“November 23–29. ‘Oupwe kutta ewe Samon, me Oupwe Manau’; Amos; Obadiah; Jonah” Feito, Tapweto Mwiri—Ren Imw me Mwichefen: Old Testament 2026 (2026)

“November 23–29. ‘Oupwe kutta ewe Samon, me Oupwe Manau,’” Feito, Tapweto Mwiri: Testamen Noom 2026

Jonah on the Beach at Nineveh, seni Daniel Lewis

November 23– 29: “Oupwe kutta ewe Samon, me Oupwe Manau”

Amos; Obadiah; Jonah

Jonah a nom won efoch sipw a sa ngeni Tarshish. Ese wor ngawan ewe sai ngeni Tarshish, tiwenon chok pwa a towaweno seni Nineveh, ikewe Jonah ita epwe no ie ne atoura an Kot porous. Nupwen ewe sipw a tori eu watten monumon, Jonah a sinei pwe a fis pokiten an anneasonap. Ren an Jonah echimw, chienan kewe sou nesset ra aturanong non anonnonen ewe sat ar repwe akounoi ewe monumon. Usun ina nikinikin nesoponon Jonah me an angangen afanafan. Nge ewe Samon ese mwo fangeta me won Jonah—usun chok I ese fangeta me won ekkewe aramasen Nineveh, won ewe imwen Israel, ika me won emon me neich.

Iwe A soposopono ne tinato soufos—usun Jonah, Amos, Obadiah, me nouch soufos ikenai—ren ekkewe porous pwe ika sipwe aier, sisap koturuno feinfeino. Me nein meinisin ekkewe “monomon” Kot a pwari (nengeni Amos 3:7.), ei eu ina eu mein ekkewe mi kon auchea: ena pokiten Jises Kraist, ese mang ach sipwe siwin. I mi chiwen mochen anisi kich ach sipwe apwonueta ach kewe pwon mi pin sia fori ren I, me I mi mochen an epwe ngeni kich pwan eu fansoun.

Ren pwan ekkoch usun ekkei puk, nengeni “Amos,” “Obadiah,” me “Jonah” non ewe Bible Dictionary.

Ekkoch ekiek ren Kaeo non Imw me non Mwichefen

Amos 3:1–8; 7:10–15

Ewe Samon a pwari ennet seni Noun soufos.

Non Amos 3:3–6, ewe soufos Amos a awora ekkoch awewe usun soponon ach sipwe tongeni angei seni ekkoch esisin sia rong ika kuna: nupwen emon naion a puchor, menin a turufi emon man a tapwei; ika emon machang a tup non eu sar, menin mi wor paa ikewe. Non uwokisin 7–8, Amos a aea ei popun ngeni ekkewe soufos. Met soponon sia tongeni angei nupwen emon soufos a osini? Pwan met kaeo usun soufos seni Amos 7:10–15?

Ewe Samon a fen pwar ngonuk seni Noun soufos?

Elter Ulisses Soares a apasa pwe “an wor soufos eu esisinen an Kot tong” (“Soufos ra Kapas me ren Manamanen ewe Ngun mi Fel,” Liahona, May 2018, 99). Ekieki ifa usun kopwe awesi ei sentence: “Ngang mi sinei Kot mi tongeiei, pokiten I a tinato soufos ekkewe …” Ikkei ekkoch uwokisin ra tongeni anisuk: Deuteronomy 18:18; Ezekiel 3:16–17; Ephesians 4:11–14; 1 Nifai 22:2; Doctrine and Covenants 21:4–6; 84:36–38; 107:91–92.

Met kopwe apasa ngeni emon ewe a mefi pwe ekkewe soufos rese namot ikenai?

Nengeni pwan Itenap me Kapaseis, “Soufos,” Gospel Library.

Amos 4–5

“Oupwe kutta ewe Samon, me Oupwe Manau.”

Anongonong won Amos 4:6–13, met ewe Samon a aneanei pwe epwe fis mwirin ekkewe Chon Israel ra kuna sossot? (nengeni pwan Ilaman 12:3). Nupwen om kewe sossot resap etto seni Kot, ifa usun ra fen ngonuk tufich om kopwe kun ngeni I?

Nupwen ka anneani Amos 5:4, 14–15, ekipwichi ifa usun ewe Samon a fen kirekiroch ngonuk. Ifa usun om kutta I a ngonuk manau?

