Hosea 1–6; 10–14; Joel

Punuwen Hosea we, Gomer, ese nukuchar ngeni i, me Kot a itinieu ei enetipengawen mettoch an epwe osukuna ekkewe Chon Israel ifa usun I a mefi usun me ar pwon mi pin ren I. Nupwen ka anneani Hosea 1–3, ekipwichi ifa usun ewe Samon a nenengeni Nefinan ngeni Noun kewe aramas pwon. Ifa usun ach fori eu pwon mi pin ren ewe Samon a usun ach tonong non eu apupunu? Ifa usun ach tur nge apwonueta pwon mi pin a usun ah sise nukuchar ngeni emon punuwach? (nengeni Hosea 2:5–7, 13). Met Hosea 2:14–23 a aituk usun an ewe Samon tong me umoumoch? Ifa ussun om pwar ngeni I usun om tong me nukuchar?

Non Hosea, kutta ekkewe chommong ningochun pwon ewe Samon a fori ngeni ekkewe ra niwin ngeni I. Met wewen ewe kapas “fangafangoch ne tonger” me reom? (Uwokisinuwokisin 4). Met ewe kapasen ewe ira non uwokisin 5–8 ra aituk usun an ewe Samon efeioch, mi pachenong ekkewe efeiochun aier? Ren pekin om kaeo, ekieki om kopwe kaeo ika ausening ngeni echo kon usun an ewe Samon umoumoch, usun ren “Come unto Jises”” (Kon mi fen, nampa 117).

Ekkewe aramas non fansoun Hosea we ra asorata asoren man, nge ra atai ekkewe annuk mi kon auchea. Met ka ekieki pwe wewen pwe ewe Samon a “mochen umoumoch, nge esap asor; me ewe miriten Kot nap seni asoren kek”? (Hosea 6:6). Met ka ekieki pwe wewen ren wenechar an epwe usun eu kuchu ika usun amworenipwin? (nengeni Hosea 6:4). Met ach wenechar epwe usun nikinikin? (nengeni Isaiah 48:18; 1 Nifai 2:9–10).

Ka pwan tongeni anneani Matthew 9:10–13; 12:1–8 om kopwe kuna ifa usun ewe Chon Amanau a aea Hosea 6:6 fansoun an angangen afanafan. Ifa usun ekkei uwokisin ra anisuk om kopwe weweiti an Hosea kewe kapas?

Nupwen om anneani Joel 2:12–13, epwe aninisoch ne sinei pwe eimufeseni ika kamwei ufen emon a eu esisinen pwarano usun netipeta ika niemam. Ifa usun ach eimufeseni netipach a sokkono seni ach eimufeseni ufach?

Met nonno fengen ka kuna nefinen ach fansoun me ewe fansoun Joel a osini? (nengeni akkaewin Joel 2:1–2, 11, 18–32). Met a eingok usun ekkewe feioch ewe Samon a pwonei me non uwokisin 18–32? Pwata ita ekkei feioch repwe wesen auchea ikenai?

Menin epwe murino ne anneani met Moronai a apasa usun Joel 2 nupwen a churi Joseph Smith non 1821 (nengeni Joseph Smith—History 1:41). Ifa usun ka mefi ekkewe osini non Joel 2:28–32 ra pwonuta non ach fansoun? (nengeni pwan Foffor 2:1–21). Met ka ekieki pwe wewen pwe ewe Samon epwe “ninatiw [Ngunun] won meinisin aion”? (Joel 2:28).

Menin kopwe ekipwichi ekkei kapas seni Preseten Russsell M. Nelson: “Non ekkewe ran repwap feito, esap tufich ach sipwe manau non pekin ngun ika sise angei emwen, kinamwe, me pwarata seni ewe Ngun mi Fel fansoun meinisin” (“Pwarata fen iten ewe Mwichefen, Pwarta fan iten Manauach,” Liahona, May 2018, 96). Pwata a kon auchea pwarata ngeni manauen ngunuch?

Met ka tongeni fori ika ka mefi pwe kose angei ena chommong mettoch? Ikkei ekkoch awewe ra tongeni anisuk. Met ekkewe aramas non ekkei uwokisin ra fori ar repwe angei eu unuseu seni Ngunun ewe Samon?

