Daniel 1–7

Non eu napanap, kich meinisin sia nom non Babylon Sia soun mesengeni sossot an epwe aosukosuka ach nongonong me kunnuno seni nuku non Kraist. Nupwen ka anneani Daniel 1, 3, and 6, esinna ekkewe napanap non minne Daniel, Shadrach, Meshach, me Abed-nego ra echimw ar repwe fori mettoch ir mi sinei pwe mi muan. Ifa usun ra ponuweni ekkei nikinik? (nengeni Daniel 1:10–13; 3:15–18; 6:10). Met kewe pungunon ar nuku? Met ka kaeo seni ekkei mettoch mi fis minne a tongeni anisuk om kopwe epinukunuk non ewe Samon nupwen ka mesengeni apponu? Pwan ekieki usun ekkei kapaseis:

• Inet ka mefi echimw om kopwe fori och mettoch en mi sinei pwe mi muan? Ifa usun ewe Samon a efeiochuk ren om aneasochisi An annuk?

• Met ika om nuku ese emwen ngeni ekkewe manaman ka kutta? (nengeni Alma 14:8–13). Anongonong won met ke anneani non Daniel 3:13–18, ifa usun ka ekieki Shadrach, Meshach, me Abed-nego repwe ponuweni ei kapaseis? Ifa usun ar nenien appiru a siwini usun om ungeni om sossot?

• Ifa usun om wenecharen finata a tongeni emweni ekkoch ngeni watten nuku non ewe Samon? (nengeni Daniel 2:47; 3:28–29). Ekipwichi ekkewe pungun om finata epwe efisi won ekkoch.

Nengeni pwan Dieter F. Uchtdorf, “Ousap Nuokus, Oupwe Chok Nuku,” Liahona, Nov. 2015, 76–79.

Seni pwarata, Daniel a kuna an Nebuchadnezzar we tan a osini usun muun fonufan non fansoun mwan, me pwan fansoun mwan ewe muun Kot minne “esap tongeni tano” (Daniel 2:44). “Ewe Mwichefen ina ewe muun fansoun soponon a osini usun, “Elter D. Todd Christofferson a aitikikch, “ese for seni mwan nge a fisita me ren ewe Koten nang me a sokopenino mwan usun efou fau a ‘ammokuu seni ewe chuk me nukun pau’ an epwe ourano ewe fonufan” (“Why the Church,” Liahona, Nov. 2015, 111). Ekieki usun an Kot muu non fansoun soponon nupwen ka anneani ekkewe awewen ewe fau non Daniel 2:34–35, 44–45. Met wisom we non om anisi ei osini epwe pwonuta?

Nengeni pwan “Hark, All Ye Nations!,” Hymns, no. 264; “God Gave Them Knowledge” (fitio), ChurchofJesusChrist.org.

13:49

Nupwen ka atona sefani Daniel 2:1–15, ekieki ifa usun kopwe mefi ika ke kunok pwisin non nenien Daniel we. Met Daniel e fori? (nengeni Daniel 2:16–18). Met ka tongeni kaeo seni Daniel 1:17 ren ifa usun Kot a amonnata Daniel? Met ka tongeni kaeo seni an Daniel kewe kapas me foffor mwirin an angei an ewe Samon aninis? (nengeni Daniel 2:19–30).

Fansoun an ewe Chon Amanau angangen afanafan won fonufan, chommong chon Jew ra ekieki ewe itenap “Noun aramas” seni Daniel 7:3 pwe a wewe ngeni ewe wareton Messiah. Met ka kaeo usun ewe Messiah seni Daniel 7:13–14? (nengeni pwan Moses 6:57).

Ewe Chon Amanau a kan soun awewe ngeni pwisin i usun “ewe Noun aramas.” Ekieki om kopwe atona sefani ekkoch awewe: Matthew 25:31; Mark 9:31; 10:45. Met I a afanafana usun Pwisin I non ekkei ekkei uwokisin? Non Mark 14:61–64, Jises a aea ei itenap non ewe omuchunon ranin manauan won fonufan. Esinna ewe ponuwan seni ekkewe aramas ir mi rong An esinesin. Ifa usun an Daniel osini usun ewe noun Aramas a siwini om memmef usun met a fis ngeni I non Mark 15?

