Etekiera 1–3; 33–34; 36–37; 47

N Etekiera 3 ao 34, te Uea e araniia taan kairiia Ana botanaomata bwa taan tararua ao kawakin tiibu. Ngkai ko wareware, iangoia bwa tera ae nanonaki iroum n te bwai are e nanoaki n riki bwa te tia kairiiri.

Antai “tiibu” ae e tangiria te Uea bwa kona kamwarakeia? Tera ae ko kunea n Etekiera 34 are e na kona ni buoka temanna bwa e na beku n te mition, kariki, ke ni kakoroa nanon tabena? Kona kanga n ira ana banna ni katooto te Tia Kamaiu are e katei ngke e riki bwa ara Tia Kawakin Tiibu? (taraa kibu 11–31).

Ko kona naba ni iangoa raoi te kanikinaa are reke n te mwakoro aio. Te katooto, tera ae e tei ibukin “uteuten te tawana ae raoiroi” ao “te ne ni wene ae raoiroi” n te kibu 14? Tera te kaokoro i marenan te tiibu ae “bua” ao temanna are e “kakioaki nako”? (kibu 16). Tera tabeua kanikina aika ko noori?

Taraa naba Ioane 21:15–17; Gerrit W.Gong, “Ministering,” Riaona,, Meei 2023, 16–19.

“Ao ngkana … a boni mena ara bure i aora, ” a titiraki kain Iteraera ake a taenikai, “tina iranna ni maiu iai?” (Etekiera 33:10). Ni kaekaana, e reireiniia te Uea kakaawakin koaua ibukin te rairannano ao te kabwarabure. Titiraki aikai a kona ni buokiko n iangoia raoi bwa tera ae E reireia:

• Tera n am iango ae nanonaki n “onimakina oin [am] raoiroi”? (taraa Etekiera 33:12–13).

• Tera ae kona taekinna nakon temanna ae e namakinna bwa te aomata are e kabwarabwaraaki n Etekiera 33:12–19 bwa e aki karaoaki ae raoiroi nakoia? (taraa naba Mataio 21:28–31; Ruka 18:9–14).

• Tera kibuntaeka aika ko kunei inanon kiibu aikai ake e buokiko bwa kona matata n te bwai are e nanonaki n te rairannano? Tera iango aika a raka ake ko kunei n Etekiera 36:26–27 ao Aramwa 7:14–16?

Ikotakiia kain Iteraera e kaotaki n Etekiera 37 rinanon kanikina aika uoua. Ngkai ko wareka taekan te moan—riia aika a mate bwa a manga maiu (tarai kiibu 1–14)—iangoa te bwai are ko reiakinna n ikotakiia Iteraera n iteran te rabuna aika uoua (taraa naba Etekiera 36:24–30). Iangoi titiraki n aron aikai:

• Tera ae e kataia ni karekea te Uea man ikotakiia kain Iteraera?

• E kanga ni kakoroa nanoa?

Katikui iango akanne iroum ngkai ko wareka taekan te kauoua ni kanikinaa, n kiibu 15–28. Te kauoua ni kanikina a reke ni kaai aika uoua, are a taku taan rabakau aika a mwaiti bwa kaai aika a na korobokiaki ake a nim man te intiti. Ana kai Iuta e kona n tei ibukin te Baibara (ngkai angiin te Baibara a koreaki irouia kanoan Iuta), ao ana kai Iotebwa e kona n tei ibukin ana Boki Moomon (ngkai ana utu Riaai bon ana kariki Iotebwa are mai Aikubita). N anne n am iango, tera ae e reireiniko taekan taben te Baibara n ikotakiia kain Ieteraera?

Iangoa aron te Baibara ma Ana Boki Moomon n ikarekebai n mwakuri inanon maium—moaraara riki, n buokam ni kaniia Kristo. Tera te kibu man koroboki aika a tabu are e rangi n nano riki iroum?

Taraa naba 2 Nibwaai 3:11–13; 29:14; “Israel, Israel, God Is Calling,” Anene n Taromauri, nambwa. 7; Atuun Reirei ao Titiraki, “Baibara,” “Boki Moomon,” Gospel Library; “The Book of Mormon Gathers Scattered Israel” (video), Gospel Library.