Amos 8:11–12

Ewe kapasen ewe Samon mi tongeni amenemenochu echiken me kakan pekin ngun.

Nupwen ka anneani Amos 8:11–12, ekieki usun pwata nengita eu anonno fengen mi och ren ach manau me nukun an Kot kapas (nengeni pwan John 6:26–35; 2 Nifai 9:50–51; 32:3; Enos 1:4–8). Ifa ussun ka sinei nupwen ka echik ren pekin ngun?

Ekkei uwokisin ra pwan tongeni nounou ngeni ewe Watten Fansoun Rochopwak (nengeni Itenap me Kapaseis, “Fansoun Rochopwak,” Gospel Library). Ifa usun ena “nengita” non pekin ngun a echungu noun Kot semirit? Ifa usun ewe Niwinseanito a amenemenochu om echik ren pekin ngun?

Nengeni pwan “Ewe Watten Fansoun Rochopwak” (fitio), Gospel Library.

Obadiah 1:21

Ion kewe “chon amanau … won chukun Zion”?

An kapas usun Obadiah 1:21, Preseten Gordon B. Hinckley a awewei pwe sia winiti chon amanau won Chukun Zion nupwen sia angei angangepin fan iten ekkewe mi mano non ewe tempel (nengeni “Closing Remarks,” Liahona, Nov. 2004, 105). Ifa usun ena angang a nonno ngeni—ika non chok ekis napanap—ngeni met ewe Chon Amanau a fori ngeni fan itach? Ifa usun om fori ei angang a anisuk ne mefi om kopwe arap ngeni ewe Chon Amanau?

Nengeni pwan “Holy Temples on Mount Zion,” Kon mi fen, nampa 289.

Jonah 1–4

Ewe Samon mi umoumoch ngeni meinisin me kun ngeni I.

Nineveh eu chon koum ngeni Israel mi itefouno ren me rochongawan me eriaffoun. Ngeni Jonah, usun ese ennet ar repwene mwonnet ne aier. Menin epwe ameseik ne anonno fengeni napanapan Jonah (nengeni Jonah 1; 3–4) ngeni ekkewe memmef an Alma me ekkewe at noum Mosaia (nengeni Mosaia 28:1–5; Alma 17:23–25). Met ka kaeo seni Jonah 3 ewe mi peseok kopwe aporousa ewe kapas allim pwan mwo ngeni aramas ekkewe usun rese nikinikin mwonneta ne siwin?

Nupwen ka anneani Jonah, kutta ekkewe awewen an ewe Samon umoumoch. Pwata ka mefi pwe Jonah “ese pwapwa” me “a fokkun song” (Jonah 4:1) Met ka mefi ewe Samon a sotuni ne aiti me non sopwun 4? Ekipwichi ifa usun ka fen mefi An umoumoch non manauom. Met ka kaeo seni Jonah ewe mi tongeni anisuk om kopwe kon umoumoch?

Ekkoch ekiek ren Osukuna Semirit

Pokiten ei Raninfel ewe enimuwen Raninfel non ewe maram, sensen Primary ra pesepes a repwe aea mwokutukkutun kaeo non“Appendix B: Preparing Children for a Lifetime on God’s Covenant Path.”

Amos 3:7

Soufos ir chon kunon noun Jises Kraist.

Om kopwe anisi noum kewe semirit repwe weweiti Amos 3:7, ka tongeni mongunungunu och mecheresin porous ngeni emon me neir me eisinir ar repwe aporousa ewe porous ngeni ekkewe ekkoch semirit. Ifa usun ewe porous non ei pekin urumot a usun emon soufos? Pwata ewe Samon a ngenikich soufos?
Ami oupwe kaeo pwan ekkoch usun met soufos ra fori, en me noum kewe semirit oua tongeni atona sefan porous minen iei seni ewe Presetenin ewe Mwichefen iei. Ka pwan tongeni konu echo kon usun “Follow the Prophet” (Noun Semirit Puken Kon, 110– 110). Aporousa fengeni pwata ka finata ne tapweno mwirin noun Kot soufos.

