Taniera 1–7

N teina, ti bane ni maeka i Baburon. N angiin te tai ao ti kaitara ma taian kairiiri ma ni kakeaa bongan ara kainibaire ao n tannako man ara onimaki iroun Kristo. Ngkai ko wareka Taniera 1, 3, ao 6, atai kawai ake a kairoroaki iai Taniera, Metiaka, ao Abeteneko. A kanga ni kaeka nakon kangaanga aikai? (taraa Taniera 1:10–13; 3:15–18; 6:10). Tera bwaai aika a riki man mwiin aia onimaki? Tera ae ko reiakinna man taian taneiai aikai ake a na kona ni buokiko n onimakina te Uea ngkana ko kaitarai kataaki? Iangoi naba titiraki aikai:

• Nningai are ko a tia n namakina te karawawataaki ni karaoa te bwai ae ko ataia bwa e kairua? E kanga ni kakabwaiako te Uea ngkai ko kawakin Ana tua?

• Ma tera ngkana arona bwa am onimaki e aki karekea te kakai are ko ukoukoria? (taraa, ibukin te katooto, Aramwa 14:8–13). Ni kaineti ma are ko warekia n Taniera 3:13–18, e kanga n am iango Tiateraka, Metiaka, ao Abeteneko ni kaeka te titiraki aei? E kanga aia katooto n roota arom ni kaitaraan kataakim?

• E kanga am rinerine aika raraoi ni kairiia tabeman ni kakorakora aia onimaki iroun te Uea? (taraa Taniera 2:47; 3:28–29). Iangoi aro ake a rootaki iai tabeman man am rinerine.

Taraa naba Dieter F. Uchtdorf, “Be Not Afraid, Only Believe,” Riaona, Nob. 2015, 76–79.

Rinanon te mii, Taniera e nooria bwa miin Nebukaneta e taekin taai aika a na roko n abanuea iaon te aba, ao e taekina naba abanuean te Atua, “ae na bon aki uruakaki” (Taniera 2:44). “Te Ekaretia bon te abanuea are e taetae ni burabetiiaki ni boong aika kaitira,” Unimwaane D.Todd Christofferson e reirei, “e aki karaoaki ni bain te aomata ma e kateaki iroun Atuan karawa ao n rabino n ai aron te atiibu ae ‘koreaki man te maunga n akea baai” (“Why the Church,” Riaona, Nobembwa 2015, 111). Iangoa abanuean te Atua ni boong aika kaitira ngkai ko wareka kabwarabwaraan te atibu n Taniera 2:34–35, 44–45. Tera tabem ae ko na ibuobuoki ni karaoia bwa e aonga ni koro bukin te taetae ni burabeti aei?

Taraa naba “Hark, All Ye Nations!,” Anene n Taromauri, nambwa 264; “God Gave Them Knowledge” (video), ChurchofJesusChrist.org.

13:49

Ngkai ko rinanoa Taniera 2:1–15, iangoia bwa e na kanga aron am namakin ngkana ko a kuneko bwa ko mena n te bwai are e mena inanona Taniera. Tera ae e tia ni karaoia Taniera? (taraa Taniera 2:16–18). Tera ae ko kona n reiakinna man Taniera 1:17 iaon bwa e kanga te Atua ni katauraoa Taniera? Tera ae ko reiakinna man ana taeka ao ana mwakuri Taniera imwin karekean ana ibuobuoki te Uea? (taraa Taniera 2:19–30).

N ana tai ni mwakuri te Tia Kamaiu iaon te aba, a taku angiina Iutaia bwa te nakoa ae “Natin te Aomata” man Taniera 7:13 e kaeineti nakon te Meetia ae nang roko. Tera ae ko reiakinna ibukin te Meetia man Taniera 7:13–14? (taraa naba Mote 6:57).

N taainako ao te Tia Kamaiu e bon atongnga bwa “natin te aomata.” Iangoia rinanoi tabeua katooto: Mataio 25:31; Mareko 9:31; 10:45. Tera ae anga reirei i bon Ibukina inanon kiibu aikai? Ni Mareko 14:61–64, Iesu e kabongana te nakoa aei ni kabanean Ana bong n te maiu ae mamate. Tarai aia mwakuri aomata ake a ongo Ana kabwarabwara. E kanga ana taetae ni burabeti Taniera ibukin Natin te Aomata n roota am namakina ibukin te bwai are e riki Nakoina inanon Mareko 15?

