“Okitobwa 26–Nobembwa 1. ‘N na Onika Nanokawakiia n te Kimwareirei: Ieremia 31-33; 36-39; Baebaeti 1; 3,” Nakomai, Iriirai—Ibukin te Mweenga ao te Taromauri: O Tetemanti 2026 (2026)
“Okitobwa 26–Nobembwa 1. ‘N na Onika Nanokawakiia n te Kimareirei,’” Nakomai, Iriirai: Te O Tetemanti 2026
E tang n Nanoanga Ieremia ibukin Uruan Ierutarem,, iroun Rembrandt van Rijn
Okitobwa 26–Nobembwa 1: “N na Onika Nanokawakiia n te Kimareirei”
Ieremia 31–33; 36–39; Baebaeti 1; 3
Ngke e moan wetea Ieremia te Uea bwa e na riki ni burabeti, E tuangnga bwa ana mition e na “taetaeki ma n ururu” (Ieremia 1:10)—ao i Ierutarem, e mwaiti te buakaka n taetaeki ma n ururu. Ma aio bon tii iteran ana mition Ieremia—e weteaki naba bwa e na “kateitei, ao n ununiki” (Ieremia 1:10). Tera ae kona ni kateaki ao unikaki n te tabo ae uruakaki man kamaroaa are e kitanaki man ana kaakaitara Iteraera? Titiraki n te aro teuana, ngkana te bure ke te kaaitara a uruani aron maiura, ti na kanga ni manga kateia ao n ununiki riki? Te kaeka e katan iaan “te Bwebwe ae Raoiroi” (Ieremia 33:15), te Meetia ae e taekinaki n te berita. Te Meetia e uota “te berita nabangkai” (Ieremia 31:31)—teuana ae kainnanoa ae riaon riki te motinnano ae akea n ai arona ke taraakin am anganano mai itinanikum. Ana tua a riai n “rin i [nanora],”ni koreia “i [nanora].” Anne raoi ae nanonaki ibukin te Uea n “riki bwa [Atuara]” ao ngaira n “riki bwa [Ana] aomata” (Ieremia 31:33). Bon te waaki ni karokoa tokin maium, ao ti na teimatoa ni karaoi kairua ao ni karika ae ti na tang man te tai teuana ma teuana. Ma ngkana ti karaoia, ti karekea te berita aei mairoun te Uea: “N na Onika Nanokawakiia n te Kimareirei” (Ieremia 31:13).
Ibukin rinanoan Baebaeti, taraa “Baebaeti, Ana boki” n te Kairi nakon Koroboki aika Tabu.
Iango ibukin te Kamatebwai n te Mweenga ao n te Taromauri
Ieremia 31; 33
Te Uea ena uota kainaomatakia aomatan Ana berita man te tautoronaki.
N Ieremiah 31; 33 e Uea e ataa te “tang, ma te tanginiwenei” (Ieremia 31:15) are a rinanona Iteraera ngkai a mena inanon te tautoronaki. E ngae n anne, E anga taeka ni karaunano ao te kantaninga. Tataraia ngkana ko wareki mwakoro aikai. Tera berita ae ko kunei ae e kaineti nakoim?
Ieremia 31:31–34; 32:37–42
“Ao ane kam na riki bwa au aomata, ao Ngai N na riki bwa Atuami”
E ngae ngke a tia I-Iteraera n urui aia berita ae tabu ma te Uea, e taetae ni burabeti Ieremia bwa te Uea e na manga katea riki ae “boou” ao “te berita ae tabu ae akea tokina” ma Ana aomata (Ieremia 31:31; 32:40). Tera te berita? Iangoia n karekea kairan am iango man Bwaai ni Kairi nakon Koroboki aika Tabu, “New and Everlasting Covenant,” Gospel Library.
Ngkai ko wareka Ieremia 31:31–34; 32:37–42, iangoia inanom:
-
Tera ae nanonaki iroun n te riki bwa ana aomata inanon te berita ae tabu te Atua.
-
Tera nanon ae ti na karekei Ana tua bwa a na koreaki inanora.
-
Tera ae berita te Uea nakoim ngkana ko karaoi berita aika tabu ma Ngaia.
-
E na kangaa am reitaki inanon te berita ae tabu ma te Uea n ibitiko.
Baikara berita aika ko a tia ni karaoi nakon te Uea ngkai ko waaki inanon karaoan otenati aika tabu? E kanga ni kakoroi nanon berita akanne i nanon maium?
Taraa naba David A. Bednar, “Abide in Me, and I in You; Therefore Walk with Me,” Riaona, Meei 2023, 123–26.
Ieremia 36
Iai mwaakan koroboki aika tabu ni kararoaai man te buakaka.
