Kam, Bihainim Mi
Septemba 21–27. “Wanpela Gutpela Wok Stret na Kirap Nogut”: Aisaia 13–14; 22; 24–30; 35

“Septemba 21–27. ‘Wanpela Gutpela Wok Stret na Kirap Nogut ’: Isaiah 13–14; 22; 24–30; 35,” kam, Bihainim mi—Bilong haus na Sios: Olpela Testamen 2026 (2026)

“Septemba 21–27. ‘Wanpela Gutpela Wok Stret na Kirap Nogut” Kam, Bihainim Mi: 2026

God na Jisas Krais i kamap long yanpela Joseph Smith

Sekred Grove,Brent Borup i droim.

Septemba 21–27: “Wanpela Gutpela Wok Stret na Kirap Nogut”

Aisaia 13–14; 22; 24–30; 35

Wanpela samting Bikpela i askim ol propet lo mekim em long tok lukaut long asua bilong nogut pasin. Long ol profet bilong Olpela Testamen, planti taim dispela i minim olsem ol i mas tokim ol lida bilong ol strongpela kindom olsem ol i mas tanim bel. Em i wanpela wok i gat bikpela birua,tasol Isaiah i no pret, na ol tok lukaut bilong em long ol kingdom bilong taim bilong em—na Israel tu, Juda,na ol nesen i stap klostu—em i no pret (lukim Aisaia 13–23).

Tasol, Isaiah i gat tok bilong hop tu. Maski ol bagarap we ol i tokprofet i bin kamap long ol dispela kingdom, Aisaia i bin lukim sans long restorasen na kamap nuipela gen. Bikpela i bai invaitim ol pipol bilong Em long go bek gen long Em. Em bai makim “bus groun … kamap raun wara,na ol drai graun bai kamap hap bilong wara” (Aisaia 35:7). Em bai makim “wanpela gutpela wok stret na kirap nogut” (Aisaia 29:14),givim bek long Israel ol blessin Em i promisim ol. Aisaia na ol narapela man i no stap nau long lukim dispela gutpela wok stret. Tasol yumi i lukim nau. Tru tumas, yumi hap bilong en.

sain bilong stadi

Ol Aidia bilong Lainim long Haus na long Sios

Aisaia 13:1–11, 19–22; 14:1–20

Pasin antap na pasin bilong dispela graun bai lus.

Long taim bilong Isaiah, Babilon i bin wanpela stronpela kingdom wantaim wanpela stronpela lida. Nau Babilon em i stori bilong bipo tru. Bilong wanem na tok bilong Isaiah long Babilon,insait long Aisaia 13–14, em i impotent long yumi tete? Bikos Babilon i makim pasin antap, pasin mangal,pasin nogut,ol samting we i raunim yumi tete. Tingim dispela mak taim yu ridim Aisaia 13:1–11, 19–22; 14:1–20. Yu ken tingim ol askim olsem dispela:

  • Yu lukim wanem ol samting i wankain namel long pasin antap bilong king bilong Babilon na pasin antap bilong Satan? (lukim Aisaia 14:4–20; Moses 4:1–4). Wanem ol tok lukaut yu painim bilong yu yet insait long ol dispela vese?

  • Hau Sevia i givim “malolo long sore, na long poret bilong yu”? Aisaia14:3

Jisas i kirap bek na i kamap long Maria klostu long matmat bilong Em

“Em i winim dai” (Aisaia 25:8).

Aisaia 22:22–23; 24:21–23; 25:6–8; 26:19; 28:16

Jisas Krais em i dispela promis Mesaia.

Ol tisin bilong Aisaia i save planti taim toktok long misin bilong Sevia,we i tok long atonin sakrifais bilong Em, Kirap Bek,na Namba Tu Kam Bek bilong Em. Wanem ol samting bilong wok bilong Em i save kamap long tingting bilong yu taim yu ridim dispela ol vese: Aisaia 22:22–23; 24:21–23; 25:6–8; 26:19; 28:16? Wanem ol narapela hap tok yu painim i mekim yu tingting long Sevia?

