Otea 1–6; 10–14; Ioera

Kainnaban Otea, Komera, e aki kakaonimaki nakoina, ao te Atua e kaineta te tai ae riki ae kananokawaki aei bwa e na reireiniia kaain Iteraera aron Ana namakin ibukiia ao aia berita ae tabu ma Ngaia. Ngkai ko wareka Otea 1–3, iangoia raoi bwa e kanga te Uea n taraa Ana reitaki ma Ana aomata ni berita. N te aro raa ae a titebo karaoan te berita ae tabu ma te Atua ao karaoan te mare? Bukin tera kabwakam n urua te berita ae tabu titebo ma kanga te aki kakaonimaki nakon te kainnaba? (tara Otea 2:5–7, 13). Tera reireiara n Otea 2:14–23 ni kaeti ma aron ana tangira te Uea ao ana nanoanga? Ko na kanga ni kaota nako Ina am tangira ao am kakaonimaki?

N Otea 14, tarai kakabwaia aika a taekinaki n te berita ake e karaoi te Uea nakoia ake a rairaki nako Ina. Tera nanon te kibuntaeka ae “tangiria ni bon kan tangiria” iroum? (kibu 4). Tera ae e reirei kabotau aika aroka i nanon kibus 5–8 ae reireiniko n taekan ana kakabwaia te Uea, n raonaki ma te kakabwaia n te rairannano? Ni mwakoron am kamatebwai, iangoia n anene ke ni kakauongo nakon te kuna n taromauri iaon ana nanoanga te Tia Kamaiu, n aron “Come unto Jesus” (Hymns, no. 117).

Aomata n ana bong Otea a angakarea irouia man, ma a urui tua aika a kakaawaki riki. N am iango tera ae nanonaki ngkai te Uea “e tangira te nanoanga, ao tiaki te anga karea; ao e tangira riki atakin te Atua nakon karea ni kabuokaki”? (Otea 6:6). N am iango ao tera ae nanonaki n te etieti ae kanga ai aron te nang ke te aoi? (taraa Otea 6:4). Kanga aekakira aron raoiroira? (taraa Itaia 48:18; 1 Nibwaai 2:9–10).

Ko kona naba ni wareka Mataio 9:10–13; 12:1–8 n taraia bwa e kanga te Tia Kamaiu ni kabongana Otea 6:6 inanon tain Ana mwakuri. A kanga kibu aikai ni buokiko ni mataata n ana taeka Otea?

Ni warekan Ioera 2:12–13; e na buoka aron ataakina bwa raeuakan ke n raeuaka kunnikain temanna n te katei bon kanikinaean te tanginiwenei ke te raraoma. Tera kaokoron te nano ae uruaki ma ara kaamenti ae raeuakaki?

Tera kabotauan ara bong ma ana bong Ioera ake e a kaman noori? (taraa riki Ioera 2:1–2, 11, 18–32). Tera ae kakukureiko iaon taekan kakabwaia ake e berita iai te Uea inanon kibu 18–32? Bukin tera kakabwaia aikai a rang kakawaki riki ni bong aikai?

E na bae ni kakaongora warekan bwaai ake e taekin Moronaai ibukin Ioera 2 ngke e kawara Iotebwa Timiti n 1823 (taraa Rongorongon—Iotebwa Timiti 1:41). Ko na kanga n namakinna n taetae ni burabeti ake inanon Ioera 2:28–32 a tia ni kakoroaki bukiia n ara bong? (taraa naba Makuri 2:1–21). N am iango ao tera ae nanonaki n ae na “nurakina [Tamneina] i aoia aomata” te uea? (Ioera 2:28).

Kona bae n iangoi ana taeka Beretitenti Russell M. Nelson: “inanon boong aika imwaira, e na bon aki kona ni kamaiuaki te tamnei n akean te kairi, te kaetieti, ao ana kairoro ni karaunano te Tamnei ae Raoiroi.” (“Te Kaotioti ibukin te Ekaretia, Te Kaotioti ibukin Maiura,” Riaona, Meei 2018, 96). Bukin tera e rangi ni kakaawaki te kaotioti ibukin kamaiuan tamneira?

Tera ae kona karaoia ngkana ko aki kona ni karekea? Aikai tabeua katoto aika a kona n ibuobuoki. Tera ae a karaoia aomata n koroboki aika a tabu bwa a na karekea kaonakiia n Tamnein te Uea?