Anisi semirit repwe chechemeni non mokurer ekkewe uwokisin. Elter Richard G. Scott a apasa: “Ne chechemeni eu uwokisin non mokurach wewen ach poputani eu minafon chiechifengen. A usun ach keran kuna emon aramas ewe a tongeni aninis non fansoun osupwang, awora ourour me kinamwe, me epwe emon popun mwasangasang non fansoun siwin mi namot” (“The Power of Scripture,” Ensign, Nov. 2011, 6). Om kopwe anisi noum kewe semirit repwe chechemeni non ar ekiek meinisin kinikinin Amos 3:7, ka tongeni makketiw me anniwini fengeni. Mwirin ka tongeni tonano ika pwonueno ekkoch foun kapas fan eu me eu tori an noum kewe semirit ra tongeni eniwini unusen ewe uwokisin seni ar chechemeni.

Amos 8:11–12

Ewe Niwinsefaniton ewe kapas allim a asopwano ewe nengintan fansoun rochopwak.

Tingorei noum kewe semirit repwe etitipen ita ir mi echik nupwen ka anneani Amos 8:11–12. Ifa usun memmefin nupwen sia echik ren an Kot kapas? Menin noum kewe semirit ra tongeni etitipen mwongo nupwen ka aporousa fengeni usun ekkewe uwoskin pukefel oua sani.
Ka tongeni nounou Emwen ngeni ekkewe Pukefel, “Fansoun Rochopwak” (Gospel Library), ika “Mwirin ewe Testament Sofo” (non Porousen Testament Sofo, 167–70) om kopwe anisi noum kewe semirit repwe weweiti ewe “nengita” a feito seni ewe Watten Fansoun Rochopwak me ifa usun a muchuno ren ewe Niwinsefanito. Aporousa fengeni ekkoch popun ka kinisou pwe ewe Sampon a eniwini sefani An kapas allim non ach ei fansoun.

2:52
After the New Testament

Jonah 1–3

Ewe Samon epwe anisiei ne aneasochisi I, pwan mwo nupwen mi weires.

Om kopwe anisi noum kewe semirit ar repwe kaeo ewe porousen Jonah, ka tongeni atona sefani “Jonah ewe Soufos” non Porousen Testamenin Noom; nengeni pwan peichen urumotun non ei wiik. Mwirin ka tongeni eis:
- Met a fis nupwen Jonah ese aneasochisi ewe Samon? (nengeni Jonah 1: 4–17).
- Met Jonah a fori an epwe aier? (nengeni Jonah 1:10–12; 2:1–4, 9; 3:1–4).
- Met a fis nupwen Jonah a aneasochisr? (nengeni Jonah 3:5).
2:30
Jonah the Prophet
Noum kewe semirit ra tongeni pwapwaiti ne aporousa sefani porousen Jonah we ika pwomenau. Aporousa fengeni ekkoch ekkewe mettoch a fis nupwen ewe Samon a mochen kopwe fori och mettoch mi weires me reoml. Ifa usun I a anisuk om kopwe aneasochisi I?

Jonah 1–4

Ewe Samon mi umoumoch ngeni meinisin me kun ngeni I.

Menin noun kewe semirit ra tongeni etitipen ita interfiuni Jonah usun met we a fis ngeni. Met kapaseis repwe eisini i? Peser ar repwe eis kapaseis ne kutta met Jonah a kaeo usun ewe Samon. Met ita Jonah epwe apasa, ren awewe, usun an ewe Samon umoumoch? (nengeni, ren awewe, Jonah 2:7–10; 3:10; 4:2).

Jises a assongei emon mwan mi ururutiw seni ewe osun ewe imw — Christ and the Palsied Man, seni J. Kirk Richards

Anisi noum kewe semirit repwe ekieki usun ekkoch awewe nupwen ewe Chon Amanau a pwario umoumoch ngeni ekkcoh, usun ren Mark 2:3–12; Luke 23:33–34; me John 8:1–11. En me noum kewe semirit oua tongeni kutta ekkoch sasingin ekkei awewe. Met kewe tufich mi wor rech ach sipwe umoumoch ngeni ekkoch?

Ren pwan ekkoch, nengeni puken non ei maram ren ewe Friend magazine.

Jonah a katuruu seni efoch mwota ngeni non ewe sat, ikewe ewe engunuwen emon watten ik mi ekis pwa — Jonah and the Whale, seni Kevin Carden

Peichen urumot noun Kinter: Ewe Samon epwe anisiei ne aneasochisi I, pwan mwo nupwen mi weires — Jonah and the Whale, seni Kevin Carden