Usun chok Jises mi koput ren an esinei pwe I ewe “Noun aramas,” ka pwan tongeni mesengeni eriaffou ren om esinei ewe ennet. Anonno fengeni ewe osini non Daniel 7:13–14 ngeni ekkewe pwon non Doctrine and Covenants 121:29, 46.

Nengeni pwan Doctrine and Covenants 49:6; Emwen ngeni ekkewe Pukefel, “Son of Man,” Gospel Library.

• Om kopwe anisi noum kewe semirit repwe kaeo seni ekkewe amwararen porous non ewe puken Daniel, ka tongeni kutta sasingin ekkewe mettoch non Daniel 1, 3, me 6 (nengeni peichen urumotun non ei wik ika ewe Gospel Art Book, nos. 23, 25, 26). Mwirin ka tongeni achappatiw ekkewe sasing me tingorei emon semirit epwe sukata eu me porous usun ewe tutunap a tupuni. (Ren aninis, nengeni “Daniel me Chienan kewe,” “Shadrach, Meshach, me Abed-nego,” me “Daniel me ewe Nenien Naion” non Porousen Testamenin Noom, 154–56, 160–62, 163–65.)

  

  1:39

  

  1:39

  

  1:45

• Anisi noum kewe semirit repwe ekieki usun nikinik nupwen ra kuna echimw ar repwe fori eu finta mi muan, usun Daniel me chienan kewe non Daniel 1, 3, and 6. Aporousa fengeni ifa usun oua fen feioch ren ami finata mi pung pwan mwo nupwen mi weires. Ka pwan tongeni konu echo kon mi wewe ngeni ei itenap, usun ren“Fori mi Pung” (Kon mi fen, no. 32).

• Anneani ewe porous usun Daniel me chienan kewe ar rese etiwa ochan ewe king we futuk me wain meni epwe pesei eu aporous usun ewe annukun tumunun inis Samach won Nang a ngeni kich ikenai (nengeni Doctrine and Covenants 89). Menin ka tongeni kutta ekkewe feioch Daniel me chienan kewe ra angei me anonno fengenir ngeni ekkewe feioch mi pwonetiw me non ewe Kapasen Emirit (nengeni Daniel 1:15–17 me Doctrine and Covenants 89:18–21).

• Nupwen ka anneani Daniel 2:31–35, 44–45 ngeni noum kewe semirit, ka tongeni tingorer repwe chungani echo sasingin an Nebuchadnezzar we tan. Anisir repwe weweiti ewe foun fau non ewe tan a weweiti Ewe Mwichefenin Jises Kraist ren Aramas mi Pin non Fansoun Soponon. Met sia kaeo usun ewe Mwichefen seni ei tan? Noum kewe semirit ra tongeni eita ekkoch mettoch Samach won Nang a fori ne forata An Mwichefen non ekkewe fansoun soponon. Ika a namot ngenir aninis, ka tongeni pwar ngenir ekkoch sasingin mettoch mi fis seni ewe Niwinsefaniton ewe Mwichefen (nengeni Gospel Art Book, nampa 90–95).

• Pwata ach iotek ngeni Samach won Nang a fokkun auchea ngeni Daniel? Menin en me noum kewe semirit oua tongeni kapas usun ena kapaseis nupwen oua anneani Daniel 6 fengen. Mwirin oua tongeni aporousa fengeni pwata iotek mi auchea ngeni kemi. Noum kewe semirit ra tongeni pwapwaiti ne chungani pwisin ir ar iotek non sokopaten nikinik. Ra tongeni aea ar kewe chunga ne aiti fengenir pwe sia tongeni iotek ngeni Samach won Nang ese nifinifin ian sia nom ia ika met a namot ngeni kich.