Ezekiel 1–3; 33–34; 36–37; 47

Non Ezekiel 3 me 34, ewe Samon awewe ngeni ekkewe sou emwenin Noun aramas usun chon mas me chon tumunu siip. Nupwen ka anneani ekkei sopwun, ekieki met ekkei itenap ra apasa usun met wewen emon sou emwen.

Ion kewe “siip” ewe Samon a mochen kopwe amwongonir? Met ka kuna non Ezekiel 34 mi tongeni anisi emon ne monneta ne anganga eu misin, amari semirit, ika apwonueta eu wisen afanafan? Ifa usun om kopwe tongeni appiru an ewe Chon Amanau nenien appiru usun emon chon masen siip? (nengeni uwokisin 11–31).

Ka pwan tongeni ekipwichi ewe esisin ka kuna me non ei sopwun. Met ita ewe “maneman mi och” me “mwicheich mi och” ra tupuni non uwokisin 14? Met sokkofesenin nefinen emon siip ewe mi “monucheno” me emon mi “susu fetan”? (uwokisin 16). Met pwan ekkoch esisin ka tongeni kuna?

Nengeni pwan John 21:15–17; Gerrit W. Gong, “Ministering,” Liahona, May 2023, 16–19.

Ika ach … tipis epwe nom woch,” ekkewe chon fotek Chon Israel ra aureki, “iwe ifa usun sipwe manau?” (Ezekiel 33:10). Ren ponuwan, ewe Samon a aitir usun aier me omusomus. Ekkei kapaseis repwe tongeni anisuk ne ekipwichi met A osukuna:

• Met ka ekieki pwe wewen ne “nuku ngeni [om] pwisin wenechar”? Ezekiel 33: 12–13).

• Met kopwe apasa ngeni emon mi mefi pwe ekkewe aramas mi awewetiw non Ezekiel 33:12–19 rese kuna tumun non pungoch? (Nengeni pwan Matthew 21:28–31; Luke 18:9–14).

• Met ka kuna non ekkei uwokisin ir mi tongeni anisuk om kopwe weweiti met wewen ne aier? Met pwan ekkoch weweoch ka kuna non Ezekiel 36:26–27 and Alma 7:14–16?

Ewe ochufengenin Israel a anapanapetiw non Ezekiel 37 seni ru esisin. Nupwen ka anneani usun ewe aewin—chuu mi pwas ra niwin ngeni manau (nengeni uwoskin 1–14)—ekipwichi met a ouroura ngonuk usun ionfengenin Israel won ir me ru ewe pwonupwon (nengeni pwan Ezekiel 36:24–30). Ekieki kapaseis usun ekkei:

• Met ewe Samon a achocho ne awesei seni ewe ioifengenin Israel?

• Ifa usun A apwonueta ei?

Ka tongeni eisinuk pwisin ekkei nonno fengenin kapaseis nupwen ka anneani usun ewe oruwen esisin, non uwokisin 15–28. Ei esisin mi pachenong ruofoch fochun ira, minne chommong mi sinenap ra awewei ngeni usun ru pappen mak mi ochufengen me ren eu inchis. Ewe fochun iran Judah a tongeni tupuni ewe Paipen (pokiten napengeni masowen ewe Paipen a mak me ren mwirimwirin Judah), me ewe fochun iran Joseph a tongeni tupuni ewe Puken Mormon (Pokiten an Liai we famini ir mwirimwirin Joseph seni Egypt). Ren ena non ekiek, met ekkei uwokisin ra aituk usun ewe wisen ekkewe pukefel non ionfengenin Israel?

Ekieki ifa usun ewe Paipen me ewe Puken Mormon ra fen angang fengen non manauom—akkaewin, ar repwe anisuk ne feito ren Kraist. Met porous a wesen akkaewin auchea ngonuk?

Nengeni pwan 2 Nifai 3:11–13; 29:14; “Israel, Israel, God Is Calling,” Kon mi fen, no. 7; Topics and Questions, “Bible,” “Puken Mormon,” Gospel Library; “The Book of Mormon Gathers Scattered Israel” (fitio), Gospel Library.