Ni kaineti ma Ieremia 36:2-3,bukin tera te Uea e tua nakon Ieremia bwa ena tauii mwiin ana taeka ni burabeti? Ngkai ko wareka Ieremia 36, iangoia n ataia bwa a kanga aomata aika imwiina n namakini taetae ni burabeti aikai:
-
Te Uea (taraa kiibu 1–3, 27–31)
-
Ieremia (taraa kiibu 4–7, 32)
-
Baruka (taraa verses 4, 8–10, 14–18)
-
Ieuti ao te uea Ieoiakim (taraa kiibu 20–26)
-
Erenatan, Teraia, ao Kemaria (taraa kibu 25)
Iangoia inanom bwa tera am namakin iaon kiibu aikai. A kanga ni buokiko ni kararoako man te buakaka?
Ieremia 37–39
Kamatoako n iriraia ana burabeti te Atua.
Inanon Itaia 37: 1– 3, 15-21; 38: 1– 6, 14–28, tera te kakoaua ae ko noria bwa te Uea Tetekia e kakoauaa Ieremia bwa bon ana burabeti ni koaua te Uea? Tera te kakoaua ae ko nooria bwa Tetekia e aki kakoaua? Tera ae ko reiakinna man te kabootau aei? Ngkai ko wareka Ieremia 39, iangoa te kaokoro ngke arona bwa Tetekia ma ana botanaomata a ira te buraeti ao ni kawakin ana tua te Uea. (Kabotaua te bwai ae riki nakon Tetekia ma ae riki nakon ana utu Riaai n 1 Nibwaai 1–2.)
Ieremia 38: 6– 13; 39: 15– 18
I kona n riki ninikoria ao ni kamanoa te bwai ae e eti.
A namakinna ana taan mwakuri te uea bwa ana taeka n burabeti Ieremia e kakerikaaka nanoia tautia bwa ana buaka, ngaia are a tewenakoa Ieremia n te oo ni kainikain (taraa Ieremeia 38:1-4). Man Ieremia 38:6–13, tera ae anaaki nanom iai n ana kaeka Ebeta-mereka te Itiobia? Tarai naba kakabwaia ake te Uea e angan Ebeta-mereka n Ieremia 39: 15– 18.
Ko na kanga ni ira ana katooto Ebeta-mereka?
Ana Baebaeti Ieremia
Baebaeti 1; 3
E kona te Uea ni katoka te nanokawaki are I namakinna ibukin te bure.
Ana boki Baebaeti bon taian kario aika a rikoaki ake a koreaki imwiin uruakan Ierutarem ao ana tembora. Bukin tera n am iango bwa e kakawaki ae ana kawakinaki? Iangoia tera taeka ni kabootau ae kananonaaki n Lamentations 1 ao 3 ni buoka otam ibukin namakinan te nanokawaki ae moan te korakora iroun Iteraera. Tera taian rongorongo n te kantaninga inanon Kristo ake ko kunei? (taraa riki Baebaeti 3:20–33; taraa naba Mataio 5:4; Iakobo 4:8–10; Aramwa 36:17–20).
Beretitenti M. Russell Ballard e taekini tabeua waaki ake a na kamaunaa te kaantaninga, ao e reirei bwa e reke ia te kaantaninga:
“Tabeman iroura a noria i nanon maiuia bwa a karawawataaki ma te raraoma, te aki kukurei, ao te rawawata. E bati ae namakina ae tii ngaiia ae a rinanon te mangaongao are e taraa n ekinanko n te aonaba. Tabeman a rawawata irouia kaain te utu ake a uotaki rikaaki n airan te karaanga, e bati iai aroaro aika kataorikaaki ao katei aika a kairua. … E mwaiti ae e a tia ni korea baina ao ni butimwaea te buakaka ao iowawan te aonaba bwa bon e aki kona ni katokaki. A kaki aia kantaninga. …
“…Tabeman iroura e a bua aia kantaninga ibukin te bure ma te kaairua. E kona te aomata n rinnako ni kawain te aonaba n te aro are e a noria bwa akea te kawai n otinako ao akea te bwai ae kariaaki. Au bubuti nakoia ake a tia ni mwane n te kai ni kamwane aei bwa kam na aki bwara n nano! Bwa e ngae ngke a rang kataweaki bwaai ke aroia ae ngkai e a kataweaki, taiaoka kakoauaai, e kona n iai te kaantaninga. N tainako” (“The Joy of Hope Fulfilled,” Ensign,, Nobembwa. 1992, 31–32).
Taraa naba “Come, Ye Disconsolate,” Anene n Taromauri, nambwa. 115.