Tii ibukin ribaakin Iesu ngkai e kaotia bwa Ngaia “Natin te aomata,” ko na kona naba ni kaitara ma te bwainikirinaki ibukin taekinan te koaua. Kabotaua te taetae ni burabeti n Taniera 7:13–14 ma taian berita n Reirei ao Berita aika Tabu 121:29, 46.

Taraa naba Reirei ao Berita aika Tabu 49:6; Guide to the Scriptures, “Son of Man,” Gospel Library.

• Ni buokiia am ataei n reiakinaki man karaki n ana kairi te tamnei n ana boki Taniera, ko kona ni kunei tamnei n taai akana a riki n Taniera 1, 3, ao 6 (taraa te iteraniba n te waaki ni kakukurei ke te Gospel Art Book, nambwa 23, 25, 26). Ngkanne ko kona ni kabarakii tamnei ao kaoa te ataei bwa e na katararakea teuana ao maroroakinna tera are e tei ibukin te karaki. (Ibukin te ibuobuoki, taraa “Taniera ao RaoraonaTiateraka, Metiaka, ao Abetenoko,” ao “Taniera ao Neia Raian” n Karaki man Te O Tetemanti, 154–56, 160–62, 163–65.)

  

  1:39

  

  1:39

  

  1:45

• Buokiia am ataei n iangoi kangaanga ae rawawata nanoia ni karaoa te rinerine ae kairua, n aron Taniera ao raoraona n Taniera 1, 3, and 6. Tibwatibwa imarenami bwa kam kanga n tia ni kakabwaiaaki ibukin karaoan te rinerine ae eti e ngae ngke e kangaanga. Kam kona ni bane n anenea te kuna are irekereke ma atuun te marooro aei, n aron ma atuun te anene aei, n aron “Rinea te Eti” (Anene n taromauri,, nambwa 239).

• Ni wareka rongorongon Taniera ao raoraona ngke a rawa ni butimwaea ana amwarake ao ana wain te uea a bae n anga te marooro n ana kairi te tamnei ibukin tuan te marurung are e a tia n anganiira Tamara are i Karawa ni boong aikai (taraa Reirei ao Berita aika Tabu 89). Tao ko kona ni kunei kakabwaia ake a karekei Taniera ma raoraona ao kabotaui ma kakabwai ake a beritanaki n Tuan te Mauri (taraa Taneira 1:15–17 ao Reirei ao Berita aika Tabu 89:18–21).

• Ngkai ko wareka Taniera 2:31–35, 44–45 ma am ataei, ko kona ni kaoiia bwa a na korea tamnein miin Nebukaneta. Buokiia bwa a na mataata bwa te atiibu are ni miin Nebukaneta e tei ibukin Ana Ekaretia Iesu Kristo ibukiia Aika Itiaki ni Boong aika Kaitira. Tera ae ti reiakinna ibukin te Ekaretia man te karaki aei? A kona am ataei n aran tabeua bwaai aika e karaoi Tamara are i Karawa ni katea Ana Ekaretia ni boong aika kaitira. Ngkana a kainnanoa te ibuobuoki, ko kona ni kaoti tamnein bwaai aika riki n tain Kaokan te Ekaretia (taraa Gospel Art Book,, nambwa. 90–95).

• Bukin tera ngkai e rangi ni kakawaki iroun Taniera te tataro nakon Tamara are i Karawa? Tao ko kona ngkoe ma am ataei ni maroroakina taekan te titiraki anne ngkai kam wareka Taniera 6 ni kabane. Ngkanne kam kona ni bon marooro imarenami bukin tera e rangi ni kakawaki te tataro iroumi. A na bae n unga nanoia am ataei ni bon koroi tamneia ngke a tataro n taabo aika a kakaokoro. A kona ni kabongana aia korotamnei n reireiniia i bon imarenaia bwa ti kona n tataro nakon Tamara are i Karawa e aki taraaki bwa ti mena iaa ke tera ae ti kainnanoia.