1:31

Ngkai ko wareka Etekiera 47:1–12, e na ibuobuoki ataakina bwa Taari ae Mate e rangi n taorokoko are ika ao aroka aki maeu iai. Tera ae kakukureia nanom ibukin te ran are kabwarabwaraaki inanon kiibu 1–12? (taraa naba Kaotioti 22:1). Tera ae tao e tei ibukin te ran? Tera te kai are e kabwarabwaraaki n te kibu 12 ae e tei ibukina?

Tera n ana rongorongo Unimwaane Dale G. Renlund “Rongorongon te Utu ao te Mwakurin te Tembora: Kabaebae ao Kamarurung” ae raona riki mataatam iai? (taraa Riaona, Meei 2018, 47–48). Iangoia raoi e kanga arom n karekea te maiu n tamnei ao te kamarurung man te tembora.

• Am ataei ake a uarereke riki a kona n unga n katei kaai aika nako ma Etekiera 3:17. Te katooto, a kona ni kotei mataia, taningaia, ao wiia ngkana ko wareki taeka aika “uatiman”, “ongo”, ao “wii.” A kona naba n unga n nako n rianna—i tinaniku ke inanon te ruu. Ngkana a nakonako, kauringiia taekan ae aongkoa kangaanga ni kawain te buakonikai, n ai aron karanga ni kiba iaoia, mwaanga n riaaia, ke maan ni katuaia (ni kakoaua ke ni kakekewe). Aio e kona ni kairii ngkami nakon maroroakinana bwa a kanga burabeti ni kauringiira taekan kangaanga aika ti aki kona n noori.

• Aio te anga teuana ni kona n katamneia Etekiera 3:17; 33:1–5. Temanna am ataei e kona n riki bwa “te uaatiman” n tarataranako man te winto ao n tuangiia nikiraia te koraki te bwai are e riki i tinaniku. Kam kona ni mataku n te witeo are “Watchman on the Tower” (ChurchofJesusChrist.org). E kanga n riki ara burabeti ae maiu bwa ai aron te tia tantani ibukira?

  

  4:17

• Imwiin warekan Etekiera 37:15–23 n ikotaki, ngkoe ma am ataei kam kona n kakaei uoua kaai ao n korea iaon teuana Ibukin Iuta (Baibara) ao are n teuana Ibukin Iotebwa (Boki Moomon). Kam kona ngkanne n tibwai karaki ke koroboki aika tabu man te Baibara ao Ana Boki Moomon are e buokii ngkami n namakinna bwa kam kaan riki nakon te Tia Kamaiu ao n riki bwa “[Ana] aomata” (kibu 23). Bukin tera e raoiroi karekean koroboki aika tabu aikai ni kauoua?

• Ezekiel 47 e kabwarabwara miin Etekiera n te ran are e raanga man te tembora ao ni kamaiua Tari ae Mate—taari are e rang taoro n te aro are ika ao aroka aki kona ni maiu inanona. Tao am ataei a kona ni korea tamnein bwaai man te mii ni burabeti, n aron te tembora, karaanga, rereua, Tari ae Mate, ika ae uanao, ke te aroka ae uaa. Ngkana kam wareka kiibu 1-12 n ikotaki, a kona n tibwauaa aia korotamnei ake a korei ngke e taekinaki te bwai. Baikara kakabwaia aika a roko man te karanga n te mii ni burabeti aio? Buokiia ataei bwa a na taraia bwa kakabwaia aikai ti te arona ma kakabwaia mairoun te Tia Kamaiu are a anga nakoia naake a kawakin aia berita ae tabu n te tembora. Te witeo “And the River Will Grow” (Gospel Library) e kona n ibuobuoki.

  

  3:43

• Bootaki anenea te kuna are e kabwarabwarai kakabwaia man te tembora, n aron “Families Can Be Together Forever” (Aia Boki n Anene Ataei,, 188). Tera ae e reireiniira te anene aio bwa e kanga te Uea ni kakabwaiara inanon Ana auti ae tabu?