Buokiia taan reiakinaki ni mwakuria te bwai are a na n reiakinna. Tabetai e na taraa n bebete riki bwa kona reireiniia taan reiakinaki bwa tera ae ana riai na ataia. Ma e ngae n anne, te kawai ae bebete riki bon tiaki n taainako te kawai ae tamaroa. Unimwaane David A. Bednar e reirei: “Ara iango ni kan karaoa te bwai teuana e na aki kangai ‘Tera ae N na tuangiia?’ Ni kaitaraana, te titiraki ae ti na titirakiniira bon ‘Tera ae N na kona ni kaoiia iai bwa a na karaoia? Tera titiraki aika a na kaoa te tamnei ae I kona n titirakiniia bwa, ngkana a tangiria ni kaekaa, e na moana kaoakin te Tamnei ae Raoiroi inanon maiuia?’” (evening with a General Authority, Beberuare. 7, 2020, broadcasts.ChurchofJesusChrist.org; see also Teaching in the Savior’s Way, 25). E mwaiti angaa n buokiia taan reiakinaki n tabeakina oin reiakinaia. Te katooto, n te kabwarabwara ao taan reiakinaki a kaoaki bwa ana ukora, iango inanoia, karinanii bwaai, tarai tamnei, ira buakon te reirei, korotamnei, ao n tibwauai man kammwakurii bwaai ake a reiakinna.
Iango ibukin Reiakinaia Ataei
Ieremia 31:3
Tamara are i Karawa ao Iesu Kristo a tangirai ma “te tangira ae akea tokina.”
-
Ngkana ko wareka Ieremia 31:3 ma am ataei,a kona n buokiko n kakaei bwaai (ke tamnein bwaai) aika a na tiku n maan, n aron te koin, ao bwaai ake aki maan, n aron te uanikai. Kam kona n maroroakina nanon “akea tokina” ao n tibwauaia i marenami bwa kam kanga n tia n namakina ana “tangira ae akea tokina” Tamami are i Karawa.” Kam kona n anenea te anene n aron “God Is Watching Over All” (Aia Boki n Anene Ataei, 229).
Ieremia 31:31–34; 32:38–41
Te Atua e na buokai ni kawakin au berita aika tabu.
-
Am ataei a kona n unga n korea tamnein te aati i aon te moti n bebwa ao n korei inanon te aati bwaai aika a reiakinii man Ieremia 31:31-34 iaon karaoan berita aika tabu ma te Atua. Kam kona n rinanon nab berita aika tabu are a karaoia ngkana a bwabetito (taraa Motiaea 18:10, 13) ao n maroroakinna bwa tera nanon berita ake a korei inanon aia aati.
Ieremia 36:1–4
Koroboki aika a tabu bon ana taeka te Atua.
-
Te iteraniba ibukin te waaki ni kakukurei ibukin te wiiki aei e kona n buokiia am ataei n reiakina taekan Ieremia, Baruka, ao te uea (taraa eremia 36). A kona nab n karioi kain taekan Ieremia 36:4-10, n aron te koroboki n te boki (taraa kibu 4) ao n warekan koroboki aika tabu nakoia aomata (taraa kibu 8, 10).
-
Ngkanne ngkoe ao am ataei kam kona n tara te boki n ataei ao koroboki aika tabu ao maroroakina kaokoroia. Tera ae kariki booki aika tabu bwa a na onoti? E na kona n kaunganano tibwauaan mwakoro man koroboki aika tabu aika a kakaawaki iroumi i marenami.
Ieremia 38:6-13
I kona ni kamanoa ao ni boutokaa te bwai e eti.
-
Ko kona n kabonganaa te tamnei ae n bane te kabwarabwara aio n buokiia am ataei n katamneia karakinan Ebeta-meraka n Ieremia 38:6–13. Tao ko kona ni buokiia n kakaei kiibu are Ebeta-mereka e karaoa te bwai ae ninikoria n buoka ana burabeti te Uea. Tera ae ti kona ni karaoia ni kaotia bwa ti kakoaua bwa ara burabeti n boong aikai e weteaki iroun te Atua?
Baebaeti 1:1–2, 16; 3:22–26
E karaoia ibukiu te Tia Kamaiu bwa a aonga ni kabwaraaki au bure.
-
N uotarakean Baebaeti, ko na tangiria n kabwarabwaraa nakoia ataei bwa bukina ngke aki rairinanoia kain Iteraera, Ierutarem ao te tembora ikekei a uruakaki. Ko konaa naba n tibwauaia nakoia n tatabemaniia nako am namakinngke arona bwa ko maeka n te tai arei (taraa Baebaeti 1:1–2, 16). E na kanga te rongorongo inanon Baebaeti 3:22–26 ni kona n anganiia te kantaninga?
-
Ko kona n tuangiia n tatabemaniia nako taai ake ko nanokawaki n te rinerine ae kairua ae ko karaoia. Tera ae a kunea inanon Baebaeti 3:22–26 are e buokira n ataia bwa e tauraoi te Uea ni kabwarai aia bure?
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.