Givim sans long ol sumatin long bearim testimoni bilong ol long Jisas Krais. “Long kamap tisa bilong gospel bilong Jisas Krais em i minim yu mas helpim ol narapela long kliagut na dipen long ol tisin bilong Em, ridimin pawa,na trupela lov” (Tisin long Way Bilong Sevia, 8). Wanpela isipela we long mekim dispela olgeta taim yu tisim em long askim wanpela askim olsem “Yu bin painim wanem samting insait long sripksa long dispela wik wei i tisim yu sampela samting long Sevia?” Na larem ol sumatin i serim eskperiense bilong ol na strongim feit bilong ol yet.

Aisaia 24:1–12; 28:1–8; 29:7–13; 30:8–14

Pasin bilong tanim beksait long Bikpela i save kisim kam hevi long sait bilong Spirit.

Long marimari bilong Em,Bikpela i salim Isaiah long tokim lukaut long ol kavanen pipol olsem ol i wok long go longwe long Em. Lukim sapos yu inap long painim ol dispela tok lukaut sain bilong spirit insait long Aisaia 24:5; 29:13; 30:8–12. Bilong wanemdispela pasin na eksen i nogut stret long sait bilong spirit?

Long tok lukaut long ol asua we bai kamap sapos man i givim beksait long Bikpela, Aisaia i bin yusim sampela gutpela ol toktok long skelim. Taim yu stadim ol, askim yu yet hau givim beksait go long Bikpela i olsem wanem:

  • Sore, empti graun (Asaia 24:1–12).

  • Pasin bilong Spak (Aisaia 28:7–8).

  • Hangre na nek drai (Aisaia 29:7–10).

  • Banis o kontena i bruk (Aisaia 30:13–14).

Bilong wanem na i impotent long stap klostu long Bikpela?

Aisaia 29; 30:18–26; 35

sain bilong seminari
Bikpela i ken stretim bek wanem samting i lus o bruk.

Yu i bin lusim sampela samting we yu tingim olsem yu bai i no inap painim gen? O sampela samting i bin bruk,na yu wari olsem i bai hat long stretim gen. Taim yumi givim beksait long Bikpela,Satan i laikim bai yumi tingim olsem em i hat tru long kam bek gen o lon kamap orait gen. Tasol, Asaia i bin toktok long sampela gutpela samting Bikpela bai mekim long helpim yumi long kam bek gen long Em. Yu lainim wanem samting long Aisaia 29:13–24; 30:18–26; 35 long Bikpela,lov bilong Em,na pawa bilong Em? Ating yu painim wanpela toktok insait long dispela hap tok we bai givim yu hop taim yu laikim long kamap orait. Yu ken lukim tu toktok bilong Sister Amy A. Wright’s “Krais i Oraitim Ol Samting i Bruk” (Liahona, Me 2022, 81–84).

Wanpela we Bikpela i save soim pawa na marimari bilong Em i long rot bilong bringim Gospel bilong Em i kam bek. Aisaia 29 i gat sampela hap toktok i wankain olsem ol samting i bin kamap long taim bilong Restoresen. Long Eksampel:

  • Skelim Aisaia 29:11–12 wantaim 2 Nifai 27:6–26 and Joseph Smith—Histori 1:63–65.

  • Skelim Aisaia 29:13–14 wantaim Doktrin na ol Kavanen 4 na Joseph Smith—Histori 1:17–19.

  • Skelim Aisaia 29:18–24 wantaim taitel pes bilong Buk Momon.

Long tingting bilong yu, bilong wanem na “gutpela stret” na “kirap nogut ” (Aisaia 29:14) em ol gutpela ol tok long tok klia olsem Bikpela i bin givim bek gospel bilong Em? Hau bai yu helpim long inapim ol tok profet bilong Restorasen? Long ol aidia,lukim toktok bilong Elder Gerrit W. Gong “Olgeta Nesen, ol Pipol na Tok Ples” (Liahona, Nov. 2020, 38–41).

Lukim tu “Restoraesen bilong of the Fulnes bilong of the Gospel bilong Jisas Krais: Wanpela Bicentennial Proklamesen i go long Wol” (Gospel Laiberari); “Monin i Bruk,” ol Hymn, no 1.