1:31

Nupwen ka anneani Ezekiel 47:1–12, epwe aninis ne sinei pwe we Dead Sea mi fokkun setiken ik me ira rese tongeni manau me non. Met a eingok usun ekkewe konik mi awewetiw non uwokisin 1–12? (nengeni pwan Pwarata 22:1). Ita met ekkei konik ra esisinata? Met ekkewe ira ra awewei me non uwokisin 12 ra tupuni?

Met an Elter Dale G. Renlund porous “Uruon Famini me Angangen Tempel: Riri Fengen me Chikar” a apachata ngeni om weweiti? (nengeni Liahona, May 2018, 47–48). Ekipwichi ifa usun ka fen kunga manauen ngun me chikar pokiten ewe tempel.

• Noum kewe semirit ra tongeni pwapwaiti ne fori ekkoch foffor mi fitioch ngeni Ezekiel 3:17. Ren awewe, ra tongeni itini meser, seninger, me awer nupwen ka anneani ekkewe kapas “chon mas,” “rong,” me “aw.” Repwe pwan sani are repwe no fetan—nukun ika non ewe chok rum. Nupwen ra fetan, fonor usun ekkewe mettoch won ewe anen fetan, usun ren chonupupu repwe mweteno seni, panen ira repwe pworetiw fan, ika man repwe epinengaw seni (wesan ika etitipan). Ei a tongeni poputani eu aporous ren ifa usun noun ewe Samon soufos ra fonou kich usun feiengaw sise tongeni kuna.

• Iei pwan eu aan ne anapanapa Ezekiel 3:17; 33:1–5. Emon me nein noum kewe semirit a tongeni epwe etitipen emon “chon mas” ren an neneu nukun eu asamwacho me ureni meinisin met a fis nukun. Oua tongeni pwan katon ewe fitio “Watchman on the Tower” (ChurchofJesusChrist.org). Ifa usun nouch soufos mi manau a usun emon chon mas ngeni kich?

  

  4:17

• Mwirin ami anneani Ezekiel 37:15–23 fengen, en me noum kewe semirt oua tongeni kutta ruofoch fochun ira me makkei won efoch Fan iten Judah (Paipen) me won ewe pwan eu Fan iten Joseph (Puken Mormon. Iwe mwirin ka tongeni aporousa porousen non pukefel seni ewe Paipen me ew Puken Mormon minne ra anisuk kopwe arap ngeni ewe Chon Amanau me winiti “[Noun] aramas” (uwokisin 23). Pwata mi och an wor me ru ekkewe puken pukefel?

• Ezekiel 47 a awewei an Ezekiel nemasepwin konik mi puu seni ewe tempel me echikara ewe Dead Sea—eu sat mi fokkun setiken ik me ira rese tongeni manau me non. Menin noum kewe semirit ra tongeni chungani eu ika ru mettoch seni ewe nemasepwi, usun eu tempel, eu chonupupu, eu fonupon, ewe Dead Sea, ekkoch ik, ika efoch ira mi uwa. Mwirin, nupwen oua annea uwokisin 1–12 fengen, ra tongeni pwari ar kewe chunga nupwen oua apasa ena mettoch. Met feioch a feito seni ewe chonupupu me non ei nemasepwi? Anisi ekkewe semirit repwe kkuan ifa usun ekkei feioch ra usun ekkewe feioch ewe Chon Amanau a awora ngeni ekkewe ir mi apwonueta an pwon mi pin. Ewe fitio “And the River Will Grow” (Gospel Library) mi tongeni anisir.

  

  3:43

• Ka pwan tongeni konu eu kon mi awewei usun efeiochun tempel, usun ren “Famini Ir Mi Tongeni Nom Fengen Feinfeino Chok” (Noun Semirit kon mi fel, 188). Met ei kon a aiti kich ren ifa usun ewe Samon a efeiochu kich me non Imwan mi pin?