• Mosaia 4:1–3, 19–20; 18:7–11

• Ilaman 6:34–36

• Doctrine and Covenants 19:37–41

Nupwen ka anneni ekkei kapas seni Elter David A. Bednar, ekipwichi met wewen ngonuk om kopwe mefi an ounusau ewe Ngun mi Fel non manauom iteiten ran:

“Fan chommong sia pwisin aweiresi kich ach sipwe angei pwisin ach pwarata. Ren ena ua kapas usun pwonen pwon mi pin pwe nupwen sia asufonu ach pwon mi pin, ewe Ngun mi Fel epwe nom rech fansoun meinisin an epwe chiechiach fansoun meinisn. Nge sia kapas usun me sia ekieki usun ita sia rong mongungun ewe Samon seni Ngunun we ina och mettoch ese kon fifis. … [Ewe Ngun] ita epwe nonnom rech fansoun meinisin. Esap ekis me ekis seken, nge ika emon aramas a fofforoch—ese namot kopwe unusoch—nge ika en me ngang sia fori ach tongeni me sise fori watten tipis, iwe sia tongeni anongonong won ewe Ngun mi Fel an epwe emweni kich. …

“… Usun sia nuku pwe ewe Ngun mi Fel mi kan weiweita me watten me mwitir, nupwen mi mosonoson me kukkun me napeno ekis me ekis non nakatamen fansoun” (“Elder David A. Bednar Discussion” [evening nekunion ren emon Meinap Unus, Feb. 7, 2020], broadcasts.ChurchofJesusChrist.org).

Nengnei pwan Gary E. Stevenson, “Amemefin ewe Ngun,” Liahona, Nov. 2023, 42–45; “Nenien Chou Koum” (fitio), Gospel Library.

3:38

• Non ewe puken Hosea, ewe Samon a anonno feneni An kewe pwon mi pin ngeni Noun aramas ngeni eu apupunu. Om kopwe kaeo seni ei anonno fengen, en me noum kewe semirit oua tongeni nenengeni echo sasingin emon fopun me anuon chon apupunu me porous ren ifa usun Samach won Nang a mochen emon mwan pupununu me emon fefin pupunu repwe tumunufengenir. Anisi noum kewe semirit repwe kutta ekkoch kapas non Hosea 2:19–20 ekkewe mi anapanapa ifa usun ewe Samon a mefi usuch. Ifa usun sia tongeni pwar ngeni ewe Samon pwe kich mi tongei I me sipwe nukuchar ngeni I?

• Hosea 10:12 a wewe ngeni fotuki, kini, fansoun, me pungun ran an epwe etiwa kich sipwe kutta ewe Samon. Nupwen ka anneani ei uwokisin, met angangochun ekiek a tonong non om ekiek ewe mi tongeni pesei ekkewe semirit ar repwe kutta I? Ren awewe, menin noum kewe semirit ra tongeni chungani eu kunok me makketiw ekkewe napanap ra tongeni kutta ewe Samon non sokofesenin fansoun non unusen ewe ran. Echo kon usun “Anytime, Anywhere” (Gospel Library) a tongeni anisuk om kopwe osukuna pwe mi och iteiten fansoun om kopwe kutta ewe Samon.

• Ika noum kewe semirit ra tongeni mecheresin foffor mi fiti ngeni ewe uwokisin, usun ren ar etitipen fot foun ira, kinikin iran mwongo, ika uta fan pungun ran. Anisi noum kewe semirit repwe anonno fengeni efou foun ira me ach kinikin mwongo mi och ar repwe manau tupwon me angei an ewe Samon efeioch. Mwirin oua tongeni kapas fengen iusun ekkewe ekkoch efeioch ewe Samon a apungatiw womi nupwen oua sossot ne kutta I.

• Om kopwe apochokuna ewe ennet non Hosea 13:4 pwe ese wor Chon Amanau tiwenon chok Jises Kraist, ka tongeni pwar ngeni noum kewe semirit sasingin ekkoch aramas, mi pachenong Jises. Noum kewe semirit ra tongeni ekkesiwin ne itini ewe aramas mi wor ren ewe manaman an epwe angasa kich seni tipis me mano. Aporousa om kapasen pwarata usun Jises Kraist me An Achasefan.

• Noum kewe semirit ra tongeni kut foun kapas non Hosea 13:4, 14 mi anapanapa Jises Kraist. Met ekkei kapas ra aiti kich usun I? Ekieki om kopwe anisi noum kewe semirit repwe aea ewe Emwen ngeni ekkewe Pukefel ar repwe kutta ekkoch uwokisin mi aiti kich pwe Jises i ach Chon Amanau me Chon Angasano. Aporousa fengeni ifa usun ami mefi usun Jises Kraist.

• Menin ka tongeni anisi noum kewe semirit repwe weweiti Joel 2:28–29 ren om mut ngenir repwe ninatiw och konik me mwirin ka asokofeseni seni eu nich ika och suputiw. Ita met wewen ren ewe Ngun an epwe “unuseu” woch?

• Nupwen ka anneani Joel 2:28–29 fengen, ka tongeni tingorei noum kewe semirit repwe wanong iter kewe ne siwini ekkewe kapas “noum at” me “noum nengin.” Om kopwe anisir repwe nenengeni uwokisin usun John 14:16; Moronai 10:5; Doctrine and Covenants 42:17 ar repwe kutta ifa usun ewe Ngun a tongeni anisir.