• Motiaea 4:1–3, 19–20; 18:7–11

• Ereman 6:34–36

• Reirei ao Berita aika Tabu 19:37–41

Ngkai ko wareki ana taeka Unimwaane David A. Bednar, iangoia bwa tera am namakin ngkai ko a karekea te Tamnei ae Raoiroi inanon maium ni katoa bong:

“Bon ngaira ae ti taraia bwa e matoatoa aron karekean te kaotioti i bon iroura. E kananonaki bwa ngkana ti kawakin ara berita aika tabu, e na teimatoa n riki te Tamnei ae Raoiroi bwa raoraora n tainako. Ti taekinna bwa ongoraeakinan bwanaan te Uea rinanon Tamneina bon bwai ae karako n riki .… E riai te [Te Tamnei] ni memena iroura n tainako. Tao ti na aki kona ni karekea tamneina ni katoa teekan, ma ngkana e karaoa ana kabanea n tamaroa teuanne ke neienne—e aki kainnanoa te kororaoi—ngkana ngkoe ma ngai ti karaoa ara kabanea n tamaroa ao ti aki urui tuua aika rawawata, ngkana ti kona n onimakina te Tamnei ae Raoiroi bwa e na kairiira. …

“… Ti tara ni kakoaua bwa te Tamnei ae Raoiroi e karina ao e bubura, ngke e rau ao e uarereke ao e rikirake inanon te tai” (“Unimwaane David A. Bednar Discussion” [evening with a General Authority, Feb. 7, 2020], broadcasts.ChurchofJesusChrist.org).

Taraa naba Gary E. Stevenson, “Ana Wirikiriki te Tamnei,” Riaona, Nov. 2023, 42–45; “Enemy Territory” (video), Gospel Library.

3:38

• N ana boki Otea, e kabotaua Ana berita aika tabu te Uea ma Ana aomata ma te mare. N reiakinaki man te kabotau aei, ngkoe ma am ataei kam kona n tarai tamneia taan mare aine ao mwaane ao n taekina aron Tamara are i Karawa n tangiriia buumwaane ao buuaine bwa a na nabeia imarenaia. Buokiia am ataei ni kunea te taeka inanon Otea 2:19–20 are kabwarabwara aron ana namakin te Uea ibukira. Ti na kanga ni kaotia nakon te Uea bwa ti Tangiria ao ti na kakaonimaki nako Ina?

• Otea 10:12 ni kaineti ma kateboan koraa, taian te ua, te tai, ao te karau ni kaoira n ukoukora te Uea. Ngkana ko wareka te kibu aei, tera iango aika tamaroa aika roko n am iango ae na kona ni kaunga te ataei bwa e na Ukoukoria? Te katoto, tao am ataei a kona ni korea tamnein te tai ao a korei kawai ake a kona iai n ukoukora te Uea n taai aika a kakaokoro inanon te ngaina. Te kuna n aron “Anytime, Anywhere” (Gospel Library) e kona n ibuobuoki n reireiniko bwa iai n tainako te tai ae tamaroa n ukoukora te Uea.

• Ke am ataei a kona n karaoi kaina aika beebete ake a iri ma kibu, n aron angkoa a kabwebwei kora, kiniki uanikai, ke a tei iaan te karau. Buokiia ataei ni kabotaua unikakin te kora ao kinikakin amwarake aika raraoi nakoia aika maiuakina te etieti ao a karekei a na kakabwaia te Uea. Ngkanne ko kona ni karaki imarenami n taekan ana kakabwaia te Uea ae e a tia ni bwaka ni karau nako aom ngke ko kataia n Ukoukoria.

• Ni katuruturuan te koaua n Otea 13:4 bwa bon akea riki te Tia Kamaiu ma ti Iesu Kristo, ko kona ni kaotia nakoia ataei tamneia aomata tabeman, n raonaki ma Iesu. Am ataei a kona n ikaruoruo ni koteia aomata ake iai irouia te mwaaka ni kamaiuira man te bure ao te mate. Tibwa am koaua iaon Iesu Kristo ao Ana Mwakuri ni Kamaiu.

• Am ataei a kona n tarai taeka n Otea 13:4, 14 ake a kabwarabwara Iesu Kristo. Tera ae reireiniira taeka aikai Ibukina? Iangoia ni buokiia am ataei ni kabongana te Guide to the Scriptures ni kakaei koroboki aika a tabu tabeua ake a reirei taekan Iesu are bon ara Tia Kamaiu ao te tia Kabooi Maiura. Tibwaia i marenami aron ami namakin ibukin Iesu Kristo.

• Tao ko kona ni buokiia am ataei n ata Ioera 2:28–29 n anganiia bwa a kabwaroa te ran ao imwiina a kabotaua ma te timtim ao te raanga. Tera ae nanonaki n “nurakina” te tameni nako aora?

• Ngkai ko wareka Ioera 2:28–29 n ikotaki, kona bae ni kaoia am ataei bwa ana karini araia n te tabo ke n te kibu “natim mwaane” ao “natim aine.” Ngkanne buokiia bwa ana kakae n koroboki aika a tabu n aron Ioane 14:16; Moronaai 10:5; Reirei ao Berita aika Tabu 42:17 ni kunea bwa a na kanga ni buokaki iroun te Tamnei.