Long moa aidia, lukim isu bilong dispela mun Liahona na Long Strongim ol Yut ol megazin.

sain bilong seksen bilong ol pikinini

Ol Aidia bilong Tisim ol Pikinini

Aisaia 14: 3; 25: 8–9; 28: 16

Jisas Krais i ken sevim mi long pasin nogut na dai.

  • Hau bai yu halivim ol pikinini bilong yu long lukim Sevia insait long wanem samting Aisaia i bin raitim? Yu ken helpim ol long painim ol hap toktok we i makim ol tingting Em insait long Aisaia 14:3; 25:8; 28:16. Ol i ken matchim dispela ol vese bilong Isaiah wantaim ol narapela vese we i tisim long Sevia,kain olsem Matyu 11:28–30; 1 Korinthians 15:53–57; Helaman 5:12. Wanem sampela ol bikpela samting Bikpela i bin mekim long yumi?

  • Bihain long ridim Aisaia 25:8–9 wantaim,yu ken lukim ol piksa bilong Sevia insait long Getsemeni, antap long diwai kros,na bihain long kirap bek bilong Em. Larim ol pikinini bilong yu toktok long wanem samting i wok long kamap insait long ol piksa na bilong wanem ol i lovim Jisas na “aamamas long salvesen bilong Em” (vese 9).

  • Yu i ken tokim ol pikinini bilong yu long sore yu pilim taim wanpela man o meri yu lovim i dai na go. Tokaut long bel isi yu kisim bikos long Jisas Krais. Ating ol pikinini bilong yu i droim wanpela krai pes na bihain rausim ai wari taim yu ridim Aisaia 25:8 wantaim.

Jisas insait long Getsemeni

Laik Bilong Yu Mas Kamap,Ken Spencer i droim

Aisaia 25:4–6

Jisas i givim “ples long hait long taim bilong bikpela win na ren.”

  • Yu na pikinini bilong yu i bin ekspiriensim ol blesing bilong gutpela seif ples long hait long taim bilong bikpela win na ren o long taim bilong stronpela sun? O yu bin amamas taim yu bing kaikai wanpela gutpela kaikai taim yu bin hangre? Toktok long ol dispela eskpiriens taim yu ridim Aisaia 25:4–6. Hau Jisas em olsem ol dispela samting?

Aisaia 29:11–18, 24

Restoresen bilong Gospel em i wanpela “gutpela wok stret.”

  • Taim yu na pikinini bilong yu ridim Aisaia 29:14, serim wantaim ol narapela ol wod i gat wankain minim olsem long“gutpela stret” na “kirap nogut.” Larim ol helpim yu long panim ol objek o piksa we i makim sampela gutpela wok stret bilong Bikpela long ol dispela las de. Dispela ol samting i ken gat wanpela kopi bilong Buk bilong Momon, piksa bilong wanpela tempel,o piksa bilong Fespela Visen (i gat wanpela long stat bilong dispela autlain). Ol pikinini i ken soisim wanpela samting na serim bilong wanem em i gutpela stret long ol.

  • Singsing bilong Restoresen bilong gospel i bai go gut wantaim Aisaia 29, kain olsem “Long Wanpela Golden Springtaim” (Singsingbuk bilong ol Pikinini, 88). Na ating wanpela ekspiriens bilong ol yet i ken helpim ol pikinini long kliagut long minin bilong restoresen . Long eksampel, yu na pikinini bilong yu ken toktok long samting we yu bin lusim na hau yu bin painim. Halivim ol pikinini bilong yu long skelim dispela i go long Restoresen bilong gospel. Long Aisaia 29:13–15, bilong wanem na yumi nidim Restoresen? Wanem ol gutpela wok stret Bikpela i wok long mekim long restorim gospel bilong Em? (lukim dispela wik ektiviti pes).

Long moa aidia, lukim isu bilong dispela mun bilong Pren megazin.

Jisas antap long diwai kros

Krisifikesen,Carl Heinrich Bloch i droim, long Frederiksborg Museum bilong Nesenel Histori

Primari ektiviti pes: Restoresen bilong gospel em i wanpela “gutpela wok stret”