wareka Amota 8:11–12, iangoia bwa e kanga te rongo n riki bwa te katooto ae tamaroa nakon te maiu n akean ana taeka te Atua (taraa naba Ioane 6:26–35; 2 Nibwaai 9:50–51; 32:3; Enoti 1:4–8). Ko na kanga n ataia ngkana ea baki tamneim?

Kiibu aikai a kona n kamwakuraki nakon Kitanakin te Koaua ae Korakora (taraa Atuun Reirei ao Titiraki, “Kitanakin te Koaua,” Gospel Library). E kanga te “rongo” n te tamnei n rotiia natin te Atua? E kanga ni buokiko Kaokan te Euangkerio n katoka bakin tamnei?

Taraa naba “The Great Apostasy” (video), Gospel Library.

16:36

N okirikaaki nako Obaria 1:21, Beretitenti Gordon B. Hinckley e kabwarabwara bwa ti kona n riki bwa taan kamaiu i aon Maungan Tion ngkana ti karaoi otenati ibukiia mate n te tembora (taraa “Taeka ni Kainiin,” Riaona, Nobembwa 2004, 105). E kanga karaoan te mwakuri aio n titebo—e ngae ngkana n ti te anga ae uarereke—nakon are e karaoia te Tia Kamaiu ibukira? E kanga karaoan te mwakuri aio n buokiko n kaaniko nakon te Tia Kamaiu?

Taraa naba “Holy Temples on Mount Zion,” Anene n Taromauri, nambwa. 289.

Ninewe bon ana kairiribai Iteraera are e rang ataaki ibukin ana kakiriwe ao iowawana. Iroun Iona, e taraia bwa a bon aki kona kain Ninewe n tauraoi ni butimwaea ana taeka te Atua ao n rairi nanoia. E kona n ibuobuoki kabotauan anuan Iona (taraa Iona 1; 3–4) ma ana namakin Aramwa ao natin Moatiaea (taraa Motiaea 28:1–5; Aramwa 17:23–25). Tera ae ko reiakinna man Iona 3 are e kaungako bwa kona tibwaa te euangkerio riki ma naake a taraa n tuai n tauraoi ni bitaki?

Ngkai ko wareka Iona, taratarai katooto n ana atataiaomata te Uea. Bukin tera iroum kai Iona e “ribaia” ao “e un” (Iona 4:1) ngke e kabwabwaka ana nanoanga te Uea nakoia aomata ake i Ninewe? Tera ae ko namakinna bwa te Uea e kataia ni buoka Iona bwa e na matata inanon mwakoro 4? Iangoia bwa ko kanga n tia n karekea Ana nanoanga anne inanon maium. Tera ae ko reiakinna are e kona ni buokiko bwa kona atataiaomata riki nakoia tabeman?

• Ni buokaia ataei n mataata n Amota 3:7, ko kona n wirikiriki nakon temanna ibuakoia te rongorongo ae uarereke ao tuangiia bwa ana tibwauia nakona ataei ake tabeman. E na kanga te tia uarongorongo n te waaki aio n riki bwa ai aron te burabeti? Bukin tera te Uea e anganiira burabeti?

• Ibukin reiakinan ae bati riki iaon tabeia burabeti, kam kona n rinanon rongorongo mairouia Beretitenti n te Ekaretia n taai aikai. Kam kona naba n ikotaki n anenea te anene ibukin te burabeti, n aron “Follow the Prophet” (Aia Boki n Anene Ataei,, 110–11). Tibwaia i marenami bwa bukin tera kam rineia bwa kam na iriira ana burabeti te Atua.

• Kaoiia ataei bwa aongkoa ana baka ni baki ngkana ko Amota 8:11–12. Tera namakinan ae ngkana ko baki nakon ana taeka te Atua? A kona naba natim n riki bwa aongkoa a amwarake ngkana ko tibwauaia nakoia n tatabemaniia tabeua am kibu aika mamaten nanom.

• Ko kona n kabonganaa te Kairi nakon Koroboki aika Tabu, “Kitanakin te Koaua” (Gospel Library), ke “Imwiin te Nu Tetemanti” (n te Karaki man te Nu Tetemanti, 167-70) n buokiia am ataei bwa ana ataa nanon te “rongo” are roko man Kitanakin te Koaua ae Korakora ao aron tokina n Kaokan te Euangkerio. Tibwauaia n tatabemanii ngkami nako bwaai aika ko kakaitau iai ngkai te Uea e Kaoka ana Euangkerio n ara bong.

  

  2:52

• Ibukin buokaia am atai n reiakina karakinan Iona, kam kona n rinanon “Iona te Burabeti” n Karaki man te O Tetemanti; tara naba te iteraniba n waaki ni kakukurei ibukin te wiiki aei). Ko kona n tabeki titiraki n aron:

  • Tera ae riki ngke e aki ongeaaba Iona iroun te Uea? (tara Iona 1:4–17).

  • Tera ae riki ngke e raira nanona Iona? (tara Iona 1:10–12; 2:1–4, 9; 3:1–4).

  • Tera ae riki ngke e ongeaaba? (tara Iona 3:5).

  

  2:30

• Am ataei a na bon kukurei ni manga karakina karakinan Iona ke ni katea kaina. Tibwa te bwai ae koa tia n rinanona ngke te Tia Kamaiu e buokiko bwa ko na korakora ni kona ni karaoi bwaai aika a matoatoa. E kanga n buokiko ngke ko ongeaba Nakoina?

• Tao a na tangiria am ataei ae aongkoa a marooro ma Iona iaon te bwai ae rinanona. Tera aia titiraki aika ana titirakinna? Kaungaia bwa a na titiraki n kakaea bwa tera ae reiakinna Iona ibukin te Uea. Tera ae e na kona n taekinna Iona, te katooto, ibukin ana nanoanga te Uea? (tara, te katooto, Iona 2:7–10; 3:10; 4:2).

• Buokiia ataei n iangoi katooto ngke te Tia Kamaiu e kaota te nanoanga nakoia tabeman, n aron Mareko 2:3–12; Ruka 23:33–34; ao Ioane 8:1–11. Ngkoe ao am ataei kam kona ni kakaei tamnein katooto aikai. Tera tibwanga aika ti kona n kaota te nanoanga nakoia aomata?